竹園海鮮飯店

营业中

休息中

去呢間店食野最好付現金 如果用信用卡付款 會俾佢地多收一，二百蚊架。今次係同一間店已經係第二次 總之 我以後都不會再去呢間店 大家小心 千祈唔好俾啲無良商人呃 畢竟大家都係好辛苦賺返黎架

I seriously don’t eat shark fin, but my friend insists me to try and is really good! I mean shark fin doesn’t have much taste itself, but the thick broth they made was delicious! Others dishes are quite nice, the fried noodles more outstanding.

This Chinese restaurant holds great significance for me, dating back 20 to 30 years when it gained fame due to the influx of Japanese tourists visiting Hong Kong. It's renowned for its signature dish, the cheese baked lobster noodles. Having been a long-standing establishment in the neighborhood, it recently relocated to this new location. However, I must admit to feeling disappointed with the storefront and interior. Despite being a new restaurant, it appeared worn-out and lacked aesthetic appe

跑馬地竹園我由細食到大之前心血來潮突然好想食好想食所以搭叮叮去咗上環淨係叫咗一碗比以前鹹左好多！仲要貴左好多！唉本來係窮人恩物㗎嘛而家香港已經無好食嘅碗仔翅諗住食返碗好食嘅潮州翅都冇埋依啲舊式嘅酒樓，大家唔好期望有啲乜嘢好嘅服務。

大中伏，同朋友去食生日飯，買左個雪糕蛋糕後10分鐘內已的士到餐廳，一到已同餐廳經理溝通必須放入冰格因為係雪糕蛋糕。食物水平一般，衛生環境一般，環境一般，都唔緊要，但佢拎個蛋糕出嚟個下真係喊出黎。個蛋糕已到滴晒汁溶晒，經理立即推卸責任，個下朋友們都好尷尬，主角都好失望。係多次投訴後先話賠返蛋糕2/3錢，但係錢已經唔係重點，重點係生日個蛋糕溶晒重尷尬過無蛋糕。好在同熟朋友食飯，但如果同家人、客戶or要得體，呢個餐廳真係唔好考慮！

星期日晚，約咗相識多年師長敘舊，把酒談歡😄😄😄起初對餐廳期望不大，餐牌選擇唔多，而且圖片不屬實😂價錢為中等酒樓價。環境尚算寬敞，雖然面積唔大，但位置同空間感都足夠。侍應頗熱情，會一同開開玩笑。食物質素比意想中出色許多，食得津津有味係一間有機會會再返嚟食嘅中式酒樓。適合一大班朋友宴客，或者同屋企人食飯～比較推介嘅菜式👇🏻👇🏻👇🏻炸乳鴿皮脆肉嫩滑，唔會太油膩。瓦煲豉油雞豉油汁偏甜，非常入味，食到停唔到口。炒麵估唔到最普通嘅炒麵咁有驚喜，炒得乾身，有鑊氣，麵質水準甚高👍🏻整體都好食，充滿驚喜

上環鋪的服務態遠不及跑馬地鋪的好！今晚點了芝士大蝦，蒜蓉法包，油鹽水花蛤，蟶子王，莧菜同乳鴿。在所有菜都差不多上枱後，仍未有法包，但芝士大蝦已經凍了，追了侍應而回應是在焗…. 過了一會仍未有，再次問但同樣回覆，在第三次問時，回覆說法包要焗20分鐘🤔吓？我落單到而家都40分鐘有多，全部食物都上咗枱，但法包都未焗好？而侍應一句唔好意思都冇講，再過3分鐘終於等到法國包，但係芝士大蝦已經凍咗！😡你呢個收費，就算食物幾好味都冇用，服務質素是負分，呢次之後一定唔會再嚟👎

真係睇漏，唔check單，實有問題， 上環區酒樓多有北園、海港、鳳城、信德內美心、 無極限廣埸內潮江春、星月樓、 信德內望月軒， 真係揀無可揀咩先去竹園， 竹園10蚊1位茶位，另外每位又收8蚊1位醬， 簡單d 講十八蚊茶位1個人好過啦， 入去攞位話五位，畀張枱6人坐，但係就收六位茶錢。 蝦餃皮厚兼仲甩皮， 蝦又淋又冇調味， 雞扎內有蟹柳火腿雞件， 味道正常， 冇乜特別囉所有嘢食完之後你都唔會諗住再返轉頭， 再加上佢哋d服務員工, 講埋d鄉下話幾呢咕嚕又大聲唔應該再去， 我試過中伏就唔應該再去㗎啦，解知都係一次機會都唔可以再畀呢間嘢， 原來佢哋專做大陸客，大陸人同香港人招呼有差別㗎，咁得意喎， 原來醒錢先有人招呼 、斟水。

Never get disappointed whenever I come here for dinner. I started eating in 竹園 when I was a child, Wong Tai Sin, Happy Valley and TST. Their food is really great, the most I like are their shark fins and their seafood, also their roasted chicken. 很好吃的傳統海鮮酒家！竹園由黃大仙，跑馬地同尖沙咀已經開始食，佢D潮洲翅應該係數一數二，新店開張，服務態度非常好，價錢亦算合理！

收到風，老字號「竹園海鮮飯店」因深受疫情打擊，近月將三間分店合拼為一，於上環重新開店。地舖門面光鮮搶眼，不難找到。門外有個易拉架介紹今期做緊盆菜及秘製潮州翅優惠。落地玻璃窗後嘅用餐大堂光線充沛，散座均以屏風間開，感覺都好企理。七人派對於私隱度更高嘅廂房內進行，有專人招待，仲有個空氣清新機，尤其衛生舒適。最遲嘅XO仔到步時大家已經食緊前菜送酒酒。好在都仲趕得切享用濃潤且極富光澤嘅流心皮蛋！秘製潮州翅（推廣價$298/位）：翅翅以砂鍋滾住上，並由經理哥哥親自續一分配。熱辣辣嘅潮州翅香濃潤滑，足料暖胃，特價期間實屬必吃之選！東星斑球（$480）：據悉東星當日啱啱新鮮劏出，應建議起肉炒球。意外地，東星斑球嘅魚皮超脆，魚肉軟嫩鮮美，吃畢舌上仍留有回香，長輩們無一不讚！正宗印度咖哩崩沙腩（$298）：厚厚嘅崩沙腩唔肥，鬆爽有咬口得黎仲一啲都唔韌。量足嘅咖哩汁少辣惹味，另配條熱手嘅法包（$40/半條）可黏盡精華，掂呀！椒鹽海檀蝦（$950）：為怕大家食得狼狽，主人家專登安排師傅將瀨尿蝦預先去殼後方才以椒鹽炒出，瀨尿蝦肉爽脆甜美，入哂味兼好夠鑊氣。如相所示，橙色嘅瀨尿蝦膏成抽成串咁好顯眼，食落鮮香肥潤

食物咸得驚人，芝士牛油龍蝦，唔知以為蒸牛油，完全看不清龍蝦、海鮮價錢貴得離譜，蒸魚魚身唔熟。之前享譽盛名，落差太大，前菜唔食都要計錢，以人頭計，有圍消者者權利。

諗起食海鮮的話，我哋唔係去西貢，鯉魚門就係竹園。正當我想打電話去跑馬地竹園訂位嘅時候，先發覺原來佢哋已經結業😢 好彩竹園喺上環重開，於是我哋就去試吓。新店交通其實比跑馬地方便，喺上環地鐵站行5分鐘左右就到，或者可以泊車喺對面信德中心。餐廳樓底夠高，採光度高，感覺舒適，唔會好似舊店咁侷促。🦐椒鹽瀨尿蝦 - 我食過好多間海鮮酒家做嘅椒鹽瀨尿蝦，始終係竹園最好食！蝦肉鮮甜無比，蒜蓉炸得香脆，連D油嘅香味都零舍唔同。食瀨尿蝦都好難有儀態😛一定要鉸剪同手並用，不過為咗美食，洗多幾次手都唔緊要😂🦪蒜茸粉絲蒸扇貝 - 扇貝厚肉彈牙，有海水鮮甜味。粉絲索晒啲汁，惹味到不得了！🦞上湯龍蝦伊麵底 - 龍蝦啖啖肉，蝦味濃郁。伊麵吸晒龍蝦汁嘅精華，不過芡汁稍為多咗少少。🦪陳皮蒸鮑魚 - 鮑魚口感爽脆，陳皮有助帶出鮑魚嘅鮮味，而且豉油唔會太咸。🐟清蒸花英斑 - 第一次食花英斑，魚肉比較挺身結實，有啲似石斑魚。條魚蒸得啱火候，剛剛熟。店員手勢純熟地幫我哋起骨，仲一份份咁放入我地個碗度，好細心。唔使我企起身去夾😁不過我都係鍾意食瓜子斑嗰類肉質好嫩滑D嘅魚。竹園海鮮，真材實料，保持一貫水準，招呼親切，味道完全係「老派