穴壽司 (形點 I)

营业中

休息中

為食鬼放假有乜好做？當然係會周圍搵食啦不過一到假期就周圍都係人，尤其係大商場，基本上午飯時間，啲餐廳外面都總係有一大群人排隊等位！今日見尼間餐廳無人排隊，之前試過幾次晚餐，食物質素都唔錯，今日就一於試下午餐！諗左陣，既然我地都最like刺身，于是就點一份特選刺身御膳同一份刺身御膳先上前菜同埋胡麻沙律，沙律菜都新鮮！peach soda，my favorite 蟹肉茶碗蒸蛋，夠晒滑，唔錯麵豉湯首先上左個刺身御膳，一共有七款刺身，款式多，好新鮮再來特上刺身御膳，刺身款式更多，最緊要有我最愛嘅海膽超甜，好味道！尼間餐廳嘅刺身基本上都有質素一碗日本珍珠米飯真係唔少得甜品：葛餅食物質素不錯，可惜服務卻令人無法接受被帶到座位後，先後問左好多次先有一杯水，等良久仍然未有menu ，雖然到點菜時，有位女侍應態度非常好，可惜到結賬時，男侍應嘅態度差到一個點，從未試過被黑面對侍，簽好嘅賬單竟然會從高處掉在枱面，極之無禮貎即使有幾好食，服務咁差，應該唔會再有下次！！

<<呀媽帶我去威系列>>4今日無野做，呀媽又帶左我出去元朗威。佢話之前同朋友係Yoho Mall食過一間日本菜幾好食，所以又叫我去食。講真呢，我對香港既日本菜一向都麻麻，好貴既除外啦，因為無機會試，唔清楚。呢間日本菜都幾多唔同選擇，有壽司，咖哩，茶泡飯，串燒等等。lunch set價錢由70幾蚊去到幾百蚊都有既，所以其實都係豐儉由人，可以選擇既range都幾闊。我好耐無食過壽司，又想食海膽，所以叫左個198既壽司set。因為我都知自己食唔哂成個set既，所以叫呀媽叫一個唔好咁豐富既set，咁就可以share我啲壽司，所以最後佢揀左78蚊既三文魚茶泡飯。每個set都包沙律，漬物，麵豉湯同埋茶碗蒸。老實講我覺得真係幾抵，如果你叫一個最普通既咖哩飯或者茶泡飯set咁樣，佢都包上面呢四樣。佢個茶碗蒸上面仲有啲蟹肉絲添，已經做得好認真。呀媽叫既茶泡飯，我唔鐘意呢啲，所以無試，但佢話好好食。我既壽司set，有我最愛既海膽同三文魚子～～～啲魚都新鮮唔會腥，吞拿魚顏色都好靚，肉質鮮嫩。鰻魚我唔愛，比左呀媽食，都幾大塊。最後呀媽自己單叫左杯梅酒。我就覺得呢間既野飲無特別，

好坦白講我明顯淺黃，所以略施支持下，近來吃飯都細心揀選。以前同家人都多吃美心、千兩等，現在就要另尋他選。是日在形點中六點左右，人流未算多，便去了那日式壽司店晚餐，結果其實不去美心亦無損失。先來了幾串日式串燒：1. 免治雞肉串-爽口而淡白雞肉味，輕烤鹽巴調味夠做，蛋黃未算濃郁。2. 大蔥雞肉串-日本大蔥烤得夠熟夠甜，配上雞肉軟骨位置，口感脆軟交替，不俗。3. 日本冬菇串-味道較淡但幾多汁。4. 日本大蔥串-烤過的大蔥又甜又多汁，略帶脆口，是我必點的蔬菜串燒。5. 豆腐串-外邊有點乾（豆乾皮質感），裡面卻很嫰滑；添上木魚絲及濃醬汁，惹味。6. 多春魚串-不腥而帶炭香，正常發揮。另外還叫了幾款天婦羅同大蜆麵豉湯。日本蛋黃天婦羅是個人最愛（蛋控也），脆漿薄、流心、富濃郁蛋香，正！三蟹卷天婦羅，蟹膏的濃香滿佈口腔周圍，加上裡面一絲絲蟹肉，鮮美十倍提升！當然美食最好以啤酒相伴，叫了支Sapporo送下酒菜。全餐滿載而歸，胃口同心理（良心）都美好了🥰

一行四人中秋節食飯餐廳的環境非常之惡劣，好似商場入邊嘅food court ，餐枱之間空間太近，好嘈吵而且冷氣不足，非常不舒服！餐廳的壽司沒有高級餐廳的水準，食材不新鮮，而且食物擺設非常之求其！餐廳的服務非常之惡劣，個個侍應都唔想做嘢咁，好失望，但係食物嘅價錢同埋服務費都係呢個商場之中比較貴。

同屋企人出黎食飯原本係開心，亦都明白如果餐廳有人訂位的話，要準時交枱都好應該。叫咗都唔少野食，有刺身，有壽司，因為返工嘅關係，屋企人食咗一陣我先前到，所以好多相都無影，各位抱歉。公平啲講返野食，係新鮮同幾好食既，清酒，梅酒選擇都多，而鋪頭位於Yoho呢啲高消費地段，價錢貴亦都係明白，但值唔值就見仁見智了。刺身拼盤，芥辣係新鮮即磨，三文魚肉厚，新鮮，香口，其他刺身份量比較少，但都係好新鮮的。叫嘅嘢食唔算少，又開左2枝酒，想再開多枝酒時，待應話要交枱了，出到門口，卻沒有人在等待

喺Yoho睇完戲都已經夜晚，又係時候食晚飯，我哋又係食番穴壽司，雖然已經試過其他分店，但Yoho店🥢真係第一次。刺身、壽司都係一如既往咁新鮮，炸物都係新鮮香脆，即叫即炸，絕對唔會用上千年油。【Deluxe Assorted Sashimi Platter特上刺身拼盤$518】【Squid Roll with Sea Urchin海膽魷魚卷$128 (刺身8件pcs)】【Deluxe Assorted Sushi Platter特上壽司拼盤$398/ 12款】 【Flamed Foie Gras燒鵝肝$98/ 1件pc】 【Flamed Salmon火炙三文魚壽司$38/ 2件pcs】 【Botan Shrimp牡丹蝦壽司$88/ 1件pc】 【Sea Eel海鰻壽司$48/ 1件pc】 【Sweet Shrimp Roll with Black Truffle黑松露甜蝦卷$88 (卷物6件pcs)】 【Prawn Tempura蝦天扶良$108】 【Sweet Potato Tempura番薯天扶良$58】 【Triple Crab Roll三蟹卷$58/ 1件pc】 用紫菜包住蟹肉、

極級霜燒壽司御膳 $228⠀⠀⠀⠀⠀⠀⠀⠀⠀例牌包左👉🏻沙律、前菜、海鮮蒸蛋、麵豉湯、甜品⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀海鮮蒸蛋好好食，有一大堆蟹肉絲係面到，令到蛋多左陣鮮甜味！⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀總共有7件壽司+1件玉子，分別係穴子、三文魚腩、吞拿魚腩、左口魚裙邊、帆立貝、赤蝦、和牛～⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀經過火炙既洗禮，豐沛既油脂都被逼出，食落入口即溶，齒頰留香，好滿足！⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀甜品係抹茶寒天涷，幾特別

今日同朋友慶祝生日，所以就選擇咗這一間壽司店，我們每次經過都見到有很多人光顧，所以今天就想試一試。本來都有點卻步，因為價錢都頗貴，但看看餐牌，又發現他比同集團其他店舖價錢較平，所以都係很想試一試。我我們點了串燒，燒牛柳粒火喉剛好。因為見到店內也有很多人吃，也點了一些卷物，因為比較飽肚，而牛油果🥑是非常新鮮雖然食物份量比較細小，但是食材非常新鮮，我們點了一客炸天婦羅，那隻蝦非常彈牙，值回價錢。味道很好

開心呢😄，又到「穴」lunch，由於工作辛苦，今次獎勵自己，叫了迷你豪華波士丼$268，即一款迷你豪華波士丼(4選1)配兩款不同串燒，套餐還包括前菜、沙律、熱烏冬或蕎麥麵、甜品等1.我選了迷你海膽飯，啖啖海膽飯，非常好味，實在大滿足，別以為迷你就很少，吃完一整碗也不錯，還有其他連帶的食物呢2.最愛的串燒雞翼+日本黑豚露筍：串燒雞翼，依然很美味，外脆內嫩，又juice，必吃；除了師傅手藝好之餘，選材也很重要，仍是最愛這店的串燒雞翼我提議朋友吃雜錦魚生飯$168，都是很好的選擇，每樣都有些，鋪到整碟滿滿的。吃後，朋友都說滿意

同屋企人慶祝生日飯，一行五人㨂左呢間食lunch, 預先訂左台， 雖然早左到但都即刻安排到台俾我地。因為太肚餓，我就先點了西京燒銀雪魚，$168 set，比起其他定食係貴左少少，但其實佢成set野都好豐富，有湯，有沙律，有茶碗蒸有漬物仲有甜品，食到好滿足。講返條魚，係好滑好肥美，魚邊亦燒得夠脆。我地前後都叫左兩份，但佢既質素不一，後者嗰條魚無前者咁肥美，但就燒得香啲入味啲，我覺得魚就唔可能條條一樣既，但就希望至少佢地既味道水準可以做得穩定啲。衛生方面係張梳化櫈有啲食物碎，坐之前要留意下，如果待應有留意返並於顧客入座前清理好更佳。

- 環境一般，食物質素一般，價錢一般服務一般- 訂枱訂六位，set位得五個，到有野食上枱都冇加返個位- 全部食物一次過上枱，茶一次都冇加過- 慶祝生日自來蛋糕，上蛋糕時冇蠟燭，俾左蠟燭又冇點火慘過食茶餐廳，一定唔會再黎

這間餐廳頗貴，但為慶祝友人生日，我們決定來此日本餐廳好好慶祝一下這間餐廳位於Yoho mall 1期1樓，位置十分好找！他是半開放式的，內裡環境乾淨企理，座位也舒適，很適合一班朋友到此食野傾計~ 牛油果軟殼蟹卷非常特別，沒想過牛油果可以成為壽司飯的配搭食物，亦沒有想過牛油果和軟殼蟹的味道會如此相配：嗌咗個刺身拼盤，有吞拿魚、甜蝦、三文魚等等，非常新鮮也很厚切，沒有雪藏味~ 刺身拼盤入面有一款我個人認為係最好食，就係墨魚刺身包海膽，墨魚刺身已經好鮮，再加埋入面又鮮又唔腥既海膽，真係鮮上加鮮：呢度既海膽好鮮，完全無腥味，海膽包住紫菜食又係另一番風味：鵝肝我食過，但鵝肝釀雞翼未食過！估唔到咁好食，齋食鵝肝會好膩，但包埋雞翼一齊食完全唔覺膩：炸明太子好好味，我超鍾意食明太子，呢度既明太子好香又唔會過咸：之後就到嗌咗幾件壽司，有大大件鰻魚壽司、火炙三文魚壽司、大大粒蟹籽壽司同拖羅壽司🍣，超好食呢間野價錢真係屬於偏貴，但食物質素同樣都係偏高

今日好想食日本🇯🇵菜，睇落呢間餐廳又唔錯又坐得幾舒服一於入去試試🤔午市係冇套餐嘅，全部都係睇menu入面叫，佢熟食嘅選擇都好多，啱曬我呢啲唔食生嘢，但又要食日本嘢既人😂今日叫咗個👉🏻🥢生薑豚肉燒御善$98包咗味噌湯、茶碗蒸🍵、沙律🥗、前菜、漬物、仲有甜品😋綠茶蕨餅🍵🐷豚肉唔會好似出面啲日本餐廳咁勁多肥膏🐷豚肉偏瘦但啱曬我口味，而洋蔥唔會煮到太淋入口仲有口感👍🏻今日自己KO曬🙊🙊下次會再幫襯😋

每逢到慶祝的日子, 都會選擇這家日式料理, 皆因地方寬敞兼食材新鮮。近日推出黑豚火鍋, 服務員建議加角絲, 須額外收二十元, 便試一試。黑豚火鍋熱騰騰的端上來, 黑豚味道不錯, 鍋裏也盛滿蔬菜, 能夠滿足吃肉及吃菜的需要, 加了角絲後一鍋的份量可供最少二人享用, 角絲吸收了湯汁後味道提升不少, 是個驚喜。每次用饍必會再點的菜式: 什錦魚生沙律、美國牛柳粒石鍋飯、火炙左口魚裙邊壽司。什錦魚生沙律的魚生份量適中, 魚生新鮮且刀功並不馬虎, 是個開胃菜式。美國牛柳粒石鍋飯香味四溢, 石鍋熱度足夠令鍋底的飯慢慢形成飯焦, 牛柳粒及醬汁令整個石鍋飯的味道提升不少。火炙左口魚裙邊壽司以火炙形式烹調後魚油慢慢的滲入壽司飯上, 進食時只須專心品嘗整件壽司便可, 無需加入其他調味, 魚油及魚肉的享受是一客令人極想追加的壽司, 值得推薦給怕吃魚生的朋友們。當日用饍是週日, 每位服務員的服務是水準之上, 有主動交流, 如果是平日的話服務則中規中矩。我最喜歡這家日式料理的地方是一些直送食材會不斷更新, 多種烹調方法, 能滿足試新食材及品嘗新鮮食材的慾望。

叫左海膽飯...好甜好好味...刺身拼盤...新鮮刀功不俗...烏冬彈牙可口....壽司味道可謂城中頂級之選...加上壽司飯軟硬適中...最最最感激係職員及經理服務態度非常好...衛生環境極佳...座位舒適冇得彈...雖然埋單黎講價錢稍貴...但食物質素及服務已值回票價!總結黎講今次晚餐非常滿意...下次一定再食...!