粵翠軒 (已結業)

好友餐入伙酒,大多數菜色都幾色香味俱全,其蟹黃翅,蒸石斑,南乳燒雞,蘭花炒帶子都好正,又大碟;環境都幾寬敞,又望海景,服務周到!

偶爾都會o黎，雖然唔係好有名氣的酒樓，只係青衣城眾多食店的其中一間。不過呢度環境，服務同食物都頗有水準～！座位唔窄，幾舒服。地方又比較大，所以冇咁嘈。你知多數香港人講o野大大聲，有時去Ｄ人又多地方又細的地方食飯真係...呢度就唔錯，同屋企人o黎食飯都唔怕好似嗌交咁。酒樓o黎講算唔錯。侍應態度都幾好，都會介紹下有乜好菜式。上菜速度算快！雲吞雞好味，煲完的雞肉幾嫩，唔會鞋口。湯底同雲吞唔錯。而且份量多，一檯人一人一碗仲有剩。風沙骨香口，有好多炸蒜蓉o係面，鐘意蒜味的人一定鐘意。不過頗熱氣～偶爾食下就好～總括o黎講，呢度各方面都有水準！如果去開呢頭，唔想去稻香同人迫，或者唔鐘意敦堭咁行貨，可以o黎呢間試下呀！

食物唔差, OK啦~ 不過幾貴~ lunch time,廚點($32)4個, 中點1個, 大點1個, 兩位茶芥(芥$15, 茶唔知), total $240埋單~ 不過環境好過樓下稻香好多, 有海景, 地方闊落, 又唔駛好似稻香咁要搭檯~

早茶好抵食，又好食，環境又靚，服務又好，總之正！！

地方細細食物不錯, 特別是燒肉, 皮脆肉滑, 勝過金龍船. 服務極佳令客人滿意. 值得食一