私伙

营业中

休息中

呢間糖水店真係好隱世🤣位置係比較難搵但係質素比起市區嘅台式甜品高不少🍮食得出每一口都係手工真誠既味道💕加上店主既親切 比起連鎖式機器做嘅糖水多咗一份溫暖🔥⭐️ 糖不甩 🍡口感夠煙韌又唔會死實實👍🏻 今日有傳統 玫瑰同埋朱古力三款口味😍 每款都有各自既配料令配搭更豐富 😋個人比較喜歡原味 花生味濃而不會太甜 🥜帶點絲絲的古早味⛩ 朱古力味甜而不膩同樣十分出色🍫⭐️ 椰汁紫米糕 🥥好似一次過食緊兩種甜品 甜品啱晒貪心嘅我😈椰汁糕texture好滑 有點半融喺口中🍰 而紫米比較Chewy同黏糯💜 調味唔重手甜味好自然😚⭐️ 合桃糊 🌰真材實料淡淡濃郁嘅合桃味🧡 再整到幼滑偏Creamy的口感 看出師傅花了不少心思💕⭐️ 仙草芋圓 🍠芋圓揀咗桃膠同紅豆做配料味道好豐富🤗 彷彿有點夜市的感覺 🇹🇼芋圓口感QQ的不會太實 慢慢滲出天然芋頭味🥔⭐️ 醉雞翼 🐔酒味濃郁但點到即止🥂啱啱好恰到好處 甘香等但唔會太苦太哽喉🥃

屋企附近都冇咩糖水店😢😢早幾日去左寶琳行街，朋友就同我推介左呢間糖水店～～佢地既糖水都係全自家製🧑🏻‍🍳🧑🏻‍🍳雖然小店環境不大，主要都係做外賣生意🥡，但糖水既選擇都好多！我就買左幾款返屋企試試😋😋🥣仙草芋圓 $28✨佢地既仙草芋圓可以自選配料同糖水～我就揀左紅豆同芋泥，糖水就揀左黑糖❤️❤️芋圓五顏六色，咬落好煙韌！仙草滑捋捋，一齊食好夾！！加埋紅豆同芋泥一齊食，味道更加正宗🇹🇼🇹🇼整體又唔會太甜，十分消暑👍🏻👍🏻🍰Vanilla Cheesecake $42✨呢個芝士蛋糕唔係日日有，咁啱見到有賣當然要試下🤩🤩首先賣相好靚！食落好香芝士味，口感creamy～～面頭既cream都好幼滑，酸酸甜甜好開胃🤤🤤聽聞呢款蛋糕好搶手，大家想食記得留意返佢地IG啦～～🥥椰汁糕 $40✨椰汁糕比我想像中滑身，有種食緊豆腐花既感覺～～食落有好香既椰汁味！裡面仲有流心紫米，口感豐富😍😍份量都好多，幾抵食👍🏻👍🏻

天氣太熱， 成日食雪糕🍦都唔係真正可以消暑既方法🥵， 行行下見到間細細既糖水舖， 門面好有日本風😙， 之後就入去試下。 原本只係想買個芋圓試下， 點知就停唔到😋精心推介1 - 芒果流心西米露奶凍皇上一直都喜愛食芒草同西米露， 雖然外表同一般奶凍好似無分別（側面亦都睇唔出😏）， 當食既時候， 內裏的芒果蓉就慢慢流出， 應該係將芒果打蓉， 再注入奶凍中🤩，清淡之餘又不失流出芒果的鮮甜味特別推介-珍珠鐵觀音奶凍珍珠奶茶都試得多， 變成奶凍都係第一次😍，珍珠有咬口， 唔會太硬， 份量亦唔會太多而飽， 茶味淡淡的，奶凍隨着珍珠落下而釋放出黎😌😌，甜度亦只有奶中的甜。 有得選擇唔同甜的芋圓外表與一般的芋圓差唔多， 但特別之處係有得比你選擇不同的甜度（最濃至最清-黑糖， 玫瑰， 龍眼， 桂花）。 我今次試了桂花😋， 芋圓粉圓本身味淡， 清清的桂花放入芋圓中， 其實好match . 我都食到的雞腎🤣我一向都食唔到辣， 但皇上又喜歡食， 結果我就愉愉地試左一件。嘩^o^， 我返唔到轉頭， 爽爽的雞腎， 加上少少麻辣， 又可以食多一碗飯😂😂因為辣度好輕， 所以食完無喉嚨痛😂

竟然寶琳仲有啲舊式嘅廣場喺度經過見到一間好似幾好味嘅糖水舖心大心細唔知揀咩好 咁岩見到門口有張報紙報道有幾款都幾好就諗住每樣要啲金沙糊金沙糊其實就係腰果糊，腰果對身體幾好嘅一樣食物，可以降血脂，養顏美容，啱晒我金沙糊真係好滑，仲要配有腰果粒，好易入口好好味😋糖不甩我見佢另一種糖不甩係佢幾出名有幾隻味佢話今日有兩隻味，薑汁同埋抹茶紅豆所以我做每樣叫咗一份每樣一半薑汁味食落口有啲試食薑汁糖水嘅感覺，唔食薑嘅我都覺得幾好，同埋姜本身可以驅寒，所以呢樣嘢可以令到我食薑芋圓自從興起之後我發現好多人都食所以我突然之間都好想食，佢可以揀兩款配料，如果想再加配料就另外加錢。味道還可以，我另外加咗好多人揀嘅紅豆，同埋芒果Q凍。佢仲可以有四款糖漿可以揀，而我就揀咗桂花糖。咖啡朱古力奶凍店員推介今日呢一款奶凍、杯奶凍都算大杯，面頭棉花糖，朱古力醬，跟住係咖啡奶凍在最底係朱古力奶凍。唔會太甜咖啡味又唔會苦，最緊要係好滑，正

將軍澳其實都有好多小店既食物都好好食😇，哩間店鋪面雖然細細，只做外賣。 但係佢每樣食物都心思誠意搭夠💞，絕對唔會令你失望😋 舖頭內嘅餐牌插圖都係老闆嘅一個學生畫嘅， 畫風超可愛👻，好生動！🌟🔸醉雞翼🐔 $30一份有5隻，每隻都大大隻，老闆用左3款酒去醃製，分別係玫瑰露，酒糟 同埋花雕🍺食落口都好重酒味，酒愛好者就岩哂😇不過碗底浸住d酒有d多，雞翼浸得耐會有dd苦澀🥲如果倒走唔要咁多酒會更正😋🔸糖不甩 (各款口味)🍡 $28起本身見到以為得星期四 /五先有得食，本泥好失望，但個老闆話，原來已經轉左menu📖，其他日子都有得食🤪但會限定左3款口味😝果日去我有玫瑰味🌹，薑味同抹茶味🍵-玫瑰味:味道一啲都唔假， 好清新🍃，唔會好甜-薑味:極濃薑味，一食落口幾辣👅， 但個薑味又辣得幾過癮😜-抹茶味: 呢個有啲失色， 抹茶可以再重手啲🤤， 個味再濃啲會更好食😏🔸腰果糊人生第一次食，出面都唔多地方有，腰果磨得夠蓉， 食落口好滑，腰果好足料， 表面仲灑咗啲腰果粒，腰果味超濃👍🏻👍🏻

第一次食私伙呢間小食+糖水舖🍧一次過就試左4樣野 好有驚喜仙草芋圓🍠呢度嘅仙草芋圓可以自選配料同糖水揀咗桃膠同埋紫米揀呢兩隻都好match而且佢有四隻糖水可以俾你揀 我就揀咗桂花蜜所以我呢一個仙草芋圓嘅配搭都幾中式🤣 但係又幾match 芋圓夠煙韌 煮到啱啱好有四隻味道 其中抹茶味最令人驚喜 食得出淡淡嘅甘甜糖不甩🍡今日嘅味道有紅豆抹茶同桂花薑汁2個都好夠味 啲糖不甩超級煙韌又大粒 最中意係佢唔算好甜 唔會好似出面啲糖水舖咁得個甜字 而係真係好還原返該款口味👍🏻 早知嗌多幾粒🤣咖啡朱古力奶涷🍫我覺得呢個奶凍係最好食嘅佢分咗上下2層上面嗰本係咖啡味下面果一半係朱古力味 個奶凍Q彈得黎又係唔係好死甜 甜度好適中 而且兩隻味都好夾 上面鋪咗朱古力醬同棉花糖做配料 唔似坊間啲奶凍咩配料都冇 滿分💯小食方面就嗌咗醉雞腎🍾🍺🍶未入口已經聞到淡淡嘅酒香味而且一盒份量足夠 唔會得幾舊雞腎夠爽口 酒味濃郁 唔會太苦 反而有陣酒嘅甘香總括來說 覺得性價比好高值得一試😋😋

午飯過後：一定要諗起第二個胃要食既...就係甜品,住係將軍澳既我食野經常都會係將軍澳,見到寶琳慧安商場,入面甘多野食,但見到呢間甜品：就走左入去食, 見到啲芋丸好多唔同顏色：仲有好多特色的甜品醬汁：有蜜糖蜜： 玫瑰蜜：柱花蜜, 我就選擇咗桂花蜜好潤喉又止咳, 我試咗個好特色嘅觀音烏龍小丸子湯圓：岩哂d唔鐘意太甜味既我：味道清新同特別,顏色吸引,最後再試多左個 芋泥桃膠宇圓, 口感層次豐富,紅豆增加芋泥既層次感啖啖都充滿唔同既味道,影相打卡就更加一流啦❤️

一間好好味嘅小店小弟係一位好中意食甜野嘅人，難得將軍澳區有間隱世小店，我等左好耐終於有機會可以試啦。因為今次叫熊貓外賣選擇唔多，連同幾位朋友都係選左仙草芋圓，不過好彩都可以加唔同配料，我加左芋泥同小丸子。糖水味道岩岩好，甜得黎又唔會甜得滯我點左仙草芋圓，仙草味小甘甜，芋圓QQ，好好咬，芋泥超級好味，芋泥一定要試，小丸子做得好出色，另外仲有唔同味道糖水可以加，我選左黑糖，我朋友選左其他蜜糖一樣咁好味Ps. 如果份量再大多少少就好啦。

隱藏在街坊商場內的小店，店面光猛乾淨，亦放左好多靚靚的文宣。店裡有多款甜品選擇。我試左抹茶糖不甩，茶味好濃，糯米彈口又足料，仲有一大啖紅豆。老闆及店員都好親切，我會再幫襯！

好耐冇嚟食過私伙啦！！等咗咁耐終於有芋圓食！唔係因為我懶！因為私伙啱啱裝修好，仲加咗好多新item落個menu度🤤今次就試咗桂花酒香芋圓小丸子，紅豆糕同糖不甩！！今日糖不甩就有幾款口味，黑糖鐵觀音，玫瑰🌹，薑味同朱古力🍫 聽聞仲有珍珠奶茶🧋味添，最衰我今日冇得食🥲講返味道先，醉雞腎就一如既往地香同入味，佢哋嘅醉雞翼都係同一款味道，聽老闆講仲要係無激素雞翼🐤🐤，所以都好推薦大家試！講返重點桂花酒香芋圓小丸子🍡先！芋圓就同以前仙草芋圓嘅芋圓一樣都係咁香，唔會好似平時喺甜品舖食嗰啲好似冇餡湯圓咁😂各種嘅芋圓都有佢自己應有嘅味道，除咗傳統嘅芋頭紫薯同蕃薯味之外，新裝修之後仲加入咗抹茶味🍵，本身都唔知但係食落都幾有驚喜，配合埋個桂花酒香糖水底🌼🌼男朋友話食落有啲似飲緊桂花茶咁，而我就覺得酒味同桂花味平衡得恰到好處，平時食芋圓唔會飲埋糖水嘅我，今日難得飲曬😋😋真係超難得😂順帶一提，今日天氣真係超熱🔥🔥🔥，所以如果你唔想食辣嘅糖水嘅話都可以好似我咁叫老細整個室溫版本。食完芋圓之後就試咗紅豆糕🍨，紅豆糕一入口就非常之香滑，食得出應該係用椰汁🥥做底，然後再加入一粒粒嘅紅豆同芋頭，芋頭係一個較為特別嘅配搭

之前都有試過呢間店的仙草芋圓今次再黎都仲keep到個水準仙草係有淡淡的回甘味至於芋圓真係食極都唔厭每種色都食到原材料味同埋佢果個Q彈就算我拿到番屋企放多陣先食都仲覺得好有咬口配料選擇多過之前好多連桃膠同小丸子都有蜜糖就試左新出的玫瑰味味道突出之餘唔會太搶整體配搭很不錯最重要係價錢唔貴26蚊就有仙草加基本兩種配料性價比高呀！另外想讚一下好好傾的老細😆佢好人到請我食左一粒糖不甩果個薑味濃到呢下次再黎的話一定會買黎食

有日睇到港飲港食介紹寶琳美食，心血來潮就去良記食個餃子🥟，最鍾意佢啲蒸餃，然後想試埋呢間仙草芋圓😬 本身唔抱太大期望試，因為將軍澳啲糖水舖都冇好食芋圓，一係就冇咬口又粉，預計呢間都係YouTube 效應所致。食完真心有少少驚喜👀大眾化價錢可以食到呢個水準，配料都叫夠款揀，$26就真係有性價比。老闆仲介紹我食個糖不甩，本身暗地覺得6粒$30有啲貴，抱住一試嘅心態try try，同埋佢好好人，所以當支持下都好👅本身自己係芋頭控，今次試左芋頭味，覺得十分出色🥳勁Q口感又重芋味，加埋個芋泥超掂！下次經開都會食埋其他味，其實私心想食埋朱古力味，但太飽同埋冇咁多錢😂😂😂都係算啦😄

桂花蜜正到暈，唔係度度有得食，行過可以試下，都好近黨鐵，老闆人好好，間野仲有好多小食，希望仲可以出更多野食🙈🙈老闆加油🤣🤣🤣🤣🤣🤣🤣🤣🤣🤣

好抵食既仙草芋圓，啲芋圓口感好好，好好咬🤤🤤🤤，唔會太硬，其他配料都好好食，有紅豆，紫米，薏米，芋泥😍😍，蘆薈，同埋紫薯😙，仲有三款糖水揀（龍眼蜜，桂花蜜，黑糖）。食落唔會太甜，飯後甜品一流！！！😌除咗有仙草芋圓，仲有醉雞翼同醉雞腎🥰浸到都幾入味🤤🤤值得一試。間舖仲有不同種類既零食，薯片，芝士餅，蝦片等等🤪。最後，仲有肉骨湯，有驅寒，祛濕，驅風既作用，有少少辣辣地，好好飲😊😊

閒逛見到有間新開既糖水店賣九份芋圓，正😋！個人本身超鍾意叫芋圓，即刻要買黎試吓！鋪頭雖然細細，但除賣仙草芋圓糖水外，還擺放左好多特別既零食賣，還可以漂書添！呢個老細真係有心❤️！講返芋圓先，因新開張，做緊試食價$23一碗，除咗仙草及芋圓外，可以揀多兩款配料，例如紅豆，薏米，最驚喜係有芋泥揀，呢個平時真係小見，芋泥都係我既至愛！另外，揀好配料，仲可以揀糖漿，有黑糖，龍眼蜜及桂花蜜！迎合不同口味！加分👍👍👍我仲見到仲有醉雞翼，雞腎及肉骨湯賣，我叫左一份醉雞翼，$15有3隻（掛住食，忘記影相），3隻都好大隻，甜甜地，酒味唔太勁，連我唔飲酒嘅人都食到，值得一試！不過，肉骨湯未有，冇得試！期待下次經過再試！整體來講，味道唔錯！值得一試😋