米子燒肉家

营业中

休息中

好耐以前都嚟過美林邨嘅冬菇亭食嘢，原來呢度都升級咗，變晒啲乾淨企理嘅餐廳。今日同朋友就嚟呢間米子燒肉家試吓佢嘅燒肉。本身諗住淨係食燒肉，不過見到雞煲好抵食，我哋先點咗一個藥膳花雕藥材雞鍋開胃先。有半隻雞選擇，都係$168。個鍋一送到上枱已經見到好多藥材，特別適合愛美嘅女士。呢度最好嘅係店員幫我哋搞掂晒，唔使自己計時。一打開已經聞到好香嘅藥膳味，加埋隻雞煮嘅時間剛剛好，非常之亂滑。半隻雞兩個人就fit晒，可以加多個定量燒肉餐。我哋分別叫咗澳洲燒肉盛合定食（150g@$128）同埋美國燒肉盛合定食（150g@$92）澳洲燒肉盛合定食美國燒肉盛合定食燒肉定食可以揀白飯或者冷麵，頭盤有泡菜或者沙律，湯同糖水係自助形式。個湯我都飲咗幾碗，因為唔係一味得個鹹字，好飲。甜品係啫喱仔，都係任食㗎飲品方面就有三款，都係健康嘢，啱晒呢啲熱氣嘢食。講返主菜先，兩款牛嘅肉質都好好，燒耐咗少少都唔會韌，有鮮味，而且份量都唔少，男士都未必需要追加。當然，追加都有唔少選擇，除咗肉亦都有海鮮，價錢都幾OK。除咗食物OK，都要讚吓呢度嘅裝修夠闊落，食得好舒服。店員服務仲好好，又夠笑容，值得一讚，香港就係需要呢啲。下次有

係粉嶺食過呢間，去大圍油站果邊問朋友拎完野。朋友話樓下冬菇亭間燒肉都幾好，地方夠大，裝修粉紅色系，少女心大爆發...個人都後生d去燒肉家，食燒肉就一定架喇，點咗2個一人套餐，燒牛舌同澳洲燒肉盛合定食，full set有齊前菜，主食同甜品，大滿足。前菜有沙律/泡菜主食有飯/冷麵，冷麵同熱辣辣燒肉，一冷一熱更衝擊味蕾😆燒牛舌: 每片都切得厚薄適中，燒熟後入口煙韌☺️燒肉set: 每款肉都有幾件，食肉獸最愛除咗燒肉，由於當日天氣轉涼，經店員推介下，叫咗半隻雞的胡椒豬肚雞鍋，有雞食有湯飲。上菜後，店員附咗主動幫忙落雞件，更加建議最佳烹飪時間及點食更好味等，充滿滿滿的人情味😍 後記: 原來中午有學生set，睇黎lunchTime都係坐滿學生...聽到個staff叫個清潔清埋張d卡位，話中午有堆學生坐過果個位🤣

聖誕臨近，約朋友響佢屋企附近食飯，今晚就食佢話經常光顧嘅［米子燒肉家］，呢間位處大圍美林邨熟食亭內嘅美食，除咗街坊，聽到都有好多跨區都食客，估計質素應該幾好！叫咗個養生健康嘅藥膳雞㷛，有肥瘦適中的半隻雞件，雞肉嫩滑，配上黨參、當歸、准山、杞子、桂圓、紅棗、川穹和時菜作配料，有濃香的中藥材味道，湯底滋潤暖胃易入口😍呢度提供多款醬料，包括祕製醬油、鹽和辣醬，令肉更惹味，店員推介澳洲和美國的燒肉盛合定食，兩款牛肉食落肉味香濃而油花也恰到好處，淡淡牛肉香留在口腔😋澳洲牛肉燒一燒就軟身，加些鹽再配些醬油，非常彈牙惹味，美國牛肉就越燒越軟冧，兩者整體上啲肉質吾錯，牛脂平均分佈，份量挺多，加少少醬料或鹽，已非常嫩滑💯另外提供免費自助凍熱玄米茶和普洱茶解油膩，又有足料紫米糖水任食，加分👍🏻餐廳環境吾侷促，坐得都舒服，呢間食肆雖然隱藏在屋邨，但係絕對值得再嚟💕

大圍呢間燒肉店之前同朋友食過一次放題，款式種類都好多，最簡單嘅放題正價都係$198，而最豐富嘅極尚刺身燒肉放題正價係$398。（建議上網買團購價，有優惠會平啲！）不過今日同朋友下午都食咗好豐富嘅午餐，所以我哋都係揀定食已經足夠。藥膳花雕藥材雞鍋 $168見到有新餐牌推薦當然要試下，呢個係港式鍋物。我哋揀半隻雞，由店員幫我哋計時煮4分鐘加焗2分鐘⌛️。一打開鍋蓋嘅時候已經聞到藥材味，裏面亦加咗滿滿嘅紅棗，好適合女仔食，煮完嘅雞好嫩好滑，半隻雞嘅份量兩個人食剛剛好。燒肉定食配有湯品、冷麵或者白飯、泡菜或者沙律，仲有無限追加嘅甜品（啫喱杯），飲品方面都可以自選三款茶類，呢個價錢嚟講係好抵食。澳洲燒肉盛合定食 150g $128牛魔王燒肉定食 100g $88

今日於餐廳嘗試了澳洲燒肉盛盒定食（150g）及美國燒肉盛盒定食（150g），整體感覺令人滿意。兩款燒肉質素都相當不錯，澳洲燒肉油脂分布均勻，肉質細嫩，而美國燒肉則帶有濃郁肉香，嚼勁十足，各有千秋。隨套餐附送的沙律及泡菜分別為兩款燒肉增添了不同風味，沙律清新爽口，泡菜酸辣適中，十分解膩。甜品方面，我品嘗了啫喱及紫米露。啫喱口感輕盈滑溜，味道清甜；紫米露則濃郁香甜，帶有淡淡椰奶香氣，為整餐劃上完美句號。而昆布湯作為湯水選擇，湯底清澈，昆布鮮味濃郁，暖胃效果甚佳。另外，加點的椰子雞亦是一大亮點。雞肉嫩滑，椰香濃郁，湯底鮮甜，非常值得推薦。整體而言，這次用餐體驗令人愉快，食材新鮮，服務貼心，是一間值得再訪的餐廳。

早前在大圍試咗一間性價比極高的刺身加燒肉的放題店，佢個團購餐真係超抵，真心抵過散嗌。佢D食物質素都唔錯架，燒肉用嘅肉同海鮮，同埋D日式刺身都好掂，刺身款式又多，下面有Cap圖Menu可以睇到，另外仲有湯、甜品、布甸、啫哩、雪糕都係任食，而且飲品種類都算多，只係唔包啤酒，超正。除咗燒烤之外，仲有其他熟食，都係好食架。炸多春魚燒菠蘿炸魷魚圈我仲專登Cap低佢個Menu，真係好多好多野食比你揀，無諗過$250可以咁豐富。

因為想食烤肉同時又想食刺身，偶然發現呢一間餐廳原來可以一次過滿足兩個願望，於是即刻幫襯，不過坐低研究餐牌嘅時候就覺得因為食量未必咁大，所以好似散叫底過放題，正在猶豫之際，有個侍應好似睇穿我個心咁樣就介紹咗鄰住買嘅優惠套餐，233蚊一位全包刺身同烤肉任食任飲，咁就決定試下。手機點餐嗰陣時候先至發現超級多嘢食，刺身有成七八款，烤肉雞牛豬都有好多選擇，仲可以烤海鮮(咁當然係雪藏嘢啦)，另外仲有炸物野菜，連炒飯牛肉鍋嗰啲都有，233蚊包加一真係誇張超值，而且佢樣樣嘢食質素都唔錯，唔會將價就貨。我專登cap圖畀大家睇下食物嘅選擇有幾誇張。

掃墓後途經大圍美林邨發現這家性價比超高的餐廳。茄汁肉醬白汁魚柳鴛鴦焗意粉，53蚊唔使加一仲有湯同餐飲跟埋。老老實實其實佢個焗意粉就質素只屬一般，正正常常唔係特別出色但係唔難食嘅，以53蚊有焗飯焗意粉呢個價錢係屬於偏低嘅。胡椒豬肚苦瓜湯飯52蚊當然都跟埋餐湯餐飲啦，反而呢個有驚喜，抵食好食。不過最有驚喜嘅就係個跟餐例湯，材料非常足，我已經冇叫多湯渣，但係都超級豐富，驚死你唔知佢哋係真材實料嘅靚湯，咁鬼大舊豬骨成本真係好高。凍飲加兩蚊，杯嘢都唔細㗎，好抵，要幫襯多啲因為真係驚佢做唔住。

#mochicouple_hk大圍搵食團Kkday買一送一:$596/2位+$60服務費* 仼食刺身拼盤：三文魚刺身 / 帆立貝刺身 / 北寄貝刺身 / 八爪魚刺身 / 泰式生蝦刺身 / 馬刀貝刺身 / 皇帝蟹棒刺身 / 螺片刺身 / 赤貝刺身 / 赤蝦刺身* 酥炸軟殼蟹、日本和牛壽喜燒* 燒肉：日本 A4 和牛肉眼、美國 SRF 黑毛和牛肩胛肉、安格斯板腱 (薄切)、牛五花 (薄切)、上等牛舌 (厚切）、極上一口牛、澳洲和牛內腿肉、塩燒虎蝦、壼漬魷魚鬚頭、鯖花魚、蟹柳、半殼帆立貝、味醂魚乾、比目魚件、柚子醋伊比利亞豚肉條、豚五花、黑豚肉、芝士無激素雞肉、香草手羽、燒烤醬手羽、火雞腎、燒烤醬火雞腎、牛油金菇、菠蘿、韭菜、牛油粟米、翠玉瓜、生菜 、番薯* 小食：吉列炸蝦、唐揚鱿鱼圈、吉列帶子、泡菜、溫泉玉子、吉列多春魚* 主食：紫菜飯、珍珠飯、胡麻稻庭冷烏冬、日式冷麵、香蔥玉子飯、櫻花蝦香蔥飯、味噌湯、角切三文魚丼飯、魚生丼飯* 自助區：前菜 / 糖水 / 甜品 / 雪糕雪條 / 汽水仼食刺身選擇豐富，食材新鮮。每一片刺身都切得恰到好處，口感滑嫩。特別推薦泰式生蝦刺身，好鮮甜😍日本 A4

尋日去完旅行返嚟唔想去咁遠，諗住近近哋喺返屋企樓下食個燒肉放題算，本身我哋都算係常客，但今次亦係最後一次幫襯！本身放題質素已經係退步緊，我哋都係諗住湊合填飽個肚就算，都唔係要有咩要求！尋晚28/6星期五晚市比較多客，亦有8-10位客人，我哋食緊途中接近剩低半個鐘左右，walk in又嚟咗8個人，於是個侍應竟然問我哋可唔可以轉去第二張檯，就為咗呢8個人，我哋都唔太情願轉，我直情問返個侍應：換係你食到一半叫你轉檯你鍾唔鍾意？佢完全冇答我！正常茶餐廳冇侍應係會叫個客人食到一半轉檯，更何況係放題，今次真係令我大開眼界！漏單情況嚴重咗，食物質素下降咗，連雪糕都冇埋，唯一優點～近！呢啲價錢大把選擇，唔使再食呢間！

呢個價錢又有燒肉又有shabu shabu 真係冇得頂和牛抵食 油花好靚 特別係壽喜燒和牛勁正我覺得仲好食過燒🙈🙈 食物種類非常多 炸軟殼蟹好好食😋😋燒菠蘿勁甜又多汁🤤🤤但有好多都冇試到 因為真係飽到食唔落點幾多嚟幾多 有時仲會多一兩嚿 完全冇漏單情況叫第一輪同第二 三輪嘅食物質素都係一樣 非常好環境衛生好好 連廁所都好乾淨店員非常友善有禮貌仲好有幽默感 店舖闊落 枱夠大 叫左好多野都放得落唯一嘅缺點就係我食得太多會肥🥹

每日放工最開心就係去搵好嘢食，最近同朋友一齊發掘到呢間燒肉店，價錢幾抵食，同埋味道都相當好，值得推介俾大家！餐廳可以任食，但係當日胃口偏細，遂放棄豐盛嘅任食選擇，轉而投向精緻嘅燒肉定食。我點咗米國盛合定食，包括特選三種美國牛肉，每一片肉質都好靚，套餐跟咗和風湯、沙拉或泡菜，以及冷麵或純正珍珠米。我選了適中的150克份量，份量岩岩好！三種牛肉各有特式，從嫩滑油花到較有嘅都體驗到！蕎麥冷麵好清新，平衡了先前嘅濃郁滋味。餐後甜品既有甜品，又有糖水，好正呀！呢到嘅店員都好親切，服務好好，絕對會encore ！

A4和牛肉眼同布甸好味，同埋放題我比預約嘅時間遲左20分鐘，都冇話到點會趕我走，反而係留到幾點就得，食飽可以坐住傾陣偈，呢個做得好好呀，唔似有d餐廳會早成30分鐘截單.....

第一次一行十三人嚟試吓個燒肉放題先～ 刺身新鮮好食！三文魚、帶子、油甘魚同飽魚刺身特別出色👍🏻燒肉海鮮款式多，牛舌出色、魷魚好食！估佢唔到仲有鍋叫㖭😍！其他平均嚟講都係好食～ 絕對唔係Hea住交貨🤗食材新鮮好味！就連牛油、麻醬都有得Order！芝士雞肉大大兜芝士🧀呢度每一個職員都好友善、好細心！❤️最值得稱讚👏🏻 因為呢度職員既友善令我好想嚟呢度讚下佢哋🥰我哋一家人食得好開心❤️👍🏻會再嚟幫襯。

原來米子燒肉家除了燒肉外，還有我最愛吃的壽喜燒！友人點了米國盛知盒定食燒肉，我就點了牛五花壽喜燒150g~-一上桌，壽喜燒鍋滿滿的蔬菜🥬有冬菇、金菇、娃娃菜、豆腐，仲有一大個福袋，福袋份量十足，咬落去爆汁，好驚喜🥰豆腐入口嫩滑，壽喜燒配料食材新鮮-牛五花滿佈油脂，肉質鮮嫩，而壽喜燒為我最喜愛牛之食法，經由醬油、清酒、味醂三大壽喜鍋靈魂，以等比例混合調製而成，甜甜的湯汁鍋底加上牛五花係一流！-淥過牛肉既湯汁更為惹味，套餐附送烏冬～呢個時候落翻個烏冬係絕配🥰- 下次會再來encore壽喜燒鍋💕💕