籠太子點心專門店

营业中

休息中

以前飲茶，多數是早茶和午市才會去的，而且是在茶樓或酒樓才有點心。自從點心專門店的出現，大大改變了飲茶的習慣，不分時間，早午晚都可以去食點心，想去食點心的話，實在方便了很多。點心專門店分佈在不同的地點，可選擇地點適中的點心店，食番餐點心，就像今晚選址在太子的籠太子點心專門店。進入店舖後，就有鳥籠掛在天花板，營造一個仿傚以往舊式茶樓般的格局，當然相比舊式茶樓，是新穎和具時代氣息，不會給人一種老餅感覺。打開點心紙，當然不乏蒸和炸的點心，亦有盅頭飯，雖然有傳統的點心，但亦有經過改良的新穎點心的。而點心紙的出現，方便了點選心儀的點心，也讓人們更清楚點了那幾款的點心。雪山叉燒包沒有手捏的缺口，圓圓的一個一個，一碟就有三個，外型就像墨西哥包一樣，也像似是香港常見菠蘿包，吃起來就如菠蘿包，外表的酥脆，軟腍的麵包，裡內的叉燒，就如同傳統的叉燒包內饀一樣，濃郁的蠔油味叉燒。食番碟皮蛋牛肉腸粉，是想看看腸粉是否想像中的滑。 上桌時只有一條腸粉，再多的也沒有，而且還是切了一小塊。入口時腸粉外層不厚，仍可食到當中的滑溜感，而牛肉亦合預期中的滑，加上適量的醬油，使腸粉有著應有的味覺。但是當中的皮蛋份量，不是預期中

去左兩次，都在十點前小小，每次都見到一大班人齊齊等開門。腸粉好吃過同在太子的所謂 "第一腸粉"亞媽仲意煎釀茄子我就仲意流沙包一行四人，吃了六碟點心，都唔使 $150 蚊，真係又抵食又好味

今日同朋友仔係太子行完街, 又係醫肚既時候啦, 之前聽人講有間點心好好食, 都好近地鐵站的, 都好容易搵, 我地離遠已經見到個店名好型, 好似見到條龍咁, 哈哈...行近D完來無睇錯, 真係有條龍, 入面既裝修整潔得黎又有少少feel, 哈哈....一於入去試下啦.一坐低我地就緊係睇下有咩好食先啦, 哈哈....好肚餓, 可能天氣凍, 人地話飲茶最緊要柸茶, 等我試下先, 又唔錯喎, 相信好多人都會啱飲. 好啦睇下食咩好先.首先黎左個海皇芝士千絲卷$21, 哈哈...外脆內嫩, 好有口感, 外面個層大廚炸得好香口, 入面有D冬菇&鮮蝦等.... 仲有D芝士既咸香味.跟住就黎個多汁小籠包$19, 果然係多汁呀, 朋友仔一咬就爆到成身湯汁, 哈哈.....真係要小心D 食, 但又要襯熱食喎, 另外皮都不算太厚, 讚跟住呢個係流沙奶皇包$21, WAO....堅正, 一咬開D奶皇流哂出黎呀, 仲好香奶皇味, I LIKE IT.之後呢個仲正, 一上枱就已經流哂口水啦, 原隻鮑魚燒賣$27, 好得意呀, 細細粒既鮑魚, 哈哈, 好....試下味先, WAO......雖然係細細粒, 但唔好睇少

朋友約係太子食飯，竟然話去飲茶。夜晚飲茶真係好似都係第一次，而且店鋪重要叫做「籠太子」咁威水，一於睇下有咩咁勁叫到做龍太子~蜜味叉燒腸的腸粉熱辣辣。但係粉漿略為厚了點，叉燒份量唔夠同豉油唔夠，所以味道淡了點，重有少少乾爭爭的感覺。堅流心，蒸的時間同埋配料份量剛剛好，做到流心的感覺。唔會太甜同太膩，味道唔錯。但係流心的量唔夠大，唔夠過癮咸水角熱辣辣，炸得夠脆夠新鮮。入面材料的味道同市面的分別不大，勝左夠新鮮出爐。多醬蒸鳳爪，其實即係鳳爪。醬汁與鳳爪的味道材料都同市面的冇咩分別，醬汁夠濃但唔算話真係好多醬~哈哈小籠包好食既，入面的肉汁的確唔少，可以啜啜聲咁飲湯汁的確唔錯。肉質同皮都唔錯，幾好食。感覺上所有點心中最有驚喜的一道，入面有芝士同埋好鮮味的蝦膠，好多汁。出面用面條包住黎炸，炸卜卜幾好食。不過炸得比較油膩左少少，女仔食小心肥呀！海鮮蘿白絲煎薄餅，其實唔好好食到蘿白的味道同口感，只係一道比較脆身的中式煎薄餅。但味道的確唔錯，都幾好食。

和朋友兩人到太子這間點心店試下, 整體都算不錯, 有好幾款點心都覺得會下次再來食的, 例如: 鮮蝦燒賣皇, 幾好食, 入面的豬肉, 鮮蝦和冬菇的比例很恰當, 冬菇好香, 鮮蝦爽口新鮮, 豬肉唔會韌, 而且每粒都幾大粒! 蝦餃皇亦相當不錯, 皮薄餡靚, 外皮煙韌, 同樣覺得入面的蝦幾有鮮味, 放入口唔會霉. 小籠包亦有驚喜, 皮夠薄, 好怕夾起時會穿, 入面熱騰騰真係有湯㗎. 鮮蝦腐皮卷都幾好食, 炸到外皮好香脆, 入面有蝦有芽菜, 整體口感豐富. 叉燒包和排骨就中規中矩, 排骨份量都幾多, 不過蒜蓉亦都太多, 食完之後成口充滿蒜味...如果不喜歡蒜蓉味就不要叫...至於海鮮蘿蔔絲煎薄礃, 我覺得太厚了..太多粉...完全唔係"薄礃". 口感軟林林, 只有最邊緣位置是少少脆的, 而且有些部份也煎得太燶. 入面冇乜海鮮, 只食到少少蟹柳絲. 而腸粉....是全餐最差的. 連我對食物要求低的朋友也說放入口食到腸粉表面有一粒粒野, 相信是粉漿打得不好所致. 因此塊腸粉皮唔滑......厚度都還可以的, 只是一點也不滑. 幸好入面的鮮蝦為它挽回一些分數, 同埋個腸粉豉油都幾好味.另外, 我和朋友

感冒仍未清，整個人還處於懨懨欲睡的狀態，這個星期日還是在家好好休息一下，午餐就到附近未吃過的點心店試試看。籠太子蝦餃皇兩粒 ～ 盛著兩粒蝦餃的蒸籠小巧別緻；皮薄、蝦肉新鮮彈牙，可惜材料就只有大蝦一隻，豬肉、荀等全部奉欠。鮮蝦燒賣皇兩粒 ～ 蒸得過了頭，肉質有點帶韌。面頭的蟹籽加添了一點囗感。魚肚水餃 ～ 魚肚淋而入味；水餃皮的摺位是一大敗筆，所有摺口位也揑在一起，入口便是硬硬的一團麵粉，而梘水味亦過濃。流沙奶黃包 ～ 咬了一口，奶黃好端端的留在包內，上下倒轉也不見有流下來的跡象，而包皮也比較厚及不夠軟熟。不是炸兩 ～ 如想像中一樣，是用米網紙包著餡料去炸；內有鮮蝦和青瓜，再裹上腸粉而成；用料比早前食過的那間簡單，腸粉皮也比較上厚身，但一分錢 一分貨，以$23的價錢來說，也收貨了。侍應不知是否趕着收工，一聲不響便把那正在被我拍照的點心放到一旁，放下他預備上枱的食物，其實是否可以打聲招呼才拿開呢！

無可否認呢道既野食好好味 但系 呢度入面有個waiter態度極差劣 一個有白髮既帶眼鏡男人 講野勁串 拎野俾人掉落枱甘 問佢乜佢都串你。講返野食 蝦膠茄子最好食 必點 個醬好特別仲有個燒賣 同腸粉 一碟有6隻蝦其他不過不失 但好過其他酒樓呢道無加一 茶錢只系$3但要受氣因為果個waiter 我諗我吾會再尼

記得已過身的婆婆以前很喜歡到茶樓一盅兩件消磨一個上午，但早前光顧一間連鎖酒樓，漏單想找一個人處理，但見忘碌的侍應走來走去都沒有人理，加上嘈雜的環境，莫說一個清磨上午，只想快快離開。但最近在一間新派點心店竟讓我找回舊式茶樓的人情。＊＊＊＊＊＊＊＊＊＊＊＊＊＊＊＊＊＊＊＊籠太子是一間新派點心店，我們在平日10:00一開門就到，想不到甫坐下不到5分鐘，其他食客就陸逐到來，不消一會食店已經坐至半滿，除了一枱貌似是老pat pat的上班族，其他都應是退了休住附近的街坊客，每一枱都悠閒地進食，絕不會因為吃到慢而被人催趕。而最吸引我注意的是，忘碌的店長包辦了迎客、收點心紙、入單、送點心，所謂迎客其實只是站在收銀台邊入單還邊跟熟客吹水，但這卻不會令人覺得服侍不周，反而有一種像走進了舊式酒樓，侍應跟食客都已是老朋友的感覺。點心選擇不算少，基本上一般茶樓內的點心也有，還有少量創意點心。鮮蝦腐皮卷($20)腐皮卷一碟有六件，腐皮入口薄而香脆，中間都有不少鮮蝦，味道不錯。多汁小籠包($19)小籠包一籠四隻，一口一隻，水籠包內果然湯汁滿載，包皮不厚，非常好吃。皮蛋牛肉腸($21)牛肉腸已預先切成六塊，以長條形碟

香港好少飲夜茶既地方 每晚收工肚餓又唔想成日食麥記 但唔食野又對唔住自己甘呢間絕對係食宵夜既好地方茶芥$3 好多點心都好好食 最重要既係全部都即叫即整最鐘意就係食流沙奶皇包但成日賣哂

朋友無食晚飯，去到餃子店都關了，看到點心店還開門就進去看看，店內環境有些新和舊式的感覺，地方都算大多位，有吊着多個鳥籠。感覺好得意。我們們叫了一盅頭飯，湯，糯米雞和蝦餃。價錢都可以，不算好貴。排骨鳳爪飯和糯米雞的份量都大，糯米雞有小小粒蛋。他們有例湯，$15一個，不貴，份量夠一至二人。蝦餃和燒賣有得叫兩粒(半份)，合適小食和想食的朋友。

今日突然好想飲湯，又怕有味精，見到呢間店有例湯D食評唔錯同埋有我至愛的糯米雞，所以入去試下。今次點了（1）糯米雞，（2）例湯糯米雞即叫即蒸，好新鮮。𥚃面有鴨胸粒、大塊雞肉，味道非常好，價格合理，抵食！！例湯每日不同，是日例湯木瓜魚尾煲豬骨。呢碗湯完全打破了「出街一定係味精湯」的慣例。湯味偏淡但能飲到清甜木瓜及魚味，正！P.S.一個人好快有位，服務員哥哥態度非常有善，即使忙碌中仍主動問有無漏單。埋單時收錢姨姨好熱情叫我下次過黎食消夜😘你地咁好，一定會再來😘😘😘

見平時好多人排隊，所以就去試下啦裝潢幾特別，服務都好好，不過食物就一般啦香滑反斗糕--外貌幾特別，但味道一般，不鬆軟海皇芝士千絲卷--食唔到芝士味，太油雪山叉燒包--個包不錯，但係入面D餡冇咩味，我覺 得唔夠鹹🙁煎蘿蔔糕--最失望，入口軟爛，得少少蘿蔔絲，好似食粉咁煎蝦膠釀茄子--味道幾好，值得試鳳爪排骨飯--味道不錯，份量十足整體食物就真係麻麻地啦，不過服務不錯但係就唔值得去排隊試啦

陪朋友係太子試完姊妹裙, 挺胸收腹完就可以放肆大食喇。我地係附近一直行, 發覺呢區真係好多餐廳, 而且好多都裝修得別具心思。我地最後選擇左呢間點心店, 因為見到呢到未夠七點而經坐滿人, 比起附近餐廳黎講熱鬧得多。睇睇點心紙, 價位都唔算貴, 難怪甘多街坊黎食。籠太子蝦餃皇（2粒）$13蝦餃皇有得揀2粒同4粒。剛剛蒸好既蝦餃, 外皮睇得出既晶瑩剔透, 入口亦食到QQ口感。內裹蝦肉爽彈, 且味道鮮甜。 黃沙潤腸 $23見到有豬潤腸粉都會忍唔住叫黎食, 因為要煮得好食相當考功夫。豬潤十分厚切, 不過未算處理得好, 因為尚有一點粉感。但外皮有米香, 而且嫩滑。黑椒金錢肚 $23黑椒味道刺激得黎帶甜, 金錢肚有嚼勁。呢間食店用上烏冬墊底, 食哂上面既金錢肚之後, 可以再食入味烏冬。黑椒牛仔骨 $28同樣係黑椒, 換上牛仔骨後同樣入味。牛仔骨肉好幼嫩, 而且出面愈黎愈少機會食到喇。古法糯米雞 $23點呢個糯米雞係因為見到隔離枱食緊, 除左好香仲好有份量!黎到既時候熱辣辣, 又漲卜卜甘, 大過我隻手。打開入面材料唔算好多, 有滑雞肉, 火腿同鵪鶉蛋。不過原來最好食既唔係呢啲材料, 而係啲糯米!熟透既

今日難得放假同老公去左lee間米芝連介紹既點心店。一早去到巳經好多人排隊。可能因為我地得兩個，所以好快就可以入到去。門口裝橫綠色普普通通。入面天花就掛左好多白色雀籠。感覺同一般茶樓唔同有點fushion味道。坐位唔太迫但又不能講得上係寬敞。點心紙得一面，但好多野都想試。4件既海皇芝士千絲卷-外脆內暖。入面仲有鮮蝦同芝士。係必食之選。皮蛋义燒腸粉勝在夠特別！皮都好薄！叫到成枱都係！ 我地仲叫左蝦餃,藥膳雞腳，棉花雞同奶皇流沙飽。蝦餃同藥膳雞腳一般。有點失望是蝦餃皮有點厚，但蝦是有鮮味的。藥膳雞腳就唔夠味。同埋好油！雖然我知雞腳加湯會油，但好似又過份左。另外叫左下面個不得不提既原隻鮑魚燒賣。Lee 個係食完都回味（好似好誇張）?都唔誇，因為隻鮑魚一食係超有鮑魚味，本人都去過唔少其他酒樓食過所謂既原隻鮑魚燒賣，但係無味。$27兩隻真係超抵食！記得去到要點呀！下面個奶黃流沙飽都係必叫之選。奶黃多到流出黎！唔係好似有d酒樓入面係乾左既奶黃，亦非常有蛋黃味。最後食飽又好想試下佢地既甜品。叫左椰汁桂花糕同茫果布甸。椰汁桂花糕賣相就好味，但其實無乜桂花味，整體係非常淡。至於茫果布甸就好入味，重茫果味之

一來到門口看到很多人在排隊，馬上有點卻步，但反正朋友遲到，便順道等一等吧。一等便在馬路邊等了四十五分鐘，有點熱。茶水是玄米茶！蠻特別，蠻香。等到肚子很餓，立即點了一堆點心。蝦餃$24/4粒：很足料！大大粒蝦肉！但皮略韌。小籠包$18/4粒：好吃但沒驚喜。鮮蝦燒賣$24/4粒：普通，正常水準。煎蘿蔔薄撐$20/8片：非常好吃！！煎得很香，像薄和煙韌版的蘿蔔糕，配辣醬更惹味。而且有八片！抵食！芒果沙律盞$18/3件：失望，只是加了少許芒果醬的蘋果沙律。紅油抄手$20/6粒：很一般，不夠香。雞扎$24/2件：沒特別。流沙奶黃包$20/3個：非常流沙！！很香蛋黃味！如果餡料再多一點更好。叉燒腸粉$20：味道不錯，但皮厚了點。總括來說大部分水準正常，偶有佳作。三個人點了九款點心，每人才$66，蠻便宜。至於值不值得在炎炎夏日等候四十五分鐘便見仁見智了。