立体派拉麵 (威靈頓街)

营业中

休息中

立体派 📍中環威靈頓街27-29號地庫 Yuen Yick Building☎️ 2399 0811邊個話情人節一定要食fine dining 😆 casual 得黎又有少少趣味，可以諗諗立体派新推出嘅情人節限定雙子拉麵！位於中環威靈頓街嘅立体派由日本拉麵大師林隆臣主理，今個情人節特別推出兩款超有心思嘅情侶拉麵。 🗓 限定期間：2月1日至3月16日❤️ 完美展現愛情中嘅陰陽調和 ❤️辣味濃厚白湯拉麵就似個man爆嘅暖男，用京都丹波地雞熬製嘅濃湯，加入羅勒、芫茜同印度胡椒等香料，香辣過癮又有層次！明太子豆乳雞白湯拉麵就好似溫柔女友，柚子白味噌配上松露忌廉油，湯底仲要係浪漫粉紅色！兩碗拉麵雖然性格迥異，卻又完美配合，就似情侶之間既互補又甜蜜嘅火花！🍜 小食推介- 汁煮厚切叉燒 $58- 唐揚脆炸雞 $52🥤 飲品推薦- 木村完熟白桃汽水 $29- 木村富士山柚子梳打 $29

情人節🩷就嚟到，大家諗到食咩未？除咗西餐之外，大家有冇諗過去食拉麵，渡過一個日式情人節😆？立体派拉麵@ramencubism 由即日至3月16日推出咗全新情人節特別拉麵🩷 —「雙子拉麵」，特別之處係佢兩碗麵真係拉住㗎😍，猶如情侶手牽手一樣👫。雙子拉麵 $218辣味濃厚白湯拉麵拉麵🍜來自日本京都有機飼養的丹波地雞熬製🐓，配合多種香料和辣粉調製而成，惹味濃郁😋。明太子豆乳雞白湯拉麵濃郁的雞白湯與豆乳的完美結合，配以柚子白味噌和Style林秘製鹽醬汁調味，形成了獨特嘅組合😋。兩碗拉麵一剛一柔，正好代表一男一女名古屋風雞翼 $48外層薄薄嘅一層炸漿🥰，口感鬆脆，內層肉質保持濕潤，香口惹味又juicy😍。章魚小丸子 $58外層燒卜卜脆，入面就夠軟心，章魚口咁彈牙😍。

呢間拉麵店位置雖然唔顯眼 但來頭不惹少！係由日本著名拉麵大師創立 旗下有多間人氣店多次入選日本美食榜「Tabelog」嘅百間名店(‘ε’)香港呢間嘅口味非常特別 可以話係獨一無二添今次咁岩見到有兩款秋冬限定嘅新口味湯頭濃厚 啖啖精華～自家製拉麵亦好掛湯爽口✿ 「雪走」風呂吹大根味噌拉麵 $138有趣嘅菜名(´• ω •`)食材配搭豐富 味道好有層次湯底採用白味噌、柚子味噌烹調 再加入豚肉油配菜有招牌五花肉叉燒 薄身而濃味 帶焦香蘿蔔用魚乾 昆布 冬菇等等熬製三日！非常軟稔入味～✿ 黃金味噌拉麵 $138湯底同樣特別 係濃縮40種麵豉香料嘅味噌湯！仲加入野菜 免治豬肉 牛奶調味～質地濃厚會有一嚿日式炸醬比你撈落湯底 甜中帶辣 充滿鹹香配菜有秘製慢煮叉燒 肉質好軟嫩 完全唔嚡仲有個腐皮福袋 內餡有蔥 薑 粉絲蒟蒻 爽口清新

位於中環日本拉麵店立体派由日本冠軍拉麵大師林隆臣創立不時推出多款獨特又美味拉麵！獲獎無數最近更推出💕情人節甜蜜共享雙子拉麵💕用上獨特的碗緊密相連2碗不同口味拉麵最岩同情侶好友開心分享！🌶️辣味濃厚白湯拉麵🌶️辣味濃厚白湯～帶來香辣滋味口感用上來自日本京都有機飼養的丹波地雞熬製加入多款香料、辣粉調製而成～微辣香濃湯底🥛明太子豆乳雞白湯拉麵🥛濃郁的雞白湯與豆乳的完美結合加入柚子白味噌和 Style 林秘製鹽醬汁調味每啖更食到柚子清香🌿湯底加入松露油的忌廉濃郁香口！拉麵掛汁好味～配上明太子👍🏻更添滋味店內除左多款招牌拉麵外更有不同日本小食叫左章魚小丸子同名古屋風雞翼即叫即製！好好味啊😋大家快D mark底日子來試下呢款期間限定拉麵👏🏻雙子拉麵係2月1號去到3月16號供應立体派 @ramencubism 📍中環威靈頓街 27-29 號元益大廈營業時間:星期一至日上午十一時至晚上十一時#拉麵 #日本過江龍 #立休派 #雞白湯 #丹波地雞 #日本菜 #中環美食 #中環 #香港美食 #美食日記

上網碌到呢間拉麵，賣相幾吸引於是就收工出到嚟試吓。地方有d隱蔽，我哋搵嘅時候仲miss咗條小巷要行番轉頭先留意到😅，餐廳位於中環威靈頓街，店內以木質為主調，中間亦有長吧枱設計。試完最大感受係如果期待非常之高嘅朋友可以唔洗特登過嚟食，係會覺得一般，如果係剛好係附近嘅可以試下。整體味道還可以，而分量系多的。💚火炙豚肉担担沾麵 $158沾麵汁用上濃郁的雞白湯與芝麻味噌醬熬製而成，湯汁閒到芝麻香，濃稠和順滑；入口辣辣哋幾過癮（可揀辣度），麵條比較粗，有咬口，好掛湯；而火炙豚肉亦燒得好香，肥瘦均稱。整體吃落系惹味的。另外剩下的沾湯亦可加錢配搭豆乳湯［湯割］。💚雪走- 風呂吹大根味噌拉麵 $138「雪走」寓意著季節從秋天跑向冬天的景象湯底以白味噌和信州柚子味噌作為基調，濃郁中帶點柚子清新嘅味道；配菜方面有自製幼絲炸洋蔥、溏心蛋、豚肩肉和選用立体派招牌帶皮五花肉叉燒；麵條比較粗，有咬口，而叉燒肥美；大根用咗特製湯底熬製，入味清甜。整體味道是豐富的，還不錯。🌟Encore 指數：6.8/10——————————————————————Total $325 (已包括10%服務費）2人

✨黃金味噌拉麵作為林隆臣大師製作嘅得獎拉麵 黃金味噌拉麵 湯底以多種日本各地麵豉同香調調製 再加入野菜同牛奶等調味 味道濃厚帶辣 叉燒以低溫焗製肉質軟嫩配料另有腐皮包 内餡飽滿 包住香蔥 生薑 粉絲同蒟蒻等 再經軟微炙燒麵質粗身偏硬爽彈 濃厚鮮味✨風呂吹大根味噌拉麵面層加左自製炸洋蔥絲 香口味濃湯底以白味噌配搭信州柚子味噌等製作風呂吹大根 用左特製湯底熬製 入味清甜叉燒肥美 半熟蛋溏心 麵條爽滑彈牙 幾惹味✨雞皮餃子外層雞皮酥脆 肉餡油香惹味✨日式煎餃子餃子皮薄 肉餡飽滿多汁✨明太子雞翼雞翼皮脆肉嫩 冇骨啖啖肉 內餡有鹹鮮明太子 味道豐富✨名古屋風雞翼雞翼外脆內軟 肉汁豐富總結：食物可以 份量足環境正常 服務唔錯 價錢可以

之前行過中環，見到一間「立体派」拉麵店，新岀左2款拉麵就叫左嚟試下！如果鐘意食清啲，可以試試雪走拉麵，湯底有淡淡柚子味，好特别，而且啲配料都好多！鐘意濃啲可以試黃金拉麵，叉燒同肉碎都超濃味！店入面仲有啲小食都好岀色，雞皮餃子同明太子雞翼，都好特別而且味道啱啱好👍🏻👍🏻👍🏻大家經過中環都可以試試飲品方面係玻璃樽碳酸飲品，雖然係水果口味，但飲落都幾重果汁味，唔會好死甜，整體餐廳無論服務定食物都好好

去中環望下有乜食 諗住食碗拉麪 搵到呢間拉麵，諗住試吓 都叫咗個蘿蔔濃郁湯什麼拉麪，嘩。 難食到..咁大個人好少食剩嘢 真係要講一聲，佩服😅 我會同朋友講千祈唔好嚟。。貼錢買難受

今年2025 1月1日假期去試了一間出名日式拉麵店！佢地多次入選日本美食榜「Tabelog」百間名店！💫🤍🌈🍷香港店嘅拉麵也很特別，捧場客人眾多！九味醬油拉麵🍜湯底用了9種唔同既醬油製成，醬油味濃而且帶有少少甜味，配合厚切叉燒，好似東坡肉，入口質感非常軟腍，而且醃得好入味，口感令人回味，充滿濃濃日本風味！特級白湯拉麵☄️粗麵質彈牙，加上三大塊薄切低溫慢煮叉燒，湯底係好濃郁雞白湯，味濃厚及濃郁雞味，入口鮮美！

有啲乜事令到冠軍級拉麵大師林隆臣襲港原來係立體派又出新拉麵啦‼️今次推出嘅兩款都係秋冬限定款٩(๑´3｀๑)۶味道經過反覆試驗｜絕對係質素嘅保證〰️〰️〰️〰️〰️〰️〰️〰️〰️〰️〰️〰️〰️🌈風呂吹大根味噌拉麵 $138雪走(ゆばしり ʏᴜʙᴀꜱʜɪʀɪ)雪走意味着季節由秋天跑去冬天嘅景象湯底以白味噌和信州柚子味噌作為基調濃郁中帶點柚子清新嘅味道(≧∀≦)ゞ大根鮮甜入味｜一界就分開拉麵亦採用立體派招牌帶皮五花肉叉燒相當有驚喜σ(´∀｀*)🌈黃金味噌拉麵 $138含金量極重嘅湯底ε≡ﾍ( ´∀`)ﾉ用咗40種日本優質味噌｜味道獨特香濃除咗味噌之外仲有加入炒野菜｜牛奶調味味道會比上一款濃郁｜層次更加豐富「巾着」腐皮包亦都係大師重新演繹以香蔥粉絲代替傳統年糕味道更加輕盈爽口(・`ω´・)🌈名古屋雞翼 $48🌈自家製餃子 $48小食都相當有誠意｜即叫即做熱辣辣名古屋雞翼先脆炸之後用醬汁裹上外脆內嫩＼(●´ϖ`●)／

香港最垃圾拉麵，唔好去，環境差，服務又唔好，性價比低，任何一間都好過呢度！我本身都唔多寫食評，但係今次體驗實在太差，所以想寫一寫，因為我本身好鍾意食拉麵，但係對呢間拉麵實在太失望，希望大家唔好中伏！最主要係拉麵味道好淡，啲肉感覺上唔新鮮，麵質食落去口感好唔好！預期係食緊日本拉麵，感覺上係食緊拉麵整嘅唔算係日本拉麵嘅麵!另外可能店舖已經比較舊，咁我想環境比較差，感覺上比較骯髒，應該係店舖管理人冇認真做好。

🍜拉麵 💮小店 🚹1-8人 🌿#芫荽——————呢間食完榮登🐻‍❄️嘅最愛拉麵🍜店😆！即刻分享吓有咩食～💯🍜特級白湯拉麵$128一嚟到好大個碗🤣🤣🤣🐓雞白湯湯底係非常濃郁嘅雞湯，真係好似飲緊屋企煲嘅雞湯咁🤤好好味💯🍜極上芫荽醬油湯拉麵$98醬油湯+滿到山咁多嘅芫荽🤣呢個都好食除咗湯底&芫荽，兩款有嘅拉麵同配料都一樣😛全部都好好味🤤包括：🍜拉麵麵質軟硬適中👍🏽🐖叉燒嫩滑、有煙燻過，薄切兼肥瘦適中🤤🍄‍🟫筍有醃製過，食落有啲黑椒、咸味，無咗筍嘅青味💯名古屋風雞翼$48好香，有肉汁，新鮮炸起🤤醃製過，連滴出嘅肉汁都係有咸味，不過雞翼中間就有啲肉係淡味啲睇嚟醃得唔夠耐～不過都收貨啦🤤即食嘅要小心燙嘴🔥是日甜點$32日式天日鹽雪糕窩夫，唔太甜、少少咸味嘅雪糕，不過就唔似自家製，可以唔試🤣結論：🐻‍❄️食過最滿意嘅拉麵店😆各項食物都好有水準，超級推薦！

我諗喺呢個世界上都好難再搵到一間咁難食嘅拉麵，一碗就超級鹹，一碗就超級甜，都唔知點解可以有咁多好評，如果你有多餘錢又唔介意食垃圾嘅話，呢間拉麵店就啱晒你，咸到開頭企硬唔肯換，仲攞一壺清湯話俾我溝淡佢，咁都講得出口，仲話咩日本過江龍，得啖笑

大家都明白一個道理，期望過高會容易引致失望。開得店响中環，老蘭下面，鏞記燒鵝斜對面，仲要係日本有名大廚主理，我諗期望高都好正常姐。然而，基於人嘅思想習慣，低價嘅拉麵，例如 88 蚊碗，佢做到70/100分，你可能都會覺得 ok。但如果 158 蚊碗，佢做到 85/100 分， 你都可能會覺得不OK！呢間店我已經係二刷，第一次來無論係雞白湯拉麵定醬油拉麵，我都係覺得不太滿意，但因為全港較有名嘅拉麵店我都探過晒，所以想返兜一d之前睇落想試又未去試嘅拉麵，呢碗雞醬油拉麵就係其中一碗。以下係食評。《雞🐓醬油拉麵🍜》名店就係名店，令些多花神。呢碗麵一上桌，第一樣吸引到我嘅唔係碗麵，而係用來墊隻匙羹嘅羹墊，係雞造型，幾有趣喎，印象分有加，但冇影響我對碗麵嘅評價。香味 (4/5) - 香味充足豐富，第一種味道唔係醬油，而係柚子，因為佢篤柚子蓉就放响探頭落去最近鼻嘅位置，所以柚子味先來，然後先係醬油味。放柚子嘅位置可能係一種設計，亦可能係咁啱，但如果係呢種高檔店來講，姑且當佢係特登嘅先啦。湯 (3/5) - 如題，個湯非常咁多種唔同味道於一身。首先係鮮明嘅貝類味道，類似金色不如歸種貝湯咁。再來嘅味道就

禮拜六午市人坐滿,前面有兩人排隊,等左十分鐘後由服務員姐姐帶位,睇左餐牌後先發覺限定拉麵要兩點後先供應,唔緊要,反正第一次黎,先試下d basic野先,雞醬油拉麵,先飲個湯,濃濃既煙燻雞味再出醬油味,有層次感,麵質煮得唔淋唔硬,啱啱好,雞肉&叉燒都好讚,醬油清湯拉麵,滿滿醬油味,又唔會淡而無味,再加竹筍牛蒡漬,酸酸甜甜,令人食慾大開,只略嫌硬左d章魚小丸子一咬已知係袋裝工場貨,就算落多左d木魚都掩飾唔到,以為係佢地自家製,我真係諗多左🤣🤣,而且工場貨收呢個價錢有d貴.....綜合評分,味道&服務都好,會再光顧