稻香 (海趣坊)

营业中

休息中

同娘親撐枱腳，開開心心食飯，1845落單一個小菜，一個沙薑雞，1930還未有東西吃，請店員催促不果，叫我等吓，問等幾耐又話不知道，最正嘅係，我禮貌地問如果未煮嘅話就請cancel單，樓面告訴我，他們不懂如何cancel。咁我問要搵邊個先至識得cancel，樓面話要店長或者經理，咁我話請店長或者經理嚟幫我cancel，佢哋話店長不在，經理唔知去咗邊。我覺得我同阿媽去咗結界，阿媽話附近選擇少，自己又行唔到遠，我陪老人家餓住等，唔該晒！結果等到1950才有東西吃。就係蝦啲老人家選擇唔多焗住要幫襯，才有如此優良的服務態度，將心比心，你哋D員工都會有成為老人家嘅一日㗎！

一入座落左單，等超過一個鐘仲未上菜，望住隔離啲遲過我地入座嘅都上曬菜，問番個職員，就話整緊，之後發現係完全無入過單，都算啦，上d菜又唔係好食，冰鮮雞拎出泥炸就話係吊燒雞，炸完仲要唔脆唔好食。性價比超低第一次都係最後一次食服務差嘢食又難食

難得同老人家一齊食飯，十一點幾落單，去到一點四十左右先比齊野。腸粉價錢貴又少，重要成諜都係食用油，搞到食完好流。金肚食落去又冇口感，難食。枱面見到有大只蟲蟲出現。大部分員工都有禮貌，但個別人員態度欠佳。漏單好正常都理解，但係十一點幾叫左個雲耳滑雞一直未有，催左一次單過左半個鐘都未有，一問先知賣晒，浪費大家時間。點知之後有個員工過黎叫老人家唔好再催，講野語氣惡劣，好聲好氣同佢講野都一樣，一直話換又唔覆，搞左好耐先至換左個新，搞到大家食得好唔開心。稻香越做越垃圾，性價比越來越低，以後飲茶唔會再考慮稻香。

星期六，去了食下午茶，選擇多，但好多不合口味，炒粉麵有優惠，不過一個人就無謂叫，再講星期六要成六拾蚊碟，燒味粉麵飯，都有張紙仔俾你，差唔多要成五拾蚊一份，都唔知係未已經平左，真係叫唔落手，淨番就係點心孖寶，預左唔好食，但出奇又可以⋯⋯好彩今日是得閒的，因為等點心等了好久，差不多四十分鐘，不過食點心，最緊要夠熱⋯自助的加熱水由始至終都加唔到水，應該裡面無水掛其實係未已經唔用呢⋯⋯點心又俾點心紙你又可以手機落，但留意，手機落無優惠的⋯

(A follow up reply to my latest food review on this restaurant dated three years ago)To celebrate Mother’s Day, I went to this restaurant again with my family. Due to the recent trend of going to mainland at weekends, customers in this restaurant have been decreasing. Hence, whether the service has been improved or not could not be determined. Still and again, we had an unpleasant dining experience. To be honest, the choices of the menu were limited. The portion of food was also too small but al

諗住同母親大人食過晚飯 2030入座 成個餐牌8成東西都賣晒 於是叫了一人一隻乳鴿 再加碟紅燒豆腐 乳鴿到了 籠仔免切成隻上枱 隻乳鴿上半身熱下半身冰凍 成隻冇食 比返佢 紅燒豆腐到了 見到一嚿嚿芡汁 作嘔 豆腐散晒 好似食淨啲冷飯菜汁咁 此外 由於大部份侍應都係老人家 老人家會有少少脾氣 眼鏡旁邊兩張枱的客人 因為送餐問題 都和老人家吵大交 而部長 處理事後事亦不能安撫客人 食完都唔知自己食咗啲乜 垃圾嘅垃圾 唔會再幫襯有時在想 點解香港人會上晒大陸食嘢消費 其實真係可能有原因

平時見早輪$1雞排滿哂人，都放棄去排。可能呢個$1酸菜魚煲/鮑魚雞煲喺 20:30，人數比較少，攞飛直入，得十零張檯。20:30 後火鍋正價6折、啤酒汽水5折。酸菜魚煲除魚片外，有2隻蝦、幾隻蜆、薯粉但就冇圖片的 BB 蚌，少少辣、湯底也不錯。

今年提早團年，聽朋友講稻香盆菜係喺香港製造的，所以再次嘗試，希望唔會失望。（其實N年前都幫襯過啲，攞返屋企加熱都要1個鐘，因為整個盆菜都是冰的）今次叫咗一個精品鮑魚菜。盆菜可用電磁爐加熱，打開錫紙，還暖暖的。盆菜食材好豐富：有鮑魚、海參、瑤柱、花膠、蠔鼓、大花菇、鮮味鳳蝦、蠔皇扣玉掌、香菇貢丸、黃金蛋餃、滷水鴨、貴妃雞、炆豬手、爽滑魚皮、枝竹、芋頭、蓮藕、木耳。樣樣都好味，唯獨豬手炆得唔淋，太硬，咬唔開。盆菜食材固然重要，盆菜嘅醬汁也不容忽視。佢的醬汁能夠帶動整個盆菜的味道。

早幾日去左稻香食羊腩煲，出付意料咁好食，所以打算留CHUK多次稻香啦。但今次就冇食羊腩煲啦，轉左食佢地既小菜套餐。呢個套餐價值HKD$300幾，首先有半隻雞，雞既肉質唔係好得，都算係「鞋」口，而且調味應該都唔夠，食落好大陣「雞氣味」，上菜時既溫度只可以用微暖黎形容。再有個芝士龍蝦伊麵，芝士個汁都算係稀但又未去到水汪汪，味道就OK啦都算夠味，因為個套餐價錢唔高，所以就冇預期過龍蝦份量會多，所以龍蝦份量算係我可以接受。兩個餸，加埋個伊麵，飽肚量就一定合格。

今日同屋企人嚟到稻香飲茶，因為疫情期間多咗好多特色嘅特價點。小籠包好多汁好Juicy,鮑魚燒賣粒鮑魚好彈牙絕對吾馬虎今日每份點心都好熱辣辣好新鮮！另外等位方面亦都唔算等好耐整體嚟講非常滿意，希望下次再嚟飲茶侍應姐姐服務非常好！like

本身都唔想去稻香，以前食過一兩次啲野又難食，又冇誠意啲點心求鬼求亂咁整埋一舊蒸熟佢就上點知今日兩老去飲茶話已經拎咗位，唯有硬住頭皮，當比鬼壓好了飲茶用埋啲乜鬼推機，又大舊塞住哂條路，又咪係要換水, 想問入面啲管呀出水咀打算點清洗？？又要自己㩒掣煲水，仲要預著個機壞嘅，個伙記叫我自己禁住個壺嚟煲先sense倒，是咪弱智？落單又係個啲19 app勁難用, 無啦啦scroll嗰陣hi到個制，又變多1～2個點心，又要從頭㩒過落單時間 12：25到12：40 嚟咗2樣而家13：10都仲係嗰兩樣13：34過咗1個鐘+10分鐘啲野先嚟齊拎點心個呀姐又粗聲粗氣，一啲禮貌都冇但公道啲聽到其他呀姐語氣還好野食方面個煎簿撐 就咁整熟，淋過毛巾，反開一睇全白色有三色豆九唔搭八毫無誠意，連個邊都係唔脆嘅一咬落去成陣油益味有冇職業道德，大佬個油炸鬼又乾又韌，好似隔夜油炸鬼咁用嚟釣泥鯭唔知食唔食腸粉皮少厚，唔滑3粒啲肉勁淋，淋到似梅，既冇蝦肉嘅爽彈，亦冇豬肉嘅香酥失敗夠熱，皮算正常厚度，肉有種好cheap嘅怪cheap肉味等咗成粒幾鐘啲皮厚過乜，一陣行味嘅料，算吧啦 稻香出盡力用筷子捅落去，終於捅得開個麵麵還麵，汁

回復晚市8⃣️人之後，呢間稻香酒樓都出咗d特惠菜式吸引客人，好似＄1乳鴿和特價海鮮🦞。我家長輩就係俾呢＄1蚊吸引到所以我就諗住這晚約倆老高興一下啦講真除咗特價嘢其他菜單點真係貴咗啲😬例如咕嚕肉都要$118；金銀蛋莧菜$98，如果好食嘅話我都唔介紹俾貴少少，但係咕嚕肉除咗個汁可以叫做合格，d肉一睇就知一早炒定哂好耐等上碟完全無鑊氣可言果碟金銀蛋莧菜就仲差啲菜又老又硬，點解唔可以認真煮冧啲才上碟呢最後明白點解門口無人等位囉！明白現階段飲食業經營困難，食物貴咗！顧客少咗！但都希望稻香可以認真啲在烹調方面，否則我哋街坊真係好難🤯繼續支持你哋囉！

預留咗是晚冬至喺海趣坊稻香一席原價$3388歡聚連年宴，提前一天落訂可減$200，同家人享用。餐單有乳豬、龍蝦、鮑魚、龍躉、燒雞、帶子、紅燒花膠生翅等等……整餐冬飯，最值得一提係龍蝦及燒雞，其他嘅中規中舉。第一道乳豬，皮脆肉嫩，冇肥肉，感覺係唔膩，鹹淡適中。第二道上湯龍蝦伊麵，有3隻龍蝦，伊麵足料，龍蝦肉質扎實，味道略淡，但冇影響原味。第三道蠔皇鮑魚伴金錢，係整晚最差嗰碟，鮑魚似係罐頭即食鮑，花菇淡而無味，剩得生菜墊底可取。第四道桂花菌炒帶子見番啲揸拿，帶子肉質嫩滑、微彈，桂花菌爽滑，唯略嫌太少，甜豆嫩綠脆甜，沒有草腥味。第五道紅燒花膠生翅，湯底清不糊口。第六道龍躉，火候剛好，但魚味不足。第七道脆皮雞，要俾個LIKE，皮脆肉嫩，味道恰到好處。第八道淮杞泡菜苗，烹調冇難度，尚算可以。第九道糯米飯，軟糯甘香，喺食到水尾嘅情況下，依然感覺可取。而最後那公仔包，裡面是蓮蓉餡，甜度適中，於是一掃而空。整體而言，拉上補下，團體飯餐嚟講都達到要求。

First of all, I have gone to your restaurant many times. My families love it. But I can’t stand the bad service anymore. We have told the waitress many time that our 鮑魚雞煲 has not yet arrived. After few times reminding, still none food arrived. Such service attitude is not acceptable in nowadays. I hate going to your restaurant, and it is not the first report I would like to write. Many restaurants are bad but I just can’t find the way to report it to the customers. I hope such bad service can be

今朝放假同屋企人黎飲茶，叫左煎蘿蔔糕送到過黎係微暖，硬硬地，完全無剛剛煎好熱辣辣既口感。燒賣上面既蝦仁又甩出黎成個散散地。蝦餃直情最差，送到過來個寵周圍見到出曬水，食落去個味好奇怪。