粵軒

营业中

休息中

呢一間小菜館出品真係唔錯，絕對係其中一間被忽略咗嘅隱世小店，我哋叫咗四樣嘢四樣都好好食。蠔皇蝦子油皮超正，有皮炆得夠入味，而且好軟熟，呢啲功夫菜外面好少有機會食得到，蝦子溶入油皮入面好和味。胡椒豬肚湯浸雞亦都唔錯，胡椒豬肚湯嘅胡椒味又唔會搶晒啲味，雞都好新鮮，唯一缺點係少肉多骨，半隻雞份量都幾大碟。豉椒牛肉粒粘米粉亦都係做得唔錯，米粉煎得夠薄夠乾身，啲煎米粉放面就唔會俾啲汁整到腍晒，牛肉粒亦嫩滑。大芥菜煲嘅芥菜新鮮好食，落咗火腩落去一齊煮，令到成煲嘢嘅味道更加出。小食係腰果，另外原來佢有兩間舖所以都坐得幾舒服，唔會好迫。

食物嘅味道係好好味，都第二次幫襯，是次幫襯是非繁忙時段，攞位嘅時候，職員問我哋搭唔搭枱，唔搭枱要等多一陣，等完入座之後，嗌完嘢食，食緊第一隻包，另一位職員便安排人搭枱，當時我已經明言我哋係唔搭枱嘅，嗰位職員態度極之惡劣，話而家冇位，有一位要搭枱，唯有安排喺你度。但係明明我隔籬嗰兩張枱已經買咗單準備走，佢都照樣咁做。冇2分鐘，隔籬嗰兩張枱全部走曬，搭枱嘅人都未落單，佢唔安排人哋坐過去，明明就係想偷懶唔執枱，強迫顧客。態度極之惡劣，以後都唔會再幫襯，仲要西口西面，今時今日個市道咁差，仲要咁樣態度。

今日同幾個朋友諗住北上🚃食好嘢，點知有個朋友話（大圍）有間粵菜啲嘢幾好食😁就決定留港消費支持1吓（香港小店）👏👏👏個朋友果然冇介紹錯👍🏻佢哋啲點心真係有驚喜，最出色就係個「蝦腸」🦐每隻蝦仲大過隻5蚊銀🪙，啲蝦非常之爽口🍤。「山竹牛肉」啲牛肉.好新鮮.好鬆軟.好有牛肉味，個夥計聽到我哋講嘢，仲話啲牛肉係每日新鮮打架，個樣叻叻咁樣😤。幾個朋友一致肯定全餐MVP 1定係「咖喱魷魚」，咖喱魷魚每件都好厚，咖喱味好濃，最特別係碗底竟然有烏冬，如果再多啲烏冬就勁正啦。「豉椒牛肉炒麵」啲麵勁脆食到最後都好脆，牛肉一樣係好新鮮，正👍🏻「黑椒牛仔骨」就非常之惹味，味道啱啱好，唔係好鹹，全餐最普通就係「排骨陳村粉」啲排骨味道冇問題，陳村粉因用隻碗太細豉油都放唔落👎「鹹魚肉餅飯」啲飯粒粒分明，啲肉餅夠鬆軟，啲肉味都好燶，講真呢間舖頭啲牛肉同豬肉質素非常之高。最後仲食埋個甜品「焦糖燉蛋」🍮講真，真係好好食👍🏻蛋味非常之濃，仲好食過專門整甜品嘅舖頭。

今日去飲茶 我選擇了粵軒希望試下點心 今日點咗芝士磨菇雞批 香濃車打芝士味 焗到熱辣辣上枱香煎臘味芋頭糕 芋頭大大粒 獨有的粉糯口感 同我多年訂購的賀年芋頭糕一樣 啖啖芋頭香 絕對係我過年送禮既賀年食品首選 走唔甩 加多個靚正鹹魚肉餅飯 梅頭肉剁碎再加上䱛仔鰔魚 鹹香無比 細細煲 份量一流黎多口甜點 迷你荳沙鍋餅 外層鬆脆 內𥚃餡料十足仲有個迷你奶油雞蛋焦糖燉蛋 表層薄薄一層焦糖 軟脆互襯 冷熱交織 好味到不得了值得一提既係 每年我都會來粵軒預定賀年糕點年糕 臘味芋頭糕 仲有臘味蘿蔔糕今年都唔例外 一定支持希望粵軒今年會繼續推出這些賀年糕點（ 撐 撐 撐 ）絕對係糕手粵軒

最近真係愛上食中餐，好彩有朋友帶我黎覓食，食咗餐性價比高既中餐廳，之後會再帶長輩過嚟食，佢哋一定會十分滿意，呢度係老牌大圍粵軒，屹立大圍十多年以上，經歷過十多年既風風雨雨，都有一定既信心保證，食品質數當然都了得當晚我哋一行3人，休魚期後，我叫咗個豉油皇花竹蝦，每人3隻，個個都讚不絕口，再蒸咗條清蒸黑瓜子，滑到不得了，加埋D蔥絲，真係好好味，叫多個薑蔥蠔煲，一打開蓋，薑蔥味已經湧唒出嚟，D蠔又夠肥美，正，嚟多個南乳豆卜炆齋煲，啲粉絲索滿南乳汁，最後奉上小布甸我覺得一定要推介必食之選《豉油皇花竹蝦》真係超級好食，大隻之餘仲好爽口，真係超級滿足我諗我鍾意咗粵軒喇！！

今次再去粵軒食生日飯，再先預定客家蘿蔔老甲中蝦煮湯丸，再蒸番條紅卜卜既紅瓜子魚，肉質細滑，充滿魚香，簡單以豉油點綴，有另一番風味，再加多個肥厚椒鹽鮮鮑魚，彈牙味濃，口感充滿驚喜，加多個經典鮑汁手工蝦子柚皮，完全不油膩又充滿蝦子既鹹香味粵軒D餸菜唔花巧 實際型 勝價比高抵食夾大件 唔似其他舖 銀碼大 內容少香港人講求實際服務要最好 我去咗五星級酒店啦

因為有國內既親戚黎香港玩幾日，聰明既我一早訂咗佢地酒店附近既粵軒吃晚飯，仲特別訂咗客家咸酸菜煮豬肉第一刀鮮魷，鮮甜到不得了，仲有客家黃酒煮雞，濃濃黃酒香味撲鼻，雞嫩滑新鮮，真係同我地補一補，再黎多幾隻奄仔蟹，肉實，糕多，好香啊！老闆娘再拎多幾杯飯後甜品榴槤布甸比我地，滿滿榴槤肉，真係令我地流連忘返啊！ super yummy 😋

今日閑日去完睇梅艷芳展覽❤️我哋諗住去附近食啲嘢去咗大圍睇吓有啲乜嘢好食，竟然俾我搵到間驚喜嘅中菜😍佢哋個（安格斯牛柳煎米粉）🐂真係好食到冇朋友😜最特別係佢哋個米粉係反轉嚟煎，食到最尾仲好脆👍👍👍需佢哋個（山竹牛肉）🐮同出邊嗰啲唔同係用新鮮牛肉打，勁好食，食過你就知我冇吹水😘好耐未食過咁好食嘅（椒鹽九肚魚）🐟外脆內熱，魚勁新鮮，外皮啲粉又薄，真係好似食天婦羅咁🍤一定要叫佢個鮮（蝦腸）🦐每一嚿都有一隻勁大嘅蝦仁真係好耐未食過咁好食嘅蝦腸。不過佢哋個（炸雲吞）🥟同（海蜇青瓜）🥒、就普普通。一定有下次👏👏👏

同朋友去大圍搵食，大圍友介紹去咗地道食小菜的小店，飲老火豬肺西洋菜湯，炸脆膳，啫啫時菜煲，白切新鮮雞，梅菜扣肉，全部都有在家吃的感覺，味道不錯。老火豬肺西洋菜湯特別喜歡老火豬肺西洋菜湯好足料，勁多豬肺，呢個絕對係手工湯水，洗豬肺工作序都唔少，個湯好好飲。白切雞 半隻用了新鮮雞整，味道同肉質真係好食好多。炸脆膳炸得不錯，又香又脆，配洒吃一流的配搭。梅菜扣肉好傳統的做法，梅菜好香又入味，扣肉炆得好入味又淋，入口即化，送白飯最佳之選。啫啫時菜煲好懐舊的小菜，味道都唔錯。小店送的芒果布甸都好足料，又大杯又多芒果🥭粒粒。重有我哋帶紅白洒去飲，不用收開瓶費用，抵贊。不過環境就一般般，比較舊式。

逢星期日，每個早上，在適合的天氣下，我們十多人行山，路線城門水塘段，享受寧靜之地，落山後，我們一定會到粵軒食個中午飯，老板娘專登為我們預備（燉湯）因為佢知我們都鍾意飲燉湯非常真材實料粉葛鯪魚粉腸豬踭湯我同老板娘講，以後逢星期日我們都會返來飲湯佢搞笑咁話：知啦其實老板娘係好人黎架！ 只係睇下啱唔啱嘴形

今日公司搞聚餐，我地1打人走咗去粵軒食午餐，有老細請，當然可以狠狠地食返餐，叫咗接近40個點心，再加埋脆卜卜既麻花，正，我就最喜歡一口漢堡仔同埋個灌湯餃，粵軒既點心同大集團既點心真係完全唔同，即叫即蒸，用料新鮮，同事們食完都讚口不絕！

以中菜館來說，粵軒既價錢並唔算貴，很多小菜都是百零蚊，它的小菜份量充足，西洋菜豬肺湯亦非常出色，最欣賞的是清湯蘿白牛腩，正；新鮮白切雞也是美味嫩滑，整體出品非常滿意，食品新鮮，份量亦比其他店舖多，正我經常幫襯既原因

首先剛進去，第一張桌子就有一顆像老鼠大便的黑色顆粒和幾隻小蒼蠅、蚊子等等。然後我們跟職員說，她就用手把那一顆黑色顆粒撿走。但我們還是猶豫要不要坐，她才說幫我們換位置。之後我們就開始點餐，叫了上湯龍蝦炒米粉、梅菜扣肉、椒鹽炸鮮魷、蒜蓉炒莧菜。食物很快就煮好，龍蝦也很大隻，但是都不好吃。龍蝦沒味道，像吃口香糖，梅菜扣肉的肉有點硬，鮮魷有點濕，會和炸粉分開，不像剛煮好，菜口感澀澀的。不過不好吃也算了，下次不來就好。但這時候隔壁座的人開始面有難色地指著地面，我看她很小聲說「曱甴（蟑螂）」。然後又指着對面的女士說上面掉下來一隻在她手上。。我們才發現地面開始有幾隻蟑螂到處跑，我跟男朋友實在太害怕就跑出去了，只有他家人和其他客人留在餐廳繼續吃。但不久我們隔壁座的都跑出來了，原來是上面又掉了一隻很大的蟑螂下來，老闆還用衛生紙把牠捉走。之後其他客人也陸續走了，當我男朋友家人也去付款的時候，又有一隻大蟑螂出現，還飛到他胸口上！但他還是付款了（不知道為什麼還要付錢），共港幣兩千多，店家只有一句「不好意思」。

中式餐館，裝修簡潔，簡簡單單點咗幾個小菜，價錢中規中矩，但味道真係好好味，乳鴿都算大隻，有肉味，梅菜扣肉，超好味，濃味得黎又唔會太咸，個牛仔粒煎米粉真係不得了，好味到差D叫多份，呢度D菜式真係有如傳聞，新鮮，份量多，D服務員態度都可以，食到7788，老闆娘仲笑笑口送甜品比我地，簡單幾個小菜，又過咗一個開心既晚上

中午點咗特色冰梅骨，上嚟咬落發覺豬肉不新鮮，夾帶一股臊味，老闆娘堅持講係新鮮豬肉，要求換另一種菜式，佢唔同意只係同意重新上一碟，但第二碟上嚟或者想掩蓋豬肉嘅味道炸到又老又柴，再次反映才同意換另一個菜式，咁就點咗個豉油王白鱔，上次去試過這菜味道還不錯，以為唔會中伏啦，點知今次上嚟一啲味都冇且份量明顯減少，另外點咗油菜上嚟又硬又老，兩碗絲苗米等咗好耐，但係上嚟係夾生嘅飯，算啦，唔想同黑面嘅老闆娘爭拗啦，兩人食付了277元未食飽，去圍一燒鵝再食過算啦