米線陣 (新達廣場)

营业中

休息中

服務態度極差今朝去左食早餐，一開始坐低個侍應突然叫我地坐另一張枱，但張枱係完全未執勁污糟，然後落單後半個鐘都冇嘢食，催佢地完全唔跟，不知所謂嘅一間餐廳，以後唔合再去

第一次食成日都聽大家講嘅米線陣，叫咗佢嘅午餐精選——腩肉滷蛋米線，呢個米線本身係重慶酸辣湯底，但係Zaza加咗兩蚊轉為農場蕃茄湯底農場蕃茄湯底嘅蕃茄味好濃郁，仲有唔少大大嚿嘅蕃茄；腩肉嘅味道同質感都還可以，不過我自己就鍾意食三哥嘅腩肉多啲；滷水蛋唔細隻，而且有滷水味；米線方面，米線掛上蕃茄湯，令到米線嘅味道昇華

叫侍應 見到你呢 都唔會應你叫咗好耐都唔會有人應你直行直過 我唔知咁多個侍應喺度做乜淨係企喺度唔知喺度做乜😡😡仲要唔係滿座 都唔會有人會理你😡😡終於有人應你啦 想要隻碗仔點知嗰隻碗污糟到咁🤮🤮🤮正常你見到個碗污糟到咁你都唔會俾客啦 真係唔會再去幫襯之後想搵人換個碗都冇😡😡明明入面勁多侍應 冇一個會serve客想搵人投訴個碗 都冇人會理你早餐係正正常常嘅 味道一般般啦但係侍應態度同埋衛生程度真係接受唔到

❗️❗️態度極差❗️❗️其實，我真係唔明點解成間鋪嘅員工態度可以咁差。啲食物嘅質素本身已經係比起以前差咗好多，最重點係呢間舖啲店員嘅服務真係好差劣。首先，個女侍應講嘢態度係真係好差。之後有兩個人入咗嚟諗住坐卡位，個女侍應都用好差嘅態度叫佢哋坐返兩人位。我明白繁忙時間要搭台，坐返二人座會方便啲，但係其實係咪可以用禮貌嘅態度同顧客講返？仲有，前台收銀嗰個男經理態度都好有問題。賣單嘅時候只係行錯咗收銀嘅地方，我唔係好明白點解個經理要用一個奇怪眼神、擘大晒隻眼去表示。雖然我唔知道呢名男經理係唔係無意嘅，但係嗰個眼神真係會令人有啲唔舒服，同埋會好冒犯。其實呢位男經理點解唔可以禮貌地同返顧客講，而係要用眼神去同顧客溝通。整體而言，呢間舖嘅食物質素一般之餘，佢成間店嘅部份職員嘅服務態度係真係好有問題。試諗下，如果你出去食飯，受到咁差嘅服務，你自己會啲乜嘢心情？其實，顧客出嚟餐廳係嚟食飯，而唔係嚟睇你面色、受你嘅氣。我唔知上述員工係因為乜嘢原因，服務態度先至會咁差，但係我真係想強調一點就係顧客嚟食飯唔係睇你面色。最重點係服務態度差呢一點已經唔係一時半刻嘅事，我之後先知道原來有好多類似嘅事，我就唔係好明白點解呢

米線陣最近和十字牌首次合作新推了「鮮牛奶湯米線系列」，主打4款米線：花膠嫩雞（半隻）蟲草花鮮牛奶湯米線、原條䱽魚蟲草花鮮牛奶湯米線、麻辣鴨血特盛鮮牛奶湯米線及麻辣鴨血滑雞鮮牛奶湯米線，非常吸引！🤩而且今次到訪嘅大埔分店嘅卡位仲變成放大版經典十字奶屋仔盒，可以拍照留念📷 花膠嫩雞（半隻）蟲草花鮮牛奶湯米線（HK$68）這個價錢有半隻雞也太抵食了！🙌🏻而且雞肉皮薄肉香，搭配加入牛奶的鮮味湯頭，口感更加濃郁順滑👍屬清新健康之選～看旁邊的客人吃原條䱽魚也是非常震撼呢！ 麻辣鴨血特盛鮮牛奶湯米線（HK$58）嗜辣人士必試！🌶️以秘製辣醬煮製的麻辣鴨血加入牛奶湯底，令到整個湯底層次提升之餘，入口溫和細膩，辣中帶勁但不易嗆喉🥰配料仲搭配了牛肚、豬肉片和木耳，最適合無肉不歡的我😎 全新特飲加配價只需$12，當然也使用了鮮牛奶製成😆 抹茶紅豆鮮奶和沖繩黑糖寒天鮮奶都奶香濃厚，再分別有微甜紅豆同Q彈寒天增添口感，適合螞蟻星人🐜🤣❤️ 最後再加配了一份麻辣鴨血韭菜小食（$18），再添香辣滋味🥵

米線陣同十字牌聯乘推出100%鮮牛奶湯底🤍包括4款全新米線🍜：花膠嫩雞、原條䱽魚、麻辣鴨血同鴨血滑雞仲有期間限定嘅鮮牛奶特飲同鮮乳酪甜品🥛樂富同大埔分店更加冇有經典牛奶箱打卡位😆.📍花膠嫩雞(半隻)蟲草花鮮牛奶湯米($68)｜原條䱽魚蟲草花鮮牛奶湯米線（$78）📍百香果爆珠乳酪（$15）📍抹茶紅豆鮮奶｜沖繩黑糖寒天鮮奶.配料分別有半隻雞🐓同原條䱽魚🐟份量慷慨鮮牛奶湯底清淡健康完全唔油，米線量好多🍜不過妹妹都係私心個百香果爆珠乳酪🧡十字牌乳酪平日都成日食😍，加埋酸酸甜甜嘅百香果更加開胃🤩2杯飲品都以鮮奶為底，黑糖寒天香甜有咬口抹茶紅豆🫘甜度低，抹茶味唔夠突出🍵.

早餐人多但不用等位，員工態度冷漠，用QR code自己落單，發現枱面的QR code單和隔籬枱的QR code混亂放，導致來餐都放在隔籬枱，要同員工講交換。早餐普通，不知道調味料要自助出去攞，問員工時候態度很冷漠，也不想理你，但出到枱面攞已經俾人攞晒，也沒有補充。員工態度根本好似間餐廳唔關佢事，你食完快啲走的感覺，佢哋放餐响枱態度很差，讓人感覺難受。其實一間餐廳做到咁樣點會有人想再嚟食，希望佢真係要檢討吓。

實物與圖片不符，大汗豬扒？第一次攞黎係一啲粉都冇，只有一塊好油嘅炸豬扒，本身以為係漏左加粉，就提醒服務員麻煩佢幫我加返啲大汗粉辣椒粉，都指住餐牌比佢睇，點知佢態度極惡劣咁攞返入廚房，求其加啲椒鹽粉就算，仲話係咁，呢間分店係咪自營㗎？咁嘅態度咁嘅服務咁嘅菜色，根本趕客wo。仲有個擔擔湯稀返水咁，同過往食嘅米線陣好唔同，真劣食，真係難怪越黎越多人放棄香港飲食業，飲食業多得你唔少！仲要落單等好耐先攞黎，

剛去食午飯，食物一貫水準，但服務惡劣再創新高。食物放低時，我望住侍應，麻煩她把食物放在該食客面前，佢冇理過你，求其放低掉頭走。我拍照與海外朋友分享~香港也不是死城，看看食客如雲。侍應問我為何拍照?有何用途?怕拍到侍應面目。我話你哋戴著mask都怕被人影到身材?佢唔理你轉身走咗!香港食店已經變成如此，難怪政府說本地侍應要改善態度，遊客才會回來，可能要換班再來!

I wasn't planning to comment on anything at this commercialised mixian restaurant because I expected nothing apart from a fast meal. This time, I wasn't highlighting their mixian but their seasonal sides, deep fried tofu with sakura shrimp with teriyaki sauce. It was a big thumb up! Smartly using the sakura shrimp combining with the batter which gave an extraordinary crispy oceanic flavour and texture. Tofu was steaming hot and silky smooth. Teriyaki sauce was just enough to coat the tofu. It wa

星期六下午3點45分左右未食飯，見有位就入。下午茶餐清湯牛肉米線湯底淡如開水，全無味道，四片牛肉稀稀疏疏，腐竹則是疊在一起，幫你分開也懶；正餐啖啖麵湯底濃郁，但肉碎很少，與以前很大分別。大汗風沙豬排很厚肉，但上桌時是常溫的，不知是炸完擺了很久還是午餐一次性炸了很多然後一直擺，碎上又切得不好，前面細細嚿，骨位一大嚿還要連住。下午茶（$44）正價$49以這價錢不如食麥當奴。總結整體非常垃圾，永遠不會再去。

三月中嘅平日，返工前見有啲時間就近近哋係新達食個早餐，用QR code 下單，叫咗個早餐包咗番茄牛肉米同兩隻烚蛋。蕃茄湯幾好唔會落過多茄膏，清甜蕃茄味，牛肉唔會太肥，量都好足。兩餸我選擇左兩隻烚蛋，有其他選擇的，包括滑蛋，煎蛋，火腿等，任你配搭。總括依然，就係一個實在又飽肚嘅早餐。

昨天本人和女兒從粉嶺坐火車，第一次來到米線陣這裏吃早餐，原本以為可以舒舒服服讓女兒慢慢吃享受用餐。 我們從10:59下的單，來得切選了兩個早餐，小朋友才六歲，這裏沒有賣小朋友的份量早餐，只好選了成人份量的早餐給他，一個成人早餐的量，小朋友需要時間多一點來進食。大概用餐1小時，小朋友還在吃，突然來了職員問說要收走碟盤，碟盤上的食物還多著呢！讓我覺得很驚訝！因為我不知道這店是要趕客人走的！第二次又走來一位門口安排帶位的阿姨（應該店長主任），叫我們讓位，還說給紙袋讓我們拿出去吃！頓時覺得匪夷所思！我看看手錶那時候大概是12:35左右，但是我的女兒還在進食，大感無奈，我把我坐的位置讓出來，留下女兒在店內繼續進食，我走到出門口跟門外邊的阿姨說，讓我女兒在裏面繼續吃，然後我就付款了。門口的阿姨說：「即係咩意思？我而家要入三個客喎！你唔可以帶你個女出去食咩？我俾個紙袋你帶個女出去食唔得咩？」我回道：不可能，我要讓我女兒在裏面吃。然後我就站在店門口外邊等候女兒，就這件事的態度和職員這樣的處理方式，我必須來這邊給個評價！雖然我的女兒用餐時間的確有點長，但不至於服務員這樣對待，這樣的態度，這是一碼事，小朋

平時經開都冇幫襯，因為比其他米線店定價都高。今日同女朋友一齊就即管試吓諗住比較吓係咪物有所值，睇吓係咪真係好食過其他米線。好快就有位，一坐低就嗌個二人餐先跟住等嘢食嘢飲杯熱飲一嚟到就搞到冇哂胃口

食左個大米線， 乜料都有。 不過覺得米線相對較少，餸就吾係太多，係個碗比較大。 最好味係舊蘿蔔。 又清又甜又冧。 其他餸就冇乜驚喜，唯一係多左一隻雞翼，冇豬潤。如果多返d選擇會更好。