築地GINDACO (裝修中)

每逢行APITA，經過food court總係人頭湧湧，幾間店舖最吸引的一定非呢間章魚燒莫屬，呢間店舖賣嘅食物款式唔多，但章魚燒即叫即整，每個拎住嘅章魚燒都冒住煙熱騰騰，我今次叫都唔例外～由於一個人食唔到咁多，所以叫左22蚊4粒嘅原味章魚燒。章魚燒放上紙製小船，每粒都大大粒帳卜卜，加上燒汁、沙律醬、紫菜同大量木魚碎，齋睇未食賣相已經非常吸引！章魚燒新鮮熱辣，內餡太熱要逐小逐小咬開外皮，外皮脆口，配上醬汁同配料口感非常過癮，剩食內餡粉層都唔覺漏！章魚份量唔多剛剛好，食落爽口彈牙，同軟綿綿嘅內餡一齊食味道好夾，食唒4粒仲覺得唔夠喉，好想encore！咁多間章魚燒店舖，係呢間先真係做到外脆內軟，係章魚燒迷必食推介！

喺太古呢邊冇乜街頭小食，要去到太安樓嗰邊先有得掃街，突然口痕好想食小丸子，就嚟咗apita呢度食，仲有得嘆冷氣，係OK嘅。除咗小丸子佢仲有大阪燒，不過都係小丸子最好食，平時都會嗌個set，連埋個抹茶牛奶，都係$3x到，抵食啲。個小丸子唔使講，有大大粒章魚，上面有蛋沙律，食幾多次都覺得好好食，雖然有時會唔係好夠熱，不過大部份時間都係熱辣辣，好味！另外，個抹茶牛奶就一時時，有時佢啲抹茶粉落太多，但同時又太甜，搞到杯野又澀又甜，怪怪地。

明明就係要食早餐既，本身係揀食all day breakfast,點知睇到啲食評話呢個係全港最好食既章魚燒，即刻轉黎呢度，Food court模式，搞到間間都話開10點，點知開係開左，但係無咩食叫左個8粒原味章魚燒+抹茶鮮奶，真係大大粒，足料，啲醬汁都好好味，唔咸，而且食完唔會話口渴杯抹茶牛奶都好重抹茶味，正$44/8粒丸+$8有杯野飲，呢個價呢個質素，係唔錯想試個炒面都無，因為10點太早，麵好似未到貨，諗住去另一檔補個拉麵/烏冬，點知都係無！最後叫多左個一模一樣既8粒加野飲，唔好睇佢係小食，連老公都話飽要多謝個篇＜全港最好味既章魚燒＞如果唔係正常唔會試

It is in the food court inside of Apita.My husband ordered the GINDAKO set.I chose 8 takoyaki.GINDAKO set had Takoyaki, Yakisoba and drinks and was $ 43.It is very reasonable.There are no yakisoba menu in Japanese shops.Also, there is less choice of Takoyaki taste than Japanese shops.However, the yakisoba was very tasty.And,Takoyaki was the same as Japanese taste.However, it is regrettable that it was not freshly made.I would like them to serve it after receiving my order.

有成五，六年冇食過章魚燒，食完壽司唔夠飽，經過章魚燒心思思又買黎食下先原味章魚燒（$38）8粒，所以即叫即整，等左15分鐘到，熱辣辣，食落口超香脆，夾埋d醬汁，冇得頂呀，章魚需然細細粒，但我唔介意，我認為主角係個脆漿混合汁味道，加埋木魚絲，真係very good😍👍🏻

原味章魚燒🐙($38/8粒)，日本我呢d窮小子就冇去過喇，但呢個可能係香港最好食既章魚燒😍雖然係太古就遠左d，不過呢到既章魚燒冇令我失望，新鮮即製熱辣辣，每粒都燒到外脆內軟食落有d煙韌，入面既粉漿係偏軟滑，口感唔會死實實，加埋上面一大堆紫菜、識飛既木魚絲、蛋黃醬同燒汁，講起又想食翻盒😆

在香港食左小丸子N咁多年，最好食又正宗的非Gindaco莫屬，外脆內軟，每個球都有一大粒章魚，加上木魚和燒汁蛋黃醬，真係好正。Topping可加玉子沙律，呢個一般。但係可以試餃子，好味。仲想食炒麵可惜sold out。

1772016 大大甩太古Apita地底個日本菜foodcourt，除咗有Mos Burger、丸龜外，喺一堆小店中，俾DWG發現到有好正嘅章兒演！玉子章魚燒($40/8粒)：冇面頭pet玉子就$38，爭2蚊緊係要咗先講！其實係平時蛋三文治嘅蛋醬黎，連粒丸一齊啪 口感大爆發！！章魚丸粒粒都脆皮，唔使__都已經好鬆化😂 內裡雖然有點空洞，但粒章魚好q大粒👍 同日本果啲唔同，呢度嘅係有咬口 唔會好似食緊pet漿咁。最正係加埋個特製燒汁，真係中醫未食飯——餓醫師😋Ps. 千萬不要嘗試炒麵。食咗12粒：8.5/10

套餐加汽水八爪魚丸超熱，出哂煙，等好耐先入得下口內藏的八爪魚尚算大粒不過個人喜好都係鐘意日船多d因為個沙律醬日船好味好多這間沙律醬偏酸了少少炒麵加蛋油了少少味道可以

築地的八爪魚丸是最好吃的原味，玉子都好好味所以選擇每樣4粒八爪魚丸外脆，丸內有多塊八爪魚，用料足配上特製醬油，沙律醬，木魚片，最最後飲淡抹茶牛奶實在太完美另外店內還有燒面。可惜今日機壞了未能品嘗

還記得以前Gindaco在港有好幾家分店，在當時的競爭來說，這家的章魚燒算是數一數二高質好吃。原來幾年後，只淨下太古的一家分店 多可惜啊！$38有8粒原味章魚燒，價錢跟以前好像差不多，朋友更笑說這是抗通脹的食物呢 入口跟以前一樣，都是外脆內熱，是熱到燙舌的！內裏的章魚大小適中，不會太硬。但在等候期間，看到店員狂灌入食油到製作中的章魚燒，熱油即時四濺。雖然這樣會令到章魚燒外皮更脆，但真的變得熱氣油膩，少吃為妙

行過apita，原來裡面咁多野食，平時都唔知道添！築地門面幾得意，好似好日本咁，推住個盤等烏冬途中，又可以拎埋其他串燒炸物，最後個位，就緊係俾錢啦！今日叫左個豬軟骨烏冬！豬軟骨，非常唔錯，雖然比較細件，但非常之林，唔似有d豬軟骨要吐骨，肉質因為夠林，一d都唔痴牙，而滷水雞蛋，都夠入味，湯底就少咸，可接受，唔會食完覺得好口渴。

我果日去買,見到基本上係即叫即整但由於即叫即整,即時見到佢有幾唔衛生一路整,整章魚燒這個人一直在咳,但又唔帶口罩果d口水,細菌,咳曬落去這些章魚燒這裡他不是只是咳一次,而是狂咳你可想像有幾多口水落左去章魚燒這裡真係好唔衛生,比你見到都咁唔衛生,睇唔到果部份真係唔敢想像其實這間店,旁邊就是超市,買個口罩根本唔難不過人地有心唔帶口罩,咁就無計啦講返章魚燒,係大粒果種味道算唔錯皮脆內軟,外皮黃金色$20有4粒,章魚都不錯木魚是用木魚碎,而不是木魚片木魚片我個人覺得較好,可惜他沒用木魚片,而是用了木魚碎味道上咸咸地其實佢都整得唔太好粒丸埋口講唔上好但講唔上全香港最好食因為我食過更好食的章魚燒間野最大問題就係衛生問題咁唔衛生真係無下次,下次送比我都唔食

內涵十足的玉子照燒章魚丸！勁足料大大粒，一個口是放不下的😁😁`即叫即整而且醬汁非常足夠、既不乾身、外表不會過燶！內裏粉漿軟滑，煙煙韌韌！配搭玉子鋪排在面，沙律醬及大量木魚既有多層次口感，又不會過膩！蛋炒麵飽肚感十足，大阪蛋也頗為大隻，唯偏側重味。套餐價HKD43(包抹茶牛奶+大阪蛋炒麵+4粒玉子照燒章魚丸）

✨章魚小丸子 炒麵 抹茶牛奶 ($43)✨係太古睇戲前落apita food court食餐快餐醫肚食過佢地嘅小丸子確實不錯 要排隊等都照叫啦落單之後問仲有幾多個先到 男店員好唔客氣話仲有幾張單 你梗係要再等多陣 嗰陣已經好燥 態度更加係令人髮指燶口燶面的面容比客人見到感覺已經好唔舒服俾惡劣的說話 語氣 服務態度嚇到 感覺好差 食物味道 炒麵上面有僅僅幾片食落乾爭爭豬肉炒麵味道單調咁得個咸 唔太油膩不過豪唔吸引 抹茶牛奶沉澱一層糖漿 好似溝左水冇奶味嘅綠茶水章魚燒一直覺得幾好食 表層脆卜卜 入邊粉漿感濃 服務態度咁差 真係好肚餓都唔想再返去受氣..Rating💁🏻(5.8*/10*)