竺扶大班燒味

营业中

休息中

有朋自遠方來，梗係要帶朋友去食富有香港特色嘅燒味飯啦！今次就來到灣仔呢間極具人氣嘅燒味餐廳！星期日未夠6pm餐廳已經全場滿座！雖然要排一陣隊，不過好快就安排到入座🙈 聽講餐廳連平日午市都經常大排長龍，睇來亦同樣深受附近上班一族嘅歡迎啊～豉油雞+燒腩仔飯💰HK$56豉油雞嫩滑惹味，配搭埋蔥油，撈飯一流！燒腩仔好有驚喜，外皮酥脆，肉嘅部份肥瘦均勻得來又肉汁豐富，點埋自家秘製嘅芥末醬，整體感覺更加油而不膩～燒鵝五寶飯💰HK$88呢個五寶飯超豐富！有至尊古井燒鵝、銷魂叉燒王、燒腩仔、玫瑰紅腸同埋半隻鹹蛋！原來餐廳對古井燒鵝都非常講究㗎！首先會嚴選 5 斤半嘅手比雌鵝，然後再用自家製嘅陳皮醬去醃制鵝嘅內籠，最後就將古早味道完美咁呈現出來！銷魂叉燒王色澤誘人，外層略帶焦香，而且肥瘦均勻，味道甜中帶咸，令人回味無窮～是日靚湯💰+HK$6今日係老黃瓜赤小豆煲豬骨湯！老火湯味道鮮甜，仲有好多湯料添，果然係真材實料啊～餐廳用心製作每一樣食物，價錢亦相當合理，睇來呢到真係來香港必食嘅高質燒味餐廳！下次有朋友再來香港玩，一定會再帶佢哋來食啊～

今日去再灣仔做野午餐時間想食燒味🔥見到一間叫竺扶大班燒味大排長龍，坐無虛席而且排隊嘅好多都係上班族，應該幾受歡迎👍🏻👍🏻就唯有唔食住，等我完成埋工作先再去食去到下午茶時間終於有位🥳可以入去試下✨至尊古井燒鵝 + 銷魂义燒皇🪿🍗燒鵝肉皮薄多肉，鵝皮亦烤到好香脆🔥餐廳採用5 斤半嘅䧳鵝再用埋自家陳皮醬醃過內籠所以先咁好食👍🏻完全還原古早味道义燒半肥瘦，燒到燶邊好香口🔥而且色澤紅潤，食落滿滿肉汁又唔硬💦✨豉油雞燒腩仔🐔🍖🔥要雞脾（+$15)🍗燒腩仔望落肥肉分明食落皮脆肉嫩豬肉亦醃得相當入味👍🏻👍🏻肉質鬆化又多汁雞脾啖啖肉👍🏻而且皮薄肉厚食落好香雞油味又掛汁💦✨蓮藕淡菜綠豆煲豬腱湯🐽🥩兩碗都好足料，唔會淨係得水🍲飲落唔鹹又唔淡唔會係溝水煲出來仲有好濃肉香👍🏻✨凍奶茶🥤🧊走甜好大杯，飲完都成肚水餐廳由藍帶廚師主理主打高質嘅燒味👍🏻以呢個價喺灣仔食到高質嘅燒味性價比高🥳🥳餐廳侍應態度親切內部整潔企理雖然係下午茶份量但都夠我哋兩個人食

真係勁耐冇食過燒味飯啦😂 呢日勁想食啲高質素嘅叉燒，見到呢間人氣滿滿嘅燒味店，就排埋一份入去食返個靚飯🙂‍↔️黯然銷魂鴛鴦飯呢個名真係勁有氣勢，有三個選擇，每款都係人氣之選😮 我哋揀嘅呢個鴛鴦飯有齊半肥瘦叉燒同埋餐廳其中一樣招牌菜冰燒鳳凰雞🐥 冰燒鳳凰雞係冇骨㗎，啱晒我呢啲唔鍾意吮骨嘅人🦴 另外叉燒用上嘅大醬燒肉汁，送飯一流🐷 仲有煎雙蛋，不過我略嫌佢熟咗少少，如果係太陽蛋就更加啱我喇，個人真係好鍾意用蛋汁撈飯🍳燒鵝五寶飯呢個五寶飯排得勁靚，每款配料都有五件以上，都幾抵食👍🏻 勁推介大家食佢嘅至尊古井燒鵝，鵝皮嘅油份同埋實淨嘅鵝肉係超夾🪿 五寶仲包括咗銷魂叉燒皇、燒腩仔、玫瑰紅腸同埋鹹蛋半隻😋 真係夠晒豐富，燒腩仔嘅外皮，雖然有啲邪惡，但係我都忍唔住食晒😆老黃瓜赤小豆煲豬骨湯每日有一款例湯，今日呢個豬骨湯都幾啱我口味，有清熱嘅老黃瓜😗飲品♦️熱奶茶呢度雖然唔係港式嗰種絲襪奶茶，但係個紅茶都幾香。♦️凍檸茶味道唔會好甜，茶底都幾濃郁🍋果然真係超級有人氣，食完離開餐廳嘅時候出邊仍然大排長龍，如果想食嘅朋友記住早啲開餐🥢

灣仔一日遊接近尾聲，想去利東街睇聖誕佈置前食d野，咁就食個早少少嘅晚飯，見到間鋪頭排曬長龍，就梗係要睇下食乜咁厲害la，原來係賣燒味，招牌仲要係燒鵝添，咁就排下隊挑戰下港島區"竺扶大班燒味" 嘅燒鵝先⭐️黯然銷魂鴛鴦飯半肥瘦叉燒+冰燒鳳凰雞+煎雙蛋，大將燒肉汁+鳳凰辣汁叉燒半肥瘦，甜度啱啱好，味道好平均，冰燒鳳凰雞食落個皮甜甜地，雞肉食落唔un，個雞肉跟埋個獨特嘅醬汁，令雞肉食落與眾不同，又有另一番風味，煎雙蛋係流心嫁😍撈飯一流⭐️至尊古井燒鵝+燒腩仔佢嘅梅醬似係自家制，酸味重d，好啱我口味，酸d又可以解燒鵝嘅膩；腩仔嘅皮香脆鬆化，同埋佢個芥末同平時食落嘅味有d唔同，好食。另外，li度有瀨粉，轉黎試下先，個湯好熟悉，男朋友話係雲吞麵嘅湯底⭐️老火靚湯青紅蘿蔔豬骨湯，好足料，個湯好入味，飲落好清甜，飲到尾仲飲到陳皮味，好特別，好好飲😋⭐玫瑰豉油皇乳鴿燒乳鴿就食得多，豉油皇乳鴿真係第一次食，好入味，好鐘意li個口感同味道嘅乳鴿😍

好耐冇食過燒味飯，今日同朋友行經灣仔，見到呢間燒味人氣舖，平時午市好多人排隊，好受打工仔歡迎，一於入去試下先黯然銷魂鴛鴦飯 $70叫咗款黯然銷魂鴛鴦飯，入面包括有半肥瘦嘅叉燒、冰燒鳳凰雞、煎雙蛋，叉燒肥瘦適中，食落口感軟淋，比例啱啱好，鳳凰雞已去骨，建議配上獨特嘅醬汁，醬汁用菠蘿、紅黃椒、青檸、蒜蓉等製成，食落嫩滑美味，兩粒太陽蛋煎到脆邊，流心蛋黃送飯一流乳豬五寶飯 $98另一款就叫咗乳豬五寶飯，顧名思義除咗有乳豬，仲有油雞、叉燒王、紅腸同埋鹹蛋半隻，白飯淋上甜豉油，仲有跟乳豬醬同埋蔥油，乳豬外皮香脆，叉燒食落相對就結實少少，加埋香滑油雞食落好滿足老火靚湯+$6每個星期佢哋都有唔同嘅老火湯，套餐加$6就有一碗湯飲。今日就有木瓜雪耳豬𦟌湯，用料十足除咗木瓜粒、雪耳，仲用咗好多豬𦟌同埋排骨落去煲湯，味道清甜

去完旅行返香港就想食啲有香港特色嘅燒味店🇭🇰之前喺灣仔返attachment，每次經過都見超多人排隊由藍帶主廚主理星期六2pm黎，等咗~10 mins好朋友話食過五次😆大讚好食▶️ 銷魂叉燒皇+切雞雙拼 ($54)餐廳自設太空爐，每日燒味新鮮出爐叉燒用上波蘭黑毛豬🐷半肥瘦，口感軟腍唔韌不過覺得欠缺炭燒焦香味，未係食過最好味嘅叉燒，然而醬汁調味適中反而切雞好正👍🏻肉質嫩滑新鮮，本身夠鹹香特別鍾意佢個蔥油😋椒鹽好惹味配上湯粗麵，比預期好食麵質有咬口，有少少傳統鹼水味▶️ 至尊古井燒鵝+ 銷魂叉燒皇雙拼($62)配上湯瀨粉，朋友話瀨粉好食▶️ 上湯浸菜芯 ($16)健康之選，咬落青脆湯底夠味🥬▶️ 熱奶茶x2 (+$7)奶味較重，個人覺得如果紅茶味香啲會好味啲☕️-燒味的確幾有水準👍🏻個人覺得雞比叉燒出色份量好足，見個個啲燒味都好大份唔少人會叫佢個老火湯，+$6就有，每日都唔同款式❤️服務唔錯，尤其帶位哥哥，帶幽默感鋪面唔大，座位較迫，我哋要同人搭枱因為大家都叫得多嘢，忙到成枱滿晒唔夠位，食得尷尬少少😅但整體店舖算乾淨企理唔單止受打工仔歡迎，更係遊客黎香港必試嘅高質燒味餐廳！

據聞呢間燒味店由曾任紅磡海灣酒店有史以來最年輕的總廚、2012年更獲頒法國藍帶美食會會員勳章的師傅主理，平時經過又勁多人同遊客排隊，今日得閒，終於有機會試下。燒鵝五寶飯 (至尊古井燒鵝+銷魂叉燒皇+燒腩仔+玫瑰紅腸+咸蛋半隻)燒鵝皮脆肉嫩，叉燒好軟淋，燒腩肉質細嫩，味道都好入味黯然銷魂鴛鴦飯 (半肥瘦叉燒飯+冰燒鳳凰雞+煎雙蛋)叉燒軟淋，肥瘦適中，肥既部分好滑，鳳凰雞去晒骨，食落啖啖肉，太陽蛋汁送飯一流。例湯亦值得一讚，一啲味精都冇，夠清甜。

今日來到灣仔的一家燒味店，未夠12點已經排隊等候，絕對係灣仔人氣餐廳。至尊古井燒鵝拼燒腩仔湯瀨聽講燒鵝係用自家秘製的陳皮醬醃製，而且仲要用五斤半雌鵝，鵝肉咬下去外皮酥脆，肉質鮮嫩，配上特製的醬汁，超級出色！而燒腩仔皮脆香口、肥瘦相間，搭配瀨粉的Q彈，更是令人回味無窮。老黃瓜赤小豆煲豬骨湯跟餐例湯嘅湯頭清甜，飲落去冇乜味精，有家的感覺。乳豬五寶飯一碗飯包含了乳豬、油雞、叉燒、紅腸和鹹蛋，五款餸都令人有驚喜！最鍾意就係乳豬，乳豬肉質鮮嫩，皮脆香滑，帶有豐富的肉汁。另外，油雞油脂分布均勻，口感滑嫩，十分好味道。總的來說，餐廳裏所有燒味都好出色，難怪在短期內就已經非常火紅。

喺灣仔返工，都會知道有一間超級人氣燒味店，就喺街市鬧市入面，午飯時間超繁忙，堂食外賣都超好生意！黯然銷魂飯，吸引，佢哋仲有一個黯然銷魂鴛鴦飯，除咗叉燒之外，仲有一款冰燒鳳凰雞叉燒超好食，雖然話係半肥瘦，肥膏絕對唔會太多，啱啱好，而且非常入味，非常軟熟！冰燒鳳凰雞，一大塊好厚身，配上好特別嘅醬汁，有少少菠蘿、青檸、蒜蓉味道，好過癮！加埋流心嘅煎蛋，即係碗飯真係非常之味！燒鵝雙拼飯，可以加幾蚊，選擇燒鵝胸，咁就可以啖啖肉啦！皮薄肉厚，亦保留肉汁，絕對唔乾爭爭，好食！乳豬亦非常推薦，香脆！除咗燒味出色之外，我同同事都好鍾意佢哋嘅例湯，好足料，對打工仔嚟講，可以飲到靚湯，真係好幸福嘅事！

📍竺扶大班燒味灣仔三角街2-3號華欣閣地下3號舖Weekday行過想食個下午茶，見呢間餐廳真係好多人（特別係打工仔）等位，等咗成半個鐘，唔敢想像lunch time會點排法！門口貼咗米紙嘅介紹，ok 排耐啲仲要試下佢😝！下午茶 - 至尊古井燒鵝🪿+銷魂叉燒王🐖 鵝汁撈瀨粉 $59師傅醒咗舊鵝胸嚟，我超級鍾意❤️！燒鵝個皮酥脆，冇乜皮下脂肪，肉質結實不柴，燒鵝係用自家祕制陳皮醬醃制過，食落會有淡淡哋嘅陳皮甘香味👍🏻。而個銷魂叉燒王係半肥瘦，有少少燶邊帶點焦香，叉燒食落唔似平時食開嘅蜜汁叉燒，唔會甜！鵝汁撈瀨粉，鵝汁嘅味係帶有陳皮香嘅豉油，瀨粉索晒鵝汁但唔會發漲，夾落都唔會斷🥢。下午茶 - 至尊古井燒鵝+燒腩仔 上湯瀨粉 $49燒腩仔係薄切，皮脆多汁，肥瘦相間🤤。上湯瀨粉個湯帶有胡椒味唔會鹹。配老火靚湯 ＋$6佢一星期七日係有唔同嘅老火湯可以飲🥣，我哋飲嘅係木瓜雪耳豬腱湯。湯好足料，比咗好多豬腱，煲完湯好軟腍。木瓜雪耳本身就好滋潤，冬天飲啱晒！

今日去灣仔試呢家專門做燒味的餐廳，餐牌冇其他嘢食，就係專食燒味，唔同嘅燒味飯，同埋燒味瀨粉！下午2:30去依然人頭湧湧，原來下午茶真係好抵食，只係四十幾蚊就可以有一碗高質燒味飯，唔怪得咁受附近上班一族歡迎慰勞自己工作辛苦咗一日，我食左碗燒鵝髀乳豬飯，燒鵝脾好大隻，鵝肥油香，送白飯一流！乳豬則燒得香脆，脆卜卜，點乳豬醬一流。跟餐+$6就有一碗例湯，例湯星期一至日日日唔同今日係蓮藕綠豆煲豬健湯，湯頭鮮甜，非常足料！

門口金碧輝煌，加上長期出現人龍，容易揾到。 燒鵝五寶飯集合至尊古井燒鵝、銷魂叉燒王、燒腩仔、玫瑰紅腸、鹹蛋半隻燒鵝嚴選咗5 斤半比雌鵝用太空爐同自家祕制陳皮醬醃制，皮色澤比較深，不過外皮薄脆。叉燒選用波蘭黑毛豬，肥瘦相間，有嚼勁，瘦部門肉質保持到軟腍。 燒腩仔外皮金黃薄脆，紅腸同鹹蛋味道正常，啱晒送飯。燒鵝、叉燒飯 （亦可選瀨粉/米粉/粗粉）瀨粉軟硬度適中，帶啲彈牙。 老火靚湯每日唔同款，老黃瓜赤小豆湯，夠足料，有唔少豬肉粒，無乜味精。上湯浸菜心莖比較多，菜相對少，性價比一般。燒味質素平均，特別可試下叉燒，另外之前食過冰燒鳳凰雞飯配上獨特醬汁(菠蘿、紅黃椒、青檸、蒜蓉等)都幾特別。不過餐廳環境有限，加上平日午飯同週末下午都好多人，人少有需要搭枱。

2025年1月1日約下午1時食物：半肥瘦叉燒，燒腩仔飯半肥瘦叉燒，切雞飯凍奶茶，少甜，少冰例湯一碗消費: $121👍讚好：例湯夠熱奶茶茶味甘甜半肥瘦叉燒肥瘦比例不錯飯伴的配菜翠綠有咬勁店舖環境衛生不錯🧐改善建議：叉燒可切厚身點白切雞可切大件點燒腩仔可切大件點碟頭飯的器皿深度較淺，飯量多點較佳芥辣醬可以濃稠一點店員聲浪可以調校輕聲一點店內空調可以調校空氣清新一點✍️備注：毫無疑問，現時「飲食業」競爭激烈及「營運成本」極高。無論如何，食客的感受和舌頭是實在的，若老闆可以在「利潤」和「食材質量」取得平衡並給予食客不一樣的用餐體驗，在激烈競爭大環境下仍最終必會鶴立雞群，客似雲來啊😊順祝各店員安康，生意興隆😊💪努力💪

📍 竺扶大班燒味（灣仔）灣仔燒味人氣店，係午市經常大排長龍，就算我係下午茶去食都已經排晒隊，聽講依間店舖好受附近嘅上班族打工仔歡迎，而且仲係香港必食嘅燒味店，依度嘅燒鵝差唔多每一台都會叫，我當然唔會錯過啦！呢度嘅古井燒鵝，嚴選5斤半比雌鵝，用自家秘制陳皮醬醃制內籠，完美復核古早味道。✨ 霹靂燒腩仔燒腩仔皮脆肉嫩 更是啖啖肉一層脆皮 下面一層脂肪 再黎一舊肉嫩既豬肉🐷不得不食✊✨ 燒鵝五寶飯【至尊古井燒鵝＋銷魂叉燒皇＋燒腩仔＋玫瑰紅腸＋鹹蛋半隻招牌燒鵝都一樣出色，皮好脆，鵝肉好夠味，而且啖啖肉，肉質結實。五寶飯啲餸已經好豐富。有齊晒店內嘅招牌，再加埋半隻鹹蛋同埋玫瑰紅腸，都係我細細個最鍾意食嘅嘢！✨ 騎然銷魂鴛鴦飯＄70【半肥瘦叉燒＋冰燒鳳凰雞＋煎雙蛋】口感鬆軟，半肥瘦的叉燒，軟腍適中，充滿蜜汁同油香，好啱晒我胃🐽至於隻雞皮Q香甜、肉嫩多汁，啲肉食落唔會好乾。冰燒鳳凰雞飯，配上獨特醬汁（菠蘿、紅黃椒、青檸、蒜蓉等），特別好食！仲有兩隻煎雙蛋半流心🥚撈埋落啲飯嗰度食，簡直一流。白飯上面淋滿晒大將燒肉汁+鳳凰辣汁，所以連白飯都特別有味🍚

🌟灣仔燒味熱門店，午市大排長龍不稀奇！如果你到香港必試的高質燒味餐廳，竺扶大班燒味肯定會是你的不二之選！這間灣仔燒味人氣店，無論是上班一族還是遊客，都對它讚不絕口。先來講講他們的招牌燒鵝油雞瀨粉，每一口都散發著燒鵝的香濃與雞瀨粉的滑順，絕對讓你回味無窮。再來是花生眉豆雞腳湯，豐富的營養與香濃的口感完美結合，喝上一口，整個人都暖和起來了。當然不能錯過的還有他們的燒腩仔和銷魂叉燒王。燒腩仔外皮金黃酥脆，內裡肉質鮮嫩多汁，每一口都是對味覺的極致挑逗。而銷魂叉燒王則是用古井祕制陳皮醃制內籠，完美復刻古早味道，讓你一口咬下，仿佛穿越回從前。無論你是想要一嚐香港地道的燒味，還是想要在工作午餐時享受一陣美食的慰藉，竺扶大班燒味都能滿足你的需求。所以，下次當你貼近灣仔地區時，記得來這裡試試看，讓燒味的美味成為你旅行的美好回憶吧！