築地日本料理 (金百利廣場)

营业中

休息中

同好友食日本野，去返之前返工成日幫襯嗰間， lunch就食得多，不過夜晚都係第一次。我地點左幾款壽司，魚生係新鮮，份量都算大件，即叫即做，而且價錢都唔貴，每樣都抵食，尤其個牛油果軟殼蟹壽司卷，d料比例配搭得好好，如果大件多d d就perfect。牛肉蔬菜壽喜燒鍋個鍋唔貴，不過都好多料，牛肉、大蔥、豆腐、金菇、蔬菜份量都算多，當中牛肉比例較多，湯汁濃郁，基本不錯，唯一係隻蛋已經放左入去，如果可以自己點蛋汁先食仲好。咖喱豬扒飯之前lunch都成日食，價錢好抵，炸豬扒外脆內軟，味道保持一貫水準，咖喱汁依然係香濃美味，送白飯一流。第一次喺度食dinner，好抵食性價比高。

銅鑼灣真係有好多美食，今次約舊同事食飯，就搵左間位於金百利廣場7樓既日本餐廳七點去到就己經很多人，好彩一早訂左位!!菜式五花八門，套餐、刺身、壽司、拉麵、鍋物、串燒樣樣有💥三文魚魚頭野菜鍋魚頭夠大夠新鮮，外面有煎香過，令魚頭香口，咬落多肉而且好滑，奶白色湯底濃厚，有三文魚的油香；鍋裏仲有娃娃菜、豆腐、香菇等配菜，吸收到魚湯精華，好正!💥三文魚海膽丼丼飯足料，選用三文魚腩來做厚切，肥美非常，油脂厚身；海膽鮮甜，無腥味，兩者加埋絕對匹配；還有日式玉子作配菜，食落鬆軟帶點甜，好啱我食~💥鹽燒牛舌牛舌肉質軟腍，有香濃牛味，加少少鹽，味道更有層次💥燒雞軟骨香脆又有嚼勁，帶有孜然味道，夠惹味💥活赤貝刺身原隻活赤貝刺身及裙邊，爽脆鮮甜冇腥味，加小許檸檬汁添加了清新味道!💥雪糕-綠茶味及豆腐味兩款既雪糕都超濃郁，係完美既甜品~每款食物都好足料！大大件，又夠鮮，食到好飽，簡值大滿足! 又搵多一個聚腳點~

餐廳位於Sogo附近。午餐只有1款素食定食，可加錢追加小食。點餐用QR code，走五辛可以係點餐前告知店員。一般午市套餐可以免費加配熱飲，而素食套餐已經包含玄米茶，冇得額外免費加配飲品。素心司 一人前 ($98)涼拌亞麻籽山藥丁黑蒜和風海藻沙律素壽司拼盤 (8件)竹炭杯一口冷麵紅豆冰卷素壽司拼盤包括有紅椒、雞脾菇、雜菇、素肉、香芒牛油果卷。雜菇以金菇為主，黑松露味濃。香芒牛油果卷入面包咗青瓜、牛油果同酸蘿蔔。海藻沙律嘅醬汁似柚子醋。浸住冷麵嘅豉油汁味道偏鹹。山藥丁口感爽脆，撈咗日式胡麻醬，旁邊放有椰菜絲。紅豆冰卷嘅皮滑身，口感彈牙，入面包有紅豆餡，唔會好甜。

今日約咗朋友食飯，月尾時候，朋友budet有限，唔想食咁貴，但又想食日本嘢，帶咗佢嚟呢間日本料理餐廳食，價錢親民又好味。我哋叫咗幾款壽司，一啲熱食，食到飽飽，都係人均不用$200。壽司點了炙燒三文魚腩壽司；蟹膏甜蝦壽司；三文魚壽司；北寄貝沙律壽司；蟹子壽司；香蔥吞拿魚腩蓉壽司。刺身全部都新鮮，三文魚壽司好抵食，只係$8 一件，三文魚肥美，蟹膏甜蝦鮮甜。另外點了牛油果軟殼蟹壽司卷，軟殼蟹脆卜卜，迷你size的的骰骰，一口一件。咖喱豬扒飯飯桶朋友點咗壽司都未夠，仲叫咖喱豬扒飯。咖喱甜甜地，好好味，吉列豬扒新鮮炸起脆卜卜，粉漿唔厚，豬扒都幾大塊，仲有一隻煎得靚靚嘅太陽蛋。牛肉蔬菜壽喜燒鍋牛肉份量都幾多，有滑滑豆腐蔬菜有黃芽白，秋葵，紅蘿蔔金菇同埋冬菇，仲有溫泉蛋，呢個鍋都幾滿足下，可以叫個白飯撈湯。

Sogo大減價，朋友話不如去對面金百利築地，食過好抵食，good👍🏻鹽燒牛舌-牛舌燒到岩岩好，厚身牛舌，有咬口又唔靭，愛吃牛舌不容錯失。燒雞軟骨-雞軟骨脆口，加小小檸檬汁一流👍🏻鮭魚魚頭野菜鍋-鮭魚即三文魚頭，奶白色湯底，大件三文魚頭及魚鮫肉仲好嫩滑，雜菜加豆腐。濃濃魚湯，一流🫶🏻赤活貝刺身-是原隻即切，鮮甜爽口，食材新鮮三文魚海膽丼-份量大，三文魚肥美，好cream鮮味海膽，驚喜係飯，日本珍珠米，飯粒好飽滿，再配新鮮食材，掂豆腐雪糕-豆腐味濃厚，正

我之前去過這家日本料理餐廳，印象中食物味道很好，而且價格也很實惠，所以這次又回來了。我們在星期六晚上去，很幸運地沒有等位就入座了。我們點了三款卷物，包括海膽帶子卷、青龍卷和牛油果軟殼蟹卷。所有卷物都很好吃，配搭得很好。海膽和帶子都很新鮮，炸物外層酥脆，且有溫度。炸物方面，我們點了海老天婦羅和一口炸豆腐。天婦羅非常新鮮熱辣辣，但要小心不要立即吃太熱而燙口。一口豆腐體積很大，需要幾口才能吃完。我們還點了一板燒香蒜牛舌和金菇牛肉卷。板燒牛舌放在原個鐵板上，當它來到我們的桌子時，還在滋滋作響。店員很細心地提醒我們不要碰到燒熱的鐵板。牛舌的份量非常豐富，但可能有些過熟，口感略微有些硬。金菇牛肉卷是我們非常推薦的一道菜，牛肉味道非常濃郁，咬起來還有肉汁，份量也很足夠。最後，我們還點了一份雞翼串燒。它只添加了少量的鹽調味，口感很清新，方便客人自己根據口味添加七味粉等調味料。這家日本料理餐廳的性價比非常高，價格實惠，食物質量也很好。就算在銅鑼灣，也難以找到這樣價格實惠的日本料理餐廳。我非常推薦這家餐廳。

今晚去了銅鑼灣金百利築地日本料理，位置交通方便，餐廳卡位都坐得幾舒服，今晚早放工早去到就好少人，之後越坐越多人。平時啲玉子燒好細件都好貴，呢個芝士玉子燒估唔到係咁大份量，真係必食，拉絲嘅芝士最吸引，配上木耳絲及燒汁，好好味，食完都飽咗一半。鹽燒鯖魚又幾大條，啖啖肉我最like，都好夠味。朋友唔食生的壽司，就叫了火焰三文魚腩壽司夠肥美、火焰芝士玉子壽司又好Juicy。最後叫了甜品鐵板綠茶布朗尼，呢個絕對是打卡之選，用鐵板盛載綠茶布朗尼，再倒入綠茶醬汁有鐵板燒嘅效果，一冷一熱😋 非常特別又美味，甜度適中！

銅鑼灣金百利樓上有好多不同嘅食肆，今晚就約咗朋友去了築地日本料理，原來呢間餐廳食物嘅性價比係好高，每一樣都好好食😋我最鍾意食石頭鍋飯，牛仔骨石鍋飯好大碗，不過如果唔食得辣嘅，就唔好另外再加辣醬啦！個石頭鍋飯食咗好耐都仲係好熱！芝士玉子燒，比想像之中仲要好食，玉子裏面包住口口嘅芝士，一啖咬下去會有拉絲嘅效果，熱辣辣玉子配上鰻魚汁，正😆牛油果明蝦沙律🥗夠晒健康，蝦🦐牛油果🥑新鮮沙律菜都幾大碟！

好耐冇去過金百利食嘢，呢間日本居酒屋嘅性價比可以話冇得輸， 抵食之餘，食材新鮮，好有日式風味。先嚟試下份牛油果軟殼蟹沙律，呢個沙律既 雜菜好新鮮，軟殼蟹香口卜卜脆，蟹肉好嫩，配上牛油果同埋醬汁，味道好夾，好清爽。壽司方面，我試咗幾款唔同嘅壽司， 當中包括: 三文魚子壽司、劍魚腩壽司、鮮帶子壽司和香蔥吞拿魚腩壽司。三文魚子非常新鮮，魚子大大粒，沒有半點兒腥味，非常夠份量足料。 劍魚腩入口肥美鮮甜，魚油味好香濃，食材新鮮，值得一試。鮮帶子壽司，帶子夠曬大隻，口感非常嫩滑爽彈， 再點小小壽司醬油嚟食已經好滿足。香蔥吞拿魚腩壽司，啲魚腩好嫩，魚味好香， 再加啲青蔥喺面，入口特別清新，再加上啲 壽司米飯非常紮實， 壽司醋份量適中，真係好好食。三文魚腩刺身，魚腩肉質鮮嫩，口感幼滑，魚油分佈非常適中，而且所選用的魚腩部分完全沒有筋，加入少少日本芥末和醬油已經好好味。其中最讓我驚豔嘅係鹽燒牛舌，牛舌肉質鮮嫩， 師傅控制嘅火牛恰到好處，搭配上微鹹的調味，非常入味。另外再叫咗燒廣島蠔，蠔肉經過簡單的煮炙，放入香濃嘅牛油，口感十分鮮嫩，並且搭配上火炙的燒烤味道，非常香口美味。還有一款我非常喜歡的料理係燒汁魷

前幾日同朋友去銅鑼灣，作為港島人最鍾意行銅鑼灣，幾個商場睇吓行吓又一日。午餐時間近近地選擇了呢間位於金百利廣場的「築地日本料理」，睇到網上評價都唔錯，初次食吓體驗都唔錯。<午市富山便當>便當材料豐富，有齊刺身、烏冬和小菜，刺身新鮮，烏冬口感彈牙，健康又美味。<三文魚手卷/三文魚北寄貝刺身>我地喺魚生之中最鍾意三文魚！所以同朋友都嗌咗三文魚手卷，厚切啖啖肉冇腥味。北寄貝刺身肥厚鮮甜，色澤鮮紅艷麗，夠新鮮。<燒雞軟骨>雞軟骨香脆有嚼勁，朋友都爭啲要點多兩串先滿足，不過我哋嗌太多嘢食就作罷。<汁燒魷魚筒>原隻魷魚筒份量足夠，爽口彈牙，醬汁幾入味。<午市壽司定食>如果想食唔同種類嘅壽司呀午市定食就啱晒啦，分別有三文魚、油甘魚、鮮蝦、海膽、三文魚籽、劍魚腩、吞拿魚和火炙馬刀貝，每款一件，適合選擇困難症，唔知揀咩口味嘅人！

lunch time往往係全日最開心嘅時刻之一，唔單止可以出Office行吓唞吓氣，食飽飽下晝先可以繼續埋頭苦幹。呢間位於金百利廣場嘅築地日本料理餐廳，lunch menu唔單止選擇多，而且價錢相宜，啱哂一眾打工仔做平日飯堂。叫Lunch set 先上麵豉湯一碗，暖一暖胃先！🍣午市壽司定食唔想太飽可以選擇呢一款壽司定食。定食包括8件經典壽司，上盤粒粒都好精緻，好啱打卡。食得出食材新鮮，好有鮮味！最欣賞佢舊飯唔會太大嚿，食飯多個食餸，遮蓋左材料嘅味道。🍚石燒鰻魚炒飯夠哂熱辣辣！咁樣石鍋上菜啲飯粒keep到乾身，正！而且鰻魚都唔少，加埋蔥花更香！🥬海鮮野菜天婦羅食日本嘢點可以唔食天婦羅！炸得好香口，但又唔會太油膩，相信係因為炸得火候剛剛好。🦑炸墨魚餅煙靭能夠彈牙，鹹鹹香香好入口！仲有粒粒墨魚肉，夠嚼口，口感豐富！🐚鹽燒帆立貝兩粒一串，份量剛剛好。加上燒汁，更加帶出帆立貝嘅鮮味。🦀蟹肉香芒蟹籽沙律食完炸嘢，梗係要食返啲甜酸嘢清一清，平衡下。呢款蟹肉香芒蟹籽沙律就非常夾。蟹肉鮮甜，加埋青瓜絲同酸酸地嘅芒果粒，好refreshing!加埋個炸薯條⋯正！總括尼講回頭率極高！

朋友係銅鑼灣返工，話呢度係佢的日本菜飯堂，款式多性價比高。三文魚腩刺身-有4片，全部都好厚切-十分肥美，真正的入口即溶牛舌串燒-有三大片，估唔到牛味好重-燒得一啲都唔乾身，咬落仲有牛汁，加埋檸檬汁更惹味牛油果軟殼蟹沙律-軟殼蟹炸得脆卜卜，加上蟹籽係面，有口感味道又提昇-沙律菜好新鮮，牛油果有4-6塊，滿滿的健康感燒廣島蠔-有蒜香味牛油味-蠔身飽滿多汁汁燒魷魚筒-最有驚喜的一碟！魷魚筒好大隻肥美，一上碟完全有被驚艷到！-燒得恰到好處，一啲都唔韌。食到魷魚的鮮味-有個類似泰式的酸甜汁，十分出色

星期日到維園參觀花卉展覽，整個銅鑼灣街頭都人頭湧湧。逛畢來到食肆林立的金百利廣場覓食，見【築地日本料理】午餐價錢非常實惠，便來嚐嚐。午市餐牌選擇相當豐富，有自選配料魚生丼、壽司刺身、飯類、便當、鍋物、拉麵烏冬，已包括麵鼓湯及一杯飲品，還可以優惠價追加沙律前菜、刺身手卷、炸物甜點等小食，人少少也可以多試幾款。鰻魚便當 ($102)有齊前菜、主食及甜品賣相吸睛。鰻魚肥美甘香，珍珠米飽滿，加上甜甜蒲燒汁倍感美味。配菜有清新的蟹籽沙律及中華沙律，脆炸蔬菜天婦羅及紅豆和果子。當中細緻滑順的茶碗蒸令人印象深刻。蘿蔔年糕豬軟骨鍋 ($72)Hot Pot with Radish, Rice Cake & Pig Cartilage豬軟骨炆得軟腍，蘿蔔無渣，索盡湯汁入口即化，加上年糕片帶來煙韌口感。鍋物還附上巨型白飯，灑上飯素再加點豬骨湯，非常下飯。三文魚親子丼 ($115)三文魚厚切，新鮮肥美，加上晶瑩剔透的三文魚子，脆卜卜口感中爆發魚油甘香。玉子上面印有築地兩字，好感度加分。牛仔骨石鍋飯 ($98)配料有泡菜、粟米粒及木耳絲。石鍋熱度夠高，米飯和牛肉燒至焦香，牛仔骨嫩滑入味，拌勻栗米及泡菜同吃更有

金百利性價比超高嘅日本菜！🇯🇵 話說曾經有段時間喺銅鑼灣番學 間唔中就會走上金百利同啲朋友食番個日式午餐 冇諗過隔咗咁耐都仲可以咁抵好食同咁好食！🥹🫶◍「精選二人前」👯 $298咁抵食嘅二人餐就係買少見少啦 仲要份量超多 包咗沙律、串燒拼盤、小食同2款主食🤎另外仲有2杯野飲同甜品！每項野食仲有得再自己揀款式🤩特別推薦呢度嘅牛肉野菜壽喜燒 鍋物煮得好出色 材料仲十分豐富 趁天氣仲涼涼地值得一試😽◍「紫蘇梅醬雞柳串」🐤 $32見呢度竟然有咁特別嘅串燒緊係要試試佢 食落真係好香嘅紫蘇香味！🤤◍「牛油果軟殼蟹卷」🥑 $48卷物方面要咗個軟殼蟹卷 加埋牛油果夾一齊食就啱啱好💚◍「三文魚三味」🍣 $38另外必試呢個好抵食嘅三文魚三味 一個三文魚三個食法 睇得又食得🤤❤️◍「蟹膏蟹肉手卷」🍙 $38估唔到呢度有蟹膏手卷食 仲要配搭埋蟹肉一齊食好高質😙📍築地日本料理 (金百利廣場) (銅鑼灣) #lala_foodie_causewaybay 銅鑼灣記利佐治街1號金百利廣場7樓R1室

見到openrice好評，襯白色情人節💓今日就一家人去試下啦 ⊂⁠(⁠◉⁠‿⁠◉⁠)⁠つ 銅鑼灣金百利7樓，超方便。 ✨和牛飯卷- 超正，包住好多牛，小朋友最鐘意食✨ 海之逸魚山丼-心我致愛，魚山超新鮮，回味無窮✨石燒鰻魚炒飯- 這個飯上枱時超香噴噴的，下次過離要來叫這款， 鰻魚超肥美， 啖啖肉🥰 ✨綠茶冷麵-  麵條超爽口彈牙， 好似去左日本食咁，亮點係隻蛋呀，跟麵一齊食會非常滑溜。✨豆腐雪糕- 好少地方有衣個食，真係大滿足✨鹽燒多春魚、鹽燒雞中翼、鹽燒牛舌、燒雞軟骨不用多講，見相就知吸引啦😊下次叫多幾款先