粒粒果甜品 (已結業)

1.龍珠星球配椰汁西米 七彩繽紛火龍果肉/提子外層用啫喱包住口感好彈牙提子汁好香甜 /火龍果比較淡一點 配埋芒果🥭蜜瓜椰汁西米 我的至愛2.芒果妙沙好香好甜芒果蓉 飲完一啖即時回味無窮當晚太多人坐位有點迫 有啲抖唔到氣 食完即刻要走

之前見好多朋友影水晶球打卡上某社交平台，勁靚！特登嚟朝聖下★★★★龍珠星球(配芒汁西米) $44見門面好大塊poster宣傳呢個就叫呢個啦水晶球做得好晶瑩剔透😍😍分數主要都係個賣相上面咬落口係啫喱口感，幾Q彈，係火龍果同提子口味不過只係4~5粒，而且果肉係好細少粒，食啫喱多過食生果真係純粹食個樣同影相個芒汁底都OK夠芒果味不過西米就好似少咗D★★★★芒果雪之國(配芒果雪糕) $44同樣叫咗芒果口味~呢款嘅生果比起個龍珠星球，份量多返D，夠新鮮反而係冰就一般，連小山丘嘅形都唔太有好在食落都夠冰鎮夠消暑甜度適中粒粒果甜品整體評分★★★★地理環境★★★★旺角最多甜品嘅甜品街好易搵人流唔算多可以慢慢坐服務★★★店員招呼快，上甜品都快食物★★★賣相唔錯，但份量差少少甜品種類多價錢＄＄一般甜品價錢，一試無妨

嗯～水果星球就應該好多人講過啦，我想講果碗杏仁茶加豆腐布甸佢好特別咁用熱嘅杏仁茶嚟配一粒，係一粒凍嘅豆腐布甸，而果粒布甸係冇豆腐味㗎，口感似粒大菜糕咁囉咁其實叫得布甸我唔會期望果碗嘢係一熱一凍，明明杏仁茶係可以凍食呢間冇下次了

一入到去裝修好光猛感覺整體環境不錯 榴槤甘露有好的榴槤肉，識落好有榴槤味濃厚的榴槤香，值得嚟到一試啊！價錢$45 而且份量非常足料椰汁亦都非常香！味道：👍🏻👍🏻👍🏻👍🏻 服務：👍🏻👍🏻👍🏻👍🏻 環境：👍🏻👍🏻👍🏻👍🏻 價錢：👍🏻👍🏻👍🏻

去食糖水其實來來去去都係果幾樣但係要喺嗰幾款糖水之中脫穎而出有點小特別其實唔簡單不過就好似呢間咁 其實佢都只係喺平時嗰幾盆糖水一邊加少少佢特別嘅地方 令成件事有啲新鮮感有啲新穎嘅感覺就好似一款我食嘅龍珠星球 紅火龍果款咁佢其實就係芒果汁底 配西米露同西瓜哈密瓜等雜果之後就有幾粒有紅火龍果或者提子嘅啫喱成件事又出奇地覺得過癮 味道亦都唔差 咁如果有陣時想食糖水但又有啲咬口其實呢個亦都係好嘅選擇只不過其實店內嘅環境坐得比較迫基本上都差唔多背貼背咁濟坐咗人嘅時候基本上係行唔到出去㗎啦一定要起身樣一樣先會行到出去咁囉所以如果可能情侶兩個人去食都仲OK如果一大班朋友一齊去有機會要等好耐同埋就會坐得唔舒服傾唔到偈

係旺角食完飯緊係直落食糖水😋係外國嗰陣一直都好掛住我哋轉角就會有嘢食，食完飯要食糖水呢個文化👻本身去咗發記，係出面睇個價都正正常常，入去坐低睇哂成份menu，一個中式糖水都$33，其他soffle/waffle竟然係$80-$90呢個價位🥺嚇到我哋成班朋友都唔想係到食，走咗呢間粒粒果試新嘢。九點幾，舖頭人山人海，係門口等咗頗長一段時間先有位。對呢間糖水舖好有好感，一定會再幫襯！［ 牛奶小方🥛 ］係室溫牛奶味lamington😂美中不足係唔夠凍［ 椰汁西米涼粉🥥 ］椰奶超足料😂好似飲椰奶咁［ 水果星球 🥝 ］本身以為係軟心，一督會爆😂但原來係硬身透明jelly，幾得意，無特別人工甜味，淡淡哋，配上饀嘅水果，夠light👍🏻［ 白雪海底撈 + 抹茶雪糕🍵 ］高質！有龍眼乾、蘆薈、海底椰，夠清淡，無咩罪惡感👻［ 古早芋圓 🥣 ］完全唔掂😅黑糖水味道奇怪，難飲過罐裝涼粉。

今晚出了旺角逛街，吃過晚餐，也想有點滋潤，朋友介紹這家星球甜品。綠茶窩夫等待10分鐘便有新鮮窩夫，烘得香脆，外脆內軟，綠茶雪糕香滑、小丸子軟糯、紅豆香甜，每一口有熱騰騰窩夫配雪糕食，冷熱交疊層次分明，配上配材口感更豐富，一人獨享芒果蘆薈涼粉+$8 加配芒果雪糕芒果汁做底，香甜，涼粉切成小丁，配上蘆薈粒粒分明，芒果雪糕香滑，大碗又清新瑞士雞翼（4隻$25，6隻$33）雞中翼煮得入味，外皮彈牙不過火，肉質嫩滑店內有中秋節裝飾，簡潔清新，職員態度友善

今晚出了旺角逛街，吃過晚餐，飽但也想有點甜滋潤，今晚嘗這家星球甜品。水果星球芒汁涼粉，水果星球用蒟蒻粉製造，每粒包著不同水果，奇異果🥝、西瓜🍉、芒果🥭香甜，清新，芒果汁🍹有濃郁芒果甜，還有配芒汁西米/芒汁涼粉/椰汁涼粉/椰汁西米選擇，水果夠新鮮草莓黑珍珠 $38士多啤梨新鮮酸酸甜甜，小丸子軟糯，西米爽口，椰果爽甜，黑珍珠有益，士多啤梨雪糕香滑，底層有沙冰更添士多啤梨香瑞士雞翼（4隻$25，6隻$33）雞中翼入味，外皮彈牙，肉質嫩滑店內有中秋節裝飾，簡潔清新，環境乾淨企理，職員態度親切友善，上甜品速度快，聚會好選擇

Got the mango jello with grass jelly dessert which was pretty good. There’s mango juice in it and fruits which were all very fresh! We also ordered the mango smoothie but it tasted really weird. Tasted like cheese spaghetti sauce 😥Would not recommend although it looked very pretty in photos.

係旺角食完晚飯就緊係要轉場食個甜品，同朋友繼續吹吹水🤤-之前有朋友去過哩間，見佢幾特別就拉埋朋友試下👍🏻-我地8點去到，可能大部分人仲未食完晚飯，所以人唔多嘅-龍珠星球 (芒果西米) 我地係因為佢嘅水果星球黎嘅😍真係好靚，啱晒中意打卡嘅朋友👍🏻但啲火龍果同提子啫喱就普通，睇個樣以為會好甜點知無咩味，芒果西米就正正常常，無咩突破-珍寶芋圓仙草 (古早黑糖)珍寶芋圓同平時芋圓唔同嘅地方係，佢大粒好多，因為佢係有餡料㗎🥰不過未算好多，餡料唔算多味🤔而且唔知係咪因為佢要包餡料，個芋圓出邊無平時嗰啲咁煙韌😗黑糖底唔算太甜，幾配芋圓嘅😆-粒粒果甜品 (旺角)好味度: 6.5/10抵食度: 6.5/10回頭度: 6/10

之前見到朋友食～所以就黎試下先～地方都好易搵到～行過好景個商場就好快到～龍珠星球配椰汁西米露見到啲生果星球真係好可愛～星球係紅火龍果同提子口味～生果仲有西瓜，蜜瓜同芒果～芒果好甜好好味～椰汁好香唔太甜～西米好彈牙同軟糯粉紅季節要等15分鐘都值得～真係好靚😍士多啤梨切薄片放了係杯邊位～仲要上面啲拉花好精美～視覺效果好棒～士多啤梨好香～底下加入左啲奇亞籽好健康～～草莓傾斜奶酪杯上有滿滿既士多啤梨～有啲微酸～但我喜歡～奶酪都幾香～奶味都重～仲加左啲粟米片～南瓜子～提子乾～麥片～口味都幾豐富～P.S. 三樣我會比較鐘意西米露～生果整到一個球狀又可愛～最重要唔太甜同埋啲西米比到驚喜我

超好食榴槤野果甜品，今日去咗一間以水果為主題嘅甜品店，位於旺角登打士街附近，睇得出老闆好有心思設計唔同種類嘅甜品.發現佢非常塚本用兩大舊榴槤肉作為甜品 買$63 其他有奶酪芒果雪糕，個奶酪就麻麻哋唔夠甜 但係佢都放好多芒果上面有一啲麥皮帶麥皮同埋個奶酪唔係咁夾 但係呢個榴槤甜品真係冇得彈配合埋椰果同埋小丸子食落好有口感個榴槤雪凍左好似食榴槤雪糕一樣真係冇得彈所以都忍唔住叫咗兩盒同屋企人食唔停口真係要多啲支持小店

📍粒粒果甜品（旺角）榴槤呀😍榴槤怪又出動，一出黎就停不了，超級好食金枕頭榴槤甜品，呢間小店主要以水果為主題整咗好多唔同種類嘅甜品！🔻最鍾意椰果榴槤冰配榴槤球$63好足料個榴槤球真係兩粒榴槤果肉，甜度同熟度剛剛好，上面仲有啲小丸子椰果，成件事好夾。所以忍唔住叫咗兩客，至於其他甜品就正正常常，不過不失。好食指數：🤪🤪🤪🤪🤪🤪🤪🤪8.23/10.地址：粒粒果甜品 (旺角)旺角廣華街3號百利達廣場地下1號舖

之前係IG見到有朋友仔食呢間店既甜品超吸引，今日行過旺角就過黎試下!龍珠星球配芒汁涼粉我就係被呢款甜品吸引，龍珠星球入面既果肉係用紅火龍果同提子做材料，晶瑩剔透真係成日星球咁既樣~賣相超靚!咬落去係食大菜糕既感覺，配撘埋入面既火龍果肉同提子都幾夾~真係佩服店主既創意~!我揀左芒汁涼粉底，芒果味突出，芒汁既甜配埋較淡味既涼粉味道好岩!朱古力窩夫配雪糕我係朱古力控係人都知~朱古力+窩夫+雪糕我就更加難以抗拒!呢款甜品可以選兩球雪糕，今次我揀左綠茶同芒果味~黎到既時候擺盤睇得出好用心而且好吸引，雪糕仲淋上朱古力脆片，好sweet~朱古力窩夫既可可味濃，外脆內軟，配雪糕食一流!仲有香蕉伴碟，成個甜品冇得輸!桂花珍寶芋圓芋圓食得多，珍寶芋圓真係未食過，原來係芋圓有芋泥餡，比平時食既芋圓更帶芋香，而且好大粒~岩哂芋圓控!瑞士雞翼見隔離檯叫先見到原來呢度有瑞士雞翼食~即刻叫一客試下~估唔到味道可以同茶餐廳媲美~雞翼醃得入味，瑞士滲透哂入雞翼度，雞翼又燜得夠淋，d肉好容易食一d都唔痴骨~一流!打打下又掛住呢度d甜品~真係食極都唔厭!

同朋友行行下想食甜品，天氣熱，就選左食朱古力味的冰，涼涼的，好適合熱天食，之後叫左個粉紅季節，拉花拉得好令，好用心，再叫左芒果味窩夫，軟硬適中，加上雪糕的配合，更上一層樓