影片
付款方式
以上资料只供参考，请与餐厅确认详情
相关文章
新年就到啦！每年呢個時候，大家都會準備賀年禮盒，向親朋好友傳遞祝福。今年就係Fresh Fresh 買咗好幾款好靚嘅賀年禮盒及賀年食品[ 新年手作曲奇賀年禮盒 ] 一盒有9款不同口味嘅曲奇，呢盒包括有手唧開心果曲奇、焦糖脆脆曲奇、朱古力杏仁曲奇、原味朱古力粒粒曲奇、朱古力豆曲奇、薄荷朱古力粒粒曲奇、OREN阿華田曲奇、腰果咖啡曲奇、士多啤梨心心曲奇，每款曲奇都加鬆脆，食落滿滿牛油香味，甜度適中，每款都各有風味香濃蛋味的 [ 新年帝君原味蛋捲 ] 食落口感非常鬆脆，食到停唔到口，一包有好多條，包裝仲好靚；仲有 [ 帝王阿華田口味蛋捲 ] 濃郁阿華田味，外層酥脆，又香又脆又好味，除咗呢兩款，仲有幾款口味口感鬆化的 [ 鬆脆開心果酥 ] 外脆內酥，充滿開心果的香味，忍唔住食咗幾塊手工製的 [ 手工開心果脆糖 ] 食落好脆口，香濃開心果味，必食的開心果脆糖，夠哂足料呢款 [ 合桃牛油薄脆片 ] 薄脆口感，合桃碎香脆可口，牛油香味突出，令人回味無窮[ 招牌黃金花生角 ] 花生角外層酥脆，內裡包著香濃的花生餡料，經典的賀年食品餐廳：Fresh Fresh Bakery 地點：天后電氣道22-52號金殿大廈地下13號鋪
继续阅读
2024年9月2日 星期一放完一個長假之後第一日返工，完全未適應工作上嘅步伐，所以一放工之後就覺得好攰，好想食嘢彌補番心靈上嘅空虛咁啱就係天后見到呢一間麵包店，主打係我最鍾意嘅麻糬，決定一於買多啲嘢食，等之後嘅日子都有力量繼續工作，餐廳嘅位置都幾方便搵到，離遠就已經見到有唔同嘅產品售賣行近啲見到凍櫃擺滿晒各式各樣嘅凍餅同蛋糕，十分精緻，仲有糯米糍添，側邊嘅櫃就擺咗唔同類型嘅曲奇餅同蛋捲，價錢都幾貼地，仲有近期好Hit嘅開心果味曲奇店舖入面就擺滿咗唔同嘅麵包，除咗一般麵包店見到嘅麵包之外，當然唔少得有麻糬波波、牛角可頌同雲朵蛋糕，實在係花多眼亂唔知揀咩好，所以最後決定乜都要少少，順便揀埋嘢飲，決定一買完就即刻一邊飲一邊食首先呢個飲品係港式絲襪奶茶，奶味幾濃郁，而且飲落去滑溜，雖然冇冰，不過夠晒冰凍，大熱天時飲就啱晒返到屋企已經急不及待拆開個麻糬波波嚟食，呢一個係紫薯麻糬波波，成袋有五個，每一個大小都差唔多，一咬落去已經有紫薯蓉同麻糬，好煙靭，個皮幾薄而且食到紫薯嘅甜味，連BB都好鍾意食之後有雙重特濃朱古力脆脆卷，啱晒鍾意食朱古力嘅人士，因為一啖食落去可以食到多重朱古力，無論係出面嘅朱古力脆脆或者瑞士卷裏面嘅朱古力醬，甚至乎連瑞士卷本身都係朱古力味，所以朱古力味十分突出，但唔會過甜或者有苦味，出奇地味道都幾平衡呢個係楊枝甘露盒子蛋糕，專登留返飯後甜品享用，上一層係楊枝甘露果凍，而下層就係蛋糕，所以每一啖都食到楊枝甘露同蛋糕，份量都幾足料，有食到芒果肉同西柚肉，味道酸酸甜甜，作為飯後甜品就啱晒另外仲有各款西式凍餅，分別有阿華田慕絲西餅、芒果慕絲西餅同藍莓芝士蛋糕，每款味道都唔錯，比較特別係阿華田慕絲西餅，因為平時比較少食呢一個味，食落每一啖真係有阿華田味，同朱古力味好唔同，西餅嘅質感都比較輕盈，食完都唔會覺得好飽滯同一時間我仲另外買咗各款糯米糍同麻糬QQ，當中仲要咗近期人氣最爆嘅開心果味，糯米糍除咗皮薄之外，裏面嘅餡料亦都有好多，淨係見到呢個開心果味，就已經知道餡料塞滿晒成個糯米糍，開心果味好突出，仲食到開心果粒添，同時間糯米糍嘅外皮夠煙靭，放咗雪櫃一晚再拎出嚟食都仍然保持口感同味道最後仲有麻糬扁牛角可頌，因為從來未見過牛角包都可以壓扁成咁樣，所以就買咗兩個嚟試下，分別係草莓拉絲夾心同開心果拉絲夾心，可能壓扁咗嘅關係，所以食落去更加脆口，更加容易食到一層層嘅感覺，餡料除咗出面見到之外，裏面嘅麻糬咬落去真係可以做到拉絲，強烈推薦！！
继续阅读
身為#開心果控 ✨今次又同大家睇下Fresh Fresh有咩新野！買咗一系列嘅開心果產品😍開心果麻糬QQ球面層鋪滿開心果粒，食落唔會太甜！杜拜開心果麻糬QQ球呢個食落相對甜啲，面層仲有啲脆脆開心果糯米糍真係超軟糯，中間爆多開心果饀抹茶脆脆糯米糍抹茶味好濃郁，中間脆脆仲增添口感開心果脆糖呢個必食😍超高質！滿滿的開心果📍 簡品堂(香港)地址: 香港天后電氣道22-52號金殿大廈地下13號舖#hkbagellovers #hkcoffeeshop #hkbagel #天后麵包#天后咖啡 #天后麵包店 #麵包控 #西餅 #打卡 #hkfoodie #hkfoodies #hkgirl #hkig #糯米糍控
继续阅读
平時都鐘意食麻糬，首推天后Fresh Fresh 開心果 / 薄荷朱古力 / 芋泥 / 草莓 / 阿華田脆脆 糯米滋每款都皮薄餡多，又够煙靱，每一粒都有獨特的風味。糯米滋則是軟糯的口感，開心果帶有淡淡的鹹香，又粒粒够脆，薄荷朱古力則清新爽口，令人感到涼意。芋泥香滑，帶有淡淡的甜味，草莓則酸酸甜甜，十分可口。阿華田的味道醇厚又唔太甜開心果、薄荷朱古力QQ球口感彈牙，吃起來有一種嚼勁，開心果和薄荷朱古力各有好味的地方。杜拜開心果脆脆朱古力包外層是酥脆的朱古力，裡面隱藏著香濃的開心果，幾有心思的包，開心果迷不能錯過香芋麻糬盒子蛋糕香芋味非常濃郁，麻糬的口感軟糯，搭配蛋糕的鬆軟，口感特別南瓜麻薯波袋裝包南瓜的自然甜味，麻糬的口感軟糯，食包都可以好健康
继续阅读
這間主打造型蛋糕和手工麵包的烘焙店，產品包裝和造型可愛之餘，味道亦佳。產品更經常推陳出新，連最近大熱的杜拜朱古力亦能找到其蹤影，身為開心果愛好者當然要買來試試。❥ 杜拜開心果脆脆朱古力包🍫近期超人氣甜品非杜拜朱古力莫屬，杜拜朱古力的特色在於其開心果醬混合炸過的細碎麵條的內餡。這款麵包注入了杜拜朱古力的元素，鬆軟麵包搭配濃郁朱古力醬及鬆脆的開心果醬麵條，創新搭配不僅為朱古力增添了獨特香氣，還帶來豐富的口感。❥ 開心果、芒果、大甲芋泥脆脆、榛子脆脆糯米糍🍡糯米糍皮薄煙靭，內裡是飽滿的餡料，大甲芋泥脆脆和榛子脆脆更是充滿酥脆的口感，甜蜜滋味滿分。❥ 芋泥麻糬盒子蛋糕🍠綿密香濃的芋泥與鬆軟蛋糕交織融合，蛋糕夾層中加入煙靭麻糬，一口咬下綿密細緻，三重層次的口感令人相當有驚喜。❥ 薄荷朱古力麻糬QQ球🍞麻糬是此店的皇牌產品，有多款口味可選擇，這次買了薄荷朱古力味。QQ球稍為翻熱後外脆內軟，帶有空氣感。❥ 宇治抹茶紅豆麻糬波波🍵抹茶的回甘與紅豆的香甜完美融合，加上軟糯麻糬增加口感，讓人忍不住一口接一口。◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿Fresh Fresh Bakery 簡品堂 𖤣𖤥天后電氣道50號地舖◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦
继续阅读
您可能会有兴趣的...