竇

营业中

休息中

經過竇，俾佢裝修吸引了，入到店內座位寛敞，令人坐得舒服，好適合同朋友吹水。因為是用apps 點餐關係，我們各自拎出手機慢慢睇慢慢揀，同一時間可點選午餐或下午茶，咁又幾好喎，多個選擇魔鬼炒飯，原來係豆豉鯪魚炒飯，珍珠米炒得乾身，味道適中香橙紅茶，第一次飲，聞到好香濃嘅橙味，飲到有蜜糖味，但都覺得太甜。可能因為我唔太鍾意飲甜野啦！邪惡芝士雞丹麥酥包，芝士沒有拉絲，有點失望，丹麥酥真係好好味鹽酥雞拼薯條，薯條太乾，鹽酥雞外脆內軟

Visited this cuisine during tea time on a Sunday, and we had to queue up for around 5 mins to get seated. When it was our turn to get in, the waitress asked us to queue up though we were in line. She did not apologise for her mistake and poor attitude…Our elation was already dampened. I opted for their omelette rice with deep-fried fish fillet. Overall it was decently fair. The omelette was nicely done, neither dry nor thin, keeping the temperature of the warm rice beneath the egg. However, the

竇DAU收工喺附近隨便食個下午茶。哩間裝修有啲木系簡約風，環境唔錯，食物又幾多種類。-------------------------鹽酥雞蛋蓋飯 $66鹽酥雞炸粉唔厚，肉質唔鞋。蛋蓋做得幾好，真係蓋曬成個飯，每啖飯都有蛋 🤪有得揀要茄汁或黑椒汁，食蛋蓋飯緊係配茄汁。飲品叫左普通熱朱古力，好濃好味😋-------------------------下午茶嚟講都叫大份，滿足 👍竇DAU地址🎈將軍澳貿業路8號新都城中心三期一樓138A號舖

假日行過「竇」就去試試。由入座前至離座，可謂全無服務可言，侍應態度亦很差，本想中途放假，又剛有位，就算罷。但總體而言，服務很差。幸好是手機點餐、否則以員工質素，應該做吾惦。講到食物，又ok 啊！ 點了酸菜魚薯粉，味道不錯，以這個價錢來看，是不錯的！另點了星加坡炒牛河，普通吧！沒有驚喜，只是普通牛河，看不到特色，味道可以！這個是台式叉燒魚片頭白面，叉燒很好味，似港式叉燒，但味道不錯。午餐加$12 可轉特飲，點了鮮草及菠蘿冰，菠蘿冰透心涼，夏天飲很適合，菠蘿肉細細粒，飲管也飲到。由於是半露天，有太陽光射入，雖然商場有冷氣，但太陽照射加上炎熱夏天，就有點熱和不舒服，加上椅子是沒有椅背，坐得不舒服呢！

今日約左朋友，途經呢度見到呢間 “竇” ，感覺好似唔錯，環境都幾舒服，加上座位與座位之間都比較闊落，同朋友約會係唔錯既選擇，所以諗住試下喺度lunch。坐低之後都係手機落單既，其實都好方便，因為如果要叫人手落單，我諗可能成個鐘都無人理🤭。朋友order左麻辣牛柳粒炒飯 $72其實價錢真係唔算平，但依家大部分既餐廳都係咁上下，如果好食既都可以接受，可惜一黎到，已經覺得好失望😅。賣相真係好差，加上個炒飯係唔熱既。公道D講，個味係幾好既，有少少麻香又唔會好辣，牛柳算係正常。可惜唔熱真係好破壞🥲。我自己就叫左酸菜魚薯粉 $65份量都算幾多，魚片滑溜又大舊，薯粉煙韌，不過唔係好吸到湯既味道😶。湯底酸辣味道都平衡既，比較起上嚟，酸菜魚薯粉性價比高D😁。另外跟餐既凍檸茶同凍奶茶，都唔好飲，奶茶黎到既時候出晒水，變得好淡😅。檸檬茶得一片檸檬，味道有少少奇怪。整體質素一般，好既係坐得舒服，但食物就好普通😏。

2022.07.10 dinner呢一天，無端端出咗街食⋯⋯買完晒嘢，本想買外賣，但又好似太夜，見有好啲嘅位又唔使等就坐低咗。本身有張更好，好可惜係四人又咁啱有四人入，唯有讓俾人😅 不過都好多謝熱心嘅服務員，真係好好人，讚👍🏼左揀右揀，想食嘅意粉又冇，終於我倆都揀咗麵～酸辣魚片頭台灣白麵，叉燒魚片頭糖心蛋台灣白麵。 係餐嚟，有杯飲品，所以幾抵食😊酸辣緊係女友揀啦😏 一放低，嘩！個樣辣到吖，有時一辣又走唔甩啲油，所以都幾油吓，因為一定有落辣椒油！女友一試，唔錯喎，好味呀😋 同埋冇睇落去咁辣，女友仲話啲酸菜都好味👍🏼到我個叉燒魚片頭糖心蛋，賣相就一般😅 食落就ok喎，尤其是個叉燒，似乎係自家製，甜甜哋又淋，好味道😋 個魚片頭都好ok，又彈牙😋👍🏼 仲有，兩碗麵嘅份量都唔少添！

餐廳通知我19:33可以拎取食物，我19:40到達餐廳，居然未有得拎！😟😟😟我於是立刻通知職員，職員話好快有，但沒有跟進！😣😣😣我唯有再多次催促，職員都係話好快有，但仍然沒有跟進，幾經辛苦，最後才17:58才可以拎到食物！如果貴餐廳不能在指定時間內完成食物，請不要通知買家去拎取食物！這種浪費消費者時間和職員傲慢態度的餐廳，真令我怕怕！🥺🥺註：如大家有興趣想俾人玩弄，可以去光顧這間餐廳！🫢🫢

2022.05.27 lunch呢一日，終於試咗呢間！ 之前佢剛開，見佢裝修好靚，望吓餐牌，食物又好似唔錯，今日嚟到食午餐，有set，所以都努力揀吓，唔算餓，就揀咗一飯一麵：黑松露叉燒炒飯 & 豬扒糖心蛋台灣白麵。炒飯賣相幾好，不過唔算好好味，唔知係咪而家食炒飯個feel都係比較悶🤨 可能係我倆自己問題 😝 至於個麵，味道正常，第一次食白麵 (本人覺得少少似上海麵) 豬扒幾夠味，幾好食，餐茶要咗熱香橙紅茶同熱檸水。杯橙茶又估唔到幾好飲😃

竇😌餐廳環境舒適，座位闊落，新開嘅關係已經做好哂隔板，望落觀感都舒服😌餐牌上好似各種菜式都有得叫，有港式小炒又有台灣又有少少西式意粉之類，似乎無特定主題，一於叫個肉燥飯一試肉燥溫泉蛋飯•鹽酥雞($68)鹽酥雞略為炸得過火左少少，食落外皮有啲硬，但有肉燥搭救，食落都可以溫泉蛋正常發揮，用流心蛋餸飯一流😆餐廳仲加左啲酸菜一齊上，中和翻鹽酥雞嘅油膩，算有心思糯米糍 (+8)多手叫多左粒糯米糍，有驚喜喎，比想像中大粒，入面滿滿花生餡🤩加8蚊又唔過份喎🫢臨走時見倒仲有邪惡嘅拉絲菠蘿包😈下次一於再試下

環境／設施－雖然係扶手電梯下，但都算坐得舒服特色－早午晚3餐都幾有特色，好好味人均價格－$39評分－🌟🌟🌟🌟🌟今日試左個黑糖麥皮餐，甜甜地無乜特別，不過上晒所有嘢食，要追問侍應先有得食，麥皮可能少人叫，上餐會普遍慢些少。之前試過麵餐，有菜心好多片或豆角粒，超有心思又健康佢仲有大大粒花生糯米糍，芝士拉絲菠蘿包，真係幾特別近期係3個新都城幾個商場中，找到呢間比較有特色嘅餐廳，開業幾個月，食物質素都維持到，中等價錢，下次再同大家介紹埋午餐和晚餐

I had been here for twice at lunchtime. Food is good and the portions is reasonable. I will come back and try the dinner. For takeaway tea set such as Fish and Chips or any Toast or Danish, better dine in for the quality.

Melted cheese bor lor bao🤤randomly discovered this lil gem in tko!Not a fans of pineapple buns with any kind of fillings but this one literally surprised me! the bun itself was fluffy🙌🏻sweetness was well balanced n the crust was crispy! Cheese filling was nice but it would be great if they can offer plain borlor bao too🙊

開左近半年，都吃了好幾次！覺得都不錯假日都有下午茶餐2點開始有時都需時排隊，但時間一般都唔算耐，15分鐘左右都試過帶狗狗入去用餐，但是我用寵物車的，可以入，但需坐在旁邊位置，而寵物車就放在位置出面！因旁邊裝修本身是不密封的，所以就算放在出面，有少少隔住都可以方便摸到看到。食物方面下午茶價錢都算便宜，而份量都唔算少！抵食檸檬菜蜜偏甜，一般。其他飲品正常常吃這個鹽酥雞白拉麵$40鹽酥雞厚肉，脆漿不會太厚剛好，有點似辣粉的味道更惹味配上清清地既上海拉麵不用加一，抵食

上次買炒飯下午茶已經要等半個鐘，今次俾多次機會佢買晚餐外賣，點知仲差，足足等左45分鐘！等候其間一個外賣都無出過。返到去仲要發現白飯漏咗俾，炒蛋味道正常，但個乾炒牛河竟然有薑味，仲要係好大陣味個種。。。好慢又難食，無下次了。

食了一次後沒有再光顧了. 見到三期有新餐廳，當然要試吓啦，但我感覺不好食，中伏，價錢也不是很平，坐也坐得不太舒服，因為我坐的是近門口的圓枱， 不會再光顧.見新開張，晚餐試吓食，點知失望！ 尤其係個炒河，好像啫喱，感覺奇怪，好難食. 另一碟炒麵，造型好靚，但就食得狼狽，但不難食，也不是話好好食. 飲品，試了特飲，也不錯！ 此外，也試過芝士菠蘿飽，都是一般，食一次夠了，不會再試.服務態度ok, 侍應多，出餐不會太耐.