粥家莊

营业中

休息中

因為今日另一半有啲唔舒服，所以陪佢去食啲清淡啲嘅嘢。剛好見到有間專食呢啲粥粉麵就可以試吓。呢個碎牛粥牛肉都尚算正常份量，但炒麵就冇乜味，反而蘿蔔糕好多蘿蔔有驚喜

史上最差糖水！！！！綠豆沙冇綠豆😅😅😅😅外賣碗綠豆沙，成碗糖水得幾粒綠豆，係幾粒炸，一打開以為綠豆係底，點知撈到底都只係得幾粒綠豆，每一啖都飲緊綠豆水，真係唔知食緊乜，第一次食綠豆沙係冇綠豆，如果賣到最尾冇貨不如直接sold out，唔好$20賣碗水比我，我要水唔洗搵你啦大家夜晚買外賣真係要望清楚先好走！記得要撈下入面有冇料，或者附近有好多其他更好既選擇，我就唔會再有下次🙂🙂🙂🙂🙂

今朝見唔舒服、返到公司用外賣APP嗌咗個皮蛋肉片生滾粥外賣、嚟到打開碗粥得肉片冇皮蛋、向商戶申請退款被拒絕、致電商戶問拒絕退款原因話只係冇放皮蛋所以唔會退款、叫我聯絡返外賣APP 、完全唔合理🙄🙄咁樣係咪違反商品説明條例？

粥家莊嘅套餐好抵食一定要推介呢個套餐🥢滑牛粥+油炸鬼/牛脷酥 💰$41滑牛粥嘅牛肉份量都幾多佢嘅粥係會水多啲，唔係好杰身嗰種亦會有落薑同蔥我見我外賣嘅時候個碗粥都係滿晒油炸鬼同牛脷酥，只係💰$9 好大舊，同埋好脆牛脷酥係實心嗰種當然朝早同夜晚去買會容易啲新鮮出爐晏晝嘅時間就會凍咗，但係都好食

唔舒服無乜胃口就諗坐食粥，落外賣單：一個皮蛋肉片粥，肉丸粥，蒸蘿蔔糕，叉燒腸，炒米粉。首先，呢間粥家莊每樣嘢嘅價錢都幾平，又唔洗等好耐，但食物出來係好唔掂；1） 兩碗粥難食到嘔，杰過糊又無味，最慘係連材料都無味，究竟係點煮出來2）蒸蘿蔔糕好難食，無味，無任何餡，只係一舊完全純白色由蘿蔔絲堆出來的蘿蔔糕。最閉係啲蘿蔔絲仲要唔熟，又無蘿蔔甜味，完全唔知自己食緊咩3）叉燒腸又係無味，叉燒硬，腸粉皮又厚又硬4）炒米粉又係無味，完全無配料，真係用油只係炒米粉出來，成盒米粉白雪雪，想搵一條配料都無呢間粥家莊係第一次惠顧，已令我畢生難忘，間店啲嘢真係好難食，已經唔舒服仲要遇上劣食，為醫肚忍住食了一半，另一半難食到掉咗，真係絕對唔會有下次

小店有卡位和圓枱兩種座位, 見有卡位便坐下了。醬料架放了胡椒粉, 芝麻, 麻醬, 甜醬和辣醬, 乾淨企理, 客人可按需要使用。早餐和下午茶的餐牌相同, 都是一款粥品/糖水和一款小食的配搭, 價格相宜, 如可展示追加小食價格更佳。早·下午粥餐 $331) 皮蛋瘦肉粥2) 蝦米腸蝦米腸送來時只加了豉油, 其他醬料由客人自行添加。本人喜歡多芝麻, 多麻醬, 多甜醬和少辣醬, 為蝦米腸增添層次。蝦米腸入口順滑, 加上醬料的加持, 美味。皮蛋瘦肉粥附上一匙蔥花, 不喜歡吃蔥的客人可輕易去掉。皮蛋瘦肉份量不少, 皮蛋多顯得瘦肉略少。粥水比例適中, 不會過稀, 且內有花生, 增添香口感覺, 有一定質素。

很久以前 ，啲粥好熱， 腸粉 ，蘿蔔糕 ，都好好食 ，而家啲粥唔熱腸粉凍冰冰，蘿蔔糕又係凍冰冰， 價錢平到冇用 ，平時去買都見事頭婆喺度 ，而家得兩個人一個後生仔 都唔係以前嗰啲員工，應該唔會再幫襯！

10月4日重陽節揾食肥華和靚媽，晨早到土瓜灣，諗住去靚媽同事介紹嘅燒臘店買燒味過節，可能時間尚早燒臘店還未開舖，肥華就同靚媽先到此間個店名令人覺得佢係一間粥品專門店的食店進食早餐，各自點了一碗艇仔粥及碎牛粥，齋腸和炸兩各一碟加一杯豆䊢，肥華食咗一啖碎牛粥就知揰版，因此店個有味粥個粥底杰過糊，完全唔係肥華杯茶，而個齋腸亦唔夠滑衹值C級質素反而碟炸两啲油作鬼夠熱夠脆尚算及格連埋杯豆䊢都可以俾個C+評分佢，有見及此肥華都冇興趣試食靚媽碗艇仔粥，此店個名就夠專業但啲粥就太杰，肥華唔會再去食🙅‍♂️👎😵

豬膶豬腰粥（$35）粥底綿密，豬潤豬腰勁大塊，口感爽滑，一點都唔腥。推介！豬腰滑雞粥（$35）豬腰冇得輸，雞件都算多，但雞肉瘦左少少。菜心食菜好，健康一點，都幾大份。不過菜心唔夠爽脆。牛肉腸粉我覺得粥比較好食，雖然腸粉軟嫩又滑順，但個牛肉好一般。

以前係土瓜灣住果陣間唔中都會幫襯呢間粥店，今日係附近睇開醫生順便過黎懷緬下～我印象中呢度既豬潤係好出色，所以叫左個生滾豬潤滑牛粥($33) 如果叫普通粥基本上１，２分鐘就會有，生滾粥耐Ｄ （但講緊都係大約５分鐘😂）粥依舊都係好足料，有４大塊豬潤同大約８舊仔滑牛～無黎一排果然無令我失望👏 豬潤有一定厚度但ＫＥＥＰ到好爽口口感非常好，完全無血腥味👍👍滑牛相對無咁出色，大約一半滑D一半有少少＂ＵＮ＂粥底夠綿，但個人認為有少少濃味食完都有DＤ口渴～（不過話時話點解碗粥我唔見有薑絲架呢？！生滾粥尤其係豬潤通常都有🤔）另外特別想讚下呢度既服務👍👍例子一：我張檯無晒胡椒粉，我去隔離檯拎完個後生仔太子爺問我要Ｄ咩？跟住就去第二張擺雜物既檯拎返樽胡椒粉放返我張檯，好細心👍例子二：有個伯伯落黎買齋腸外賣但唔記得帶口罩，太子爺話照整俾伯伯（我諗佢都唔想伯伯行多轉），仲叫店員拎個口罩俾伯伯，真有人情味👏👏例子三：有個女人叫左碟蘿蔔糕，太子爺遞俾佢之後個食客先話佢唔記得走豉油，佢都即刻換過碟俾佢（相信好多餐廳都會話唔好意思已經做好左無得換）👍👍經常都覺得呢D家庭式舖頭／小店買少見少係應該支持既💪尤其仲要咁好服務

百物騰貴而家有時出邊買碗粥都要成$40加個腸粉都要成$30 今日身體唔舒服 想食粥 好彩遇見到粥家莊 入到去睇返啲價錢簡直係抗通脹精選 唔怪得知咁多人食 住土瓜灣真係好多平價野食可以選擇 皮蛋碎牛粥$22 粥底冇味精 皮蛋同碎牛都好多 份量都叫好大碗豬潤腸$19 豬潤唔會好嚡 但腸粉皮係有少少厚 但都算過得去 以價錢來講真係冇得輸 炒麵$11 講真而家買個麵包$11都唔多啦 而家炒麵先至10一蚊仲要一大盒 真係良心小店蘿蔔糕又係$11 份量都唔少 味道不錯 正正常常其實見到仲有其他油炸鬼牛脷酥嗰啲真係好想食希望下次再去試過

我每星期都想食一兩次粥當正餐的， 我嘅選擇只有呢間 粥家莊，每次我叫的粥都是生滾粥 例如有 豬腰豬潤粥 及第粥 因為冇豬嘅腥味 煲得唔會過熟 非常爽口 粥底有非常之棉又香 還有柴魚花生粥 都是我的首選。 另外仲有一定要叫嘅腸粉或者炸兩 非常之有米香味又軟滑，加埋芝麻 甜辣醬就非常之perfect，有時多個人一起去食還會叫炒麵或炒米 蒸蘿蔔糕 油炸鬼 牛脷酥 食完就非常滿足。 有時夜晚去淨係食碗也很出名的海帶綠豆沙或紅豆沙都係一個好選擇。 另外經常都好多街坊自備飯盒飯壺買外賣就知道幾受街坊歡迎啦。

一個簡單餐牌，已經展示出全部的售賣種類。其實好容易看，早、下午粥餐分別是6-11:30am，3-7:30pm。只在中午的時候收費較貴。不同粥類配炸品、腸粉、蘿白糕、粽，由於食材不同，自然就有不同價錢。自由配搭很有彈性，悉除尊便。及弟粥，粥底幾漿和傑，但無米香，粥內有豬潤、粉腸、豬腰、肉片，大大片，雖份量唔算多，但都滾得剛好，豬潤和豬腰都無淋且脆口。蒸蘿白糕，雖然粉多蘿白絲少，但份量不少，味道可以，飽肚是足夠的。

因為自己一個人帶小愛人上學，要等1小時，時間正好用來吃個早餐，吃膩了西式早餐，今天來個中式早餐。另外最主要是如果大愛人也在，他只會吃西式早餐，終於可以一個人吃中式早餐哦！我是第一次光顧這店。因為早餐我吃不多，我點了炸腸及熱豆漿。炸腸的味道是傳統懷舊味道，腸粉夠嫩滑，入面的油炸鬼也算是脆口，加上甜醬丶麻醬丶芝麻，味道十分可口。至於那熱豆漿，我則感到十分失望，顏色望上去明明是豆漿的顏色，但我完全喝不到黃豆的味道，只是甜的水，我最愛喝豆漿，每次也會喝光，但今天不得不放棄一半，健康quota有限，不想浪費！整體而言，見同枱的粥品也很靚仔，相信只要不喝豆漿，也是很好的一間粥店。

岩岩熟既豬膶仲好爽口，加胡椒粉食可以減輕內臟既味道，粥底軟綿有調味 而食粥加牛脷酥是常識吧？牛脷酥做到外脆內軟，食落甜甜地，合格。....#hkfood #hkfoodblogger #hkfoodreview #hkig #hkfoodie #travelhk#foodstagram #eatstagram #foodie #foodblog #foodig #instafoodie #foodporn #foodreview #foodhunt #foodbeast #life #comfortfood#먹방 #맛집 #인스타푸드 #홍콩 #먹스타그램 #일상#comida #delicioso #comer #gusto@eat_travel_weekly @ufoodhk