粵桂樓 (已結業)

4樣餸逐樣講地獄七重天花枝辣嘅頭盤，薄切花枝片配好多種唔同嘅辣香料，原本以為會好辣，食落又唔覺，反而感覺到一種清新，落單時服務員強調加左墨西哥辣椒，話好珍貴，總共七種唔同辣香料，雖然我唔識咩係墨西哥辣椒，但確實係辣中帶香，亦會啖啖都食到相似但不相同嘅辣味，而且花枝片亦高質兼彈牙，very good。水煮海班球烏冬第一眼望落去嘅感覺就係嘩駛唔駛咁多舊魚，份量真係好足，估唔到會多成咁。而一般水煮魚要好食其實都要預先煎一煎，即係傳說中嘅水煮油封，所以會比起清蒸更惹味，咁呢碟水煮魚嘅魚肉都仍然幾結實，有味得來亦有口感，亦冇遮到魚嘅鮮味，非常唔錯，而且用嘅烏冬底都幾彈牙，成碟都好有水準。香茅脆皮炸子雞講賣相，絕對一流！至於味道其實都幾有新鮮感，但以我對香茅冇特別好感來講，OK好味，不過最想知係佢點樣整到D香茅入到雞入面，真係唔知佢點醃得咁入味，講返隻雞，煮功到家，外脆內嫩，好過普通酒樓何止兩級，配香茅絕對係一個好嘅嘗試，至少熱愛香茅嘅朋友唔需要再不停食香茅豬扒！香菌海蝦墨魚麵超正嘅墨魚麵！一般食墨魚麵都預左好咸，但呢個唔同，有墨汁香，咸淡適中，好彈牙！近一年內食過嘅墨魚麵之中呢個最高質，反而牛肝

星期五同兩位好姊妹一齊食晚飯，選擇左去中環一間粵菜。嚟到 California tower 嘅粵桂樓，之前其實都嚟過一樓嘅酒吧但唔知道原來2樓係一間粵菜。入到嚟覺得呢度裝修幾高級，不過係2樓都可以望到一樓嘅DJ枱同埋燈光，感覺好得意 經理遞上餐牌同我哋介紹咗一啲推介菜式，我哋就點餐啦。前菜繫黑魚子流心燻蛋，魚子味好香！主菜我哋每人都揀左一份羽衣甘藍龍躉球，知道雨衣甘藍係今年火爆嘅超級食物，用係粵菜裏面顯得廚師嘅心思。魚肉十分滑，旁邊綠色的係蛋白。雞樅菌千頁豆腐，呢個雖然等左有啲耐但係見到豆腐真係一片一片咁切出嚟又細滑又薄身，廚師刀功真係精湛！個汁食唔出係乜但十分之好味。椰香脆皮燒春雞，雞外脆內軟，而且椰香味濃，非常推介！甜品我地叫左貢品桃膠豆腐花，黃色係類似creme brulee 的味道（唔記得個名），紫色係紫薯布甸，三款甜品都好好味而且仲有乾冰嘅煙霧效果一想你三個女仔就即刻相機食先啦！食到好飽之後經理仲送咗個鳳梨酥，係廚師親自烘培，絕對不輸台灣鳳梨酥！另外見到佢哋午餐餐牌，價錢比較實惠非常適合喺中環返工嘅上班族作商務午餐。

Had set lunch with my friend. This restaurant boasts modernistic decorations and nice atmosphere. Perfect for chat. Appetizer soup was very rich and the taste was just good. Shrimp with scrambled egg is very nice and good for serving with rice. Chicken with soy bean and onions is another delicious dish. Dessert is cha cha sweet soup which is as good as the rest of the meal. One of my favourite Chinese restaurants for lunch in Central.

中環蘭桂坊約食飯見客又多個選擇，Fovea價位中等，但啲菜就好特別同一份貴氣，睇圖就明架喇！春暖花開笑迎春全素頭盤，頭盤主要都係幫食客開胃，所以都係酸為主，比較特別係一款用鮮淮山混合左芒果汁，好有新鮮感，鮮淮山真係第一次試，有驚喜，另外金梅涼瓜爽，都算幾酸，但酸之中又帶少少甘，都算係近期之中最特別嘅頭盤。飛雪藍莓黑豚肉賣相係類似糖醋排骨，但係一來係用黑豚肉，二來係用藍梅汁，所以個味有啲唔同，黑豚肉唔算肥，唔駛擔心好似食肥膏咁，味道都有驚喜，相信係藍梅汁帶出左啲肉味，唔錯！少少糖霜營造左飛雪效果，主要都係為左賣相，唔會令道菜好甜，值得一提係每一件黑豚肉大小形狀都好接近，大啖少少都可以一啖一件，都幾細心，好高水準！龍皇野菌飛鴿圃非常好食有驚喜ge一個菜，因為好好食，我就好仔細咁睇真啲裡面係用咩整，首先佢係用起骨起肉再絞碎，仲撈左少少蝦膠，再釀返入隻鴿再炸，鐘意啖啖肉嘅朋友一定會好鐘意，因為乳鴿好多人鐘意食，但係就唔係咁多人鐘意佢有骨，呢道菜就冇晒煩惱，係好得，味道比普通乳鴿重少少，口感就大幅提升左，要推介！濃湯竹笙花膠素翅未上枱嘅時候以為係一煲咁上，原來係一道菜，賣相好靚成個圓型 (有啲可

蘭桂坊近年私房菜多左好多餐廳或者私房菜，好多水準真係唔錯，有時見客都適合直接約after lunch時間去一路試菜一路傾，而呢度氣氛偏暗，好啱傾密計!三菇六耳泡烏冬食得多日式烏冬，通常都係豚肉呀牛肉，全素烏冬我估就冇幾多人試過，所以趁第一次見就order左呢個三菇六耳泡烏冬，首先佢呢個烏冬睇落真係一滴油都冇，連湯都係素，清得好緊要，不過又唔會話好淡，然後就開始試下D烏冬，好明顯係手打，有食開烏冬都會分得到手打烏冬係會比較煙韌同埋滑，幾好。至於味道就真係好清好素，但又會話無味，三菇六耳就各少少咁啦，加兩條白菜，一人份量叫做啱啱好咁。如果要評呢個烏冬，味道幾好，但係確實好特別，其他地方冇！鳳梨鴨鬆黃金炒飯呢個飯又係其他地方唔會有得食，向來我食炒飯會第一時間注意，就係睇佢油唔油膩，好多地方D炒飯一係就好油，一係就好濕，所以如果見到油膩炒飯或者濕到不似飯形我通常會即時扣分，fovea呢度嘅炒飯就睇落乾身爽口(至少今次係)，另外睇炒飯炒得夠唔夠均勻，因為配料都帶唔同味，一唔均勻呢，成個飯就格格不入，呢個就考炒功，咁呢個就通常都合格嘅，呢個飯合格有餘，呢個飯仲有少少特別就係用左鴨鬆，都幾重味，夾埋

蘭桂芳驚喜的精緻中式午餐蘭桂芳-一定認為主要是西餐居多！由於朋友生日想食中菜所以今天來到California Tower 這間型格裝修的餐廳真是一個驚喜！一試之下立刻愛上因為係中午午餐時間在中環可以坐得舒舒服服，又可以傾到計，兼食物健康又精緻，仲要價錢合理，係中環實在不容易搵到午餐每天不同價錢$128-$168 另外也有商務套餐！由於是日朋友生日所以我們決定試商務套餐$438 兩位用而且食物材料也很健康！用上藜麥，羽衣甘藍！再送上杞子紅棗桂圓糖水，我覺得真是扺！黑魚子流心疍-味道份量啱啱好，賣相又靚，疍黃流心，好正！川貝杏汁白肺-十分真材實料！牛油果藜麥海班-用了牛油果汁，海班炸皮鬆脆而且內裏的海班很鮮美！正！羽衣甘藍滑旦蝦（由於掛住食所以忘了影相😓😓😓）整體感覺十分好！一定會再來試試其他午市套餐！

每年的3月份是一年一度的香港藝術月，城中會舉辦多個本地及國際藝術活動，藝術氣氛特濃。不少餐廳亦會趁這段期間推出與藝術相關的餐飲活動/優惠，而其中一個最吸引我的，就是蘭桂坊的「Savouring Art」。Savouring Art來到2017年已經第二屆了。這年的主題是「Colour of Ingredients」，有12間位於蘭桂坊及加州大廈內的餐廳參加，當中有西班牙菜、中菜、意大利菜、日本菜、韓國菜等等。各家餐廳都特別為Savouring Art 2017推出只限經FeedMe Guru肥美達人網頁或手機app預約訂座的特別menu。4或5道菜的菜單定價由每位$380至$698。這晚我們便上網預訂了蘭桂坊加州大廈內 粵桂樓by Fovea 的Savouring Art 2017四道菜嚐味套餐 (每位$380)。粵桂樓by Fovea的用餐氣氛輕鬆。佈置與餐枱看來還以為是個吃西餐的地方呢。打頭陣的第一道菜是擺碟精緻的前菜拼盤。紅菜頭鮮莓爽蓮藕，爽口微酸，頗醒胃。而另外2款都是香口小食。牛油果伴野生秋葵和香芒藜麥松葉蟹柳，味道都不錯呢。第二道菜是忌廉南瓜三色藜麥花竹蝦湯。湯細滑香甜，加

又要交功課啦好焦慮呀仲要交兩份好彩今日係星期五真係TGIF所以lunch都要認真食。原本想係樓上食但無位，最近又好奔波，覺得食個中餐健康d都好就黎左粵桂樓今日係星期5咁就揀食C CHAN麻香豆腐蒸鮮蝦是日老火湯，不過飲完都唔知係咩湯麻香既味道太令人驚喜，真係辣辣地又麻麻地又好香豆腐內裡軟軟地，豆味很濃，外皮又香口蝦都ok大條，超有彈性，滑溜溜最近食齋既朋友叫左個齋餐白飯又幾好味，幾日都無食過飯啦最後仲有腐竹薏米糖水好啦weekend真係真係認真做功課

我係聽左朋友介紹專登來試，食完再喺蘭桂坊飲下野，粵菜平時比較少食，但今次冇失望反而仲有啲驚喜，話就話係粵菜，其實都有少少fusion，而且中環區餐廳始終都有咁上下氣派，坐落好舒服，優雅而有貴氣，久唔久享受下食嘅一刻都真係唔錯！

今年是我倆首個婚後的情人節，當然想吃餐好啦，這家是小妹在Openrice找的，見到食物及環境評語不錯，又是中菜，可不用和人迫，就拍板啦！ 店的面積不算大，以昏暗的燈光嘗試型造浪漫氣氛，格調感覺有點酒廊feel。 前菜薫蛋($90)，賣相佳，有淡淡的煙薫味道，蛋黃流心，不錯。 珍珠牛油白飯魚($128)，只聞其名已經好奇，賣相確有驚喜，外皮加了七彩脆粒粒包著白飯魚，香牛油味，口感脆卜卜，內裡的肉質軟綿，得！ 古越龍山花鵰雞($208半隻)，很強的名堂，亦給予小妹很高的期望，賣相可以，味道就和一般醉雞沒有太大分別。 黃金流沙脆生蝦($218/6隻)，這個蝦炸得很有水準，脆漿超薄，且均勻地膨脹，很有口感，蛋黃非常入味，蝦肉夠新鮮大隻，好味！但略嫌油膩。 雙璜頭抽黑豚排($168)，肉質不算太新鮮，有點被過份醃制的感覺，醬汁味道則不錯，酸酸甜甜的。 安格斯牛刀削麵($168)，賣相及味道均似乾炒牛河，唯一不同的是大排檔的乾炒牛河會更有鑊氣，這個有點失望。 甜品時刻，蛋白杏仁茶($58)，生磨，甜度適中，不錯。 由於老公生日的關係，特意吩咐餐廳寫上生日字句，椰皇花膠法焦糖燉蛋($128)，

過去精緻嘅茶杯不見了！有限的桌面，但欠缺及時的桌面管理，根本不可能容立陸陸續續來的菜！上菜次序混亂，主菜可以比前菜先來四人用午餐成為1000多元，綜合來說，可以有其他更好的選擇！

這晚來到了粵桂軒，一間餐廳和酒吧兩層相連的食肆。上面是食肆，下層是酒吧，兩層之間是靠著一個中空的玻璃樓梯相連著，很有空間感。餐廳賣的是雲集fusion口味的上海菜,，看著餐牌都是一些熟悉的上海菜名字。這天晚上我們試了好幾道菜， 從擺碟的形式可看出廚師的心思，想擺脫一般中菜一大盆的框架。比較欣賞的是<金磚脆豆腐>，外面做得很鬆脆之餘，炸皮很薄，內里豆腐的滑溜感仍保留得不錯。其次<松露炒海班球>也做得不錯，松露的份量落得剛好，外加了撲鼻的香氣之餘，也沒有搶去海班的鮮味，搭上四季豆，可說是恰如其份的表現。另外一個一定要試的是<貢品桃膠功夫豆腐花>，好像一朵杭菊的豆花其實是廚房一刀一刀雕出來的成品，心機少一點也成不了。整頓晚飯從格調，氣氛到食物都很滿意，美中不足的是餐酒選擇比較少，餐廳方面可以考慮改善一下。

第一次到這兒試食, 西式 setting 食中菜, 幾特別, 不過人多長枱傾計無咁方便! 餐廳走自然健康路線, 如果你鍾意食濃味會覺得淡~ 我覺得OK, 同埋食材幾細心, 豆苖用豆胚, 成本貴但嫩口D, 同埋羊肚菌都唔平; 尤其喜歡樱花蝦炒飯同功夫豆腐花, 真材實料, 必試!

一般到蘭桂芳都係飲野或者食下西餐，估唔到呢度有間精緻中餐館，位於California Tower。被安排窗口位,入座後即被靚靚小杯吸引，有尾立體錦鯉，加點茶水後就如在杯中遊走，連飲口茶也突然變得優雅。好，先看看餐牌，三道菜中有一道是素菜。沒有選擇困難，一行三人只需剔走一味就ok。套餐配餐湯及甜品，點餐後送上老火湯，栗米豬骨湯好清潤，而且好足料。野生竹笙烤玉子 （$108）很可口的素菜，碎上的竹笙，配上濃郁的湯汁送飯一流。大千爆炒滑雞球 （$118）帶少少辣，雞球數目就比較少。京果咕嚕炒斑球 （$138）炸得很香很甜，魚塊保持嫩滑，值得一讚。餐後送上冰凍紫米露，不會太甜膩，好味道。套餐小菜都份量偏少，加埋餐湯同埋糖水對小女子來講就剛剛好，若果男生就可能要預備下午茶啦。

燻蛋煙熏糖心蛋，說易不易做，說難又不是太難做，只是花心思及時間，淡淡的茶香飄出，煙熏味不重，沒有搶走蛋的風采，蛋味比較濃郁，蛋黃的部份是晶瑩的糖心，是一道魅力十足的前菜。肴肉一般的肴肉都是晶瑩剔透，這兒的肴肉就略為不夠透澈，這兒肴肉切成長條型，一口一件的尺寸，肉質相對比較結實，但味道不會過咸，沾上伴碟的黑醋，使味道更為豐富。草莓蝦球平日吃都是「鳳梨蝦球」為多，把鳳梨改成草莓，酸酸甜甜的草莓炒蝦球，蝦球經過油炸，之後再用草莓及草莓醬炒蝦球，坦白說蝦球不算上盛之選，而且粉漿稍為有一點厚。但是味道「答救」，個人蠻喜歡的。花膠太子菜這兒的花膠是已經切成條狀，使花膠輕易入口，但花膠就略為薄弱，沒有多少膠質，太子菜就是菜心，反而這個菜心不錯吃，我們吃的都是嫩葉的部份，帶出淡淡的清甜。朋友見到我吃菜心都非常驚訝，讓我哭笑不得，雖然我總是說不吃菜，但有少量的菜我還是吃的，比如這個嫩葉的菜心。桃膠豆腐花這個豆腐花切成一朵朵的開花，這是非常考功夫的，在旁的是最近大熱的桃膠，其實桃膠是沒味道的，桃膠是依賴糖水來提味，糖水的甜味剛剛好，不會過於甜。整體來說，這兒都是一些考功夫、花心思的菜餚，而且大多的配搭都是