秋拾米線

营业中

休息中

今日嚟到新蒲崗，見秋拾米線終於冇咁多人排隊，似乎有機會試到啦！嗱嗱聲拎個位先~平時行過聞到佢都好香，要食餐豐富嘅慰勞吓自己炭燒豬頸肉米線 $56+首先梗係要嗌個最出名嘅豬頸肉米線啦~湯底係秘制酸辣湯，bb辣啱晒我呢啲唔食得辣嘅人。欣賞佢米線可以轉芽菜底，索湯得來感覺又輕盈啲😎豬頸肉果然世一冇介紹錯！😇😇😇嗰種脆邊、焦香，加上豬肉嘅彈牙口感，同埋神埋支筆自家調製酸辣汁，我敢講比泰國地道嗰啲更Juicy香口🤤🤤重口味但好值得+$6 魚腐：自家製魚腐原來係讓咗魚肉，比一般魚腐再實淨啲冇咁Puffy+$15 豬軟骨：我食嗰舊肥嘅超級軟嫩，另一舊瘦嘅老公話煮得耐咗+$6 酸甜齋：酸齋同米線其實都幾夾，過下口癮+$6 幼滑奶茶：食住辣嘢梗係要飲返杯熱飲。加$6真係唔貴呀 自家製手作蝦多士 😍😍😍$24呢個又係另一必食推介！$24兩件實在超值，蝦大隻彈牙，多士脆口，味道調得剛好，仲有蜜糖芥末醬增加風味。唔係賣廣告，真係好抵食紅油拌海蟄 🤩$30 另一款小食都有驚喜😬唔食辣嘅我都將佢清晒盤。海蟄有咬口，青瓜特別爽脆，呢個價錢好無敵上湯翡翠苗 $30食得太多辣要加個菜苗。放落豬骨湯零舍鮮甜日本芝士年糕-

今日中午，我同老婆特地去新蒲崗的秋拾米線食午餐，這家米線餐廳在當地相當受歡迎，從11點開門就有不少人排隊，顯示出它的火爆程度。我們等了大約45分鐘，期間服務員主動為我們介紹菜單，讓我們感受到這裡的服務熱情與周到。我們點了幾道招牌菜，首先我選擇了「秋拾豆花撈米線」。這道米線的特色在於它的豆花，滑嫩的豆花與米線相互融合，搭配特製的醬汁，讓人一試成主顧。為了增加風味，我還加了炸醬魚腐、滷水雞翼和豬軟骨。特別是豬軟骨，肉質鮮嫩，入口即化，讓我驚喜不已。飲品方面，我選擇了凍檸檬蜂蜜柚子茶，清新的口感讓這頓飯更加爽口。😍👍老婆則選擇了「魚腐米線」，這道米線以魚腐為主料，配料豐富，口感滑順。她還加了蟹柳墨魚丸，增加了海鮮的風味。老婆的飲品是「特色檸檬益力多」，這款飲料不僅顏色誘人，味道也十分清新，酸酸甜甜的口感讓人十分喜愛。吃完主菜後，我地意猶未盡，於是我點了自家製手作蝦多士和炭燒原塊豬頸肉。蝦多士外脆內嫩，蝦仁的鮮味與麵包的香脆結合得恰到好處，果然係必叫食物😍。而炭燒豬頸肉則是肉質鮮嫩，帶有炭香味，讓人難以忘懷。老婆則選擇了脆炸珍寶韮菜餃，搭配甜酸醬，餃子外皮酥脆，內餡鮮美。此外，越南炸春卷和日本

有朋友介紹新蒲崗有間米線店幾好味 作為米線迷既我 更係要過黎試下啦😁呢到最出名係「炭燒豬頸肉米線」差唔多檯檯都有一碗 我地更係要叫黎試下啦 豬頸肉係分開上的 豬頸肉的外皮甜甜地 有脆邊 Size大細適中 肉質少少煙靭 整體幾好味 湯底叫左酸辣湯底嘅小辣 辣度適中 湯頭好濃郁 酸辣平衡得幾好 米線份量略嫌偏少 男仔食可能要加底先夠飽 但係整體質素很好 專登揸車過黎都值得❤️另外我地仲叫左「慢煮豬軟骨米線」、「招牌魚腐米線」個人覺得豬軟骨發揮正常 呢個米線跟招牌豬軟骨湯底 豬軟骨湯底好鮮甜 好有驚喜 如果鍾意食清湯一定要試下❤️另外的「招牌魚腐米線」魚腐外皮煎過再擺落煮好的米線上 食個陣仲係脆口 質素唔錯 而且仲有5粒 可以過足口癮👍🏻小食方面 我地試左另一個招牌菜「招牌手作蝦多士」 蝦多士係新鮮炸起的 蝦係蝦膠 蝦有少少雪味 不過口感一流 脆卜卜 唔錯👍🏻另外的「椒鹽雞翼尖」賣相一流 炸得剛剛好 椒鹽味做得好好 食一隻 又食下米線 超級夾❤️個人覺得除左米線唔錯外 小食各方面都做得好好 除左試米線都可以試埋小食😁當日閒日夜晚大概7點幾左右 等左半個鐘到先有位 朋友話閒日下午係可以直入 大家可以

新蒲崗有各種美食，豐儉由人，但我覺得係要食#豆花撈米線 。多年前呢度有間雲南米線，試過肉碎好香，適合配豆花，不過太油太鹹，轉手之後都有豆花撈米線，但經過親都休息，今次終於有機會。呢度QR CODE落單秋拾豆花撈米線 小辣、扣底、走芫荽 $40翡翠苗+$8 魚腐+$10 麻辣雞球 +$8 =$81豆花撈米線，係呢度其中一款招牌菜。除左豆腐花之外，就係炸醬、豉油、辣油、酸菜，呢間做得比上手清新啲，無咁油，食落更舒服。魚腐係呢度另外一款招牌配料，呢度口感實啲，食落有啲似煎釀三寶嘅魚蛋，所以應該係自製嘅。另外有一款麻辣雞球覺得幾特別，無咩炸粉嘅雞球，其實麻多過辣，少少刺激，唔錯。脆炸珍寶韭菜餃 $27韭菜餃係炸唔係煎，好有小食店外賣嘅感覺，但外型更加大。餃子皮薄，炸完特別香脆，裡面韭菜超多，少少豬肉配合，令餃子非常Juicy ，點埋泰式辣醬，就更加開胃啦！特色檸益 少冰 +$15就係檸檬益力多，檸檬加益力多，加少少水，香甜清新，適合解膩。 總數 $108

喺呢間米線開張第一日，本身係諗住去新蒲崗食原本嗰一間豆花米線，去到發現執咗，而見到呢一間連招牌都未拆紅紙，但見到入邊有人就走去八卦睇吓，點知都係食豆花米線嘅，當日緣份嘅促使之下成為左佢開店第一台客人。然後因為味道好又再返去食，食完覺得水準keep到又再返去食，介紹啲朋友人哋覺得好食又約我返去食，都唔知食咗幾多次喇。酸辣米線我比較推介，湯好味襯米線好適合。豆花米線其實都好正，但因為係撈嘅關係好多醬，食落比較滯。餸方面推介我的最愛菜式豬頸肉，新鮮燒起熱辣辣脆卜卜，佢個泰式醬汁都好正，酸酸辣辣。豬軟骨都唔錯，係爭少少啲軟骨味道啫喱狀態，同埋個味道比較柔和，係米線湯底之下未能夠好突出。最愛加紫菜。，掃晒啲湯好惹味。麻辣炸雞球都唔錯，新鮮炸起算係食米線入面比較特別少見嘅一個配菜。魚肉春卷同炸魚腐，其實都係新鮮炸好香脆。，不過相對之下就冇咁特別啦。小食方面都食過百味豆腐同蝦多士，兩樣都出色，尤其是包尾豆腐呢個價錢嚟講十分之大份，好食又抵過酒樓食好多。炸韭菜餃都食過。，但就正路啦。飲品飲過凍檸益幾特別，檸檬加益力多，酸酸甜甜好開胃，無喺第二度見過第一次喺度飲。之後都試過朱古力，其實幾香濃都算出色。朋

前排去咗新蒲崗嘅秋拾米線，排咗成40分鐘隊，但又覺得好值得！ 我點咗秋拾豆花撈米線同蝦多士。重點要講下個蝦多士，一上檯已經好香，食落去嗰下覺得好鬆脆，同時d蝦肉厚實又彈牙，同埋好鮮甜 。平時嗰啲會有啲有油溢味，但係呢個完全冇呢個問題，未點蛋黃醬已經好好食

好後悔冇睇食評就叫咗外賣！我只係叫一碗好普通嘅豬軟骨米線, 足足帶住個女等咗40分鐘, 17.26落單18.06才出, 中間追過一次當然係得唔到回覆啦, 理都唔理我！眼見睇住佢排入去食嘅客人都快過我, 我明白你想堂食快D翻枱做生意,咁你外賣落單嗰陣可以同人講至少30分鐘, 我等就甘心情願或者行個圈先返嚟, 咁樣真係唔可以接受！奉勸各位帶小朋友慎買, 大人企到咁耐小朋友都辛苦！冬天更加慎買, 熟路都知嗰個位幾大風, 同埋佢永遠唔會同你講你要等幾耐😡你以為就得啦等十分八分鐘, 隨時變咗38分鐘😥如果真係要買記住帶多件外套同埋真係真係要睇食評,如果唔係畀咗錢激氣又辛苦, 最慘仲帶住小朋友😭

好味！**《豬軟骨の叛逆物語》** 呢碗豬軟骨，係一場溫柔嘅革命—— 骨頭背叛咗「硬淨」嘅宿命，喺秘製滷汁浸淫下， 蛻變成半透明嘅琥珀凝膠， 咬落「喀嚓」微響， 隨即化作舌尖嘅雲朵， 仲帶住八角同陳皮嘅暗香滲入喉嚨⋯⋯ 最狡猾係嗰啖濃湯， 明明係豚骨熬足八粒鐘嘅深沉， 偏偏加咗啖啖米線嘅稻香中和， 仲有蔥花喺面頭跳芭蕾舞， 將油膩感一腳踢走！ **「骨頭都可以軟綿綿，人生點解唔得？」**

食物普通，環境擠迫，等3個人等一個鐘，最尾放2個2個入，不知所謂，安排極之混亂出邊垃圾袋漏水，完全冇人處理，發出臭味完全唔明得咁多人排隊，比緊智商稅，食碗譚仔好過

叫外賣超過一小時都未ready, 走咗幾個車手都未出到份外賣, 咁我就打電話俾餐廳 第一次就話幫我跟張單 過咗幾分鐘收到app入面cancel 我張單 話其中一樣食物賣晒 當時已經order咗超過80分鐘, 咁我就再打電話俾間餐廳，餐廳就話唔係佢哋取消我張單，喺平台取消我張單，而我就話如果你哋接單嘅時候就應該確認夠唔夠材料先接，而唔係過咗成個幾鐘先取消人哋話冇，而餐廳話唔係佢哋嘅問題，係我嘅問題喎 接咗單都要排隊 排到我嘅時候唔夠食材都冇辦法喎!

經過新蒲崗見到咁多人排隊嘅米線店味道一定唔差米線可以轉薯粉揀軟硬度走韭菜芽菜等等～小食都有超多🥹好多都想食不過食唔到咁多揀最想食嘅蝦多士，發覺好多枱都有叫脆卜卜蝦肉爽口彈牙✨招牌魚腐米線額外加左墨魚春卷，生菜本身附腐竹，豆卜，翡翠苗、芽菜，韭菜都好多配料豬骨湯底少少濃稠唔會好稀而且唔膩魚腐同春卷都係炸過再上，食落少少脆脆地兩款都唔會太鹹，墨魚春卷食落相對再爽啲好立克可以揀多奶少奶🤣仲有啲好少聽嘅檸益，兒童鴛鴦啱曬鍾意唔同口味嘅人原來呢到大熱係碳燒豬頸肉！下次黎再試下🔥

之前IG見到唔少foodie介紹新蒲崗「秋拾米線」，米線關注組又大推，但又未至於值得去專登去食喎🤔個人覺得如果你係住附近，間唔中食下都ok嘅。😂其實佢一開張嘅時候我已經試過，但其實唔係特別驚艷。見咁多人介紹，就諗住再俾多次機會佢，點知。。。就發現。。。1️⃣豬頸肉遇上頭髮😅😂2️⃣廚房不斷錯單，短短半個鐘內在場見證好幾張order錯餸和漏單錯餸就問個客…「個餸比錯咗你，送埋俾你食，如果你唔食，我哋就拎返入去夾返起」雖然都知應該係咁樣處理，但講出嚟感覺好古怪。。。😅😂首先講吓佢嘅招牌～🔸炭燒豬頸肉米線（$56）豬頸肉係好大份，燒得幾香口，配搭泰式秘製酸辣汁都幾惹味！不過衛生真係要檢討下，食食吓見到有一條頭髮連香茅係豬頸肉上面。🥲🥲湯底揀左秘製酸辣湯底，我叫左中辣，味道👅其實唔夠酸又唔夠辣，唔係實實在在個種，如果你只係想食嘅湯底，只係得少辣肉醬和酸菜嘅味道，可以一試。😆以酸辣湯底去評分嘅話，只係可以話食得人，但唔會酸爽到惹味到正到特別想再食。😂 🔹墨魚春捲（+$8）$8兩條幾抵食，不過裏面口感好粉，唔爽彈，冇咬口。🔸麻辣雞球（+$8）雞球幾入味，不過如果跟湯一齊上嘅話，外皮好快就淋晒。如果可以分湯

秋拾米線價錢: $24/ $26/ $64/ $48好味程度: 4.5/5服務🍴: 3/5環境🗾: 3/5性價比🥢: 5/5回頭率😚: 4.5/5-地區人氣米線跑出！係新蒲崗的米線小店秋拾米線！估唔到係咁多人，星期日晚有人龍，仲要因為店舖都掛住做外賣單，所以條對係去得超慢，六點幾都等半個鐘… 入到去聽到佢哋不斷接外賣，而堂食又等得耐🥱呢個位真係要改改…-✅✅招牌手作蝦多士。而家做蝦多士的地方越來越少，呢個$12好抵啦！多士脆卜卜，有啖啖油炸香。上面的蝦膠好多好大片，彈牙🤩加蜜糖芥末醬好好食！炸麵包有啲油就梗架啦。-✅✅百味豆腐。新鮮炸熱到辣口的豆腐😍豆腐好滑，個皮好薄，調味好足，完美🤣-✅✅炭燒豬頸肉米線+炸醬。真係好好食🥲個豬頸肉燒得好香，個皮係脆的！脆得來小小鬆，加埋豬頸肉的油香，同泰式辣醬的酸辣，好出色🥳呢到的米線係通心米線，比較粗，入面吸到d湯，口感好好多😆 佢地的酸辣湯唔係一味濃味，係用豬骨湯熬的，飲完都唔口渴！出奇地係唔會過分濃郁，但係夠酸夠辣！想濃味就梗係要加炸醬！-✅✅秋拾豆花撈薯粉+麻辣雞球。薯粉係幼的，撈的話會有小小一patpat，建議都係叫返米線啦😛 但加左豆花撈

自從呢間鋪新開張之後，每次假期經過都會有人排隊，好旺場。記得呢間鋪舊時前身都係一間舊式d既米線鋪，係出名賣豆花米線，但唔知係咪上手唔做，所以變左新鋪班底接手，將舊有米線菜單再改良。兩三年前我食過一次舊鋪既豆花撈米線，個時既感覺普通，無乜深印象，今次黎到試，個感覺又唔同咗，覺得整體味道上又真係值得再食👍🏻招牌魚腐米線 $50今次無叫豆花米線，反而比佢既自家製魚腐吸引咗，因係門口排隊等入座時已見到佢介紹魚腐係用新鮮魚肉自家製既。米線湯底主要都係有兩款，豬骨滑湯同酸辣，辣度亦可以揀由bb辣到大辣。今次我就揀咗豬骨湯小辣，個豬骨湯飲落偏清淡，唔會好濃好喊好重味精咁，飲落幾舒服，辣油就唔係麻辣個隻，無麻味，但辣度都有一定程度，建議唔太食到辣既可以揀bb辣。米線都可以揀軟硬度，夾埋米線內有既腐皮、芽菜、豆腐卜等好豐富，呢到既米線仲會加咗出面少有既豆苗👍🏻魚腐本身個外皮係炸到金黃色，以為會脆，可能擺咗落湯，食落就已經林咗，不過魚腐裡面既魚肉好扎實，真係食得出係真魚用打出黎，有魚肉味，加埋d湯汁好好食😋對面朋友叫咗豬軟骨酸齋，比咗舊酸齋我試，酸齋麵根夠林，煮得個甜酸味好入味，就算淹咗落湯，都唔會無哂味

兩碗米線一個外賣，外賣平台自取就識開，寫就寫半小時有，最後等足50分鐘。企係門口望住堂食長龍清到0 queue，外賣就一份都唔出，唔知係咪當門口等外賣的客人就唔係客，剩係掛住翻檯出堂食order。問男同事個外賣情況原來完全冇用理都唔理，最後問個女同事唔知係咪老闆娘先肯積極咁入廚房跟單⋯ 但女同事跟完唔洗五分鐘就有？？？？？之前食過幾好所以返轉頭，宜家真係唔洗有下次 因為要餓足一個鐘先等到有嘢食。。。