築地GINDACO

营业中

休息中

呢間話要喺銅鑼灣崇光百貨嘅日式小吃店，我已經幫襯過好多次，味道真係非常好食，而且佢嘅份量亦都非常足料我同朋友都非常鍾意！🔥今次就叫咗八爪魚丸，再加蟹肉忌廉炸薯餅！八爪魚丸有八粒價錢係38，呢個價錢我覺得如果喺銅鑼灣嚟講都唔算太貴，非常可以值得接受，每一粒都熱辣辣即刻叫佢即刻整，而且絕對唔會凍冰冰，再加埋佢本身嘅燒汁同埋紫菜，呢個配搭簡直冇得輸！蟹肉忌廉炸薯餅咬落去就有濃厚嘅忌廉味，鍾意食薯餅嘅朋友都不能夠錯過！

即行出埠之際，到百貨公司買旅行用品，順道到地庫掃街一番。未曾走到舖頭已被那超級勁香的燒物吸引著，令小人不由自主地即行神往，找了又找，幾經轉輒之下終於找到這家燒丸子店！八爪魚丸原來有分不同味道的，第一次試，就來個原味的，一咬之下，立見高下！中間勁之鬆化，竟然更有空氣感，是粉的功力嗎？八爪魚實而不華，卻又竟然煙靭有汁，相當滋味！加上其上的木魚碎、美乃滋與及海苔碎之類，美味度簡直爆燈！一份八爪魚丸，已教人神往不已！

築地銀章魚燒有咩幸福得過收咗工趕住去上堂，就餓死之際，食到一盒新鮮熱辣嘅章魚燒🥹✨原味章魚燒 （8粒）$48香到忍唔住等車已經開嚟jap jap jap！外皮脆脆連埋啲木魚碎、燒汁、沙律醬！加上裏面軟軟嘅內餡（海苔、紅薑味）同有咬口章魚粒🤩 at that moment 我俾100分！

Sogo嘅燒八爪魚丸真係必試🐙🤤一個人食，所以叫左：🧡【原味燒八爪魚丸】x4粒（$25）Keep住有人排隊叫，所以都係即叫即整咁滯👍🏻新鮮熱辣辣🤤 真係外脆內軟！好好食🤤🤤🤤🤤上面沈咗啲沙律醬同木魚絲入面粒八爪魚都好彈牙大大粒👍🏻

間中行sogo 都會買章魚小丸子食吓我多數係會幫襯這一間章魚小丸子係新鮮整嘅視乎整丸子嘅師傅手勢 食過好好味，但間中都有試過一般般今日買嗰份係超級好食，外脆內軟每一粒中間都有章魚，醬汁多到唔使錢咁 🤣

位於銅鑼灣SOGO地庫的章魚小丸子攤位，總是飄散著誘人的香氣。每顆小丸子外皮金黃酥脆，內裡綿密軟嫩，恰到好處的火候讓口感層次分明。章魚塊雖不算大，但鮮味十足，咬下去彈牙有嚼勁。配料方面，柴魚片輕盈舞動，美乃滋與特製醬汁的比例調配得宜，既不會過於甜膩，又能提升整體風味。唯一的缺點是價格稍高（原味$25/4粒或$48/8粒），且等候時間較長，尤其在週末更是大排長龍。不過，看著師傅熟練地翻動小丸子的過程，也是一種視覺享受。整體而言，這家章魚小丸子無論是口感還是味道都屬上乘，是逛街時解饞的好選擇。建議避開尖峰時段前往，才能悠閒地享受這道日式街頭美食

早兩日食完，今日再食多次，現在吃的同以前味道一樣咁好食，超正，同我八月嘅爭好遠，之前食嘅裏面係空心😅😅而家食嗰啲外脆內軟，裏面係full晒🫶🏻🫶🏻🫶🏻好食👍🏻👍🏻👍🏻

一路都有食開，但近好像失水準，乾，乾到裹面得番條魷魚，多油，有點失望，所以想寫下食評，希望你們見到可以改善下，香港唯一最好食嘅小丸子😍😍😍唔好⋯⋯👎🏻

章魚小丸子，每次行過見到都好似好食咁，但一個人又食唔到咁多粒，所以就買咗四粒食住先每次見到店員喺度整，就忍唔住企喺門口度睇好快就有得攞，每一粒都熱辣辣，真係好好食，但係八爪魚粒得一粒

每次經過Sogo都會食既章魚燒‎|•'-'•)و✧無論係我反工前收工後上堂前落堂後疫情前中後🙈🙈經過多年，都覺得水準有保持到！佢係煎炸過既章魚燒，所以外脆內軟粒粒都有章魚係到🐙雖然我最中意係原味，但今次同朋友share 左芝士明太子味🤎睇下我既儲分卡就知道我係真Die heart 忠粉😝· - - · - - · - - ·🔸 芝士明太子（8粒） $52· - - · - - · - - ·#foodiedesu銅鑼灣#foodiedesu章魚燒

間唔使就會想食下章魚燒過下口癮, 香港黎講呢間章魚燒都算係最好味同最接近日本既版本🇯🇵! weekend既下午時間去到, 都排左幾個人, 但係店員都算快手, 等左5分鐘就有得食啦! 😝 雖然佢係不停咁整, 唔係即叫即整, 但其實keep住有人買, 到手既時候都係熱辣辣既🔥 個日一路食一路睇住店員整, 都幾得意, 每個都好圓碌碌 好可愛🥹原味章魚燒🐙 柴魚片, 沙律醬同照燒汁都落到遮哂章魚燒咁滯, 咬落去外脆內軟燸, 鍾意食既真係每個禮拜食一次都得哈哈! 而且入面每粒章魚都大過手指高, 好足料 性價比好高! 推介!

朋友好鍾意食章魚燒，周圍搵邊間好食。有friend推介呢間話好正喎，所以嗰日經過就去咗試。原味正宗章魚燒，得一款口味。出邊可以望住佢個盤轉下轉下，好鬼過癮。好多人排隊，章魚燒啱啱整好新鮮熱辣辣，真係唔好一啖食落口唔係嘅話會熱死😂味道唔錯，偏軟身，個人更喜歡，忍不住一粒一粒食，醬料適中，唔會蓋過原本嘅味道。

Sogo超市那層有不少小食店見有間主打章魚小丸子的小店岀現人龍就買來試試🤩‣ 原味章魚小丸子 ($25)外皮幾脆，不過好薄入面剩係得一粒章魚🐙無其他配料，而且係好空食完冇咩滿足感🥺💭 C͟o͟n͟c͟l͟u͟s͟i͟o͟n͟章魚小丸子只有原味和明太子兩種味道味道正常發揮，奈何餡料太少而且定價較進取店員服務態度也一般應該不會再回購了～💰Total: $25📍築地GINDACO｜@銅鑼灣軒尼詩道555號崇光百貨B2樓14A號舖全港多間分店🫶🏻🚩更多同類餐廳 #foodstep_小食🚩更多同區餐廳 #foodstep_銅鑼灣📣Like & Share & Follow @ourfoodstephk_ 🙏🏻謝謝你的支持，成為我努力分享的動力💪🏻

每次去日本都會食章魚燒，仲特登去埋大阪拎米芝連嘅章魚燒小店，不過香港賣章魚燒嘅小店唔多，而且好多只係立食，但依家疫情關係，確實好少機會喺街大啖大啖食。今次銅鑼灣做完嘢，順手去Sogo買章魚燒返屋企食。呢度章魚燒$45有8粒，睇住啲章魚燒滾呀滾呀好治癒，等咗一陣就有得拎。返到屋企食當然無即場食咁好食，雖然腍咗但係依然好好食。每一粒都有大大粒章魚，加埋特調燒汁醬、日式沙律醬、木魚一齊食，好滿足，麵糰比例又唔會太多，一個人食哂8粒無難度！

我又食呢一間嘅章魚燒，因為真係幾好食，最接近日本風味。銅鑼灣SOGO入面其實仲有另外一間都係食章魚燒嘅，但係麵粉好多，所以你食完呢間之後就冇再食嗰間，之前第一間冇得揀，但而家有得揀一定係食呢間。四粒$25，八粒$45，買咗八粒，搭左25分鐘車返屋企，雖然凍咗少少，但教落佢面頭都係脆嘅，每一粒都有一粒章魚🐙，加埋佢啲醬汁，一流。今次我又見到日本人排隊買，日本人都鍾意食嘅嘢都唔會差得去邊。呢一間仲有鯛魚燒，不過未食過，下次我諗我會試吓。