米克.諾斯 (已結業)

人有人渣, 食店都有店渣.話說9月8日係老婆大人壽辰大日子. 見依間野裝修好似OK. 9月1日打電話訂位8號6點30分晚飯. 接電話個人最初講野吞吞吐吐. 最後話轉頭或過兩日會whatsapp當晚menu俾我. 但係到9月4日都無俾menu我. 諗番當日訂位時接電話個人講野閃閃縮縮. 有D擔心就打去問下8號個booking係唔係無問題. 佢話當然無問題啦, 仲話轉頭即刻係電話send個menu俾我. 點知等到9月8日都係無send. 無問題丫, 不嬲都無話餐廳訂完位一定要send menu俾客睇.當晚6點20分到位於4樓既餐廳時, 因第一次去, 係工廈4樓搵間餐廳既單位. 行到一間髮型屋單位入口時頭望望, 剛巧髮型屋有個員工係門口執貨. 就問我地係咪搵餐廳. 跟住就話餐廳今日因為要做到會早收. 我即刻O曬嘴.講真, 我唔係話一定要食依間店渣. 不過有客人訂左位, 你做唔到生意都打個電話通知下人丫. 餐廳負責人呢種完全不負責任既行為. 絕對係飲食業界中既恥辱. 希望依間店渣盡早結業. 唔好影響香港飲食業既水平.

差唔多個個星期都要去一次。幾十元食午飯，有百幾二百元的晚餐水準。環境舒暢。力推！今次食牛肝菌長通粉，羊架，同廣島蠔墨魚面。牛肝菌個汁，正！羊架八十八元，有三塊，熟左啲，下次叫生少少。配菜精心，個汁配搭剛剛好，無欺場！廣島蠔煮得剛剛好，墨魚汁香濃！前菜的湯，沙律，同蒜蓉包都好特色，唔似係幾十元午餐。湯次次唔同，非紅白湯，次次都有驚喜！唔飲湯可食沙律。其實上次仲食過主菜酥餅，好特別的汁，淨係幾款汁都好有睇頭。後來換左餐牌冇見到有得點。

觀塘工廠區的樓上食肆多如繁星 , 總是有臥虎藏龍之輩的 .... 當天有識途老馬帶路 , 帶我和太座到這家位於 觀塘 華富工貿中心 的 米克.諾斯 Kallisti 吃午餐 ~餐廳的裝修簡潔 , 帶有希臘風 , 氣氛輕鬆 ~Lunch Menu ~蟹肉番茄湯 ( 配餐包 ) : 以番茄為主調的蟹肉湯 , 質感濃稠 , 味道清新鮮甜 , 有一梳梳的蟹肉在湯中 , 味道不俗的 ~煙燻紐西蘭西冷配海膽 溫泉蛋拌飯 $ 118 : 煙燻的紐西蘭西冷扒 , 煮得肉質嫩滑香口 , 調味得宜 ; 把海膽、溫泉蛋、飯 撈起來吃 , 實在是另一番食味和感受 , 整體感覺是很 fusion ~最後以一杯味道中規中矩的 凍齋啡 作終結 ~ 本篇完 ~

牆上面風車畫吾見左。。不過d野好好食！ 好足料！ 睇得出味道同伴碟都有用心鋪排，味道仲好有層次， 所以作為食客食得好開心！讚！我地叫左兩個午餐， 第一個既主菜係豬手飯， 個醬汁好特別， 食得出有忌廉有法式芥茉味， 好惹味！豬手皮彈牙而不肥膩， 肉質既口感都可以。 至於第二個午餐既主菜係海鮮海藻燉意大利飯 (餐牌寫明少辣)。 一入口好有新鮮既海洋氣息。廚師用左海藻好聰明， 而且處理得好好，因為無腥味！ 魚子配住飯口感好好。d飯質都煮到剛剛好呀！ 有驚喜。 雖然不是正中地中海風味， 有點fusion, 但因為味道好同廚師用心煮, 所以我應該會再黎！ 😊👍👍💖💖

在網上見人食過推介，於是一試，感覺不錯，於是試多幾次後先推介。這是我第一次寫食評，因為不明白好的餐廳大家不去，不好的卻被吹捧上天。不過，由於不是在官塘區工作，所以只有星期六才可到這裡食。官塘其實好多餐廳可以用難食來形容，特別是茶餐廳。難得這餐廳煮得用心，價錢合理，味道不錯。真實的食評不寫廢話，二個字：好食！但這裡食客不多，或許這兒位置不佳，地處工廠區。

呢間野係openrice搵到既，開左一段時間，佢有個好難記既中文名，唔知個名有咩意思既呢？今日同事生日就同佢食呢間，不過網上無menu,黎到決定三個都食同一款啦！就係西冷扒$98 有湯有包有飲品唔洗加一添本身太早黎貨未到，不過落左order先話到貨，可以轉番呢個佢唔謙麻煩凍檸茶好飲咖啡有湯有包

剛剛過去的星期日觀塘The wave又有懷舊玩具展，當然我也出了不少血，買了不少中古的美戰，買得痛快當然也要吃得痛快。每次來到觀塘總愛往工廈尋美食，質素比我公司附近工廈的好得多，今次來品嚐一下米克諾斯的午餐，看看它有沒有觀塘工廈餐廳的美味特質。原本想點周打蜆湯，不過店員說是日餐湯是周打蠔湯，我誤聽是周柏豪湯😂雖然轉了蠔湯，我還是愛海鮮。將新鮮生蠔及忌廉打製成蓉，口感卻意外的滑順潤喉，沒有添加多餘的調味料，新鮮與食材的原味完整呈現，絕對是一道精緻的湯品。朋友的蟹肉蕃茄湯紅艷艷的，撲鼻而來的一股蕃茄香，非常清楚地看到湯中充滿蟹肉。餐廳用料實在，很給力，完全不手軟，光用看的覺得很實在。酸微微的蕃茄蟹肉湯，令朋友有種淡淡的幸福感。麵包配湯蠻好吃的，麵包的外表鋪上殼物，裡面鬆化，也烤得香香的，搭配著外層殼物的口感，讓人印象深刻，不過有朋友喜愛塗牛油吃，所以口味這種東西真是沒有標準。漢堡吃來吃去都是手打牛肉和手打豬肉，已有點沉悶。看見米克諾斯竟然有泰式豬頸肉菠蘿芝士漢堡，立即心動起來。漢堡裡微厚切片的豬頸肉咬起來紮實不柴，帶著少許油脂，吃起來很潤滑。抹上一點芝士醬汁，漢堡直接吃就很有味道。我也喜歡

由於朋友開ot , 於是近近地係觀塘附近搵食搵到呢間餐廳 即管試一試點選了二人餐，這是當晚既menu頭盤是大蝦青木瓜沙律擺碟擺得好靚👍🏻👍🏻大蝦肉質幾新鮮而且沙律既汁唔會好酸令人好開胃牛肝菌松露磨菇湯一拎埋枱陣松露味已經飄緊埋黎而且磨菇亦落足料 啖啖都飲到有磨菇呢個係冬陰公日本鮮蠔意大利飯望落份量雖然唔多但我覺得岩岩好冬陰公個味道好夠濃而且蠔沒有腥味主菜是三選一的我點了煙熏安格斯肉眼比較少食煙熏牛扒 脂肪比例亦均勻想唔到煙熏味可以同牛扒咁夾煙熏味好香👍🏻完成滲入肉中肉眼也烤得好淋身薯蓉是另上的由於當晚沒有黑豚 店員說換了羊架最後朋友點了羊架 我地叫了五成熟羊架燒得好淋 帶點點羊羶味👍🏻👍🏻呢款主菜都是一樣薯蓉另上甜品是朱古力brownie吃得飽飽 不過甜品都係要食嫁！朱古力味好香濃😍😍😍賣相亦好靚餐廳一入門口的一角

觀塘一向是工廈美食之地，這次跟觀塘上班的朋友到米克.諾斯吃午飯。一步出電梯門，已聽到一首英文歌在走廊尾傳出來。門口沒有招牌，我們差一點走過了，上openrice看了門面圖片就知道是米克.諾斯整家店是以藍色作為主調，牆上有些假窗戶，我們很聰明在午餐時間稍稍過了才來，所以人沒有很多。廚房是開放式的，白色磚頭，再加上酒杯，我總覺得自己去了某個歐洲國家，沿海的小鎮。午市的餐牌，有不少選擇，免加一的。餐包和忌廉湯，湯很滑很香。這個是a餐，地中海果仁烤橘子䲞粗魚伴希臘燉飯。魚肉非常滑。我很喜歡這個燉飯，黏黏的，吸了很汁，很香。另一個便是慢煮鴨腿焦糖藍莓汁伴德國腸酸椰菜。鴨肉煮得剛好，肉質鮮嫩。藍妹汁很清新很特別。酸椰菜也很開胃。餐飲方面，我們選了凍檸菜和可樂，這個杯子很特別，也很大一杯。加$15有甜品。是日朱古力慕絲，賣相不錯，朱古力味香濃。走前禁不住拍了一張我很喜歡的小角落❣️，悅耳的音樂聲就是由這裡播放。

觀塘工廈向來有不少隱世滋味餐廳，今次發掘到的餐廳，算是我在區內吃過數一數二質素有保證的餐廳。餐廳以藍白為主色，帶點海洋風格。設有露天座位，地方頗大，適合一大班人訂場開派對。晚餐貴精不貴多，有3款main dish可供選擇。餐廳主要做午市，最近開放作晚市私房菜，但必須預先訂座。大蝦青木瓜沙律擺盤十分精緻。蝦肉實淨，還預先挑走腸，細節位做得好。蝦頭有滿滿的橙紅蝦膏，很甘香。而沙律菜方面，味道夾雜酸、辣、甜，富泰式風味。牛肝菌松露蘑菇湯濃稠的蘑菇湯好creamy！攪碎後的蘑菇尚保留粒粒口感，菌香香郁。用伴隨的軟熟穀麥麵包蘸湯吃，別有滋味。冬蔭功日本鮮蠔意大利飯還是頭一回嚐冬蔭公味的risotto。飯粒煙韌，索滿精華汁，十分惹味。鋪面的鮮蠔size不算大，但很厚肉，蠔味香濃。蘋果木煙熏日本活水性飼育黑豚配焦糖蘋果一上枱，飄着陣陣白煙，原來是黑豚放上燒過的蘋果木上，透過煙熏效果，令到木香滲入黑豚肉內。邊位微焦的黑豚肉肥瘦分明，肉質帶爽，豬味濃而不羶。蘸上特製的焦糖蘋果汁，搭配得宜。Side dish有南瓜蓉及蔬菜，南瓜蓉軟綿香甜，很快已掃清！煙熏美國黑安格斯肉眼配紅酒汁肉眼是7成熟，既嫩且腍，又

波士頓龍蝦伴燈籠椒釀西班牙飯（$118）/煙燻紐西蘭西冷配海膽.溫泉蛋拌飯（$118）👅今日嚟到工廈呢間私房菜到食lunch😎間餐廳係用粉藍色同白色做主調😍😍😍Menu啲餐個個都好似好吸引咁搞到我地心大心細🙈🙈餐湯有周打蜆湯同蕃茄湯😆兩個都好濃味好足料👍🏻餐包係熱辣辣外脆內軟嘅提子包🤗西冷扒叫咗半成熟😃煎得啱啱好入面啲肉見到微微粉紅色😝塊扒嘅炭烤味好重😶遮蓋左啲牛味😀燒汁都夠👍🏻啲肉算林但係比較多筋🤔🤔點mustard醬食都幾夾🤗海膽雖然得少少但係又幾鮮甜喎😳溫泉蛋撈飯食都唔錯😎旁邊仲有啲紅菜頭汁添🤓🤓平時食嗰啲波士頓龍蝦會好hea，啲肉會係霉霉地既口感😗但呢個啲龍蝦肉係爽口而且都鮮甜😍😍西班牙飯帶微酸普普通通啦🤔🤔釀係個椒入面都想像到啲份量係有幾少😅龍蝦都唔會飽肚，啲飯仲要得咁少🙈難怪好姊妹食完話覺得好似一陣風咁啦😂😂😂至於個朱古力mousse cake就普普通通啦😶

唔係多得觀塘番工嘅朋友介紹, 我真係發現唔到呢間餐廳啊~响過工業區番工嘅我完全明白, 哥份堅持捐 lone 捐 lar 想揾好味嘢食嘅心態~ XD自成一角 清清靜靜食餐食 放鬆一下 幾好丫~當晚較早前落過雨, 所以室外濕咗暫停使用呢...不過, 鐘意食飯有得望街嘅我 梗係忍唔住出去𥄫一𥄫啦~ >///< 其本上 只係而要選 牛 豬 定雞 就 ok~好目標為本, 專得黎 arm 曬易心大心細嘅人!!! 我 buy 呀~ ;)芒果牛油蟹肉塔塔 芒果配牛油果, 滑滑的 香甜味係開胃嘅, 食到絲絲蟹肉~但食到我唔鍾意哥隻苦嘅沙律菜要扣分... Urrrr... 有心思嘅, 但未算係我杯茶~牛肝菌松露蘑菇湯重菇味 挺Creamy 的~欣賞哥條依頹放但原來係有稍稍焗過嘅面包!!!焗得 arm arm 好, 食落口感同湯好夾啊!冬蔭公日本鮮蠔意大利飯蠔唔腥, 連唔食蠔嘅佢都鐘意~ 對我黎講呢, 如果可以熟多 d d 咁就好極鳥~意大利食生咗啲, 生米感覺我食唔慣~ 稍為煮多陣會好番啲~但 係 重 點 係...keep 住食到我怕怕嘅薑粒粒... 所以, 我一啖後投降鳥... Sorr

喜歡觀塘覓食，工廈中越來越多特色的餐廳，這次找到了這間藍色的小房子 - 米克.諾斯，和朋友慶生。餐廳以藍色為主題，佈置簡潔舒服，給人寧靜寫意的感覺。晚市套餐有3款，一律$298，由頭盤到甜品。大蝦青木瓜沙律以這個打頭陣很好，大蝦肉質紮實，青木瓜沙律清新爽口，酸甜帶微辣，非常開胃。牛肝菌松露蘑菇湯聞起來陣陣松露香，入口粒粒菌碎有咬口，味道又夠香濃，一起上的穀類餐包又暖又軟，抹不抹牛油也可以。冬蔭公日本蠔意大利飯（上）日本蠔肥美鮮甜，意大利軟硬剛好，味道酸中帶辣，超級惹味。忌廉日本蠔意大利飯（下）不得不說，餐廳的服務真的很好，當我提出朋友不吃冬蔭公，他們便請廚師把冬蔭公轉成忌廉。忌廉意大利飯也不遜色，一樣香濃美味。煙燻美國黑安格斯肉眼配紅酒汁很有趣地，主菜和配菜是分開上的。起初我不太理解，直到還有有火光的牛扒上桌我便明白了。墊底的是燒了的薄荷葉，牛肉經過薄荷葉的煙燻，帶微微的薄荷味，牛肉比要求的medium raw 稍為熟了丁點，但尚算軟嫩。而且選用的牛本身質素很好，肉味濃郁，不用配醬汁也可以，點了也不過是多個味道吧。而配菜是南瓜蓉很對胃口，軟綿口感甜蜜味道，讓人不自覺地清碟。蘋果木煙燻日

衣排愛上左去工廈揾好野食 今次就去左衣間行希臘風既餐廳~😋環境方面呢 一入門口會見到一個放左結他等裝飾品既corner 而成間餐廳以藍白色為主 牆上會有幾幅掛畫同假窗 亦有書架雜誌架咁 令到成個環境氣氛好好👍🏻（雖然corner暫時有啲貨係到）到野食方面Appetiser 我同朋友分別叫左 周打蜆湯 + 蟹肉蕃茄湯周打蜆湯一啲都唔腥 又足料 推介！👍🏻 朋友就話蟹肉蕃茄湯都差唔多啖啖蟹肉 中意飲蕃茄湯既一定唔好錯過咁話喎~😂Main course就叫左 蟹肉菠菜芝士烤餅伴黑豆茸醬 牛油果醬 番茄莎莎 + 鹽燒三文魚配伏特加青檸汁 香草闊條麵我地揀烤餅就係偷佢夠特別 出到尼果然冇令我地失望呀😎 食落好重菠菜同芝士味 但因為加左蕃茄 有啲酸酸地 令到成個味道有層次左 仲唔會覺得好「漏」 好味！鹽燒三文魚都好好味😭 配意粉食一流👍🏻午餐包一杯野飲 我地就叫左凍檸水同凍檸茶 最後仲order左個甜品（＋$15）好濃朱古力味 驚太飽既建議可以2個人share一個🤗總括而言 衣個價錢有咁好既食物質素 又有環境加分 會再尼試其他野食 不過下次應該會揀夜晚尼坐户外個area 應該仲有氣氛🍹😍

難得補假平日放假，係時間plan行旅行行程先。觀塘好多工廠大廈餐廳都有去過。今次見裝潢好有希臘風藍白色特式。外面有黑板寫晚餐需訂座，但冇很明顯餐廳名。一入門口有個小位置，有結他，喇叭，書有格調。午市套餐有前茶三選一，一個主菜和餐飲。甜品就15元配。所有白飯係任叫和朋友決定叫一個沙津，一個湯share 湯有周打蜆湯和蟹肉羅剌番茄湯二款。選擇了後者，小羅剌味帶出蕃茄湯普通既味道，有小小蟹肉有小小口感，而湯質地不會太濃稠。開胃，配上微熱麵包。因有小小肚餓顯得特別好味。朋友選擇了沙津，用小小樽子上菜，蜜桃三文魚，凱撒沙津。好清新和開胃主菜方面，見到野米飯呢個名好特別又健康就選擇了，米蘭燉牛肋肉伴烤羅馬生菜，野米飯。牛肋肉好腍，吾會黏牙燉入味，配上蕃茄和香料醬汁。好適合送飯，牛肋肉有成六七件，份量足夠。野米飯有小小似五榖米，因有高纖維有咀嚼口感，又健康。另一款主菜選擇了，慢煮油封鴨腿焦糖藍莓汁伴德國腸和酸椰菜。上碟擺盤很細緻，鴨腿肉非常腍吾會好油，點小小藍莓汁帶點甜味。配上煎香椰菜和香腸。最後，套餐加15蚊甜品，有一件小小布朗尼，不過太甜，有朱古力香味。套餐配上餐飲，冷熱都吾洗加錢。