影片
开饭介绍
此炉端烧餐厅采用日式木系装潢，并以日本风格的灯笼及布艺作装饰；加上所有海产均由日本空运到港，让你由视觉至味觉，都能体验东瀛风味。
继续阅读
营业时间
今日营业
12:00 - 14:30
17:30 - 23:00
星期一至日
12:00 - 14:30
17:30 - 23:00
以上资料只供参考，请与餐厅确认详情
有关奖赏计划
辛苦咗成个星期，终于挨到星期五放工💼！今次专登带老婆去尖沙咀天文台围嘅「秋田铁板烧刺身专门店」食好西，慰劳下自己同佢～餐厅环境私隐度高，坐得舒服，仲可以睇住师傅即场炮制铁板烧，够晒有气氛🔥！ 我哋拣咗**秋田二人前套餐（$888/位）**，虽然价钱唔算平，但食材高质，绝对抵食！ ✨ **套餐重点推介** ✨ ▪️ **鱼籽鹅肝蒸蛋** 蒸蛋超滑溜！鹅肝嘅油脂香加上爆汁鱼籽，口感层次爆棚💥 ▪️ **鲜活时令龙虾** 龙虾即㓥即烧🦞，肉质爽弹鲜甜，仲有淡淡焦香，正到痺！ ▪️ **日本播磨蚝** 蚝身超肥美🦪，煎到外脆内嫩，一啖咬落去爆汁，海水味浓郁～ ▪️ **鹿儿岛霜降和牛厚烧** A5和牛油脂分布超靓🥩，入口即溶，牛香浓郁到癫！薄烧卷埋葱花仲正，送酒一流🍶 ▪️ **香煎鹅肝多士** 鹅肝外脆内软，配埋脆多士同蓝莓酱，邪恶但超满足😋 ▪️ **龙虾清汤** 饮得出用龙虾头熬制，鲜味十足，饮完成个人暖笠笠～ 最后嘅**荳莎香饼**同**抹茶蛋糕球**为呢餐画上完美句号🍰，甜度刚好，唔会腻！ 💡 **总结**：呢个价钱食到咁高质嘅铁板烧真系好难得！服务又好，师傅会同你互动，庆祝纪念日或者想氹另一半开心绝对值得嚟试👍！
继续阅读
成日都喺Social Media见到有人post呢间餐厅嘅相，因为呢度好适合庆祝生日，好多朋友都钟意黎呢度食饭影相，今次朋友生日终于有机会嚟试啦。呢度嘅厚烧牛肉非常高质，佢嘅牛肉牛味好够，而且烧嘅时间啱啱好，一开始师傅会俾咗新鲜嘅食材我哋睇先，𠮶阵已经见到食材好高质啦，估唔到食落仲更加有惊喜。呢个龙虾又系一个打卡位，师傅会提醒你准备点火，大家都准备好相机去影低点货𠮶一刻，真系又壮观又靓呀。而且佢嘅龙虾食落都好新鲜，唔单止拎嚟打卡，食落都好好食㗎。而我就最钟意呢个龙虾汤，因为佢系用烧香咗嘅虾头嚟煮，饮落非常香口，而且仲有少少龙虾肉，感觉完全冇味精，非常清甜。呢度最特别嘅就系，庆祝生日嘅话，就会有生日公仔碟。而且厨师仲会用酱料喺铁板度写出生日快乐，真系好适合影相同打卡。呢间餐厅又好食，生日公仔碟又得意，而且佢嘅位置都好阔落，啱晒一大班朋友嚟庆祝或者gathering。
继续阅读
母亲节将到，预早一星期为母亲大人𪊴祝，好过人迫迫。拣选了尖沙咀一间日式料理店，主打铁板烧，寿司，浜烧…. 多元化。季节沙律，清新爽脆。蒸蛋配以鱼籽，鹅肝，十分高雅 。鲜活时令龙虾触须还在蠕动呢！相当新鲜！采用了龙虾膏肴制酱汁作为调味，鲜上鲜。原只鲜活南非鲍鱼肉质非常软腍，啖啖滋味。今日时令海鲜系银雪鱼，两面煎得焦香，惹味。香煎顶级鹅肝劲邪恶。鹅肝绵滑如丝，入口溶化。鹿儿岛霜降和牛薄烧卷 / 鹿儿岛霜降和牛厚烧无论薄烧，还是厚烧，肉质鲜嫩，味道浓厚。一碗又鲜又甜嘅龙虾汤，暖意。
继续阅读
食材新鲜，服务好！首先，沙律🥗蔬菜爽脆，蕃茄去了皮.刺身方面，各种鱼类，海胆和蚝都好好味，唔讲得超正，但质数唔错！龙虾系用日本伊势龙虾，新鲜直㓥，身做刺身，十分爽甜，个头用来做汤，食完刺身饮个热汤，十分暖胃.浜烧喺喺客人旁边烧，北海道元贝，赤贝和鲍鱼烧得刚刚好，唔会太亁，调味系十分好.甲锣烧加入蟹肉和蟹子，少了咸味，增加鲜味，配合脆面麭食十分夹.鳗鱼饭和鱼生饭和最后的抹茶布甸都几好食.值得再去.
继续阅读
朋友升职好开心话请我食出名高质的秋田铁板烧, 我当然登佢高兴又好开心有好西食啦, 仲可以一边欣赏专属师傅的精湛厨艺，一边品尝美食，视觉和味觉同时享受, 感到十分幸福。秋田二人前套餐, 包括了12道菜式:*季节沙律 ~ 前菜芝麻酱新鲜沙律, 很开胃*鱼籽鹅肝蒸蛋 ~ 好滑的蒸蛋, 配上香浓鱼籽和鹅肝，味道有层次*鲜活时令龙虾 ~ 哗, 呢款有得睇表演又有得食, 真的很精彩, 摆盘十分精致, 龙虾肉质结实爽口, 配上龙虾汁, 真的一绝, 我很喜欢!*原只鲜活南非鲍鱼 ~ 新鲜不在话下, 配上秘制酱汁，十分鲜甜弹牙*季节时令海鲜: 圣子非常爽口鲜甜，好惹味*香煎顶级鹅肝 ~ 真系好大件比起其他餐厅, 暂时我食过的铁板烧最大件, 哈哈！好足料, 鹅肝煎得外脆内软, 配埋脆脆的多士, 又一绝配, 十分好味, 还有菠萝可以解油腻~*鹿儿岛霜降和牛薄烧卷 & 鹿儿岛霜降和牛厚烧 ~ 两种牛肉味都很香浓，煎得刚好, 配埋脆薄香蒜片，更香口*秋田炒饭 ~ 又可以欣赏师傅即场炒饭的手艺, 日本米炒得独立, 粒粒饱满，饭粒已沾满蛋香, 食落好香有咬口*炒野菜 ~ 牛油炒杂菜，香滑惹味*龙虾清汤 ~ 十分鲜甜, 香喷喷的龙虾味道出哂黎*精选甜品 ~ 铜锣烧入面有红豆蓉，配上绿茶式朱古力雪糕食，好味~呢间铁板烧真的真材实料又新鲜, 师傅很用心煮, 服务员招呼周到, 庆祝仲可以写字打卡, 我同朋友食得好开心满足, 会再次光顾~
继续阅读