稻香.茶居 (新都城中心二期)

营业中

休息中

近年吸引大批香港人北上消費令香港飲食業生意暴跌原兇，稻香肯定係表表者，從點餐到煲水完全自助，叫人冇人應，但居然夠膽收加一，近期仲要換埋個低能新煲水壺，要完全冇晒水先可以自動加水，茶壺又細，一至兩個人少可能問題不大，人多基本上要不停煲水忙過不停，要碟辣椒油居然都冇，只有辣椒漿，食物味道再好都好難幫襯

稻香而家做緊$9.9一隻紅燒乳鴿一人限叫一隻乳鴿真是冇得彈，皮脆肉嫩一人一隻，仲俾埋隻膠手套你，保持衛生，好窩心加上滿載童年回憶的大大塊卜卜脆彩色炸蝦片，好滿足龍躉兩味 香菇清蒸頭腩+ 翡翠炒斑片蒸魚一定要趁熱食 淋咗豉油熟油鍾意食魚的人連埋啲魚汁好好餸飯炒班片啲班片香口，但係嗰啲四季豆真係硬到好似冇炒過的， 為咗環保不浪費，我帶咗返屋企，翌日烚多次食ok的薑蔥焗蠔啲蠔好細隻唔抵食，粉漿好厚，其實薑蔥焗蠔唔一定要加粉漿炸過的，就咁煎焗已經可以好好味安格斯牛肉炒苦瓜啲牛肉硬到好似牛肉乾雜菌扒豆腐正常總括而言不過不失啦最緊要一家人食得開心乳鴿一定要讚

份量嚴重不足 價錢極不合理衛生情況相當惡劣 食具極不潔淨服務一般 煲水之機器更令人不解總括而言此飯店可謂挑戰自己底線必到之處堪稱香港茶樓中伏之王份量嚴重不足 價錢極不合理衛生情況相當惡劣 食具極不潔淨服務一般 煲水之機器更令人不解總括而言此飯店可謂挑戰自己底線必到之處堪稱香港茶樓中伏之王

稻香每年都有一蚊羊腩煲優惠，今年都唔例外，星期一至四晚市8:30後宵夜時間二人可叫1煲羊腩煲，只需$1，非常非常超值！ 份量方面都交足功課，唔會將貨就價，$1就比少啲你。羊肉炆得夠腍，都有五六舊大大件，有皮有肉，冇乜骨，我就最鍾意食皮😋配料有支竹冬菇，筍、馬蹄、豆腐片都充足，我哋仲叫多碟脆肉腩，魚+羊=鮮 。兩個人食極都有，就證明足料！ 唔夠食可點火煱配料，宵夜有六折！食完羊腩煲，湯底仲可打邊爐，記得8:15前好拎定飛，早食早享受！

去咗食間令我梗係滿足到爆嘅食堂，一入去就係滿滿嘅人氣！你話啫，幫襯返兩三次，清蒸花尾躉仔 🐟 都鮮爆，完全唔使啱啱到嗰啲酸檸遮味，真材實料架。蒜茸粉絲蒸蟶子 🦪 佢嘅粉絲蒜味香撲鼻，一嚟熱辣辣咁蒸起就已經叫到我心癢難耐。再嚟招牌蟹肉扒豆苗 🥬 呢道，雖然係話蟹肉唔多見，但係嗰份豆苗爽口得嚟不失風味，綠油油嘅色澤睇嚟都靚仔。而家講真，不嬲我都係食飯大隊長，一個晚上攪三個碟，有餘都冇剩嘅，但係今次，實喺食唔晒！同埋食物質素同份量真係得，好有肚皮飽滿滿嗰種！依家諗起嗰啲色香味俱全嘅餐點，仲想喺度喺度！肯定有得閒就會再去攞吓虎！下次你地都可以試吓！🍚👍🎉

梅子醬發現曱甴🪳燒鵝皮不脆，超咸，全程不停飲水椒鹽蝦，蝦不新鮮，肉質霉；椒鹽非椒鹽，好像爆香蒜頭蝦, 唯一可取是新鮮什菜煲。服務還可以，告知有曱甴，誠意道歉，換了新的梅子醬，然而曱甴若在㕑房的大碗中再分小碟上，那……………………………太恐怖😱……………………………………………………………………………….,,,…………………………………..………..

話說我同屋企人6點半入座食晚市叫左碟片皮鴨加碟乾燒伊麵再加2碗汽鍋湯等左半個鐘終於有碟片皮鴨，一睇，嘩成碟野得戈10幾塊薄嘅又凍嘅賣88蚊，成碟睇落似人哋食淨嘅等多10分鐘黎埋碟乾燒伊麵味道係ok之後一等再等戈2碗湯What the hell？？？等左成個鐘呀，無錯係8點半鐘由入座到碗湯黎，整整2個鐘，一套戲都睇得完啦中間吹左佢2次，次次都話跟緊離譜到咁都係第一次遇到，亦希望係最後一次，呢間野我唔會再黎

新都城嘅稻香永遠好墟冚，未夠六點已經會有人排隊要食一蚊乳鴿，真係過五關斬六將呢隻乳鴿，熱辣辣多汁，一蚊1就算加埋茶價 加一都係好抵另外，佢都有其他優惠，例如飲例湯同埋飲啤酒🍻都幾好

來到稻香吃晚飯，當然要叫晚市孖寶。菠蘿咕嚕肉，酸酸甜甜，很好送飯。豉椒炒聖子，賣相不吸引，肉也有點細小。炒帶子蝦球，一貫水準。蒸東星斑，蒸得剛剛好，帶到魚的鮮甜。金銀蛋莧菜，份量不少，味道亦很好。上湯龍蝦伊麵，龍蝦彈牙，但略嫌伊麵清淡。乳豬脆皮，肉質也不差。茄子斑腩煲，斑腩炸完再落茄子一齊，偏油，如果接受到，都幾香口。

專登預早打電話去問左下午茶截單時間 未夠時間早15分鐘去到，都話唔俾入 😭完全唔負責任 …..一家人約左老人家星期六喺第二區專登過嚟極度掃興🙅🏻‍♀️仲唸住集團唔該式比較穩陣原來服務咁差 亂答我架？定趕住落場唔比我入？

今日初7去稻香飲茶，真係越嚟越唔掂，最基本要好食嘅义燒包都唔好味，芝麻糊係室溫嘅溫度，唔知放咗喺廚房幾耐先攞出嚟俾客人，鴻圖窩伊麵$108簡直垃圾，見到都唔想食，用垃圾2個字形容稻香最貼切。我係唔會再去稻香

其實依家食飯飲茶，自己掃QR code落order好普遍！依家連飲茶，加水倒水都全自助，真係太耐無飲茶，變咗井底之🐸喇😂😂😂不過咁樣真心方便，特別人多果陣，飲杯茶都要等。。依家唔駛等仲可以飲啲熱嘅，暖吓個身！食物就差唔多，唔錯嘅～都係一般飲茶質素，我就滿意嘅～因為款式都多，選擇多，啱晒我呢啲鍾意試嘢嘅人。。我覺得個菜心最有驚喜，好甜又易咬（不過唔記得影相😂）飲茶最好係可以坐耐啲，慢慢食慢慢傾～咁就坐咗兩個鐘～😋😋😋

有幾次經過都見到佢哋門口嘅直立牌寫住呢個優惠，出面仲要有唔少人排隊，今次終於忍唔住入去試吓。基本上每日您都會見到門口有人係度等，8點15分嘅時候開始派籌，但因為餐廳入面好多位，所以一般就算8點半後到都應該有位，唔洗專燈預早好多時間去排隊。今次嘅優惠係要叫指定嘅菜式再加$1蚊羊腩煲，一共有三款比大家選擇：安格斯肥牛($136/碟)、鮮活鮑魚($88/4隻)、噴水象拔蚌($168/條)。除此之外，仲要所有火鍋配料都有6折，真係超抵！———————————————🌟暖笠笠羊腩煲 $1你以為1蚊羊腩煲份量一定好少？完全係相反，呢個羊腩煲超足料，講緊淨係羊肉都好似有8至10舊，入面仲要有好多其他配料包括菇、枝竹、魚片、馬蹄、竹筍，全部都講緊4舊起，真係超高CP值。調味料好似香菜、蔥全部都有落齊，個湯底都調得好好，食完忍唔住飲多左幾啖湯。至於主角羊肉就肉質非常軟腍，酥味唔重，有啲仲可以連皮食，加埋腐乳入口真係非常香濃。.🌟噴水象拔蚌 $168大家參考返圖片就見到一條象拔蚌係可以切到幾大碟，提供刺身或火鍋兩食，我個人就比較鍾意刺身多啲，咬落好爽口亦都非常鮮甜。放落去打邊爐就會相對冇咁爽口，點火鍋醬料

屋企人話想試下稻香推廣嘅88元隻片皮鴨，於是來到呢間新都城分店品嚐，去到七點鐘都可以即時可以入座。入去見到仲有好多位，坐低後即時叫嘢食。京城片皮鴨88元一隻，另外見佢可以用9.9取走原隻鴨殼，諗都唔使諗即時叫埋拎走個鴨殼，鴨唔喺好大隻，但皮都夠脆唔會好肥膩，個醬除咗有乳豬醬還有個千島醬，較特別，我反而覺得千島醬都唔錯。西蘭花帶子蝦仁148元，上檯時見佢冇咗蝦仁，於是叫侍應問下點解，佢即時叫廚房再炒過幾隻蝦仁再擺返落碟餸度，都幾烏龍下，講返碟菜先，西蘭花都炒得啱啱好，帶子都好大粒，味道鮮甜，蝦仁都好爽彈，做得好出色！古法蟲草花金花班98元，條魚都好厚身，火喉蒸得啱啱好，還有其他配料如蟲草花、炸菜同肉絲一齊蒸，魚肉都唔鞋，幾好！養生五指毛桃飽魚氣鍋湯28元，湯有五指毛桃嘅椰香味，味道好清甜，其他湯料有隻好細嘅鮑魚、雞肉、瘦肉、江瑤柱、雞腳等。備註：個鴨殼真係仲有好多肉，9.9幾抵！

好耐無同朋友飲茶，今次活動就係「同養生黎一次約會」面對呢間茶樓俾人第一印象就係服務，不過呢間的服務認真麻麻啦🥲🥲我同朋友係黎飲下午茶，一開始問門口的人需要拎飛嘛？距話要。轉個頭有兩個男人掃完安心，大搖大擺就行左入去，都唔需要拎飛！叫到我的時候，竟然同我講「你入去自己揀位啦！」我完全O左，因為白等左15min🙄坐底開始叫野食啦~~因為都係睇中下午班比較優惠‼️無論尊，特，大，中，小點點心一律以小點計算❗️‼️😍😍蝦仁燒賣 —— 水準都保持住，咬開除左豬肉都有碎蝦仁係入面嘎～蝦餃 —— 都同以往一樣，皮有小小厚，不過呢個係可以接受嘎，蝦食落都係有蝦味，同埋唔係死蝦。翡翠蝦腸粉 ——切開的每一舊入面都有原只蝦仁，一細粒菜心頭。排骨和鳳爪 ——保持水準炸饅頭 ——就差d ，食落好似油饅頭，油完全滲透入左去咁。😖😖😖燒乳鴿 ——感覺有d乾。🥲🥲無論一呢餐好食與唔好食，服務可以好翻小小嘛？入面廚房做唔到單，竟然無人主動同我地講，要我地等。我都清楚了解到，茶樓一定好忙，未必顧及咁多位客人，但都想俾翻小小尊重客人嘎。希望得到改善，下次去食會有個愉快的「約會」啦～～☺️😇