築匠 (已結業)

唔好睇大角咀好多嘢食，其實返夜少少放工嘅朋友仔好似我咁到咗夜晚九點可以食嘅嘢都唔多，呢間食店難得九點幾仲買到嘢食。餐廳更加好簡潔整齊，雖然舖頭細細但係座位都說闊落，不過我太夜放工而家冇晚市，要等到日後疫情好返先可以有機會入嚟食啦之前食過佢嘅照燒牛丼幾次，覺得好好食，且都幾大份味道令人開胃，今次來特登試佢嘅魚生飯照燒雞扒丼 $58照燒雞肉質唔薄唔乾身，而且因為燒過變咗脆邊，佢嘅白飯任因為林上咗照燒汁變得惹味。三文魚甜蝦丼 $50三文魚與甜蝦尚算新鮮，不過我覺得白飯比例比較多，而且醋味偏淡，味道似白飯多個似壽司飯。如果鍾意要送飯嘅話可能要加多點配料

中午嘅時候滿心歡喜入去食，點知落單一刻有人係度叫同講嘢，跟著望下地下發現有隻米奇行緊，樓面一個員工都冇走曬入廚房，之後隻米奇都走左，啲員工先慢慢走出來問發生咩事！

食咗好多次，耐不耐都想返嚟再食，支持一下靚仔侍應（隱藏Boss？）因為實在太細心，有人情味嘅服務！❤️幫我打乞嗤，用雙手蓋掩好污糟之後，佢主動第遞一張酒濕紙巾🧻 佢聽到我朋友幾聲咳，主動送上鹹柑桔🍊 so warm 食物質素本身就very good 👍🏼1) 雜錦魚生丼除咗有三種魚嘅刺身切粒——油甘魚，吞拿魚， 三文魚之外，仲有好多玉子，青瓜粒。喺刺身之外，仲可以有清爽，同埋甜嘅口感！仲有一隻甜蝦添！2) 海鮮丼我哋叫咗拖羅，一板加拿大海膽，甜蝦菠蘿我覺得好食過壽司郎嘅中拖羅添～3）醬燒廣島蠔每次嚟到都必食！芝士千島醬嘅醬汁好惹味4）蟹柳蟹子沙律今次仲叫埋沙律～沙律醬唔heavy 夠light and healthy

有一晚，行過大角咀，行去橫街，找到日式小店 - 築匠。9時後，碰巧可以包場。小店大概10張枱，30幾個位。賞味壽司 ($88)，有10件壽司，三文魚、吞拿魚、油甘魚、甜蝦、北寄貝、玉子、蟹棒、蟹籽、卷物x2。三文魚、吞拿魚、油甘魚，厚切，有誠意，抵食，壽司中規中矩，10件唔夠飽。冷稻庭烏冬 ($45)，好大碗，好足料。有蟹籽、醬汁、乾蒜蓉使平凡的冷稻庭烏冬，有點特別。我問店員吉列豬扒稻庭烏冬 ($68)，還是咖喱吉列豬扒丼 ($68)，那個好吃點？店員推介稻庭烏冬。結果稻庭烏冬好吃，我還是喜歡咖喱吉列豬扒丼多一點，吉列豬扒即叫即炸，香，脆。唔夠飽，叫小食：我推介蒜香和牛粒 ($28)，即叫即燒，牛肉質素好，太好味，即場追加一碟，有圖為證。一口芝士 ($35)都正。小心燙口。至於蒜香牛舌 ($30)和燒雞翼 ($18)，我覺得麻麻地，有讚有彈。總評味道：吉列豬扒稻庭烏冬和丼都好食；環境：大角咀橫街小店；服務：上菜速度算快，店員服務很好，還說要送汽水，我推卻了；衛生：可以。

築匠都算係我地一家飯堂當你係旺角周圍食茶記都係五六十蚊起嘅時候，去呢道坐得舒服，食物質量超高，服務態度一流嘅小店，都係比多過加一，真係邊度搵第一次食呢個一身前，真係要紀錄一下望落去好似件數不多，但係刺身超厚，等於出面兩三片。仲要賣緊呢個價真心抵食囉

5。1勞動節，我都真係好勞動，中午梗係要去懲罰黃店，慰勞自己 💛.借位紀錄完今天行程，入正題講返食物質素。🍛咖哩吉烈豬扒飯，用了日式甜咖哩，有少量薯仔紅蘿蔔。炸豬扒香脆，但略乾。🍱 照燒雞扒飯，保持高水準，雞肉嫩滑，燒得外皮香脆，而且份量好多。🐟 鯖魚方面，朋友稱好吃，但我無試comment唔到😂 另外，湯的魚味很濃👍 沙律就是正常水準。.值得一提，用餐後店員會主動為食客提供濕紙巾，加分👍.🍛 咖哩吉烈豬扒飯 $68🍱 照燒雞扒飯 $58🐟 鯖魚飯 $48🥗 芝麻醬沙律 跟餐附送🥣 豆腐紫菜魚湯 跟餐附送

一嚟就叫咗幾樣壽司試一試水溫😉三文魚腩好肥美，三文魚都好新鮮🥰火炙蟹棒同火炙三文魚個味道更加香所以就即刻encore👍🏻香蔥吞拿魚就冇咩特別啦個味道比較淡亦都食唔到有咩吞拿魚味😶火炙三文魚腩食落去超滿足 更加突出左三文魚腩油脂嘅香味🤩🤩🤩叫咗幾樣燒物，蒜香和牛粒比起出面食嗰啲口感軟冧好多🥰第二轉都叫多咗一串，另外講吓燒牛舌😍 同出面鹽燒嘅唔一樣，佢係醃過嘅味道偏甜，有口感得黎又唔會好韌😍最後提一提燒鯖魚，燒得幾香 皮脆😋另外呢間舖頭店員嘅態度都非常好一定會再去啊🥳

呢間野啲嘢食唔錯，呢種質素收呢個價錢我覺得合理嘅，嘢食唔可以講到話係好高水平，但係喺返呢頭富多來黎講算係一絕，因為早兩日食完斜對面中伏料理(淺X月)之後已經對呢頭嘅日本料理冇晒信心！啲人成日講大角咀區係美食城，我覺得其實真係有質素嘅都係得一兩間，築匠係一間比較有質素嘅日本料理，我會大力推介各位嚟支持！食物質素：銀雪魚好出色，睇得出師傅係用心去製作唔會淨係得個味精咸！估唔到連最普通嘅白飯都可以食到飯嘅米香！希望呢篇文可以幫到大家唔好成日去食中伏料理

難得放假，相約左係附近返工既朋友食lunch。依間築匠朋友介紹咗好耐終於有得試。Lunch hour 都有兩三枱人等位，等左15分鐘就可以入坐，店鋪唔算好大，但環境舒適坐得都舒服。午市包湯同沙律，仲免加一。員工態度好好，一落完order好快就上沙律同湯。佢個湯係用魚做底，同一般麵豉湯唔同，飲落好鮮甜😋由於朋友極力推介丼飯，我就叫左 D. 三文魚籽、蔥碎吞拿魚蓉、海膽丼。啲料好足好新鮮，海膽大大舊，又鮮甜，價錢仲好親民 （$108）朋友就叫左 A. 雜錦魚生丼，佢個份量好足，啲刺身仲多過飯，個甜蝦仲勁大條，質素好高好抵食 （$68）Overall 食物質素好高，大件夾抵食。老闆員工又nice，絕對會再encore 👍🏻👍🏻

街坊系列 – 築匠🍣平民小店位於平民小巷內附近人口唔多,都係一啲小店🏠老香港式既舊街中一間年輕人打理日本料理------------------------------環境: 店內環境並非新淨高貴但有做清潔,保持乾淨,有一次性餐具提供燈光微弱,室內溫度中等合適------------------------------食物: 極上壽司 ($128)(三文魚,吞拿魚,油甘魚,赤蝦,帶子,海膽,吞拿魚腩碎,三文魚籽)午市免收加一🥰亦有附送味增湯同沙律🥗普遍魚生均為厚切,口感滿足😋小編特別重點推薦返幾款🤩海膽:選用加拿大海膽,入口偏重海水味🌊味道以咸香為主🤨非一般馬糞海膽鮮甜😯赤蝦: 大條新鮮爽甜,口感豐富😍帶子: 入口非常鮮甜彈牙,CP值爆燈🥰------------------------------服務: 樓面店員主要得2位👯‍♀️一路手亂腳亂,小編認為可能分工唔明確😵大家叫野就做,會忽略部分客人(小問題)👍🏽P.S. 落單姐姐好好人話請我地飲汽水🥤物輕情義重💯------------------------------環境: 5/10食物: 7/10服務: 5/10地址: 大角咀鐵樹街

🧏🏻‍♀️話說有朋友好熟大角咀個頭，於是跟咗佢去左食好西。嚟咗一間大角咀嘅日本店，性價比好高又大碟又抵食，仲要黃店嚟🙆🏻‍♀️🙆🏻‍♀️🙆🏻‍♀️🙆🏻‍♀️，好多重要日子都多次休息，喺 社交平台度公開表態，要大大力懲罰添啦！💛💛💛💛💛#meow_yellow 我地一行三人叫咗 ，🍣三文魚腩 (四切)$45 & 🍤甜蝦 （四隻）$38 （👅味道: 8.9/10）有留意我啲post嘅朋友都知道我係三文魚控🤣，超鍾意食三文魚，見到咁肥美嘅三文魚腩，咁嘅價錢真係超級驚喜，真係好厚同埋好鮮甜，超級滿足!🥰🍤甜蝦都好鮮甜， 不過我都係鍾意三文魚多啲哈哈！😏😏🐟手卷油甘魚 $28 （👅味道: 8.2/10）油甘魚就咁望已經覺得好新鮮，😍仲要唔係出邊薄切嘅，食魚生食到好開心！❤️2 set🐔照燒雞扒稻庭烏冬🍜 $78 （👅味道: 8.5/10）呢個雞扒烏冬仲驚喜，呢碗烏冬不特止好大碗，個雞扒仲要大過我同我個friend嘅手掌，🖐️我哋仲要食淨一半雞打包走，可想言之個份量係幾咁多！🤷🏻‍♀️😍個雞扒啲燒汁都幾入味，不過可以再濃味啲。😛🍤🦪吉列蝦拼吉列蠔稻庭烏冬🍜$68 （👅味道: 7.8/10）吉

熱食同刺身都有叫到兩款都好滿意好高質😭仲要價錢幾相宜刺身叫左個三色丼（$78）有三文魚 油甘魚同帶子 三款都係我最愛😍刺身好新鮮好肥美 又無咩筋 好好食😙仲要完全唔孤寒 都切得幾厚👍可惜我太餓無影到相🙈熱食叫左燒雞排烏冬（$68）一上枱已經呆左 因為雞扒好大塊！雞扒燒得好香 有少少脆邊但肉質仲係嫩既😍烏冬就正正常常咁 軟硬適中～另外再嗌左魚生沙律 同 燒廣島蠔個沙律又係驚喜地有好多魚生 食落好似仲多過菜 勁抵 lol 加埋柚子汁酸酸地好清新😋燒蠔都係高質野 蠔好juicy之餘又夠蠔味～總結成餐飯都好滿意😍

餐廳燈光偏暗黃 導致啲相影到好核突🙈個餐廳環境都幾靜 幾適合兩三個人坐低傾計食物方面 以日式刺身丼嚟講算係好平三文魚帆立貝加海膽丼 仲有麵豉湯同沙律都係88蚊 加一 麵豉湯有陣講唔出嘅魚味 幾鮮甜刺身丼嘅帆立貝都幾厚 刺身都幾有鮮味以呢個價錢 都值得一試😌炸蠔28蚊有3隻 熱辣辣 好香🤤值得一提嘅係呢間舖頭嘅服務質素當時舖面唔算多人 我哋兩個人坐咗係二人位侍應專登行過嚟問我哋會唔會想坐四人位可以食得舒服啲 啲食物唔洗放到咁逼之後見到侍應會係每枱都差唔多食完嘅時候俾濕紙巾佢哋抹手 都幾貼心😌

雙十想食壽司，揀左黃小店既築匠。鋪頭唔大，木色簡約設計，播住日本純音樂，加埋牆上既畫，幾有日本feel。兩個人叫左壽司拼盤、三文魚籽吞拿魚蓉海膽丼、燒三文魚壽司、燒廣島蠔、燒雞皮、燒牛舌。老細仲送汽水，連波子汽水都有。🚩壽司拼盤最深刻係蝦，爽甜厚肉。海膽唔會苦、帆立貝厚肉。整體好食，除左吞拿魚比較瘦削，其他魚生都好厚切，入口滿足。追加兩件燒三文魚壽司都好正。抵食！🚩丼飯份量幾多，魚生由頭到尾都夠撈，大滿足！店員仲主動問要唔要碗仔，好貼心。🚩燒廣島蠔好好食，熱辣辣，配明太子沙律醬，無得輸！🚩燒牛舌厚身，上面有炸蒜，一啖過食會塞滿個口。燒得岩岩好，仲有濕潤感，唔會太乾。🚩燒雞皮脆。整體好抵食，咁樣先$360。味道全部都好食，魚生唔係食過最正，但睇埋價錢，絕對好過好多連鎖壽司鋪。平靚正。店員好有禮貌，見佢地執台都好用心清潔，食完飯又會拎濕紙巾比我地抹手。一定會翻兜。

午市時段過咗嚟試下佢地的魚生飯出乎意料的又有質素又抵食服務員態度都好友善環境乾淨好令人放鬆枱與枱空間都剛剛好俾到舒服的空間感係一間做得好好的小店以後會黎多啲幫襯