福臨門 (金利豐國際中心)

营业中

休息中

今個星期又去飲茶，叫咗5款點心。鮮蝦腐皮卷，皮脆蝦肉彈餡料豐富。臘腸卷，軟熟皮包住多汁臘腸。牛肉腸粉，又薄又滑的腸粉皮包住足料的牛肉。XO醬鳳爪醬汁味道及濃稠度剛剛好。粉粿，餡料滿滿，伙記主動俾碟潮式辣椒油點嚟食，十分惹味。總括嚟講呢幾款點心都好有水準。比較起上星期去咗中環士丹利街的老牌茶樓，這裡雖然相對比較貴，但食物及服務都優勝，就算是茶都比較好飲，這裡的鐵觀音有回甘香味，中環的老牌樓收$42位茶同是鐵觀音，無茶味。伙記們都十分有禮貌，招呼到位。枱與枱的距離不太近，絕對唔會感覺迫刧。

今日真係好開心 大年初四約埋親戚一齊去試吓呢間福臨門 之前我Tony哥去開灣仔果間 因我跑馬地過灣仔揸桇麥拿倫都5洗10分鐘就到 今次去開九龍灣就直接去呢間食飯因為仲放緊假所以walk in大把位仲包12人房 我地叫咗好多野食 我Tony哥持別介紹乳豬全體$1900 超級好食 蜜汁叉燒又係一絕 我會登相比各位食神試吓 食到9:30差唔多客人走哂 我都拎張AE黑咭埋單！今晚超抵食 只係$12828 十分好意頭

換了老闆, 將尖沙咀的分店搬去九龍灣, 這所謂的新中央商業區, 福臨門這老字號, 在經過風風雨雨之後重新出發. 新店裝修相對簡單, 中央飯廳環境開揚, 空間感也夠, 侍應同事手腳勤快, 不是最醒目的但也夠專注食客的需要.沒有點到山珍海味, 純粹想品嚐其手工菜, 特別是肉餅, 陳皮牛肉餅依然是我吃過其中一間最難忘的, 肉粒和脂粒分布平均, 吃起來口感順滑, 肉汁, 豉汁和陳皮結合, 甘香鮮甜, 依然出色.雲腿炒乳鴿甫的乳鴿味道香濃, 快炒保持肉質爽口而沒纖維感, 簡單的薑蔥調味, 再加上雲腿鹹香, 材料不多但味道層次同樣豐富, 比起炸乳鴿, 要起肉去骨的菜更為複雜.生炒糯米飯黏度夠而外表有脆度, 就是冬菇, 臘味粒和蔥段, 味道主要來自豉油, 比起蒸荷葉飯更乾爽, 而且份量出奇地多, 基本上只吃這道也夠飽. 最後附送的甜品, 薩琪瑪相當𠕇誠意, 外脆內裏口感綿密, 簡單的松子仁和蜜糖的味道, 結合起來也代表着新的不會差得過舊的.

Fook Lam Moon is a renowned Cantonese restaurant situated in Kowloon Bay, Kowloon. With its elegant setting and impeccable service, Fook Lam Moon is a favorite among locals and international diners alike. The menu showcases authentic Cantonese cuisine with a focus on premium ingredients and traditional cooking techniques. From succulent roasted meats to delicate seafood dishes and flavorful stir-fries, each dish at Fook Lam Moon is prepared to perfection. The restaurant's commitment to quality i

希望這個不會成為一個系列啦！今次繼續感謝我另一班下屬早前的努力。餐廳他們選，我來到只是食、影相和埋單，鍾意食咩任佢哋叫。一行六人，同事們都好唔客氣，係 friends 班底才不芥蒂嘛！他們揀咗去「福臨門」(金利豐國際中心分店)。回想我對上一次去「福臨門」，是到灣仔這米芝蓮傳奇名人富豪飯堂，印象中最好吃是燒味和乳豬。可惜那次沒有寫 blog 及影相，作個記錄呢。今次「金利豐國際中心」分店，裝修華麗大氣，與灣仔舊店傳統感覺很不一樣。我沒考究是否由同一集團管理各分店，不過水準的確有差別，不論服務及食物質素。吃後感覺是部份菜式好味到上天，部份又普通到一個點，落差甚大。長話短說，好味到癲的仍是燒味及一系列炸物；其餘一般中午飲茶蒸點心之類，除了有「蝦」的之外都甚一般，價錢卻是高級酒樓的消費。所以今次反高潮先來個小總結，若來的話建議可盡量挑選做得好，避開普通的，會吃得一條龍「開心盡興」，同埋當然要看你的 budget 和喜好啦 XD今次叫的份量，同事們都蠻凶狠的，平時吃午飯又不見得他們吃這麼多 XD涼菜「手拍青瓜」HK$120從來覺得這菜的重點是「拍」，將青瓜拍爛了，再用蒜蓉、麻油等調味，青瓜才會入

一提起福臨門 不少人也聯想到昂貴飯堂平時閑日的常客離不開福記 好多時侯都係因為親切的服務態度和選擇廚房的食材的用心招牌菜的炸子雞🐔也是非常惹味香口 外脆內嫩 擔擔雞汁再沾上另外配的醬油 送飯一流另外招牌之一的叉燒 選用了黑毛豬🐖 同樣上碟的時候 叉燒本身也燒到立立玲 也是外皮香脆 令人回味無窮♾️️ 點心方面 牛肉球也是相當出色 平時去飲菜 一般的牛肉球呈現的奶紅色 在福記永遠只有啡紅色 選用的新鮮牛非冷藏 非常值得一試 另外點心之一叉燒包 也是非常值得我們一試 皮薄涵靚 和其他酒樓點的叉燒包 非常不一樣 尤其在於福記的麵包皮適當的厚度 令人吃下去還有胃口食其他野 麵包皮也是有淡淡的奶香甜味 甜品令人覺得impressive 的就是 蘋葉果和紅豆沙🫘 聽落好似菜色方面很普通 但愈普通愈難做得出色 蘋葉果非常有咬口 軟糯香甜 和紅豆交融在一起 雙重感覺 陳皮紅豆沙 香濃帶出陳皮香 又傳統又好食😋

搬遷之後第一次來，新裝修華麗大氣，跟以前老舊的裝修完全不同！現在福臨門的缺點只剩點心質數及價錢了（笑）❤️😋 片皮鴨二食（預訂） 🌕🌕🌕🌕🌕燒得超級漂亮！在我們試過這麼多間餐廳來說，這家是燒得最好的！皮脆、肉嫩，肉是9成熟，所以絕對不會太乾柴，切片的刀工也很不錯！這家的青瓜完全沒有「阿嬤」味，而且麼麼也很厚甜彈牙，京蔥亦十分新鮮香脆。二食的鴨鬆我們一向不喜歡，不過餐廳已經盡力了，只是稍微過鹹。這次的清蒸老鼠斑蒸出來是「沙皮」，店員告知我們並讓我們試吃一口，「沙皮」只會在海魚上出現，煮熟後才會知道，吃起來特別韌，店員就為我們取消了。😋 蒜片和牛條 🌕🌕🌕🌕🌕雖然餐牌上沒註明，但吃起來是A4的級數，且是3-4成熟，煎得剛剛好，味道也十分不錯！想不到福臨門不僅中菜，連西餐的水平也很高！😋 妙齡乳鴿 🌕🌕🌕🌑🌑 110hkd*2調味不錯，皮脆、肉嫩，不過乳鴿有一股肉臊味。😋 蒜蓉炒菠菜（預訂） 🌕🌕🌕🌕🌗蒜蓉極多、菠菜沒苦澀味、調味不錯，試得出有酒味，可惜菠菜本身的質素不夠好。😋 鳳凰千層糕 🌕🌕🌕🌕🌕 55hkd香甜而軟糯、超級多鹹蛋黃及奶黃。😋 冰花燕窩 🌕🌕🌕🌕🌑比之前的燕窩份量少了一點，

#新正頭 出街食飯，就預咗要俾多少少💰 而一向對lunch無咩要求嘅我，喺返工日子通常都係簡單食碗 #米線 / #沙律 就算。不過難得約齊班同事 #開年 坐埋食飯，當然要對自己好啲啦😉不過喺新年期間搵食原來都唔容易，#開工吉日 公司附近嘅餐廳都book滿哂😏 同事提議不如去 #kic 樓上間 #褔臨門 試吓😎 由公司出發，步行距離差不多要15分鐘😅 一來一回剩低食嘢時間唔多，所以只好嗱嗱臨落單… #草根 嘅我，第一眼比餐牌上嘅價錢嚇咗一跳😅😅 不過一場嚟到，都唔理咁多，填飽個肚先算😆我哋叫咗幾個 #點心，再加咗個 #生炒糯米飯 同 #干燒伊麵 做我哋個 #開年飯 🥳 坦白講佢哋嘅點心唔算特別出色，不過我就真係好鍾意個 #上湯素竹卷，#湯底 好清甜，師傅用 #腐皮 包住 #素菜，剛好將啲 #上湯 索晒入去，簡單單單嘅材料都可以做得非常出色👍🏻 至於個 #蟹籽蒸燒賣、#叉燒包、#咖喱蒸土魷 都同一般酒樓嘅質素差唔多😅 反而 #北菇滑雞鍋 嘅造型就幾特別，師傅將 #鹹蛋黃、#肉丸，同埋 #北菇 放上蒸包上面，外型就好似一個窩咁，而味道就有啲似傳統嘅 #雞包仔，大家如果想搵吓昔日嘅風味，都可

身為九龍灣人，平時想同同事搵個好地方飲茶都難，最近見到金利豐國際中心開咗福臨門，忍唔住即刻去試下，原來仲係soft opening, 試業咗幾日。一入去好靚嘅裝修，同以往尖沙咀店好大分別，環境好舒服。我哋一行四人，叫咗6個點心，服務態度非常好，味道真係不錯，特別係叉燒酥，好有驚喜！人均消費大約280位，宜家仲有新張折扣，飲完茶臨走前，佢哋同事仲好細心帶我哋去參觀唔同VIP房，下次一定再去幫襯！以後一定成為我嘅首選