築匠 (已結業)

價錢好合理,但十分足料既魚生飯同壽司.呢次去食飯店主見我食飯啃親喉嚨咳緊,好親切攞左支大份支裝水黎仲無收錢.地方細但好好既服務態度同質素,好值得一試.好多款式既刺身飯同熟食咖哩烏冬都有一啲,希望佢日後裝修得再靚啲,不過而家既服務水準我已經會再去食

#foodie #hk #hkfoodie #HTB美食推介【大角咀離別秋波｜照燒雞扒竟成招牌菜🙊】餐廳無特別係網上或門口張貼，只係叫野食見好多野都冇，老闆先話最後開埋幾日就會易手，所以冇再補貨！8月13號就關門了😥.🐨照燒雞扒烏冬 $60推薦度：⭐️️⭐⭐雞扒煎到外脆內嫩，而且照燒汁唔會好鹹，輕輕好薄一層係個面，而且份量都好多，如果叫飯嘅話直情係蓋住個樣都仲有又～其實佢係比正常好，大約3.5分到，4分又真係去唔到🙈.🐨三文魚三文魚籽飯 $72推薦度：️⭐️⭐飯係用日文米，落左少少醋好似壽司飯咁🍚唔知係唔係因為清貨關係，三文魚食落唔係太新鮮......反之三文魚籽就鮮味十足，撈飯食一流🧚🏻‍♀️份量就偏少...-----☼-----☼-----☼-----☼-----☼-----築匠📍地址：大角咀鐵樹街9號金旺閣地下🐨推薦度：😋😋/5💰人均價格：$50-100🪸環境：👾👾🗣️服務：👍🏻👍🏻👍🏻📸食物打卡度：💡💡💡🛠️分類：#HTB大角咀 #HTB日本菜 #HTB日式.#大角咀美食 #大角咀 #日式 #日本菜 #三文魚 #三文魚籽 #照燒雞扒 #美食推介

今次同朋友一齊食飯叫左壽司set同丼飯🍣賞味壽司 Set賞味壽司Set - 10件壽司，包括吞拿魚、油甘魚、三文魚、甜蝦、玉子、蟹棒、北寄貝、蟹籽、卷物x2。當日印象最深刻嘅係油甘魚同三文魚非常肥美🤤🍱雜錦魚生丼雜錦魚生丼有油甘魚、吞拿魚、三文魚、青瓜粒同玉子。食落新鮮，份量係啱啱好，屬於性價比高嘅魚生飯。配埋佢嘅柚子豉油，非常夾🤩🍱三文魚子香蔥吞拿魚腩碎海膽丼香蔥吞拿魚腩碎肥美，當日海膽口感Creamy，食落幾新鮮，可惜三文魚子當日食落就唔夠卜卜脆啦😮‍💨🍣散叫壽司散叫壽司就叫左牡丹蝦、北寄貝、三文魚腩、油甘魚同活赤貝。三文魚腩同活赤貝真係超好食超肥美！牡丹蝦鮮中帶甜，口感一流👍午市同晚市都會送沙律同埋麵豉湯（P.S.麵豉湯鮮甜美味，帶啖啖嘅魚味，值得一試！）

除左壽司外，築匠既熟食都值得一試。今次叫左咖哩吉列豬扒飯。豬肉炸得好好，色水靚，咬落去唔會多炸粉，豬扒又唔會炸到乾哂。仲要有少少脂肪，非常有口感！咖哩就係日式咖哩，甜甜地，送飯一流埋單都只係$70，包前菜加湯，抵食啊！

已經食咗好幾年築匠，熟食的確係幾高CP 值，例如個鯖魚飯套餐係真心抵食，味道同份量都幾唔錯。只可惜魚生方面越做越麻麻，首先溶雪個時間太長，啲魚生入口比室溫凍少少，感覺係有啲太raw (係，魚生係生嘅，只係你食過其他鋪頭，就會認同呢間嘅進步空間好大）。然後，死症係入貨質量明顯比之前下降，有咩慘得過食魚生成口雪味？就係佢完全無味，食咗好幾款魚都係擦膠咁款，食落都無舊式街市入面啲壽司鋪咁好食。由開鋪食到呢家，真係覺得好可惜好可惜

51勞動節當晚7點左右2人、walk in直接入座唔算full但都keep住有客出入同叫外賣店細細但二人座位不算擠逼叫左燒雞扒烏冬餐、魚生飯餐、三文魚腩刺身、燒蠔 1. 燒雞扒烏冬餐$70，加$5轉冷烏冬包前菜沙律、一碗味增湯 雞扒超巨大如圖燒到個皮超脆同埋佢果隻脆係薄脆唔係食粉漿果種厚身既脆冷烏冬係胡麻醬撈烏冬好大碗的抱歉因為烏冬後來先另上冇影相📸️ 味增湯好清甜，有少少洋蔥同昆布前菜沙律係羅馬生菜+蕃茄仔，fresh ge 2. 魚生飯餐$80-三文魚油甘魚帆立貝都係包前菜沙律、一碗味增湯真係覺得好抵食..三樣野都新鮮三文魚唔係腩但都好夠肥美油甘魚好肥美厚切帆立貝鮮甜冇諗過$80食得咁好超出期望果然係良心店啊唔只51平時都要多多支持 3. 三文魚腩刺身$48/4切但唔知點解我地有5塊，比多左新鮮！sorry辭彙貧乏 4. 燒蠔$28/2隻係有芝士同沙律醬汁燒果種熱辣辣好味的 總結：抵食！

今日有啲想食魚生飯，見到呢間日式餐廳，門面都乾淨企理，就即管嚟叫外賣自取。睇咗餐牌，價錢都唔算貴，午市最平60幾蚊就有一個魚生飯，外賣仲有九折。於是決定叫咗個三文魚，蟹棒，蟹籽丼。入去叫嘢食，職員態度好有善，仲話會有嘢飲送，魚生飯加可樂，總共係$56，價錢幾抵。樂園單唔使10分鐘就得攞，好快手。拎到返去打開個外賣，啲嘢都幾齊，豉油Wasabi都夠，仲有筷子同匙羹，都算細心。魚生飯食落都幾新鮮，尤其啲三文魚好肥美，個飯唔會太多，唔會太少，一個人食啱啱好，算係性價比高嘅魚生飯。

以前在大角咀返工lunch 都有食呢間，今次weekend 夜晚dinner入去食下先。 好耐冇食，差唔多3年，入面裝修依舊。只是估不到晚餐menu價錢跟平日lunch也沒相差太遠，而且味道各方面保持水準我嗌左個雞扒烏冬，雞扒份量一啲都唔少，而且醬汁也很入味好食😋 不過略嫌紫菜絲有啲過多😂 另外烏冬係用濃湯湯底黎煮，所以唔洗擔心會好啖。本身嗌set dinner仲有一個湯同兩件壽司包埋，$80左右真係抵！男友嗌左咖哩豬扒飯，佢話都好食，而且份量都夠一個男仔食

大角咀既築匠雜錦魚生飯份量充足，魚生有三文魚，吞拿魚，蟹籽，八爪魚，也算鮮甜。午市連湯同沙律都只係$70，價廉物美。餐廳侍應服務非常好👍🏻下次會再帶埋朋友一齊食

行開呢頭整野見到附近都有唔少餐廳下一條巷仔嘅入邊見到呢間日式餐廳咁就入去試吓佢啦嗌咗個飯餐，所以有麵豉湯同沙律麵豉湯，唔會好鹹另外仲叫咗呢個帶子吞拿魚壽司個帶子都幾肥美主角就係赤蝦，海膽三文魚飯價錢都係百零蚊，幾抵食另外仲有叫咗呢個芝士焗蠔好邪惡下次嚟開大角咀想食日本嘢會encore佢👍

性價比高日式餐廳🇯🇵🇯🇵🇯🇵已經食過10次以上 今次外賣仲有9折 💰💰💰每次都會叫蟹子沙律🥗🥗🥗🥗燒雞扒烏冬燒三文魚鮫🐟🐟🐟人均消費$150

位於比較清靜的屋苑樓下有間很有日本風的日式小店店面小小　裝潢很乾淨　比較有內涵的待應服務很好　食物質素算新鮮　三文魚　帆立貝　海膽丼份量是剛好的　肉類很新鮮基本款的海鮮丼醬燒廣島蠔用沙拉醬和牛油去燒表面有灸燒的效果對於我來講　有點太鹹了配上米飯來吃　是種新吃法　配味剛好　刺身一人前我覺得很有驚喜　也是我很喜愛的能夠品嚐到不同的類似的刺身清新的沙拉　裡面有蟹籽　質感會增加有幾件的壽司　能夠填補有點餓的胃口住在附近的話很值得去試不錯的良心小店

當疫情緩和後，最能夠反映市況嘅就係食店能幸架同瘋狂加價以彌補之前嘅損失。當連鎖店瘋狂加價，呢間小店嘅價錢好似同以前分別不大。可幸的是，不察覺嘅價錢浮動，而高質嘅性價比仍然保持，真係難能可貴真係淨睇相都feel到有幾新鮮。除咗刺身，壽司🍣、佢哋嘅燒物亦都好好食。香脆，皮脆外軟。一串雞翼三隻都係@$20、 真係街邊小食店都未必做到。但佢哋地方坐得舒適，環境衛生乾淨，招呼仲要媲美酒店。香港嚟講真係少之又少。

我地外賣叫左兩個飯，一個係三文魚甜蝦丼，另外一個係帆立貝三文魚海膽丼。魚生飯味道同飯都係正常嘅，不過個份量搭配有問題。雖然餐牌寫住內附（沙律，湯），但事實係得魚生飯+汽水，可惜我地係翻到屋企先發現。唔知係漏左俾沙律同湯我地定係原本外賣就係無沙律同湯。如果原本外賣個Set就係無沙律同湯，去到最後係要靠Wasabi豉油撈飯。另外如果外賣係無沙律同湯，希望可以提醒下，最少我地可以自行加送，唔使Wasabi豉油撈飯。

喺24號之前要食晒想試嘅餐廳📝，其中一間就係上次撞啱落咗場食唔到嘅「築匠」啦。店面細細但入邊都幾多位🎎，據聞係J生之前返工嘅飯堂，學佢話齋刺身唔係啲Hea貨。而且隱藏嘅角落貼住一張對香港充滿熱愛嘅貼紙🇭🇰，唔知你又搵唔搵到呢？————————————————👅三文魚油甘魚帆立貝丼（$78）👍🏻 油甘魚油花好靚，厚切更加品嚐到魚本身嘅油潤感，唯一一粒嘅帆立貝特別矜貴🙊，應有鮮甜都做得到，三文魚就相對普通👍🏻 魚味麵豉湯幾好飲，少飯主義者覺得飯多，刺身就唔夠喉😝👅三文魚吞拿魚腩碎海膽丼（$88）👉🏻吞拿魚肥美，魚味突出🐟，雖然海膽口感Creamy，唯異味稍微明顯，三文魚就一樣啦———————————————— 🚩總結：將貨就價🉐質素合理———————————————— 🌟注意：食飽飽臨走會比濕紙巾抹抹手，午市唔收加一服務費————————————————📍 築匠地址：大角咀鐵樹街9號金旺閣地下.🗺地區：#bem大角咀📥分類：#bem日本菜 #bem黃店日常💰人均消費：#bem_51至100蚊