稻坊 (荃灣廣場)

营业中

休息中

同屋企人去食父親節飯，一去到即刻叫咗個燉湯，因為我哋全家人都好鍾意飲湯。而且湯永遠係最快售罄嘅，正一「手快有手慢冇」。另外我哋仲叫咗一隻乳鴿同埋一碟菜。非常足料，材料新鮮，味精唔會太重，飲完唔會覺得好口渴。乳鴿皮夠脆，味道非常好。👍👍菜唔會太林，配上蒜蓉炒，Very Good！p.s 整體上食品同服務都幾好，值得再來。

星期三放工時都夜了，逛一陣街就攞飛食宵夜時段放題。見宣傳紙上「牛迷熱捧」都滿有期待的，但點知，原來只有牛丸、肥牛... 選擇不多又欠質素。自助scan QR code點選食物左：清湯；右：沙嗲湯雪櫃有不同丸、菜、麵、甜品，生蠔及帶子要自己落單。肥牛質素 ... 差！又碎又無「油花」，街市幾十蚊1磅的貨色。熟食點了五味豆腐，唔熱，但仲脆。啤酒要另外叫。

今日去大角咀，夠鐘不如飲個下午茶啦！特價點心平靚抵食，今日我冇食午餐，坐底就叫咗個「生炒牛肉飯」酒樓大廚真係冇得輸，鑊氣夠，牛肉唔韌，飯夠乾身一粒粒！仲有少少豉油味吊出個鮮味來冷氣夠凍！點心即叫即蒸唔算快！但會再來

每逢星期六日都會朝早起身同屋企人飲茶屋企附近嘅呢一間稻坊係我哋既週末飯堂我最鍾意食呢一度嘅脆皮奶黃包炸完嘅奶皇包好香口 但入面仍然係做到好鬆軟 奶黃亦都好好食另外佢嘅點心質素都算OK唔會有中伏野所以一路以嚟都會揀呢一間酒樓聚會

之前有個親戚話畀我哋聽，稻坊有「一蚊雞」做緊推廣。所以今次就同屋企人去咗荃灣廣場 上面間稻坊試下喇原來仲有個「海鮮滙」做緊推廣添！我哋嗰晚叫咗三個餸……味道好，皮夠脆，肉味一流，隻雞旁邊仲有幾塊唔同顏色嘅蝦片，價錢又抵味道唔會太濃味，啱啱好。豆腐同斑腩都唔會太乾，好好味入面有好多種唔同種類嘅菜，包括娃娃菜、西蘭花、菜心…… 另外仲有蝦乾、魷魚、冬菇、草菇。材料夠曬豐富、新鮮。

仲記得以前稻香集團做一蚊雞嘅情況幾咁哄動， 而家對比以前真係爭好遠。 最近睇報紙見到佢又做一蚊雞就都嚟試下啦，平時黎呢間稻坊多數係打邊爐好少食小菜晚飯， 今次一蚊雞嘅推廣係兩個人可以叫一隻雞， 我哋三個人加埋我個B女， 都算係有四個人畀四位茶錢咁就可以叫兩隻一蚊雞， 今次係做燒雞原隻上比兩對手套你自己撕開嚟食，連師父斬雞嘅時間都慳番， 咁都畀佢諗到可以寫個服字。 好彩我平時有斬開雞知道啲雞髀雞翼點樣容易一撕就撕到出嚟， 對我嚟講冇難度，雞皮都係脆既算係甘啦。 另外原本諗住叫多兩個小菜一個係，椒鹽蝦另外一個係班塊，兩個小菜都是係98蚊，最後個小姐話班塊已經賣曬喇，咁我哋就算啦無再加其他餸。 總共係兩隻雞一碟蝦加一碗白飯，再加茶芥加一，總共成為200蚊，抵唔抵食就真係見仁見智啦。

有特價，又好味，地方好坐，又乾淨，這就是荃灣一田樓上的稻坊啦😂叫滿成枱，又有孖寶，好抵食，特別要提的是自家拉腸粉，滑嘟嘟，另外一個是黃魚肉餠煲仔飯，熱騰騰有飯焦，椰汁班蘭糕，又椰香，又滑，五香牛肉起水準，帶子餃，皮夠thin, 帶子夠fresh, 芝士夾心餅加炸 雲吞，平凡得有 point, 口水雞又麻又辣，正，釀🍆子，好多魚肉，雖然都是一餐 yum cha, 但quality and quantity 都 good good and good,整體都是超值🙏💯 surprise ✅

想食經濟又實惠嘅團年飯，一班同事就揀左稻坊啦，貪佢又平又扺食。難得年前都無加加價，今日燒鵝又平又扺食，點心大件夾抵食。炸物非常香口，特別好食係黃金炸魚皮，但無影相，推介

星期六夜晚，道道都好多人~_~;見佢唔洗等位咪入去試試o(≧v≦)o四個人一齊打邊爐，佢而家呢要用電話落單，肥牛啊，豬肉，羊肉嗰啲呢就要用電話落單，其他呢就可以出去自己夾(￣∇￣)種類都好豐富，又有好多丸，有芝士丸，黑色墨魚丸，魚蛋，卡通造型魚蛋…… ……菜方面，有羽衣甘藍，生菜，娃娃菜，西生菜，都好新鮮(⁎⁍̴̛ᴗ⁍̴̛⁎) 嘢飲方面都有好多選擇，有解茶，各式各樣汽水，韓國飲品，竹茅根，花茶，金橘檸檬🍋仲有甜品添，有好多雪條雪糕，豆腐花，芝麻糊，杏仁茶。。。。。。我哋揀咗個藥膳湯底，但係唔唔係好有藥材味都接受到嘅。打到最後都唔會太油(*¯︶¯*)

一向對佢冇乜期望，亦多年未 幫襯過飲茶， 因為上市後的質素越嚟越差。 但見到荃灣呢間早茶做半價， 平成咁就即管試試。 可惜係嚟到 優惠時段已經接近完結， 唯有飲正價午茶。好彩都有一張特價點心紙， 點心都係十幾廿蚊範圍以內， 就試了幾款。白灼大芥菜坊間少見，有點過火太淋，但我反而鐘意， 入口冇渣，有菜嘅甜味，ok! 馬拉糕夠鬆軟，不太甜，但有少少噠口。鮮蝦菜苗餃夠足料， 蝦大大粒， 菜苗反而得少少， 味道清淡，餃皮煙韌唔削，但敗筆係蒸過火，皮有點散。鵪鶉蛋燒賣好多冬菇肉，有香味， 但都係蒸過火咗少少。最好食係綠茶芋蓉煎餅， 煎得香脆夠乾身， 火侯控制剛剛好， 邊皮被芝麻包住， 食起上嚟特別香口。 裏面芋蓉餡亦夠多，唔乾身有芋香味(不是加香精那種)， 算係超班之作。

今次一家(2個大人1個小朋友) 去左附近的茶樓食中式野渡過除夕, 只點了3個小菜:蒜蓉炒小白菜都正常冇特別, 個京都骨的肉略為肥膩, 骨又多過肉, 炒得唔夠火喉。唯獨個龍虾伊麵份量足, 龍虾大件有肉, 都唔錯! 

今日經過荃灣 原先都驚今日都仲會好多人去做冬 好難搵位食飯 點知去到荃灣廣場想到黎見到依一間有位今日咁岩依一間酒樓都有人擺結婚入到去叫咗個三個餸嘅套餐 再加多個咕嚕肉價錢唔貴又幾好味喎原先揀咗白灼蝦 但係佢話改做美極蝦都冇乜所謂出嚟效果唔錯咕嚕肉好香口佢果個西洋菜靚魚球都好好食可以當埋湯飲好清甜半隻炸子雞有好脆皮不過略嫌服務就唔太好啦唔知係咪人手唔夠用咗好耐先有人幫我地落單點送之後叫咗汽水一路都冇你問佢有冇落單佢話冇但係出到去收銀處有見到有收我哋錢總括來講唔錯嘅

遲來的食評，較早前同媽咪慶祝生日。去到職員介紹呢個開心宴俾我地，仲不停咁話好抵食。經過職員一輪的熱烈推介下，我哋就選擇咗呢個套餐。不過到上菜嘅時候，就同我地講：無哂薑蔥炒肉蟹，轉換為薑蔥炒蠔。都好，唔使食得咁踢腳。整體黎講，成個套餐啲餸菜都好好味。特別一提嘅係生炒糯米飯(好香嘅臘味，啲糯米飯又唔會太淋)，另外條魚就蒸啱啱好熟，好滑。成餐飯，媽咪都食得好開心。不過糖水就應該係 出面打邊爐嘅自助吧攞入嚟，無所謂啦。最後緊在係酒樓切埋生日蛋糕。

星期日屋企人同老婆預先食生日飯局，之前同媽咪食生日飯食過呢間，都幾好食。今次就食番呢度。18:00去到已經話無晒位啦(我無booking)，經過幾分鐘後，終於安排到座位俾我地。即時叫番幾個小菜食吓先。第一道餸黎係菠蘿咕嚕肉， 仍舊好好味，不過啲汁就唔夠，包唔晒啲咕嚕肉。第二、第三、第四度餸菜都到咗，而個渴都未到(等咗好)， 問下個經理，個經理轉頭覆番我哋，話仲煲緊。 終於等到個湯嚟， 結果係淡而無味。唔知係唔係星期日跑馬嘅關係，的水準特別差啲。

食物質素可以，環境可以，位置方便，但是，有一位樓面員工， 態度惡劣， 情緒有問題，客人有疑問，她就立刻潑婦罵街一樣的態度，場面令人難堪。。。永遠不會再光顧此店。。。。