粉制良品

营业中

休息中

將石磨加米，慢慢磨成米漿，成形之後，可以選擇好多款餸，再加豉油，成為一道美味#小食 。呢個描述，一般係講緊石磨腸粉，但最近睇電視，發現呢個步驟改少少，改一下形態，就會更有新意。店主將米漿倒入筲箕，攤到成形，再用刀切成一條條，就係今次要介紹，香港未見過，大陸都少見嘅筲箕河粉啦！因此，店主特登去廣州學習呢門手藝，將呢樣食品帶到香港。呢度做外賣為主，不過如果想堂食，後面都有一張枱仔枱上面有辣椒油、脆豌豆同辣菜脯俾大家調味手撕雞筲箕河粉$36 (＋$3脆脆豆=39)成日食石磨腸粉嘅朋友，呢款配搭應該成日試啦！一樣係有菜脯、花生，點甜豉油，不過腸粉變成河粉，一樣爽滑有香，容易夾左又一定唔會削。手撕雞加青瓜，同河份一齊夾，又滑又爽脆，加埋炸過嘅豌豆，香脆，層次又再提升左，有下次。牛腩筲箕河粉$36 (＋$3脆脆豆=39)呢度嘅牛腩本身大塊濃味，部分河粉已經吸收左牛腩汁，夠味，就未必要再落豉油啦！而我落左少少辣椒油，有豆豉香，又唔算好辣，好襯菜脯粒。但如果你預計佢係麵檔嘅牛腩河粉，咁係另外一樣嘢。火鴨絲碗仔翅 $28碗仔翅嘅冬菇絲同木耳絲都幾粗，加埋火鴨絲，都算好足料。係以前嘅感覺。粉果仔 $10粉

落親黎深水埗都係掃下街，成日黎親都試個幾間，今日就試下平時bookmark左既新野⋯睇左好耐呢間都立足左一段時間，好啦搵到呢間都叫似有唔少好食評，穩陣d試左一樣先，就試左比較多人食既手撕雞河粉都$38，員工態度，整時間都無問題，因為見佢海報整得唔錯及賣點係個米，等既時候都有期望⋯等左陣⋯見到個真樣都可以，同朋友一齊食大家都覺得都未必有下次⋯難食唔係，好食都一定唔係雞就比較硬少少無乜肉汁⋯河粉就比較粉，無任何米香及滑度可言，好彩個汁都可以，全程我地都可以係唔浪費及可以食既情況下食曬唔知係咪市道都唔係咁好⋯所以水準下降？因為見之前食評都幾好希望小店加油

真係要支持下小店，店鋪主打即叫即蒸堅持手工製作筲箕河粉，亦有其他小食，老闆一手一腳親手做，用心製作即叫即整。老闆同姨姨都好好人。我地揀左4款小食外賣返屋企食：-叉燒雞蛋腸粉$26用筲箕整既腸粉原來可以咁滑，配上叉燒雞蛋口感一絕。-火鴨絲碗仔翅$28正宗港式碗仔翅非常足料，真係啖啖滿足😋招牌手撕雞筲箕河粉$36筲箕河粉爽滑，好好味，手絲雞青瓜絲再配特製裝汁當宵夜或輕餐一流👍🏻值得一試，有時諗唔到食咩，可以都係唔錯選擇。滷水大雜燴$58推介一定要order大碗，牛腩、牛肚、大腸炆到夠晒入味，蘿蔔咬口又不會起渣，仲有冬菇。

去到深水埗真係要試下呢間小店，賣點係石磨糙米漿（米香特別出），口感特別順滑👍今次叫咗招牌人氣「手撕雞筲箕河粉」$36雖然即叫即制但唔算等好耐，手撕雞份量都多，仲有青瓜絲、菜脯等配料，食前倒上秘製豉油醬汁，同平時傳統石磨腸粉好唔同，食完後我都比較鍾意筲箕糙米河粉😋另外仲有火鴨絲碗仔我翅、滷水大雜燴及多款懷舊小食都可一試製作程序都幾繁複：米漿用上嚴選陳年梯田糙米，再經石磨碾碎超過超1800次，所以米漿細膩絲滑，之後倒上筲箕以傳統方式蒸焗，蒸完後再來堅持手工現蒸現切

依間小店係強調香港製造，即叫即整筲箕手工河粉，個樣同我地平時見到嘅河粉唔同，係比較似腸粉多啲！小店主要係做外賣生意，但店外有位比人立食。牛腩筲箕河粉$36牛腩整得好淋同好入味，除咗牛腩之外仲有牛筋，兩樣加埋都有唔少件！河粉食落好滑又掛汁，醬汁好入味，唔會太鹹，好好食！手撕雞筲箕河粉$36手撕雞肉一啲都唔鞋，配埋滑滑嘅河粉，真係超級正！配料仲有青瓜絲，花生碎仲有胡麻醬，加埋一齊食真係令到河粉香到不得了！

朋友介紹呢間小店，主打手工石磨河粉同懷舊小食，買嘅時候都幾多人幫襯，應該幾有名氣。呢度嘅河粉嚴選4道工序，採用陳年梯田糙米，將米漿磨起，蒸後再切，出邊真係未見過。基本上嚟得嘅都一定會叫筲箕手工河粉，可以望住佢哋即叫即整，河粉爽口，帶淡淡米香氣，厚身度適中，另可自由搭配主食，要咗冬菇同滷肉，份量十足，搭配醬汁更惹味。火鴨絲碗仔翅，有個👍，入面有大量火鴨絲，啖啖都有配菜，飲落濃稠，果然足料。小食有蘿蔔，清甜無渣、豉油王唐生菜新鮮又入味、燒賣軟硬程度啱啱好而且唔粉，可惜魚蛋未煮好，下次試埋佢。

呢間由90後年青人主理嘅小店真心推介，佢哋嘅筲箕腸粉系即叫即整，全人手製作嫁🤣 雖然鋪頭唔算大～ 但系都有立食嘅位置，認住鋪面呢個野好易搵到😚1️⃣ 火鴨絲碗仔翅🦆呢到嘅碗仔翅大大碗，入面有大量嘅火鴨絲、冬菇、粉絲…… 而且仲系極濃稠，唔會稀溜溜，認真夠哂足料😋2️⃣ 手撕雞筲箕河粉🐓用大米現磨嘅手工河粉你又食過未‼️ 由揀米、磨米、蒸粉、切粉，4個工序都絕不馬虎👏🏻將大米碾磨1800次令到米漿好絲滑，倒落筲箕到蒸夠哂傳統🙈 河粉夠嫩滑，手撕雞唔會嚡熠熠，必食之選🉐3️⃣ 鹵水大雜燴🥢真•大雜燴🤣 嗌細份都咁多，大份會有幾大碗🙈 一碗入面有牛筋、豬腸、蘿蔔、鹵蛋…… 冬菇大大只，厚實好ᴊᴜɪᴄʏ 💦 性價比好高好抵食✨ 4️⃣ 現磨豆漿🥛性價比超高👏🏻 現磨夠新鮮，豆味香濃‼️

今日嚟開深水埗，對於手工即制嘅河粉《粉制良品》印象難忘，加上好抵食麻！所以又嚟。呢度好多款野食，今次嗌左以下四款：✨️牛腩筲箕河粉$36一份就吃得飽，認真抵食。✨️手撕雞筲箕河粉有很多青瓜絲附手撕雞，十分清爽，夏天食最啱。✨️滷肉筲箕河粉滷肉切成碎粒，放在另外一個獨立盒肉。非常惹味，又不會太咸。✨️火鴨絲碗仔翅用火鴨熬成嘅高湯非常美味。入面有雲耳、肉絲、冬姑，十分足料。📍深水埗桂林街143號 常福大厦f3号鋪

而家好多人都北上消費, 但香港好多小店都好特色, 好值得支持🇭🇰推介❤️🐔招牌手撕雞筲箕河粉 河粉質感軟滑 , 用筲箕製作好有特色 👍🏻👍🏻而且手撕雞勁多🐔成大盤都只係$36,一定要試試 😍😍🦆火鴨絲碗仔翅好多料好多火鴨絲, 煲得好惹味😋😋🌶️自家製辣椒醬包裝精美，鹹香好正又唔會太辣🔥🔥另外推介💕💕🥟粉果仔🥘滷水大雜燴➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋回頭指數：💖💖💖💖💖🔖 粉制良品 (深水埗)深水埗桂林街143H號地下F3號舖

行過見到呢間超抵食，河粉係新鮮手工研制，又有特制辣醬，本身唔太食得辣嘅我都覺得好惹味～火鴨絲碗仔翅$28火鴨絲嘅鹹香，同冬菇雲耳等切成絲狀嘅食材好夾，個碗仔翅口感啱啱好～滷水大雜燴$38冬菇、蘿蔔、牛雜都幾入味，呢個價錢就算旺角啲街檔都食唔到咁大份～牛三寶筲箕河粉$48 三寶係牛肚、牛腩、牛筋，想講個河粉超滑，有米香，淋上腩汁再撈埋秘製辣醬（有豆豉），食到lam lam 脷～BTW 企係街食仲別有一番風味~如果想慢慢歎可以買返屋企食～

小店經營，態度超好深水埗區真係好多特色野，今次見到呢間筲箕河粉，叫咗好多野試下先估唔到係現場即叫即做老闆好勤力，所以唔使等好耐就有得食啦牛腩筲箕河粉$36有牛筋有牛腩，牛肉質地不錯，加上調味汁一流。手撕雞筲箕河粉$36手撕雞好嫩，配合滑滑河粉，仲有好多青瓜。口感非常好，一試上癮火鴨絲碗仔翅 $28足料！超多木耳、冬菇、粉絲。碗仔翅的的濃稠口感適中！粉果 有肉汁，煙靭。蘿蔔 $10入味，仲有好多舊！豉油王生菜 $18大大份，調味有種蒜香，並不是普通蠔油或豉油制成，好特別。📍地址：粉制良品 深水埗桂林街143H號地下#深水埗 #粉制良品 #火鴨絲碗仔翅 #牛腩筲箕河粉 #手工筲箕河粉 #招牌手撕雞筲箕河粉

今次黎到試下最近好hit啲全手工筲箕河粉‼️老闆係90後嘅年輕人，首次嘗試全港唯一用筲箕去做嘅手工河粉‼️問左老闆，就連米漿都係自己碾磨超過1800次，所以米漿會細膩絲滑‼️雖然手工繁複，但價錢一啲都唔貴😃 手撕雞筲箕河粉｜$36手撕雞鋪滿成盒河粉🤭雞肉唔會鞋，爽滑‼️河粉老闆會即叫即蒸‼️見住老闆將一殼粉漿倒落筲箕蒸一分鐘，之後將佢切成一條條就會變成河粉喇❤️河粉一定要淋上老闆獨家調制嘅醬汁🥰好香蒜蓉同乾蔥‼️河粉唔會話太薄，但食落有口感同好滑溜😃同埋一定要加上枱上嘅炸黃豆同埋辣椒醬🔥黃豆食落脆卜卜，辣椒醬都幾辣同好香，mix埋河粉超惹味‼️ 大腸筲箕河粉｜$34大腸都有6-7件，大腸有咬口，滷水夠入味 滷水大雜燴 (小)｜$38雖然我地叫左碗細嘅，但原來都幾大碗😁入面有牛筋、牛腩、牛肚、大腸、冬菇、蘿蔔同埋滷水蛋牛筋、牛腩、牛肚同蘿蔔都炆得夠晒淋夠晒入味👍但滷水蛋有啲過鹹😅 火鴨絲碗仔翅｜$28分量好足料，夠大碗，有火鴨絲、木耳同埋冬菇等等 總結：老闆年輕有為，睇得出好用❤️研製呢個手工筲箕河粉👍希望呢個傳統手工美食可以好好發展落去❤️

港人愛食街邊小食是眾所就知，例如燒賣、魚蛋、腸粉等。在香港常食到的腸粉是用鐵抽屜蒸煮，一次煮數底腸粉是最符合經濟效益💰。在深水埗見到罕有筲箕蒸粉的小食店。店面的大招牌和電視機展示店主用碾磨超過 1800次米漿，再用筲箕蒸河粉。雖然小店店鋪不大但有特色，主打外賣。🔸️招牌雞肉筲箕河粉$ 38 河粉有些像腸粉，不是皺皮而是非常光滑。河粉面上有雞肉絲、青瓜絲等配料。自由選擇淋多少自家製的豉油。豉油微甜微咸，因為不會蓋過河粉的米香味。河粉足料爽滑，配上雞絲、青瓜絲就更清新。🔸️火鴨絲碗仔翅$28火鴨絲碗仔翅內有火鴨肉絲、木耳、冬菇 、粉絲等。碗仔翅的的濃稠，每一口都有不同的口感。如果加入醋或胡椒粉，口味就更加好味。🔸️滷水大雜燴$58有滷雞蛋 、豬大腸、牛腩、牛肚、冬菇、蘿蔔等。一次過食到幾款肉，牛腩炆夠淋，冬菇和蘿蔔都夠新鮮。私心喜歡河粉多些🙈。🔸️自家製辣醬 $38

即蒸即切‼️滑捋捋手工筲箕河粉🍜經過網上眾多人推薦下 忍唔住專程去試😂嗰日3點到深水埗 博吓睇佢會唔會早開然而係等到3:50先開始接order嘅😂見到得姐姐一人喺入面準備開舖之後有位年輕老闆就翻嚟主理第一次食緊係食招牌手撕雞河粉！啲料同粉佔比係50/50 幾夠份量秘制醬油汁淋落去嗰吓已經好吸引加埋麻醬同花生碎粒🥜真係不得了 配菜有菜脯同青瓜絲 我勁鍾意❤️滑河粉+爽口配菜+惹味醬汁=滿滿層次感全程堅持人手製作🧺再用筲箕即蒸即切佢營業時間係15:30-02:30 真正夜繽紛🤭宵夜嘆翻碗粉都幾開心～🔎手撕雞筲箕河粉💰36

今天和朋友去深水埗買電腦，經過這家店門口，聞到一股特別濃郁的香氣，於是忍不住多看兩眼。發現很多人都站著吃他家的粉。好奇心驅使下，買了一份手撕雞河粉，一份碗仔翅。沒想到！！手撕雞河粉竟然意外好吃！粉製特別爽滑還有勁道！於是，厚著臉皮問老闆，可否進入拍攝製作過程，老闆爽快答應了！每一份河粉都是由老闆用純米漿現場製作，現蒸現切，現場調味。那個濃郁的香氣就來源於他家自製的蒜蓉醬！人均$30就可以吃飽吃好，希望多一些這樣的良心小店！