穴壽司 (形點 I)

营业中

休息中

餐廳環境不錯，坐在吧枱睇住厨師製每件夀司上枱，每件刺身都好新鮮，賣相好靚，跟厨師談話中話如果可以早一日訂更好，會訂購更好既海鮮，服務一般，有進步空間，整體都滿意的

本人一家到貴日式居酒屋進餐幾遍，感受到壽司、刺身丼飯高質，尤其北海丼、雜锦刺身丼食材豐富，採用厚切三文魚腩，味道鮮甜，故食物質素佳，令本人留下深刻的印象。講真形點主攻壽司、刺身餐廳只有三間: 元氣、純壽司、穴壽司，唯本人喜愛貴餐廳日式料理，始終覺得食材、食物出品比其他兩間好，故希望貴餐廳能繼續努力，為顧客提供優質日式料理。唯貴餐廳值得改善的是接待客人的技巧，帶位員工給本人的印象是不耐煩，沒有笑容和招呼，故服務態度、禮貌方面有待改善。雖然貴餐廳食品價錢頗貴，但幾個月同家人來一次用膳也挺好的，享受豐富的一餐。

當日帶個朋友一齊去食午餐， 主要叫咗杯蕎麥面加壽司嘅餐另外再加個茶漬飯佢有好多嘅配菜，一個午餐已經其實好多嘢食都完全有少少食唔晒但係好好食㗎啲嘢，壽司嘅飯質鬆軟果然出名得有道理

黎到YoHo Mall ，每次經過都見到有人排隊，今日就決定試下呢間穴壽司。我地叫左特上壽司御膳 ，總共有12件壽司，只需$198，價錢相宜，估唔到質素都唔錯！ 最好食係鰻魚壽司，一件咁擺入口，啖啖滿足既鰻魚味，口感十足。另外，海膽壽司好甜，無腥味苦味！ 燒左口魚夠香，入口好滑，而其他壽司亦不過不失。

另一半嘅生日飯梗係要揀間好啲嘅餐廳，之前食過穴壽司，覺得食物水準唔錯，所以今次都早兩日用openrice app book 枱，賺取Asiamile. 早左去到，等左陣，探埋熱，就入得，都差唔多滿座，今時今日咁已經唔錯。入去坐低時，waitress 俾咗個由A4紙摺兩摺既信封俾我地放口罩，幾貼心喎。之後就慢慢睇餐牌，有一個$9xx 2人set ，有前菜，刺身、魚、和牛、飯同甜品，都幾抵，所以叫咗set, 另外加兩杯日本酒飲下。左：柚子酒；右：梅酒我係第一次飲，個人覺得柚子酒易入口啲，梅酒酒味偏濃厚。前菜係蟹肉魚子凍豆腐，個凍豆腐質地比平時嘅豆腐實啲，加埋蟹肉魚子同個汁，幾好味。刺身拼盤一上就知道冇揀錯，刺身鮮甜好好味。Le個燒雪魚好正，夠曬滑，加埋個蛋黃醬真係好邪惡但好好味😆Le個魚湯就一般，魚味俾胡椒味蓋過，魚肉亦較鞋。和牛配埋芥末醬好味，食到尾就覺得油膩同開始飽啦。鵝肝魚子醬炒飯，鵝肝太少唔夠食，個飯炒得乾身，不過不失。甜品係柚子雪芭，佢有啲柚子蜜淋左係雪芭度，甜甜地幾好味，另一半覺得甜咗啲。今晚餐飯好食，但由落單開始，個男waiter 一去不返，一直得一位友善嘅短頭髮waitre

食過同一集團嘅穴 天穴 都覺得質素唔錯今次就黎到穴壽司 其實係個名唔同 Menu都一樣食物質素都一樣高價錢合理 係性價比高嘅日本餐廳今次叫左以下嘅菜式清酒煮蜆清酒味都幾重蜆肉幾肥美章紅魚薄切黑松露帶子呢個之前食過覺得好好味所以今次要encore 仍然覺得呢個配搭冇得頂薄薄嘅章紅魚包住厚帶子 口感十足黑松露醬味道再加魚生嘅鮮味 正特上壽司御膳有壽司十件大件得黎件件新鮮又有海膽又有三文魚籽鰻魚石鍋飯鰻魚又香又軟腍餐廳座位都幾闊落仲有一部分係半開放式窗邊又有陽光照射入黎所以都坐得幾舒適

最近先知元朗開咗穴，遊是特登同女朋友去試下。入到去叫咗個刺身拼盤，刺身有油甘魚，三文魚，呑拿魚，帶子，魷魚，蝦同另一款未食過既魚。一向係香港都好少食呑拿魚，因為大部分都好大浸雪味，或者霉霉地。 但呢度既呑拿魚食得出係新鮮，咬落去唔會散，係唔錯既。 其他刺身都好新鮮，最有驚喜係個魷魚，入面夾住海膽，食落好特別，魷魚好新鮮好creamy。除咗刺身我哋仲叫咗兩個飯，分別係蟹蓋飯同牛柳粒飯，牛柳粒非常香口而且煮得好淰，蟹膏送飯一流加埋蟹肉蟹籽同海膽真係好正！兩個飯份量都好夠，下次有機會再試下佢d卷物！雖然價錢唔平，但食物質素係值得嘅！

為了和牛炒飯而來，剛好有個三文魚蟹子炒飯作期間限定的推廣，結果就順應waiter點後者了。飯炒的非常香，粒粒分明，三文魚的份量也很多很大塊，其他的材料都切得很小一顆，看得見廚師的用心，大推這個。正值冬天，我們還點了黑豚火鍋，除了黑豚之外，還有娃娃菜、豆腐、粗粉絲、紅蘿蔔、金菇菜等等。湯底清甜。個人非常愛吃翠玉瓜，點了一串燒翠玉瓜串燒，每一口都很有份量，燒得剛剛好，咬下去還有汁，後悔只點了一串，以後每次來都要點這個。說實在的，我以前只有在另外一間日本家庭式餐廳吃過油金魚鮫，都是一塊一塊的。在這裏點的塩燒油金魚鮫視覺上很高級，吃起來份量很夠，肉很嫩，魚油很香。

今午為了要好好愛自己一番，於是深入日式巢"穴"去尋找滋味之源。我點咗名叫燒鯖魚御膳，既然是御膳，令我覺得這餐極具擁有皇室之氣派，我對其期望是很高呀。除了鯖魚外，套餐還包括沙律、前菜、海鮮蒸蛋、白飯、麵豉湯、漬物及甜品等。這定食包括麵豉湯、温泉蛋及沙律等，我認為它們絶對不是配角，每一樣都能打通我的味覺神經，同時，也為品嚐鯖魚御膳前，奏出美妙之樂。鯖魚燒得很香，很到位，肉很嫩，再加上珍珠米煮出來的白飯，我樂在其中，而我認為把這套餐稱之為"御膳"，真是當之無愧呀!其實，原來我真的很幸福，因為我能品嚐到有水準的"御品"鯖魚定食，我非常感謝穴壽司的廚師們用心製作。

六點左右肚子有ｄ餓，趁人流未算多，早點攞定位等亞女放工，雖然時間尚早及餐廳只有數枱客人，但接待員話用餐只有90分鐘，唯有等齊人先入座😅餐廳位於形點商場1期內，係屬於半開放式座位，空間感覺好大而且座位與座位之間都有距離，坐得幾舒適👌🏻中午偶爾路過都見坐無虛席👨‍👨‍👧‍👦餐牌種類選擇算蠻多，有魚生飯、刺身、壽司、石鍋飯、鍋物等等。🔸天扶良蝦卷$78外形驟眼看似一條小龍🐉，有頭又有尾🤣脆脆的炸蝦，面上舖滿蟹籽，一碟有六件。🔸 酢麵豉軟牛脷$88平時外面嘅牛脷係片狀的，此店之牛脷呈長條狀，每一條都係厚切👏🏻表面煎得好脆好香口，裡面則軟軟的，好特別嘅口感。沾了伴碟的醬汁(醬內有蟹籽)，香口惹味 😋🔸鰻魚石鍋飯 $138石鍋可保持鰻魚和飯的溫度，一直到食完都好熱👍🏻 鰻魚不算太肥美，皮唔脆但焦香軟滑！ 鰻魚飯的汁淡淡甜味，大量蛋絲差不多蓋過整個飯，蛋絲切得非常幼细，有心思😘🔸黑豚火鍋$178除了黑豚肉片，仲有娃娃菜、菠菜、金菇、豆腐、一朵鮮冬菇及少許冬粉，其實冇乜特别，唔值這個價錢😥🔸熱生薑蜜$32一送上枱就傳来濃郁唧薑味，真的有薑片哪！怪不得咁夠薑啦😜🔸雞皮串$28燒得脆脆的，但咬下去只食到油

聖誕節前夕諗住同男朋友食餐好既點知預正有事發生，不過我地唔驚照食等左差唔多20分鐘先有位可以入到去早知一早預訂位，唔駛等咁耐入面有好多位入到去我哋食咗個刺身拼盤食物質素都尚算唔錯，再叫多咗個魚生沙律同埋三色蟹肉天婦羅！天婦羅炸得啱啱好唔知係咪等得太耐關係已經非常肚餓影唔切食完已經即刻走了

由早到晚忙過不停，很想吃頓豐富晚餐，便想起來這店用餐。接待員關注訂座情況，原來今晚有個特別節目，幸好早到，可以入座。到吧枱入內的左轉位置，來了數次都沒有察覺另有進餐地方，牆身還有美觀的酒瓶間格。店員向我們介紹今晚有解魚環節，可於七時開始下單，而解魚環節於八時後開始。我們入座時間是六時多，但用餐時間是一個半小時，好似有點矛盾，惟有靜觀其變。店員還提醒我們可以拍照，真想不到有機會享受美食之餘，還可近觀體驗，很期待!特上壽司拼盤 (十二件)，其中有喜愛的火炙左口魚裙邊，魚脂出色! 海膽壽司非常美味!帶子一大隻，一分為二後與友人分享，肉質不錯，鮮!蝦肉貼服在壽司飯上，肉質彈牙，鮮!每件都仔細看看，色澤及肉質不錯!吞拿魚壽司魚脂到位，肉質柔軟度可見，味道較淡。四方形的蛋盒，見到蛋的層層疊疊，純蛋味。小卷壽司面上的紅色線狀有點酸味，與壽司一起吃幾特別。三文魚籽底下有一小飯糰，在一眾壽司中較濃味，當然到最後才吃!十二件壽司水準不錯，單純靠食材本身的味道已足夠，連薑片也不忘吃掉，預備食下一道菜!松葉蟹蓋海膽石碢飯石碢飯少不了滋滋聲的熱石碢，可以保持溫度兼有飯焦。蟹蓋除了放滿海膽、蟹籽和蟹肉外，還有底層

話咁快就翻兜呢間高質日本野，食過翻尋味！價錢其實都唔算好便宜，不過耐唔耐一次都ok啦！而且佢選擇又夠多，魚生飯，刺身，壽司，咖哩，茶泡飯等等都有，絕對可以滿足唔同心情想食唔同野既要求。先黎每次一樣既前菜，菜都係新鮮既！第一個set揀左迷你丼，可選兩款迷你丼，或者兩款串燒加一款迷你丼，我揀左後者。茶碗蒸同上次一樣咁好食！先黎兩串牛，好香牛肉味！又唔會鞋。烏冬同魚生飯正常發揮，不過海膽好少壽司一樣咁高質，雖然今次揀左個比較便宜既set，但啲魚好新鮮。最後有甜品，好食！但要叫先上。。。上次唔知搞到無食到今次都係見到每枱都有，問左先知

今日午餐去試依間穴壽司，依間餐廳冇lunch menu,但如果12:30前結帳會有折！三文魚刺身，重點係厚砌，一入口即溶化！好美味豆腐串加左d醬同木魚，同埋咬落中都唔易散，good!豚肉烏冬，薄片豚肉加稻庭烏冬，烏冬份量好多！照燒雞扒烏冬都好味，好窩心將燒汁同雞扒分開左，任意用多醬或小醬配雞扒，雞扒煎得唔乾，都好香脆內軟！依個豬串十分野味，肉加埋肥豬肉一口咬落配合埋調味粉好香口，好好味，簡直依唔停口依間日式餐廳總括來說好好味呀食物質素好好！不過如果計午飯黎講都唔算便宜既一餐

今晚去了這間環境氣氛頗好的日本壽司餐廳，由於只是一個人的晚餐，我只叫了個和牛炒飯糊口，因我喜歡和牛，同時也喜愛炒飯，所以唔理三七係二十一定係二十八，我決定叫了這炒飯。多謝廚司之用心，這炒飯炒得好好，除了飯很乾身爽口，油份也很適中之外，和牛肉煎得很香，這種香的程度是一英呎，即是鼻子與碟之距離在一英呎内，我也可嗅到這炒飯香氣四溢!可是，該炒飯之和牛碎粒，就不太鬆軟了，或許，廚師用其他牛柳粒代替之，亦能帶出相同的效果呀。