影片
电话号码
27960001
营业时间
今日营业
12:00 - 21:30
星期一至日
12:00 - 21:30
以上资料只供参考，请与餐厅确认详情
-
网上订座即将推出
喺啟德做完野，行行吓去咗新蒲崗，見到窩夫就決定試哩間。店舖唔係好大，位置都唔算太多。裝修帶點懷舊風，有啲冰室feel🤣👑慢煮手撕豬腩窩夫三文治 $116大大份窩夫，擺盤幾靚。熱辣辣窩夫皮脆內軟🧇 面層鋪上滿滿手撕豬腩肉，肉絲咬落腍軟鹹香😋 再加咗一大片芝士🧀更香濃，配埋窩夫微甜，口感同味道都好豐富，鹹窩夫都超正🤩 ✨野菌松露油忌廉扁意粉 $98一上枱已經聞到黑松露嘅香氣，菇菌好足料，意粉煮得夠腍身又彈牙有咬口，份量都唔少👍🏻✨叁重朱古力配朱古力雪糕麻糬窩夫 $84雖然叫咗一個鹹窩夫，但見到哩個又想試😆 結果好彩叫埋哩個，真係有surprise😍 頂層係一大球朱古力雪糕，之後係一塊塊朱古力薄片，最底層係切好一格格嘅麻糬窩夫，窩夫咬落超級煙韌，係我最愛嘅口感🤤 有別於鹹窩夫嘅咬口。加埋雪糕同朱古力片一齊食，一啖滿足多重口感，朱古力超級濃郁，絕對必試！✨芙香蘋果果茶 $46熱飲果茶暖胃又香濃，蘋果果味夠香，香甜又帶點蘋果嘅微酸，飲落清新解膩。✨熱情果手搖冰茶 $46味道濃郁，加上酸酸地，同樣係解膩必飲。🔍整體感覺：地點有點兒偏僻，環境乾淨衞生，員工服務友善，上菜速度都算幾快。餐點擺盤有特色，味道都唔錯，而且價錢合理，性價比好高，就算要行遠少少都一定要再去encore😆
继续阅读
.其實聽人提起過呢間Cafe好多次不過都未有機會試今次去開新蒲崗，終於終於試到啦.餐廳走低調工業風店主同我一樣都應該鍾意睇科幻片間舖有好多Stranger things poster 🤣🤣.講返嘢食窩子Cafe係出名食窩夫🧇嘅嗌咗3️⃣款食物都好大驚喜.慢煮手撕豬腩窩夫三文治🧇🥪上枱嘅時候我真心有啲驚訝因為份量超級巨型喺窩夫上先有生菜🥬再加蕃茄片🍅上面配上勁多手撕豬腩肉🐖豬腩肉加咗特製醬汁 味道濃郁而且經過手撕嘅豬腩肉，一啲都唔韌，好容易入口最頂仲有塊熱溶嘅芝士🧀成個配搭係complex得黎幾有texture 總之就係好味啦🤤🤤.意大利烘蛋配口水雞粒熱鐵鍋裏的蛋餅 🍳 新鮮出爐熱辣辣幾乎燙口嘅程度♨️🥹蛋裏有洋蔥粒🧅，菜🥬，芝士🧀仲有辣辣地嘅口水雞粒🐔 雞粒出奇地鮮嫩 配埋香滑嘅蛋同有拉絲嘅芝士🧀有雞肉芝士嘅鹹香又有蛋香真心正🥰忍唔住幾熱都一啖一啖係咁食.糖不甩麻糬窩夫呢個組合真心幾特別🤍由於我真係幾鍾意食花生醬🥜 濃濃嘅花生味真係好吸引雖然有啲甜但襯埋煙煙韌韌嘅麻糬再加有奶油味嘅窩夫🧇 中和返即刻冇咁guilty 🥰🥰仲鋪咗啲杏仁碎片令到口感更加豐富係好有心思嘅甜品.見到Menu上仲有好多嘢我都想試呀等我下次再嚟幫襯吓先
继续阅读
新蒲崗名物 - “窩子”。幾年前都食過呢間充滿懷舊玩具氣息嘅Cafe。嗰陣好似係賣疏乎厘pancake。今日再返嚟，Menu都更新咗，咁我哋又可以試吓其他嘢了。我哋先叫咗沙律打底，結果食完已經飽咗大半😂。原因係呢個”牛油果沙律配虎蝦”，實在相當大份。虎蝦新鮮異常，牛油果同火龍果都清新無比，重點係意大利黑醋嘅沙律醬係放喺牛油果上面，好睇之餘可以比食客自己選擇撈幾多沙律醬。跟住嚟一個”慢煮手撕豬腩窩夫三文治”，呢個比沙律更巨型。慢煮手撕豬腩嘅份量成座山咁，連同四件充滿蛋香嘅窩夫，基本上要好肚餓先食得晒。手撕豬腩嘅味道係鮮嫩多汁，鹹味配上窩夫嘅甜味相當夾。兩杯嘢飲，包括抹茶鮮奶和黑糖焙茶鮮奶。呢兩杯飲品嘅共通點係茶味非常濃，好明顯落咗相當多嘅茶葉粉。當飲完之後其實仲見到好多茶葉粉黐喺杯邊，就證明佢落幾多粉了。我比較欣賞佢可以叫少甜，啱晒我呢啲怕糖人士。話就話怕糖，最後都係要叫一個甜品，外型非常漂亮嘅”焦糖香蕉配雲呢拿雪糕法式千層酥”。靚到咁嘅甜品其實只係$78。表面上唔係好大份嘅甜品，由於充滿吉士醬、忌廉、雪糕、朱古力粉等等，其實係相當邪惡同飽肚，當然係非常好食嘅。窩子嘅出品，一向都幾好。我哋一路都聞到廚房飄過嚟嘅香味，就知道呢度嘅chef係有啲料到。
继续阅读
好久沒有吃waffle，聽朋友介紹Wozi cafe有不同款式waffle ，坐言起行便去食。⭐店長推介：慢煮手撕豬腩窩夫三文治$116好吸晴的打卡相，fusion 菜及有創意。把甜食waffle轉變為鹹食，手撕豬腩肉，厚厚的撕撕肉放在番茄、生菜和上waffle，豬腩面鋪了一片用火槍燙過芝士，極度邪惡。 手撕豬腩肉調味剛剛好，肉質鮮嫩，waffle鬆軟香脆，份量十足。⭐慢煮口水雞扒凱撒沙律碗$129雞肉微微煎香，雞皮香脆還有點點麻辣香味，雞肉嫩滑，新鮮沙律菜配上麵包碎和bacon，唔錯。⭐焦糖香蕉配雲呢拿雪糕$94朋友最愛吃香蕉waffle，甜甜的焦糖加上oreo餅碎、朱古力粉和忌廉、配上牛油和雲呢拿雪糕，香甜美味，waffle鬆軟香脆。⭐抹茶鮮奶$44好濃郁抹茶味，配上香滑的牛奶，是絕配。⭐芙香蘋果果茶$46青甜可口的果果茶，味道清新。頭裝修裝別緻，fusion waffle。年青的服務員，見我們有個大背囊，醒目地替我們放埋個箱度，以便客人坐得舒服。
继续阅读
新蒲崗好多小店可以試，價錢親民而且款式仲好特別首先叫左慢煮手撕豬腩窩夫三文治 ($116)，手撕豬腩配酸酸甜甜嘅調味配埋芝士蕃茄唔會好油膩，同蛋香味濃嘅窩夫一齊食好夾仲叫左香煎牛油帶子配椰子雞湯意大利飯($152)，味道好有創意，椰子雞湯嘅汁味道清甜又香，好好食！甜品就叫左三重朱古力配麻糬窩夫 ($84)，呢個真係有驚喜，熱辣辣嘅麻糬窩夫配上凍冰冰嘅雪糕，一冷一熱口感好正。食落去唔太甜，窩夫入口仲係軟棉棉飲品叫左白桃手搖冰茶 ($46)，白桃味濃郁但味道唔會假，飲落幾清新另外揀左熱黑糖焙茶鮮奶 ($44)，茶味好香，配左黑糖飲落更加滑依間值得一試！
继续阅读