籽泰 (已結業)

又到晚飯時間，又唔知食乜好，之後就梗係想OpenRice睇吓啦，點知就比我發現到呢一間新開嘅泰國菜，之後就即管過去試吓！我同屋企人一入到去，估計迎接我哋嘅就係呢間舖頭嘅老闆，熱情嘅款待，之後仲細心介紹佢哋嘅新菜式，之後亦都為我哋準備四杯熱水，其他員工服務亦都好好。今次我哋就點左泰式星米，味道唔錯，之後叫咗一個沙律醃西施柚，呢個酸酸甜甜仲有啲櫻花蝦喺上邊，真係好開胃，跟住我哋就嗌左冬陰功蝦湯，呢個味道非常之濃郁，好好味，非常之多嘅冬陰功配菜材料，十分之惹味！之後我哋仲有一味餸六隻泰式雞翼，啲雞外脆內軟，加上酸甜辣醬，10分好味😋！之後我哋叫咗一個老闆介紹嘅一條蒸魚，配上酸甜湯底，再加上有一個特別嘅綠色醬汁，酸酸辣辣咁樣，又係一種食完想再食嘅感覺！由於呢條魚係用一個類似鐵嘅器皿裝住，所以員工都細心同我哋講如果真係要移動器皿，就叫佢哋幫手，因為佢話驚我哋會整親，十分之體貼細心！呢間餐廳實在有驚喜，祝呢間餐廳客似雲來！滿分的泰國菜！

知道荔枝角Aeon新開左一間泰菜。去買野餐材料順便食埋個晚飯😀佢個格局比我嘅感覺有啲似以前aeon 3樓角落開既越南菜。個間都好食架，但執咗lu😅有晚市1人至4人餐。最後都係散叫😏冬陰功湯細: 入面有菇同蝦。果味好creamy 即係都幾多椰奶。一啲都唔辣，仲有陣甜味。啲蝦都有4、5隻，但就6得耐左,有啲老。唔係想像正宗既冬陰功湯。唔難飲。蝦醬通菜鮮魷: 唔夠咸，都係有陣甜味。魷魚有浸雪味。都係果句唔難食。青咖喱雞配薄餅：青咖喱唔辣，都係好creamy, 椰奶未重。如果啲茄子用番泰國茄子就好啲。啲雞算滑。薄餅烤得夠脆！但相比我喺泰國旅遊時，學煮嘅味道差好遠。都係果句唔正宗嘅青咖喱。仲係嗰句唔難食。炭燒牛仔骨：好香，肥瘦適中！幾好食，但有啲鹹。點嗰個汁仲喊，應該係落咗太多魚露。走時店員介紹呢個魚，叫我地下次食。

新開泰菜幾抵食 份量都大碟試咗馬拉盞炒通菜 幾惹味海南雞都嫩滑炒飯同拼盤不過不失 正常最驚喜同最抵讚係老闆推介嘅串燒鱔雖然皮燶咗d 但魚肉好彈牙 仲要起埋骨啖啖肉配埋醬一流最後試埋比較少見嘅大菜榚 好清新 食完咁重味嘅野中和翻無咁滯整體尼講都算唔錯 值得一試

今日去左aeon裡面既新開泰國餐廳食晚飯~先講地方都算闊落，坐得唔太迫~再來款式選擇算多，有散叫或套餐叫左杯青檸梳打，正常無特別~再黎叫左個4人套餐，食左蒜蓉包同印度薄餅蒜蓉包好脆口，蒜蓉味香~咖喱青口：青口都算鮮味豬手:炆得好淋，好入味蝦醬炒通菜：炒得好香，菜唔會炒得過老小食拼盤：正常無咩特別無骨鳳爪：幾野味串燒:好淋，唔會燒到老哂總括而言：性價比高，價錢唔算貴，食物選擇多，上菜好快，服務也很好，會再幫襯

食物普通較淡味，叫左一個套餐，包括4選2既小菜分別叫左半隻海南雞，同肉碎，仲有一個小食拼盤，海南雞味道勁淡，唔知點解完全冇雞味，點麻佢個汁都冇味😅得肉質係滑，個肉碎係辣味足，冇其他店既肉碎咁惹味 另外叫左個香茅豬扒撈檬，豬扒既香茅味得好少，基本上食唔出，撈檬俾個個酸汁，都比較偏淡，唔會令人想繼續食，唔夠其他出色同開胃。 飲品方面係有跟餐，正常普通整體味道偏淡甚至冇味道，亦唔惹味，呢個價錢正常，但可以揾到好多同價錢，又好味過佢既店，冇咩必要選擇佢。