竹家莊

营业中

休息中

夜麻麻，本身諗住去食魚蛋，點知行錯路，架車入咗佐敦，然後就諗起走咗去食燒鵝河🤭坐低第一時間梗係叫燒鵝河粉去食啦，一如既往，個湯底超濃超正，河粉好滑，燒鵝好香，好滿足勁耐冇食過東風螺，叫咗一碟，煮得啱啱好熟度，最緊要真係要配個甜辣醬，新鮮好味爽口再嚟多個白灼韭菜花，簡單但係鮮甜好味，最愛就係食韭菜花仲叫多咗碟豉椒炒蜆，但係完全唔記得咗影，又係好好食，叫咗中辣，但都唔算太辣佢營業時間去到夜晚凌晨兩點，所以真係附近最正嘅宵夜之選之一

有次經過開見到幾旺都想試吓，今次兩個人去食咗個前菜魷魚一小碟，幾彈牙爽脆；蒜蓉蟶子算唔錯，可惜有啲沙石；炒硯小辣都幾辣；白烚蝦半斤每人4隻左右，唔算好鮮甜，好彩肉質可以，另外叫咗碗鴨瀨，都叫合格嘅。有樽裝可樂，所以叫咗兩支解渴，埋單比想像中貴，都成差唔多600蚊一個人，因為海鮮時價太貴，一碟蟶子四條已經三百幾四百，呢個價錢，應該去鯉魚門食海鮮好過😂起碼可以揀海鮮即整即食確保新鮮，服務可以，會主動沖茶及換碟。

.竹家莊 @bamboovillagehk （佐敦）.大名鼎鼎的竹家莊.. 成日聽到係因為身邊班fd成日都做完嘢凌晨踩入去食.. 變成佢哋嘅飯堂..但我就真係第一次試.. 今次同大家一齊試試 幾味友人推薦覺得要食嘅嘢.1.燒鴨河粉 $56（轉瀨粉）.通常食避風塘炒蟹都會配燒鴨河.. 啲人咁講 我唔知點解..雖然出門避風塘炒蟹嘅竹家莊燒鴨河粉都係一大熱門..重點係 相較之下 價錢真係算實惠😆.燒鴨質素不在話下 肉雖然未係特別嫩.. 但皮脆膏厚..鴨香味真心濃.. 但如果唔連皮食就無咩太大驚喜..湯底係濃郁啲嘅清湯.. 舒服..瀨粉就正常質素.. 比較驚喜嘅位係佢嘅鴨皮.. 鴨四舊左右.. 呢個價錢ok...2.避風塘🦐（時價）.呢個係傳說中食開「竹家莊」嘅人先識得order嘅na.. 我班fd講嘅 錯咗唔關我事🤣真心好味.. 肉質 & 味道無可挑剔但價錢不菲...3. 豉椒炒蜆 $108少辣 香口 無沙 新鮮 可以👍.我哋當日仲叫咗其他！as 夜晚宵夜打冷 我覺得係唔錯！但價錢就真係偏貴啲啲..但夜麻麻都開得夜 我覺得算係咁！！座位雖然唔係多 但氣氛唔錯🤣.#香港美食 #港式餐廳 #卡路

訂咗枱諗住舒舒服服食餐生日飯，點知一食完嘢就即問係咪走得，但我哋仲有個蛋糕未上啊....... 佢哋幾個職員又搞一輪就上埋個蛋糕 。食蛋糕當然係喉住我哋食完蛋糕未？要收碟 。我一路篤住個生日牌未放低叉，佢最終就出聲問係咪收得喇你隻碟？全程坐咗兩個鐘 。同埋食嘢嘅中途，我哋明明傾緊偈但職員就好鍾意攝入嚟問我哋啲賴尿蝦係咪好新鮮？呢樣嗰樣，依家到底我係嚟畀錢你兼招呼你定我哋自己食飯呀？食物質素都冇我對上嗰次食咁好味 。叉鴨河味道失色 。扇背普通。東風螺調味直頭唔好食，白灼應該會好啲 。老火湯講到好熱叫我哋睇熱，但只係暖啦吓 。可以唔駛再幫襯 。埋單4個人三千幾 。

This place opens for dinner only and is famous of Hong Kong style seafood. The place was packed with tourists and the serving speed was actually too fast, making some of the seafood cool down too soon. We came in a group of eight and most of the seafood was marked in market price so the below price could be a reference if you come with a large group.🥂Traditional Spicy Stir-fry Crab $1120Spice was just enough and the crab was very flavourful and fresh. 🥂Steamed Prawn with Garlic $560Steaming time

🌟竹家莊📍位於:佐敦廟街265-267號地下每次去竹家莊食宵夜，一定會食佢嘅鴨絲河粉佢嘅湯底每次我都會飲晒🤭實在太好味了鴨肉嫩嫩的，河粉淋度岩岩好！果皮蒸泥鯭，呢度餸又係必定要食，泥鯭肉好滑又鮮甜另外，仲叫咗韭菜花！呢度餸又係必食的！好入味👍🏻

放左2個幾月假，反工前食餐蟹先😅😅想試好耐既「竹家莊」，終於都食到啦🥰🥰平時都係經過無數次🥹不過比我想像既唔太一樣，哩間最出名就係食避風塘，於是叫左避風塘炒蟹😉，個味炒得好香，不過隻蟹唔算實用，都幾失望🙃，仲要唔平嫁，點知會甘🫢另外叫左燒鴨湯河，個湯粉好滑，不湯都好夠味，但份量就少左d 😏再叫左個魷魚，但冇特別！可能都係做遊客生意為主，試過一次就夠🤣🤣🤣

這次居然來了𝐁𝐥𝐚𝐜𝐤𝐩𝐢𝐧𝐤來港也要來惠顧的著名中菜品嚐海鮮？！這家位於廟街的懷舊海鮮中菜一直在我的𝐭𝐨-𝐞𝐚𝐭-𝐥𝐢𝐬𝐭入面，這次終於預約了𝐰𝐞𝐞𝐤𝐞𝐧𝐝 晚上𝟗點的𝐭𝐢𝐦𝐞𝐬𝐥𝐨𝐭來品嚐一下👍🏻總結價錢稍貴、份量較少、真材實料，惠顧的人絡繹不絕😆(題外話，這裡開到𝟑𝐚𝐦呢🤭) ——— ✤ 白灼韭菜花｜$𝟓𝟖 店家的韭菜花極為鮮嫩，沒有絲毫渣！𝐛𝐭𝐰關於韭菜與韭菜花的差別，在於他們的開花的特性不同，韭菜不易開花，適合作韭菜或韭黃。韭菜花則會開花，粗長肥嫩、纖維少，適合食用🌼 -✤ 白灼鮮豬肚｜$𝟓𝟓 軟嫩好味、彈牙爽口、沒有絲毫腥味！配上辣椒豉油超級惹味🌶️ ✤ 白灼粉腸｜$𝟔𝟐 ⭕️推薦推薦⭕️極為新鮮的粉腸完全沒有絲毫的腥味！爽脆之餘很有口感，配上店家辣椒豉迅速提鮮！💡小知識之你知道為什麼粉腸的口感會粉粉的嗎？粉狀感是由於內腸壁旁的消化系統（絨毛與脂肪）所致呢！ ✤ 油鹽水大蜆｜$𝟏𝟏𝟖 ⭕️推薦推薦⭕️花甲乾淨無沙，湯頭味道鮮味濃郁，以胡椒作為調味另整體更暖胃！配料也有不少吸收了湯底精華的粉絲、芹菜！瞬間把整晚湯喝光光😆 ✤ 燒鴨瀨粉｜$𝟔𝟐 不是燒鴨𝐥𝐨𝐯𝐞𝐫的我表示這裡的很可以👍🏻

雖然話防疫政策放寬咗，餐廳食肆可以通宵營業，但經過疫情之後，好多人都習慣早食飯，加上遊客又未返嚟，所以好多食肆都冇好似以前咁開番咁夜了，呢間食肆算係佐敦來說開得比較夜的，所以月時就算貴少少都會幫襯。講真佢啲嘢又真係幾好食嘅，不過份量就好小，例如七十幾元嘅燒鴨湯河粉，兩啖就食晒，仲有五十幾元嘅白灼魷魚、白灼海蜇頭等，睇落價錢唔貴，但係只係鼓油碟大少少，另外辣酒煮花螺都好味嘅，不過因為份量比較少，唔覺唔覺就會每人食咗兩三舊水，仲有佢個招牌辣油都好出名，唔食辣嘅朋友都要點少少試吓。

餐廳喺香港已經好耐歷史，出名食海鮮🦞，身邊好多朋友都介紹如果食海鮮一定要過嚟呢度試吓，聽聞以前遊客好多，旅遊書亦都介紹過😋，而且仲開到凌晨三點啱晒鍾意食宵夜嘅朋友😌白灼韭菜花 🥦 $58個韭菜花炒到好嫩好香口蟶子 $196 （兩隻）個蟶子好新鮮蒜蓉粉絲蒸扇貝 $136 （兩隻）扇貝大大隻👌🏻👌🏻油鹽水蜆 $118個蜆都好大粒好飽滿，下面個底有粉絲配埋一齊食，配埋個汁好惹味🤩燒鴨瀨粉 $62燒鴨瀨粉係佢哋嘅招牌菜，呢碗粉嘅份量唔算多，但味道非常優秀👍🏻👍🏻鴨肉嘅份量都幾多而且整到好脆，湯底都有好香嘅鴨味，🖤黑白配⚪️成碗飲晒佢😂😂白灼粉腸 $65清蒸果皮泥蜢 $138艇仔粥 $56

朋友好好知我好想食湯粉專登帶我嚟食好西！碗叉燒鴨河 個湯底好香濃 鴨又香又大舊都唔係重點..我重點去左佢個河粉到 個粉同平時食開唔同 無咁粗 又薄d..食落口好滑 好好味！🤤另外，重點都唔係喺主菜D小碟無諗過咁好食！我自己好鍾情於豬脷 痴線 咁厚都好入味 仲要無豬嘅腥味 呢個 我真心想叫朋友唔好食 比哂我食另外個韭菜係我比較鍾意油鹽水大蜆，個湯好鮮蜆大隻肥美最常見到淨係得蒜頭嘅避風塘呢度仲加埋辣椒炸 真係第一次見味道更加香 雖然係咁但係又唔會搶咗蟹既鮮呢一度坐得都幾舒服最重要一點呢度嘅服務員好熱情成日走過來睇吓我哋飲晒啲水味又幫我哋收嘢👍🏻👍🏻👍🏻👍🏻

位於左敦嘅竹家莊，第一次去食，餐廳都幾逼夾下，我地八個人要坐中間長枱，都幾逼下，啲嘢食都好貴下，68蚊一隻扇貝，30蚊一兩蝦，48蚊兩瀨尿蝦，50蚊兩蟹，我地叫咗椒鹽泥鯭，白灼花螺， 白灼魷魚，炒飯和芥蘭，一隻大蟹，四隻瀨尿蝦；椒鹽泥鯭，食落都唔錯都仲好脆下，連骨都可以食埋；花螺都新鮮，搽甜醬食都幾鮮甜； 白灼鮮魷 ，中規中矩 炒飯和芥蘭就真係一般，同埋都幾細碟吓；避風塘炒大蟹都算可以，風味都唔錯；椒鹽瀨尿蝦，就炒得幾惹味，都算大大隻，一隻開三舊，埋單三千幾，都無乜嘢食咗噤！坐得唔舒服，嘢都算好食，但比較貴，只係服務員都幾好招呼，都算食得開開心心！

我第一次食竹家莊既時候，個腦已經係: 天呀! 好耐無食過咁好食既燒鴨配瀨粉啦! 而家食左十幾廿次之後既反應都仲係: 天呀! 真係好好食呀! 我無誇大， 我真心覺得呢一間餐廳既食物係好有誠意，對客人都好好。佢都真係唔會為左做生意，梗硬推介你食呢樣食個樣。個燒鴨瀨粉既燒鴨係完全無碎骨，只有啲大骨，啖啖肉，好滑！我係度食咁多次都真係無失望過，每次都讚佢好好食，連出名既燒味店都唔會夠佢好食。其實除左佢個招牌燒鴨之外，佢既炒蜆都好出色。佢豉椒炒大蜆超級鮮甜，隻隻粒粒都有豉椒味，超有鑊氣，真係唔好錯過❤️而且我發現，堂食係勁多韓國人黎食，有啲都幾好樣🤩 想𥄫仔既話，都可以過黎順便過下眼福，咁當然要滿足自己口福先啦。

👦🏻身為海鮮愛好者，尋覓好食海鮮係天生既使命，一直都好想尋找避風塘風味，今次係朋友既介紹下黎試依間上左岸既艇家🛶比一般既辣酒個汁為杰身，但味道唔算特別濃，食到花螺本身既鮮味，只係令汁更掛身，令本身唔算好濃既汁充分掛上花螺上，平衡汁同花螺兩者既味道。不過依個辣酒都幾辣下，係愈食愈辣果種，所以唔太食得辣就嗌最少辣啦。咁多樣野食入面，依個炒蜆比較麻麻地，汁既味道主要淨係食到辣味，層次唔太足夠，而且味道亦未完全入到蜆入面。蜆味亦唔夠鮮甜，食材本身係新鮮既，感覺係品種問題，以為最普通既菜式，但最後個風味就最唔夠。淨係睇個size已經相當滿意，成手臂咁大呀，不過瀨尿蝦大細都係其次，新鮮度好緊要，唔新鮮食落會有水水既質感。依隻一食，結實既質感好似食龍蝦咁，正！嗌左2隻，其中一隻仲有成條膏。炸既火候控制得好好，鎖住肉汁之餘，唔會太乾太熟。依道菜可以睇得出師傅既經驗同老練，相當出色。全晚最期待既菜式，係屋企真係好少會整到，唯有出街食，事實亦証明依個選擇十分正確。再一次體會到火候既控制，雖然避風塘依種料理方式相對重口味，但完全冇蓋過蟹既鮮味，咬落啖啖肉，肉汁噴出黎，肉質一梳梳，極新鮮。依種菜式先係令人懷念

今日同閨蜜行山，傾開話有間餐廳的瀨尿蝦好好食，正中我喜歡食物的頭4位，摘日不如撞日，一於今晚去試下餐廳環境好懷舊，大部分侍應是叔叔輩。但他們服務殷勤，主動多次斟茶，換碟。臨走還開門送客不過海鮮類多數是以時價計算，如要叫海鮮便要問侍應叔叔是日的海鮮價，介意者勿去!另有每人茶位$15及加一收費。我們叫了：蒜茸蒸聖子皇6條$468(時價) - 聖子大條好吸引洗得乾淨無沙，食落啖啖肉，好新鮮蒜茸同粉絲好惹味，不會一味死咸，超正辣酒煮花螺$148 - 個辣汁好香好惹味，花螺無沙，肉質彈牙椒鹽瀨尿蝦2隻$720(時價) - 瀨尿蝦秤完會比客人望下。未食已經超期待，果然無令人失望瀨尿蝦賣相非常吸引，夠大隻而且好香脆，連腳脆到都可以食得，肉質鮮甜，椒鹽非常惹味，食到好滿足蒜茸炒菜心$86 - 炒得有火喉，菜心甜