第壹間(重慶雞煲)火鍋 (已結業)

今日係我地一家三口（兩公婆and一歲半bb女）第一次去，我地中午book位，訂左7點。7點準時到，隔離已有兩張台坐低食緊，啲嘢食唔失la, 雲吞好食，牛肉唔值分量偏少，雞子細到你懷疑人生《千齊唔好再點⋯》食到8:30有個阿姐突然話要還台，唔係呀嘛！第一唔係任食，第二book台個陣又唔見你講，人又串，第一次聽人打邊爐7點打到8:30要還台，唔知我仲以為我食緊茶餐廳，勁好笑。又唔見隔離台個啲阿叔還台，再好食都唔去啦，唔駛講仲好普通🤷🏿‍♀️

或者食物確實很好 ， 但餐廳職員態度不太客氣 只是簡單看到有位置便想walk in 但她態度惡劣 立即不準我們踏進去 還說全部已訂座 真不明白街坊街里 有需要這樣應對嗎？ 希望大家日後食得高興 最少我一家就應該不會幫襯了 謝謝

二人去吃雞煲 有位中年阿嬸 由我們入座開始後就態度恶劣, 愛理不理 明明漏咗單 我告訴她 反而懷疑我們 難道我們吃了會不認嗎？ 先生叫汽水飲 佢話我哋 可否一次過講晒 食雞煲食到口渴才叫嘢飲 這是我哋自由 食物麻麻 態度更差 食到一肚子氣 今時今日咁個服務態度 唉

早前經朋友得知，大水坑有麻辣雞煲食，所以相約友人來品嘗。。這火鍋店位於村屋地下，非常有住家的感覺！ 👨‍👩‍👧‍👦 由大水坑站(B岀口)，行過去只需兩分鐘，沿路向村屋方向行便能到達，不難找。1900到達，朋友已坐在卡位，舒服！我們👩👩👩叫了小小辣「招牌重慶麻辣雞煲」，其他食物都是散叫的。看見牆上貼有時段，以為要吃得很趕😅😅，誰知店主告訴我們平日一般都可以吃久一點，如假期或多人就唔得啦！很有人情味！很有🏠家的感覺！不久，雞煲和食材都來了，很期待！(因為好肚餓😂😂) 首先吃雞，味道濃濃，尚算惹味！只略為不夠麻，但還是很香辣！看見食評，腸粉是推介；一於試試，好食到不得了！很入味，又滑～雲呑也是推介，很大粒，蝦多過肉其他食物也很新鮮。這才是火鍋店的基本原則！而且店主會留意你食的進度🤣🤣，非常細心！店子小小，卻能做到這個水準，相當不錯！這次飯局，朋友說差不多十次「好好味」！實在誇張～😆🤣🤣有些食材岀面比較少見，所以下次一定要再來光顧～

從來未試過寫食評，但係真心覺得要為佢哋平反。之前見食評話服務惡劣我都有啲擔心，但係幫襯過兩次都有帶年紀比較細嘅小朋友（兩歲及四歲）佢地都好似比較特別照顧，無論坐位、電爐嘅擺位、就連叫嘢飲都建意我先叫一罐俾杯佢地分唔夠再order，絕對唔係為賺多你多少少錢而亂咁嚟，服務好細心及貼心👍🏼。論食物，之前試過麻辣雞煲小辣，今次試正常辣，味道都好好，辣得來唔辛苦，豬粉腸、豬紅都好新鮮，兩次想試腸粉都賣曬，所以要一定要再幫襯第三次去試。

食餐晚餐，背脊骨落⋯我們一行9人有2位小朋友一個仲係BB，一到達已話我們知得2小時吃！她有下一枱客接住！我們互望（因有小朋友吃飯都耐D) 揸車來到都無計照坐，其實打嚟卜枱時你講聲給我們選擇好一點囉⋯⋯全晚吃飯2位阿審都鞋口鞋面，食到仲有9個時問我們幫我地關爐先！我地話仲有些菜可以加點水⋯⋯之後塊面仲黑！答正10點鐘張單放落枱：麻煩埋單先⋯我講左我有客你們要走架啦！交返張枱出嚟！。 係，我一隻字都無打留佢可以咁無禮貌講！超黑面秒晒嘴！ 其實個場無人架囉⋯得一枱2個人同門口2個人食梗！我們立即比錢走⋯⋯⋯發毒誓馬鞍山無野食都唔會再食佢！。 我們其實幫襯了好幾次，都知嗰2個C9無禮貌！但今次真係好差好過份，D食物又越來越細碟！價錢照加野食照小

初十去咗家姐度拜完年一齊去咗依間餐廳食。本身麻麻哋雞煲同邊爐嘅Mingorr因為大家都熱愛尤其係所以最終都一試。一嚟就係雞煲。揀咗少辣。雖然佢有好多辣椒好似好辣咁。但食落又唔係喎。好惹味又香。雞有雞味好似好新鮮。啲肉都好滑。索晒啲香料同麻辣味。正就算之後加咗水。都唔會無晒味。另外叫咗個椰子雞邊爐。湯底都好清甜。 淥完嘅菜呀金菇凍豆腐同芋絲都可以食到淡淡椰香。感覺健康。正肥牛係厚切。但唔會好韌。不過比較肥。千層響鈴。好紮實要浸一晚先索透啲湯。薯粉。不是想像中煙韌。 碌耐咗夾返上嚟都難+爛。但索雞煲汁一流。新鮮淮山好爽。就算淥咗好耐都唔會爛晒。食落感覺健康。足料雲吞。每隻裏面起碼有4隻蝦整體都好滿意。同唔係好使點醬油都已經夠味。食物本身同雞煲椰香嘅味。可能質素好所以價錢會較貴。但寧願貴啲都好過食啲食完都唔知自己食咗啲乜嘅邊爐。

雖說夏天會少吃火鍋，但偶然也會想念火鍋的美味。不過，只限這一家。位於大水坑村，馬鐵或巴士去也很方便。其實已經光顧了好幾年，每隔一陣子就會想吃，誇張到情人節、打風都去那裡，幾乎每次都會點椰青雞湯底。椰青雞湯真材實料，用上椰青水加椰肉，又有圓肉杞子紅棗，非常清甜滋潤。雞肉鮮嫩有雞味，而且切到細細件很好咬。兩個人吃，點一個蔬菜籃，大部分會點的蔬菜都有，每樣數件，份量剛好。這裡也有我很愛吃的萵荀，每次必點。還有自己包的水餃和雲吞，用料新鮮，大大隻餡料豐富，味道很好，我們吃得不多，每次也一定會選其中一樣。響鈴、貢丸、墨魚丸好像很普通，但這裡的質量是真的有保證。即炸魚頭更是香炸可口，加了椒鹽，好味到吃完想再吃。雖然這次沒點，但其實他們的手切牛肉、蝦滑、墨魚滑等都很不錯。希望這間很有街坊親切感的小店可以繼續經營下去，如果這裡沒有了，我也不知這區該去哪吃雞煲了。温馨提示: 座位不多，建議訂枱。

情人節如何不被餐廳搶錢中渡過? 就是吃一點「佬味」較重亦不甚浪漫的東西部－－－ 雞煲～ 我這天可算是特地而來，因為朋友多番推薦這家雞煲，還要叫我一定要預訂腸粉，我心想：只是腸粉而已啊～有什麼特別，於是就打算打電話BOOK枱，誰知電話經常沒有人聽～結果我只好6時便來到這裡等它開門～ 這家店是在富安花園的巴士站走進大水坑村近河的中盡頭～ 幸好～因為早來，還有一張二人枱剩，真的早起的鳥兒有蟲吃～大家看到天還沒黑，就知道要多早來才有位～其實這裡一邊是卡座，一邊則是給予大伙人訂枱的～店舖就像600 ～700呎的屋村單位～海鮮要預訂才有～其他的可以即時落單的～等了十多分鐘～傳說中的雞煲終於來了！ 我們點了小辣～我個人應為其實沒有一品那種追吃的感覺～呢度嘅雞算係唔錯，應該係用左鮮雞～無一陣雪味～唔會太老又唔鞋口～朋友叮嚀我這裡的雲吞或者水餃特別好吃，一定要吃也很快賣完，所以要留～52元只有5粒而已～成十蚊粒架～好明顯煮熟左之後，其實唔係縮左好多水～ 果然係雲吞皇！蝦身相當爽口～皮又薄～完全唔會有陣「UP」味～好推介大家～呢度有另一樣好，就係好多餸都有雙併揀，啱哂我呢啲眼闊肚窄嘅人～ 我特登將水魷拼左

在大水坑村補完習，幾乎每次都聞到香味，我知係呢間雞煲傳出來，於是今日終於扚起心肝約朋友試吓。靠窗的三個卡座都有客，我和朋友惟有坐一張略嫌大的四人方枱，一個半隻雞連湯料的雞煲是基本盤，於是我們點了惹味薑葱醬雞煲，我們都過了狂食牛肉的年紀，於是主力食白肉，點了花膠、魚肚，仲有墨魚滑、魚皮餃拼白魚蛋（咦，數落真係全魚宴嚟喎），同埋一個雜菜籃。先來湯煲，可能因為醬湯，望上去有點杰撻撻，但一起滾就好香，而且好足料，雞件食極唔完，但個湯愈滾愈杰，愈杰愈鹹，我食食吓倒咗自己杯茶落去~花膠望上去白雪雪，我第一眼認唔到它是花膠，到放落煲煮腍咗，放入口就好sure係花膠了，有花膠獨特的海味味，口感滑嘟嘟。魚肚就一眼睇得出，即平時在酒樓食那些「棉花雞」的「棉花」，不過呢度的「棉花」好厚肉，好飽肚，而且好襟煮，絕對唔係滾兩滾就得，要腍滑，真係要畀啲耐性~ 白魚蛋鮮味彈牙，魚皮餃就普通咗啲，但絕對唔係難食~墨魚滑好鮮味，一早聽學生家長講呢間嘢的蝦滑和墨魚滑好食，果然係真~雜菜籃一切正常，冇咩特別~

之前兒童在馬鞍山小住的日子發現了這間小店晚上賣雞煲早午餐是賣粥&即蒸腸粉粥質感上有點稀，感覺一般但是亮點來了: 蒸腸粉除了一般的齋腸炸両外，還有翠玉瓜腸，鴨絲腸，當然還有每次必選的豬潤腸這個豬潤腸下了薑汁，吃下去沒有沒有內臟的蘇味，腸粉皮也薄，絕對推介由於即叫即蒸的關係，等待要花點時間，星期日會有一大班單車客，更加要等上一段時間

其實本人住港島區，在正常的情況下是不會走到老遠的大水坑來吃飯。但因為朋友搬到這裡來，所以就入來試試這間他說很好吃的雞煲。我們訂了檯，故一來便可以坐下了，這間雞煲人很多，平日來吃也爆滿，看到貼在牆上的預約紙去到12月尾呢~ 真誇張。入來陳設很簡單，有一個open kitchen，一行入去便一陣陣的雞煲味~因為我不吃辣的關係，我們點了個惹味薑蔥醬爆雞煲。有全隻和半隻之分，而這裡亦有辣的重慶雞煲、清甜椰青雞煲、醉雞煲等。之後再點配料，有單拼同雙拼，其實我覺得雙拼不應+$5，因為雙拼的份量已比單的少一半，同價的還要加錢，但這樣可以多吃些不同的配料。我們點了響鈴、粟米、冬菇、豆卜、金菇、蟹棒，全是很入味的東西。值得一提的是我們點了的門鱔魚蛋、墨魚丸及蝦滑。因為蝦滑應該是自家手打，還有未打爛的蝦肉在內，很彈! 魚蛋十分彈牙，墨魚丸內有墨魚粒，和出面吃的不同，這3款是推介!! 食物很好，但服務就一般了~ 但都ok啦~ 這裡可以買些清熱的飲品，$10/支這些份量剛好，吃完已很飽了，想點多個烏冬很不行，下次再來試另一些雞煲。