影片
港铁油麻地站 C 出口, 步行约2分钟
继续阅读
电话号码
24166868
61933111 (WhatsApp)
营业时间
今日营业
11:30 - 21:00
星期一
全日休息
星期二至日
11:30 - 21:00
公众假期
11:30 - 21:00
公众假期前夕
11:30 - 21:00
以上资料只供参考，请与餐厅确认详情
相关文章
呢間俾人推薦咗咁多年，由細舖搬大舖都仲係第一次試😜蟹膏蕃茄湯檬係一定要試，蕃茄湯底濃鮮酸甜🍅🍅🍅~仲要係勁多料：一碗有齊蟹膏餅、蕃茄、豬紅、豆卜、扎肉、生菜，香草味勁出，咁平都咁足料真係好癲呀！蔬菜燉牛腩（原本係配法包，我哋改咗配檬粉）~勁多大大舊嘅牛腩仲要好軟腍，湯汁滿滿蔬菜嘅精華，同蕃茄蟹嘅湯比起上嚟唔濃烈反而係小清新含蓄嘅甜香~入面有紅蘿蔔同薯仔... 又係超足料份量十足。一人一個麵點知個份量比想想中大份好多，好彩無叫到米紙卷同 Banh Mi，下次真係要叫扣底先可以試多幾款~遺憾係嗰日冇晒牛油果沙冰😢 哭哭。唯有要個斑斕綠豆糕補數。個糕好軟糯，粘性略嫌太勁有啲難分~清香嘅班蘭味，中間有綠豆蓉口感更加豐富~
继续阅读
自從喺越南食過蕃茄蟹膏湯檬，念念不忘，係香港嘗試搵啲正宗口味越南菜。呢間餐廳已經bookmark左好耐，因為位置唔就腳，遲遲都未試。 黎到既時候係滿坐，仲有幾個人等緊位，因為一個人都唔駛等好耐，不過細細既二人枱係要搭枱既。叫左蕃茄蟹膏湯檬，湯係偏少少甜，但整體味都算正宗，蟹膏餅好香，配料都好齊好足，份量都唔少👍🏻另外佢有一個位放左唔同既醬料、調味料，有需要嘅可以自己去拎。總括嚟講，勝價比都高😁
继续阅读
本來諗住OpenRice評分好高去試吓。點知入到去完全冇系統俾人係咁打尖亂咁排隊，同阿姐講完之後仲話啲人過嚟叫我哋轉頭等吓。但係根本就係有位。 好離譜。完全唔係做生意。 唔怪香港飲食業玩完其實我都唔想自評佢，但係實在太差。完全倒米。啲人係咁出入兩個三個都照坐落去，明明就係有位就叫人等。 但係又冇系統又冇攞飛後面啲人坐咗落嚟之後我哋問阿姐，或者話佢哋嚟先。但係明明就係喺我哋嚟咗之後10幾分鐘先至嚟。家姐仲要狡辯埋佢哋先問有冇飛佢又話冇。 有晒錄影CCTV仲要死拗。啲嘢幾好食，以後都唔會返嚟。咁嘅態度其實食嘢係成個Experience，你煮九大簋俾我，但係喺度咁樣嘅話，搵鬼去食。
继续阅读
呢間越式小店係深水埗舊舖時期食過一次，印象不錯，搬到嚟大舖之後地點更加方便，呢日經過油麻地，心血來潮上去食～雖然唔洗排隊，幾乎滿座，坐返同一位置😆蟹膏蕃茄湯檬🍅🍜湯底係帶甜嘅蕃茄湯，大半個蕃茄🍅配料好豐富，有豬紅x2扎肉x2豆卜x2重點係又大又厚嘅蟹膏餅，蟹餅吸曬啲湯，yummy🫶🏻烤豬肉撈檬🐷🍜烤豬肉份量好多，好淋好惹味，仲有生菜絲，青瓜絲，花生碎～個汁係個底度，撈埋一齊食酸酸甜甜好開胃～班蘭糕💚呢個班蘭糕真係必食，好好味～上下兩層糕中間係綠豆蓉，質感煙韌Q彈唔太甜，真係超愛🫶🏻
继续阅读
終於有機會再返來食心中最好食嘅越南菜第一群Q1🥳之前喺深水埗食過，嗰陣時真係覺得超級正宗，食完仲覺得好平！😆今日嚟到油麻地分店，質素依然不錯，價錢真係合理！必定要試下佢嘅牛油果沙冰，真係解暑必備，牛油果濃郁到出奇，其他地方都難搵到咁creamy嘅！❤❤我仲叫咗米紙卷，記住一定要搭佢自家醬汁，香料味好豐富，食落去層次感爆棚🫶🏻仲有越南法包，依然係咁大件，包皮鬆脆，入面啲肉夠多，加上啲肉鬆，口感一流，$60蚊內就可以食到咁大件，真係抵🫶🏻🫶🏻最後，一定係食蟹膏蕃茄湯檬，濃厚得令人驚訝，番茄同蟹膏都係大大舊，每次食都令我驚艷😛甜品方面，芒果糯米糍就係必食！皮薄得黎，芒果厚實又juicy，非常好味！😋
继续阅读