穴壽司 (形點 I)

营业中

休息中

呀媽生日，入元朗食飯佢哋推介原條鯛魚刺身（頭腩煲湯），加埋其他野食（如圖）⋯冇特別，唔算差，不過唔會另到你話 ”好食喎” 果種。不過佢哋價錢屬於中、高（食物如圖，加咗支3百幾嘅sake，埋單2千）， 令我對佢哋嘅期望高咗⋯服務方面要改善⋯叫咗sake，杯揀咗、嘢食上咗一半、已過15分鐘以上，sake冇攞過嚟⋯追問之後，佢話支酒未凍 😑⋯⋯我唯有「教佢」- 1. 下次早啲講，我揀第二支；2. 你嘢食都上咗一半，我之後淨飲？！；重點係⋯3. 你用冰桶冰支酒咪快凍好多囉，點解放雪櫃呀😒？！

之前行街經過都從未入黎試過見今日睇完戲就順便黎食晚飯，點知今日係平日門外都有人等位，平時見佢地星期六日先好多多人等位，點知平日晚上都要等位添上前去取飛，女店員遞上票號，一看要等兩張 隨即店買便問我們會唔會介意坐吧枱，可以即刻安排入座唔需要等，緊係二話不說話無所謂啦，因為好怕要等好耐女店員好似見我大肚，隨即話唔建議我坐吧枱，怕其他客人或者同事有機會撞到會有危險，話有張訂枱仲有10分鐘到如果唔黎可以即刻入去，等多一等，我地就話咁等啦之後入去坐低啦，門口嗰個女仔即刻拎杯熱水比我飲，超級貼心，叫完野食等緊嗰時發現好大風同老公講睇下有無外套，佢見到就即刻話幫我熄個冷氣，比件披肩我，超級細心，都未舉手就已經知道我地想做咩，我同老公都話呢位員工Michelle超級有禮貌，見我地拎住好多野又拎張凳比我地擺野，又細心對待大肚婆，值得加分！估唔到集團式餐廳服務都有咁高既水準，雖然價錢貴少少，但的而且確又幾值既。講番食物先，因為大緊肚唔可以點叫生冷食物，不過牛油果卷真的好好味，串燒都好入味，係貴小小囉，整體十分滿意！食得好開心，決定我地一定會再encore！哈哈！

之前都黎食過飯，感覺整體都好不錯，環境都好舒服，所以同老公再到訪多次今次醒目訂了位，因為之前沒有訂位所以要等好耐位去到已經見到有好多人在等位中於是便跟門口那位貌似經理說訂了位誰不知跟我們說我們遲到要等好的之後那位女經理就不停叫飛帶其他人入去然後那位經理又消失了不久，有一位女員工經過看見我們在門口等候便詢問我們取票未我們就跟她說等待那位經理出來，之後，那位女員工帶我們入座然後個位置有點兒曬，我們便詢問她可不可以調去其他位置因為之前不用訂座也有4人枱坐，女員工便跟我們說因為繁忙時間加上有太多訂座，所以未能安排調位，要待門口經理安排，叫我們先坐下等候，有其他位置才幫我們轉位置但真的太曬了 正想搵其他人之時那個女經理走來說 因為我們遲到所以無其他位置轉了 或者在門口再等吧好的 我老公已經再找其他員工詢問還是需要等候我們決定點食物誰不知等食物期間 發現那位女經理帶其他客人去一四人枱這是甚麼意思？完全沒有跟我們解釋過就給其他人過了很久才有人跟我們說可以轉位置但我們已經成肚氣了 轉甚麼位置？這個是甚麼安排？也不知道那個經理MIKA是怎樣安排，沒有服務可言，沒有禮貌，態度差訂座的客人可以如此對待

.大家都知我係壽司控🍣如果平時想食有質素既呢間穴就係唔錯既選擇食lunch就最抵🤑我最鍾意叫呢兩個set價錢大約200-300一個壽司set每次都食得好滿足☺️..*評分*環境: ⭐️⭐️⭐️⭐️味道: ⭐️⭐️⭐️⭐️價錢: ⭐️⭐️⭐️..📍 穴壽司元朗元龍街9號形點一期1樓1027號舖銅鑼灣告士打道280號世貿中心3樓層P312-313沙田沙田正街18號新城市廣場一期1樓110舖大角咀海庭道18號奧海城二期UG50號舖

刺身拼盤（8款x2片，共三百多元），夠新鮮，好食，抵黑毛和牛串燒三粒，幾好食，香軟唔乾唔韌，百五元一串幾貴吓鰻魚石鍋飯，珍珠米香，魚肉靚夠厚身，汁略少黑豚湯烏冬，豚肉薄片不乾不韌，湯底清，讚岐烏冬唔錯手卷，紙菜脆口，醋米好吃串燒冬菇，鮮菠蘿，鴨吞均香口好吃，保留食物原味時令魚生是店員推介，限定貨源，不過不失整體感覺不錯，地方算舒適，私隱度略低，服務員有禮貌有效率，價錢唔平屬可接受範圍，美中不足係電話訂座無人接聽...埋單約千四多些

📯有時候，工作太辛苦和壓力大，一定要找好吃的食物，來鼓勵自己，叉叉電後再迎戰👊🏼🎏今次的好東西，就是我愛吃的蔥吞拿魚腩飯，是一整碗的那份定食(不是迷你size)，個人喜好，走紫菜碎🔰蔥吞拿魚腩飯$168，水準依然，鮮嫩滑口，將混合了的Wasabi豉油塗在吞拿魚腩蓉上，每一口都有吞拿魚蓉和白飯，那種美味的程度，真教人心花怒放🎉🔰還有，以前放在魚蓉上是一隻鵪鶉蛋，現在是流心蛋，香濃綿密的蛋黃和雪白無瑕的蛋白，凝聚在魚蓉飯上，那滑溜的口感，實在要拍掌讚好😋

二人世界好啱嚟穴，而且我老公好鍾意食穴的串燒。雖然Yoho呢間嘅環境不及LCX嘅海景，但近屋企，所以我哋經常嚟食。其實呢度嘅環境及餐枱擺設都好闊落，食物質素都保持到質素，食材新鮮，仲保留日本的味道，服務水準也保持良好及親切友善。

呢間壽司嘅水準一向都好穩定，成為我同我老公星期六成日去嘅午餐地點，以佢哋嘅品質，午餐定食好抵食， 好新鮮。今次我哋就係揀咗嘅刺身set同埋壽司set。佢哋啲蝦同刺身全部都好淋身好Juicy，好鮮味。食物的擺放都算講究， 乾淨企理。一般嘅壽司定食同刺身定食都會跟埋一個麵豉湯，前菜，沙津， 有蒸蛋。個蒸蛋好好食㗎， 樣樣都正。另外我哋仲帶咗佢哋嘅串燒， 一個牛脷一個雞軟骨。牛脷真係好正鹹味適中， 口感好好， 唔會硬！ 會keep住繼續黎！

我講咗好耐我想食日本嘢 今日終於搵到時間去食啦 見到OpenRice上面可以book位 就即刻book咗收工之後同男朋友一齊去食🥰🥰我就book咗7:30 點知記錯咗自己book咗七點🤪因為有人喺外面排隊所以職員都叫我哋7:30先再返去🥺🥺 所以就行咗一陣街先再過嚟 過到嚟一陣因為book咗位所以等咗5分鐘左右就可以入座👍🏻👍🏻👍🏻 因為我哋兩個嘅食量都唔係太多 所以就決定要一個刺身拼盤 唔使食咁多飯吖嘛🙈🙈 另外再叫咗一個牛油果軟殼蟹卷同埋豚肉烏冬刺身到嗰陣...嘩好靚呀 我同男朋友講唔准掂一定要比我影咗相先😂😂😂 相機食先係必須的就唔逐樣講啦 全部刺身都好新鮮 食得出唔係cheap野😍😍正啊牛油果軟殼蟹卷 牛油果同軟殼蟹都係我最愛 軟殼蟹超級脆冇得輸🙈🙈豚肉烏冬就比較一般 但兩個人食咁多嘢都已經好夠飽 終於完咗近期我個日本嘢夢

之前幫襯過沙田同九龍塘分店，佢哋個海膽丼份量足而且好味道，所以疫情下特登去外賣自取，點知道返屋企打開一看，份量只有之前堂食一半，食完同無食過一樣，根本就將貨就價，簡直搵笨！。

試完yoho 另一間日本野，今次就再試間貴少少依家御膳系列都有六折，但外賣只包湯，無前菜甜品個d官網已經有哂餐牌同價錢，所以都係睇岩就打去落單，係最省時間，都要等十分鐘因為係甘有人排隊買～～兩個人叫左個壽司御膳再加個魚生飯豉油wasabi 同薑都係比齊兩set..雖然甘係省到功夫，一早整定哂。。但同時都好浪費膠。。。因為依d 細細件真係唔會點用得番面豉湯兩碗，一碗就無乜料，另一碗就好多料，都係睇下筆個下你好唔好彩啦雜錦魚生飯～～擺得好靚仔，每件魚生都睇得出好新鮮，每樣都好食隻蝦係最正，彈牙又有鮮味，蝦頭d 膏都好正魚生都係中上水平，甘樣都係一百蚊，真係好過純既一人set,但係魚生飯d 飯係好少，薄薄一層舖滿個底，依層就真係小家左d再試埋特上壽司，其實種類有一半都係重覆，但多左卷物，卷物都係好食～～～海膽就相對遜色左少少，個鮮味唔算特別出我拎完大約七點三到，落單就開始有幾個人排隊所以最好都係打電話落定單啦

I noted that they have 40%off for take away dinner by chance, can't wait to try! I used qr code to check their menu and called to order in advance.Called from 6:30pm to 6:40pm for 10 minutes nonstop and finally got answered. I told them I will pick up at 7:45pm and he said I may still need to wait for half an hour even when I arrived there at 7:30pm because he was not sure how busy they will be around that time. It is fine for me so I confirmed my order is 7:30pm.However when I arrived, my order

呢間食材好高級，價錢當然有返咁上下，趁而家做緊6折， 真係好抵食。 D 刺身好新鮮，食到有甜味㗎🥰，海膽唔會腥臭，真係要再encore。仲有佢D 熟食都好正，由其係饅魚飯，好滑，一D碎骨都無。下次要再早D 去先得， 大size嘅海膽/蟹子飯一早賣清光🤦🏻‍♀️

好想再食日本野無諗過五月尾係最後一餐同一大班朋友出街食😢個日去睇完太陽花就入左元朗食飯。專登搵一間環境空曠一啲，空氣流通好啲嘅餐廳。一家大細就決定去「穴壽司」。實在太肚餓，一連串叫咗好多嘢食，但係唔係樣樣都記得影相😂因為已經食晒落肚，太肚餓了一打開個Menu 就睇中左個「三蟹卷」$58入面包括蟹肉、蟹子、蟹膏鮮味無窮，外層薄薄炸粉，外脆內鮮如果多幾件就好啦，一件唔夠喉「牛油果軟殼蟹卷」$88有牛油果已經係必點之選，清新嘅牛油果包住先味軟殼蟹，再加埋面層嘅蟹子，口感豐富，唔錯。「黑松露甜蝦卷」$88見到黑松露又係好想叫😂朋友二話不說就點左。雖然口感唔錯，但係甜蝦變咗蓉，就食唔出甜味了。其他都無影Menu，忘記名字了，但大致上都好味😋環境 🌟🌟🌟🌟🌟服務 🌟🌟🌟🌟🌟食物 🌟🌟🌟🌟抵食 🌟🌟🌟🌟穴壽司地址: 元朗元龍街9號形點一期1樓1027號舖電話: 23535515

超抵食二人套餐食過ANA 集團好多間分店的我最近發現元朗店期間限定呢個二人套餐真係好抵食啊🤪$988 2位就有齊魚生、銀鱈魚、佐賀和牛、湯、松露鵝肝飯同甜品而且全部都係2個人份量，絕對夠食這個集團的食物都質素保持中上，但這個價錢是超值