粉紅水門雞 (中海日升中心) (已結業)

不想煮晚飯，和先生一起在外用膳才回家。經過粉紅水門雞，見到飯餐價錢相宜，便入座開餐。除了雞，餐廳亦供應豬和牛，也有其他甜品和沙律等。食物包裝全數用上外賣盒，方便隨時帶走。點了一客粉紅水門雞飯和正宗滷水豬手飯。雞肉嫩滑可口，肥瘦均勻。油飯帶著茅香，層次更為豐富。兩者雖然價錢廉宜，但份量十足，食得夠飽。滷水豬手飯的豬皮爽品彈牙，煮得剛剛好，肉質不會太韌。還包括一隻雞蛋，營養更為豐富。配一個蔬菜，是青木瓜沙律。點餐紙上註明是少辣，在不嗜辣的我而言是中辣，但屬可接受也能享受的範圍，畢竟青瓜等就很清涼，有減辣功能。甜品是芒果糯米飯，看起來份量不多，但因已吃畢一客飯，這樣一碗其實剛好。整客甜品甜度恰到好處，椰香也吸引。當晚大部份飲品售罊，只餘汽水。飯餐性價比真的超高，糧尾必然之選。

發現最近以便宜作賣點的水門雞飯開得成行成市，這家$36一份雞飯的餐廳就是表表者開在日昇中心地下，裝潢簡單，就好像一家快餐店一樣，個地方比較乾淨服務：下完單等店員拿東西給你，服務正常食物：正宗滷水豬手飯$36豬手肥瘦比例各半，加上微甜的滷水汁，以及特製的酸醋去肥膩，另加一隻蛋，飯量夠大，飽足感十足！Grandma咖喱牛腩飯$36甜甜的咖喱汁配上大量牛腩，肉絕對沒有吝嗇，咖哩添在白飯上吃異常送飯，正！青木瓜沙律（小辣） $12這間餐廳最好吃的一頓菜式，而且很便宜，酸辣甜兼備，青木瓜很爽口，價格只要$12！芒果糯米飯$18芒果四片，黑白糯米齊備，又一個CP值超高的甜品糧尾的時候不妨來試試，真的很便宜！

而家多咗好多泰式嘅水門雞店講到泰國菜必定會食水門雞飯，近排去咗觀塘見到新開左一間水門雞店嚟到當然要同朋友一齊試吓😋✨粉紅水門雞飯而海南雞己去骨，肉厚有雞味，雞皮比較薄，雞油脂肪唔多 ，有少許啫喱狀雞油，油飯色澤夠黃， 幸好唔算油膩。而醬汁是用酸辣椒醬，飯絕對唔係一碗簡單白飯，必定是油飯，增加飯既香味😋😋😋✨正宗滷水豬手飯除咗海南雞仲有滷水豬手飯我order多一盒豬手飯試吓，豬手非常之入味，而豬皮非常之彈牙爽口，肉質保持到肉質鮮美又好腍，側邊仲有一隻滷水蛋夠晒健康又唔會太肥膩，估唔到酸菜又夾豬手喎😳😍✨青木瓜沙律沙律半日青瓜好清新爽甜，祝你換咗酸甜醬更令提升到沙律嘅鮮味，令到胃口大增😋✨芒果糯米飯我不嬲都好鍾意食芒果糯米飯，所以我就必定會order😝，先講佢個芒果非常之甜配埋紫糯米同白糯米一齊，好豐富煙煙韌韌，煮得夠晒腍仲要係熱辣辣送上，愛上咗熱食嘅芒果糯米飯😍😍😍✨凍香茅檸檬薏米水比較比較特別就係佢有自家製嘅香茅檸檬薏米水，味道夠先酸甜又聞到一浸香葉嘅味道，薏米煮得夠熟，粒粒分明又好諗，啱晒夏天飲夠晒透心涼🤤

建議： 如果lunch hour 想食堂食，就預番早啲排隊/ 晏少少先。不過外賣都係個唔錯既選擇👍終於觀塘多一間海南雞既選擇啦，第一次去食係差不多新開既時候，近排碌番相簿先發現原來一直未出文 🙈 依家餐廳已經轉用左其他餐盒，份量好似都已經改良左 👍全個餐牌既價錢都真係好抵食，3款主食只係賣 HK$36🤪 除左粉紅水門雞飯，仲有正宗滷水豬手飯、咖哩流心蛋牛腩飯。今次試左：(主食 HK$36@)▫️正宗滷水豬手飯▪️粉紅水門雞飯份量都ok，味道唔差👍 雞件好滑，肉質唔嚡❤️ 油飯入面仲有啲香葉，食落幾好味。而豬手飯食落亦都唔會好油膩，口感唔會太淋會有啲爽脆，配埋啲汁有少少辣好開胃。(小食)▫️青木瓜沙律 (HK$12)開胃前菜點少得爽脆既青木瓜沙律，酸酸辣辣，在夏天好醒胃。▪️芒果糯米飯 (HK$18)已經唔知幾耐無去泰國🤪 所以決定lunch 都要食番個甜品。糯米有哂兩種白糯米+黑糯米 加埋椰奶醬，面頭仲放左幾塊芒果🥭 上枱時仲係熱既，應該係新鮮整。襯熱食左啖 🤣 個感覺幾特別，因為好似未試過食熱既芒果糯米飯。✨ #情報開心Share仲有兩間分店：旺角店 (通菜街) 同 新蒲崗店(慶街)。真恩物

粉紅水門雞 網址: https://s.openrice.com/QrbS0qCeA00~uXpYHAA地址: 觀塘駿業街56號中海日升中心地下N號舖電話: 55011292=====================邊個講海南雞飯係海南出產架，無common sense 架人真係唔好存在係世上。比人傳統架海南雞飯,換粉紅色架碟盛載，即時變得少女化同年青。一個飯定價$36 好合理，油飯黃色明顯黃有雞油啦，起曬骨仲汁了醬好香豬手飯好腍好惹味，也值得一試。仲有隻蛋添，只係賣幾十數，糧尾恩物。但比較細份，真係要叫兩碟先夠食。加小食青木瓜沙律同芒果椰汁糯米飯，椰汁好消暑，推薦。加埋枝冰茶。

餐廳位於觀塘，距離觀塘地鐵站路程只需要五分鐘左右，地理上十分方便快捷，餐廳主打的就是由泰國帶來的 海南雞飯，由泰國人主理的就是不一樣， 充滿當地的情懷，現在無法出外旅遊，回想起泰國的味道，我終於可以找到一家 令我真切的感受到。 分量方面， 和泰國的有少許分別，也就是迎合香港的需要，分量比泰國的更多，海南雞飯最重要的一定是那個雞飯，這家餐廳做得超級美味，全因為香料認真配搭，吃起來更有泰國風情 ，海南雞入口嫩滑，肥瘦適中， 不會太油膩。

今日同男朋友嚟到觀塘行街最近買咗好多嘢有啲手緊所以就諗住平平哋食見到呢一間水門雞 竟然可以30幾蚊做一個海南雞飯仲要係堂食？我哋二話不說就即刻入咗去我就叫咗個海南雞飯啲雞非常之嫩滑 勁好食啲飯粒亦都粒粒分明我男朋友就叫咗個豬手飯佢話呢個都好好食啲豬手好入味之後我哋仲叫咗兩支嘢飲白桃烏龍相當唔錯 陳年金橘蜜就有少少甜之後我哋仲叫咗木瓜沙律 呢個味道一般不過10幾蚊仲想點啊之後我哋仲叫咗個芒果糯米飯 呢個芒果糯米飯10幾蚊就非常之有誠意 有黑羅米同埋白糯米勁好食

出左觀塘中海日升中心附近做嘢， 之後便跟同事食埋飯先回家，見到#粉紅水門雞，佢個餐牌得3款飯，❇️粉紅水門雞飯❇️正宗滷水豬手飯同❇️咖喱流心蛋牛腩飯， 統一價錢$36，小食-青木爪沙律，芒果糯米飯同飲品都係拾多元便有交易，咁抵一於進入開餐先。 ❇️正宗滷水豬手飯豬手夠淋入晒味，附加一隻流心蛋，豬皮咬落有彈性同滿滿的骨膠原😋。❇️粉紅水門雞飯同事個雞飯買相都相當唔錯，試左佢一件雞，好嫩滑無骨，佢話油飯好香而不覺太油膩。❇️青木瓜沙律在木瓜上鋪了花生和2粒車厘茄，醬汁酸酸辣辣的幾開胃喎😛。❇️芒果糯米飯芒果甜甜的，配上椰汁糯米飯很煙韌有咬口。❇️凍香茅檸檬薏米水香茅同檸檬比例很好，香茅味唔會好重，不會好甜啱我飲☺️。真係抵食夾大件，有間係我屋企附近就好了😁。

餐牌選擇不多，第一次來，無理由不試試它的招牌—粉紅水門雞飯吧。價錢只是36元，外賣自取大約等待十分鐘便有，十分快捷。雞皮鮮黃色，看它的外表便知滑。雞肉如其名一樣，是粉紅色的，有少少帶血，吃起來很滑，不過始終有點擔心不夠熟。雞飯用了香料及雞油去煮，夠味之餘又不算太油膩，而且即棄飯盒的物料亦有助吸去部分的油，所以整個飯不會吃完一口油的感覺。雞肉的份量並不多，不過，以36元的價錢來說，都不應要求那麼多，一試無妨。

#午餐盛惠$36🤩-上星期喺旺角食完平靚正水門雞飯 朋友話我知 觀塘一間小店 賣嘅泰式碟頭飯更抵食 只得三款選擇 貴精不貴多 價錢吸引分量充足 午飯時間會人潮不絕-🐔#粉紅水門雞飯 $36喺茶記食一個牛扒早餐 呢個價錢都唔得 用嚟買份招牌水門雞飯做午餐 咁就充裕有餘🥰 三黃雞件去骨切件上 冇將貨就價 黃油飯有小驚喜 裏面有香葉 薑片 同香茅 飯粒分明 有香料幽香 食落唔油膩-🍖#滷水豬手飯 $36豬皮軟熟黏性強 骨膠原豐富 底下有鹹酸菜 配埋溏心蛋 如果要我挑剔 我覺得豬手過瘦 啲肉食落乾身 滷水汁可以俾多啲-🥗#青木瓜沙律 $12鍾意食面頭嗰啲花生粒 沙律底部水份比較多-🥭#芒果糯米飯 $18經典泰式甜品 黑白糯米各半 食完佢非常飽肚-🥤#凍香茅檸檬薏米水 $12🥤#冷泡白桃烏龍茶 $12自家製飲品 足料足心機 薏米粒好多 食晒佢有助去水腫 冷泡茶非常解渴 完勝罐裝汽水-📍#粉紅水門雞觀塘駿業街56號中海日升中心地下N號舖

同老公放工晏左成晚上8點幾，有點肚餓諗下食什麼好，駕車途經觀塘中日海升中心，附近都好多食市，最後被粉紅水門雞吸引，實在太掛住泰國嘅美食，一於試下啦！Menu黑板 $36 碟飯 海南雞飯，豬手飯。。。。。我地坐底見到 Menu唔多選擇，主打海南雞飯，豬手飯同咖喱牛腩飯，小食就有青木瓜絲沙律，甜品還有我地最愛芒果糯米飯，還有幾款飲品添。好香嘅香葉味，佢地嘅飯用上南薑香葉香料同煮，又香又有口感鬆軟粒粒分明，配埋啖啖肉海南雞，記得醮他們嘅醬汁，鹹鹹香辣，即時開晒胃，份量足夠，好出食滑同雞味！ 讚 講緊$36碟，那裡抓呢？平時普通餐廳平極都五六十蚊碟啦。青木瓜絲沙律 $12 小辣細細盒但好啱食前食它，惹味非常，清爽木瓜絲，花生，虾皮同少許泰辣汁，無比可口，簡簡單單泰國風味。正宗豬手飯 $36豬手膠質重大大件一點都不吝嗇，配埋醃菜同流心雞蛋，雖然無泰國過邊啲豬手咁諗滑，但老公極喜愛話較有嚼頭，連個點豬手嘅汁都好正，我鐘意魚露配酸酸辣辣，泰風味。值得讚嘅自家醬汁 偏綠點雞 偏黃點豬手 能提升雞同豬手嘅味道。凍香茅檸檬薏米水 $12飲一口已經嘗到香茅味，檸檬淡淡滲出，夏天好消暑同去水。熱嘅芒果黑白糯米

位於觀塘嘅呢間泰式餐廳係曼谷水門雞嘅姊妹店！價錢親民，所有主食都$36咋🤩-🥢粉紅水門雞飯 （$36）雞肉份量都幾多😍肉質嫩滑，雞皮有彈性！點埋附上嘅泰式青醬，酸辣惹味更加令人回味無窮呀👍🏻飯量有一碗，富香茅同椰香味喔！🥢咖哩流心蛋牛腩飯 （$36）牛腩份量同雞肉一樣都幾多肉質軟稔，幾入味！咖哩汁香而不辣，比較有港式風味切開流心蛋，蛋黃汁唔算太澎湃流出🥚可以再生小小呀！🥗青木瓜沙律 （$12）一人份量，過吓口癮唔錯👍🏻木瓜絲酸辣爽口啱晒我呢位辣控呀🥰🥭芒果糯米飯 （$18）以呢個價錢嚟講，都幾抵食！普通糯米+紫糯米，飯粒軟糯煙韌入口食到香濃椰汁味加埋香甜嘅芒果肉，完美呀💯🍋香茅檸檬薏米水（$12）香茅味濃郁突出個人覺得唔加香茅會更啱口味！🥤冷泡炭焙烏龍（$12）茶味香醇飲到強烈嘅炭焙味大大枝，好抵飲💕

由於喺附近返工，見到呢個舖位開咗間新餐廳，所以都想試試，從餐廳名嚟睇，就知道佢係食泰國嘅水門雞飯為主，啱晒我口味，所以值得一試從門面望入去，其實裝修冇乜特別，唔算話好吸引，不過我諗注重嘅主要都係嘢食呢個就係餐廳嘅餐牌全部，大家見到佢整體嘅選擇都唔多，不過都係果句，我諗佢最主要就係食水門雞飯，另外仲有兩款飯係俾大家揀嘅，同時亦都有一款前菜甜品俾大家作另類選擇，而飲品亦都有幾款俾大家揀重點係佢定價唔貴！點完餐之後，先嚟嘅係我哋嘅飲品，我叫咗呢個烏龍茶，佢係用一個高薪嘅膠樽入住，感覺好似幾特別，而且方便飲唔晒之後拎走，而我朋友叫呢個嘅係陳年金橘蜜，我朋友話佢呢個都幾好飲喎嘢食都嚟埋啦，你問我，喺呢度食嘅選擇，一定會揀返水門雞飯，因為係佢呢度嘅招牌菜，同時我亦都加咗一個沙律，佢係青木瓜沙律，而且大有小辣，都幾開胃，雖然佢嘅份量唔係好多，不過真係性價比好高，因為佢只係買10幾蚊一個講返個水門雞飯先，佢用咗油飯底，雖然大家見到雞件唔多，但係真係每件雞都非常好食，因為除咗口感非常好，佢真係一啲都唔韌，夠晒白滑，唔知真係以為自己食緊海南雞雖然佢嘅雞件唔多，但係整體來講，絕對夠飽，而且性價比幾高，因為呢

同朋友去觀塘閒逛，行行下黎左呢個幾新既商場叫中海日升中心，入面好多餐廳，之後我地想食水門雞就揀左呢間粉紅色門面既餐廳入面仲有好靚既土耳其掛燈做裝飾，好有格調，我地叫左一個水門雞飯，飯係香茅味既特製飯，雞肉好嫩滑，加埋酸酸辣辣既醬汁好開胃仲有朋友叫左另一款滷水豬手飯，豬手肉質好煙韌，彈牙，加埋滷水汁一齊食好香，仲有朋友好鐘意配菜既酸菜，酸酸甜甜甘我地仲叫左兩杯飲品分別係咸柑桔飲落好開胃幫助消化，同埋香茅檸檬薏米，香茅味香濃，好多薏米嫁小編最愛既係佢既芒果糯米飯因為係同平時食既唔同，佢係熱食嫁。紫米加糯米熱食既軟熟口感，配埋芒果真係好好味，而且唔會好甜。小編推介。

今日lunch又再去東廣場既 "粉紅水門雞" 叫外賣，今次點了 "咖喱流心蛋牛腩飯"，只需 $36，非常抵食。一打開飯盒，就聞到好香既咖喱味，而飯餸既份量都好十足，三分之二白飯，三分之一餸的分配。咖喱係港式咖喱，色水偏淺黃，濃度剛剛好，唔算好spicy，用來餸飯好正，岩晒我呢D食唔到好辡既人。主角牛腩大大件，口感夠晒淋身，都算幾有牛味，吸收晒咖喱汁，好香好惹味，另外仲有原隻流心蛋，同咖喱都好夾，只是$36，是觀塘小店又平又好味之選。