粵翠軒 (已結業)

星期日, 一行10餘人到青衣探親. 夜晚係青衣城粵翠軒晚飯.叫左成13個菜, 當中有下列幾款.甘蒜醬皇雞 - 蒜蓉超級多, 有些甜豉油, 味道香濃.梅菜王扣肉排(左上) - 梅菜好香, 肉排唔肥. 怕食肥肉既人不妨試試.鮮蘆筍配南瓜汁(右上) - 賣相一流, 但南瓜汁味道輕微.嶺南牛仔肉(左下) - 牛仔肉幾淋(真係牛仔肉?), 醬汁有點喊, 所以一定要用塊包包住黎食.田園生菜包(右下) - 賣相好似個兜倒卸野咁. 用料味道非常清淡, 如蘿蔔粒同粟米粒, 再用生菜包埋, 淡上加淡, 就算落埋配醬都係普普通通~... 成碟最好味既唔係d料又唔係塊生菜, 係個兜 - 半個南瓜殼

潮興懷舊，但又要玩健康，這個「半新還舊」的鴨腳包，用鬼佬煙肉代替鴨腸，說是健康，其實是避免了洗腸、川水的功夫，吃起來口感遠遜傳統的做法，餡了也只得零聲燒肉，比起得龍的版本，味道相去太遠了，真是新不如舊。

星期六一家四口到青衣城粵翠軒吃晚飯.近來興懷舊, 這兒今期推出<<老點家老菜>>.漁家鳳凰炒長遠($58)只聽名字真估不到是什麼菜式,鳳凰是雞蛋, 長遠是粉絲, 喻意長而不斷. 漁民出海, 家人做這菜祝福他們平安歸來.炒得夠乾身,不會吃到一口油.真味百花蒸豆腐即蝦膠釀布包豆腐, 豆腐夠嫩滑.心思思豬油撈飯($10)不是人人有勇氣將豬油全撈入飯中, 真是又想食, 又怕傷身.意米福果糖水($12)即腐竹白果意米糖水, 夠滋潤又不太甜.整體來說, 食物味道不錯, 價錢亦合理.不過人手好像不足, 服務員看來很忙碌, 我們用信用卡結帳, 全程等候超過十五分鐘.

第一次到青衣飲茶, 見到青衣城分別有4 間酒樓: 粵翠軒' 稻香'潮樓'聯邦皇宮.稻香'潮樓'聯邦皇宮我都食過, 所以就揀左粵翠軒.入到去沒有人帶位, 咁岩有個海景位置, 落地大玻璃旁, 我同母親二人二話不說便坐下.點心的選擇不太多, 都是大路點心.因為是下午茶的關係, 粵翠軒有幾款點心是特平,中點 $ 12.X , 大點$ 14.X , 價錢不貴. 但如果非下午茶/ 早茶, 大點便索價$ 20 .看看他的餐牌, 原來是MX 集團的.我點了燒賣, 粉果, 排骨陳村粉, 叉燒包, 奶皇包等了一會, 點心才送上, 相信是即叫即蒸的, 燒賣的樣子好吸引, 大大粒, 可是不太有鮮味, 蝦不夠爽. 粉果的皮很簿, 但簿得黎不易穿, 饀料也惹味, 粉果值得推介!!排骨陳村粉: 陳村粉吸晒D 汁, 很好味, 排骨不肥而且軟硬適中, 只是略遜一籌是太少陳村粉,不過排骨就足夠, 有五件.奶皇包是特平點心之一, 只要$9.8 , 真係幾抵食! 奶皇包的包幾軟熟,而且 我覺得比較甜.很香咸蛋黃味, 但饀料是流沙的, 這叫流沙包是否比較合適呢?叉燒包新鮮滾熱辣, 一籠兩個, 沒有什麼特別.食完之後我仲唔夠,

平時飲茶就多,dinna就真係未試過一家人黎左一試..一入到場幾舒服可能早啦果陣先7點..人就唔多..就算多都唔嘈呀..可能d位都分得開.枱同枱之間有適當距離..叫左幾樣野..桶蠔,西檸雞,生菜包,糖醋魚..桶蠔是十分肥仔的..好好味,好似百零蚊左右..大半隻手掌咁大啦西檸雞就mama地嚕..個汁d味有d假..生菜包既料好多..生菜得幾塊..好多料都無野包..撈飯食呀要haha個魚就脆脆地好有味!!good成餐都好滿足呀!我地坐卡位..好舒服..d人都好好禮貌

我同屋企人唻食Dinner我地食左生菜包,好好味,D菜好爽口,D料好香口,正呀!!!食了蠔,食食蠔都好肥,大大隻,好似手掌咁大,成餐最正係呢個仲有豬軟骨,檸檬雞等等都好正不過幾貴下,份量較少,要嗌好多樣先夠飽內在環境優美又舒適,總括唻講都係好正的洒樓

常常都來呢度食家庭飯,今次訂了枱食母親節飯, $998 的六人餐, 用 HSBC card 有 85 折以為好抵!今次好大問題: D 餸上得好好好慢, 食咗個半鐘有多先上晒D 餸, 條魚仲要係唔追都唔上!!!D 餸都係平時的手準, 但係好嚴重的問題: 點解個翅入面, 我連一條翅都搵唔到????我真係好留心去逐羹睇, 真係發現成碗一條翅都冇, 之前食過完全唔係咁的!不過母親節食飯, 唔想鬧大佢, 所以冇出聲......飯後我問老公佢嗰碗究竟有冇翅, 佢都話完全冇!!!係個廚師唔記得落?? 定係美心集團慳成咁??如果你一早話我聽係冇翅的, 我寧願改例湯囉!龍蝦都 ok, 但係一隻大一隻細, size 參差得好離譜!好失望的一餐!

昨晚與男友在青衣城覓食, 逛來逛去也沒有哪一家特別想吃。 行經粵翠軒, 看見門外有一個老虎魚、蝦、蟹餐 (任選二款$198), 就決定試一試。侍應安排我們坐卡位, 位子挺寬啊, 坐得好舒服。 餐前小食是青豆和鹵豆乾, 味道不錯。 我們點了蒸老虎斑和薑蔥焗肉蟹 (餐牌是焗蟹, 但侍應說是炒蟹), 另加一個鮑汁荷葉飯。魚先上, 火候剛剛好, 未離骨, 魚肉很滑, 配上蒸魚豉油, 味道真的很出色! (比我上週去婚宴吃的那尾魚更好)接著是變成了炒的薑蔥炒蟹。 哪個汁帶點甜, 挺討人喜歡。 店家細心的把蚶的殼敲碎, 方便進食。 不過有一敗筆, 蟹走油的時間太長, 肉都收縮了, 令人嚐不出蟹肉應有的鮮味。 最後來的是荷葉飯, 飯炒得很好, 顆粒分明, 調味的醬汁平均的沾上每一粒飯, 卻不會太溼, 亦沒有過咸。 我們二人吃得好滿足哦, 吃飽了還喝了一壺水仙, 坐了一會才離去。 同場有很多桌是來預祝母親節的, 大都是斯文食客, 沒有太吵鬧。

同佢去沙田行街，諗住十居其九「新城市」KO，點知搵唔中野食。結果俾左兩個選擇佢 - 九龍塘既「八月花」同呢間。（我話要食中菜嘛。)點知「八月花」六點未開，反正都係美心集團，都係返青衣食再去葵芳「滿記」......佢話隻餐前秀珍菇唔錯，而我則叫左香片......都OK濃，不過寒無端傻左打瀉杯茶，結果勞煩人地去抹......(可能冷氣夠凍既關係啦。好快就乾啦。)金蝦海皇翅適時做半價，叫左兩碗。之後仲叫左個彩椒炒鴨胸、金沙脆豆腐同埋金銀蛋浸莧菜。金蝦海皇翅：小巧精緻。隻蝦點綴得黎OK大隻，而竹笙同翅都Pieces細，唔駛點o趙.......　　　　　　仲有下面既蒸蛋白，襯埋琥珀色既濃翅羹，味道中和番。佢仲拎黎撈飯，　　　　　　豪氣得黎又多樣送食。彩椒炒鴨胸：夠鑊氣，椰菜夠爽，不過見有黑椒唔出味，鴨胸OK但易凍@@"(冷氣累事?)金沙脆豆腐：蒜椒粒蓋晒小粒炸豆腐，趁熱食係可以既＊金銀蛋浸莧菜：可能有湯浸的關係，夠熱而且菜腍，　　　　　　　蛋方面份量適中，不過建議用隻羹「畢」會好d=)另外仲叫左個擔擔麵 - 花生味濃麵夠爽但唔辣既@@"服務還可以，但可以更主動*埋單$3___，不過比起朗豪粵江春

二月下旬辛苦工作，為的莫非是想令家人及朋友吃得好一點，周日與家人玩煮飯仔，一支大孖頭手盆曬豉油令媽媽驚喜，而平日有時間一家人飲茶，也會想找間坐得舒適一點，而比較上少化學添加的酒家。比較起同場的稻香及皇宮，max concept的粵翠軒明顯是貴近六成，但環境及配套也相對的好一點。要了幾款點心，腸粉皮不薄餡不靚亦不夠熱，還好是墊低豉油是無加味蒸，蝦餃小巧精緻，爽而不腥，皮雖穿漏了，但比起稻香的化學霉腍蝦，這裡也叫做吃得放心，山竹牛肉就很麻麻，彈牙爽口欠肉味，色呈粉紅，是下重鹼水味之故，老人家性格是不好浪費，就與老弟分拆，不好叫老人家吃苦麻。

位於青衣城的粵翠軒是美心集團其中一員，以中價，優雅的粵菜在青衣打拼，今次成為美豬蓮2010年第一間測試餐館。環境方面：餐館以紅啡白爲主色，加上海景，遠眺荃灣葵涌一帶，並以清新簡約設計，為配合食物的賣相，上菜盛器亦有精美的設計，令食客感覺潔淨高雅，據說是嶺南派的特色。食物方面：今次美豬蓮一行五人點了一個四人餐另加兩道撚手小菜包括酥炸生蠔及嶺南牛仔肉。套餐有元貝海鮮羹、翠玉瓜炒蝦球、什菇炒菜苖、紅燒乳鴿、清蒸海班和椰汁紫米露。其中元貝海鮮羹用料十足。紅燒乳鴿其用了中鴿，多肉多汁。但清蒸海班略過火，鼓油不夠鮮味。酥炸生蠔是桶蠔，肥大乾淨，外脆肉軟，蠔汁十足，配生菜一起吃再加少許淮鹽和喼汁更滋味無窮。另外嶺南牛仔肉也是本店的招牌菜，將牛肉粗獷的感覺完打破，變得優雅秀麗，野味帶甘甜的汁芡配合蔥爆嫩滑的牛肉片，真是一吃再吃，與夾餅一起吃更加美味。雖然夾餅只得五六塊，但是伴白飯吃亦佳，美豬蓮也推介這道菜是值得一試的。服務方面：水準一般，有待改進。 總括來說，散叫多滋味，套餐無問味

環境真係唔錯..個日叫左.....醉酒雞翼..酒味不是勁,而雞翼雖然雪藏.但都好正腸粉...好滑..碗雞瀨雞好新鮮.......的湯無味精.最鍾意無葱服務合格價錢一百一十元....好合垩

一直都好想試試來呢間店到飲茶,今日終於都同左女友試下,但真係失望.首先,d小二真係冇禮貌,呢d已經o係其他美心o既酒樓領教過,但冇諗過連呢間都係咁.叫左個匯豐卡餐加左兩酵點心:蝦餃:皮厚,d蝦唔新鮮,食落竟然冇味,而且個賣相唔討好燒賣:賣相唔討好,又一冇味之作叉燒腸叉燒竟然有筋,腸粉好似唔熟...鮮竹卷:味遁ok,而且足料奶皇包:冇流沙,但都算有蛋味揚州炒飯:炒得好,飯身妙明,足料,蝦夠彈牙,夠乾身,好夠味.我覺得一人折左都要$105,你比咁o既質素o既野我,真係唔合格law,下次如果有折可能會考慮再來o既,正價?冇可能再來law!!

因為工作需要到青衣，同事間沒有人熟識青衣，隨便找一個地方食完午飯便回公司。地方很光猛，全落地玻璃，面對葵涌，看著藍巴勒海峽，風景很不錯。因為都是趕回公司，所以沒有叫特色一點的食品，都是一般的點心及一窩蕃茄牛腩...麵? 米線? 忘記了。牛腩做的很出色，不會韌，蕃茄湯不濃但又夠味，好! 干炒牛河也是大家也讚好；流沙奶黃包的饀料不會水旺旺的流出來，剛剛好；其餘的點心有部份比較精緻，精緻得來又美味，總之大家都對此店印象很好。

food is ok. come very fast. taste ok. food is expensive. 2000 dollars with home membership card. free 2 hours parking. no free sweet soup and no free fruit. 9 ppl give us a window view table. this is nice. not a lot of ppl on friday nite. just around 2/3 full. this restaurant should be the best in tsing yi. but compare with t.s.t. and other places. i think with this price, should have a better choice. no hsbc or standard chartered visa discount during cny. there is some people playing mar jong a