糖佰府 (已結業)

九龍城食完泰國菜之後未夠飽，就試吓呢間甜品，因為時間尚早冇咩人就即刻入去食！見到個餐牌，佢啲甜品比普通鋪頭平，有啲明星相，應該冇中伏啦！叫咗個朱古力心太軟，同綠茶綿綿冰！個心太軟好正好流心，仲配兩球雪糕，都係$42， 抵食！綠茶綿綿冰，味道都唔錯，但我覺得心太軟好食啲，都係$4x！總括嚟講呢間甜品好食又平又抵，會再嚟！

秋天仲係熱辣辣，暑意未消，芒果豆腐綿花冰加士多啤梨雪糕涼浸浸。綿花冰入口幼滑，冰底帶有清新既豆腐味道，甜甜既芒果汁撈埋一齊，點點芒果肉好鮮甜，好豐富！新鮮焗好既心太軟，朱古力慢慢從中間流出，咬入口外表暖暖的，咬著鬆軟，朱古力味道不錯，加埋內裏流心朱古力醬，配合涷涷既雲尼那及朱古力碎粒雪糕，更好！咬落朱古力雪糕有朱古力碎粒在內，有口感又好味！芒果窩夫和士多啤梨雪糕，好豐富！窩夫好鬆硬，焗得香脆，同芒果一起吃好味，加左士多啤梨雪糕層次提升埋，正！

秋風起，要滋潤下雙丸椰皇紫米好啱食完個椰子仔上枱開左椰子蓋，嗅到好香椰皇香紫米配椰汁係絶配湯圓好湮刃，又香芝麻香甜中帶清新食完仲可以食埋周邊d椰子肉配合紫米及椰汁入口又有椰香又甜又鮮拿破崙什苺味，賣相相當吸引拿破崙的一層一層酥皮，又脆，焗得又香口中間吉士又軟又滑仲有朱古力醬配合埋帶酸甜既藍莓、士多啤梨配搭得更令人覺得好味心太軟焗起外凍內暖中間朱古力醬慢慢流出來配合綠茶、朱古力碎粒雪糕好喜歡有碎粒的朱古力雪糕有口感好快清曬

🍴椰木飄香 45 蚊 🥥外表靚靚既甜品😃用原個椰皇放住 入面有特製椰皇冰 口感軟熟 冰凍透心涼❄配鮮什果 有西瓜 蜜瓜 哈蜜瓜 芒果 藍莓 香蕉 🍉🍌🍈 材料豐富新鮮 好味既甜品😃🍴榴槤忘返 42 蚊🍡用夠哂軟滑豆腐花做底 加左好多小丸子 椰果🍡🍬 夠哂煙靭彈牙 原個榴槤口感甜同香濃 正😆🍴什莓窩夫 🍞 配綠茶雪糕 🍵🍦43 蚊用左 棉花糖 🍬藍莓 士多啤梨做裝飾🍓 窩夫 食落好香脆 朱古力味香 但唔會太甜🍫鍾意既可點少少蜜糖食都唔錯🍯加埋自選既綠茶雪糕 甜甜地又帶 d茶味 🍵同香脆既窩夫一齊食都幾 match 😃#甜品 #榴槤 #窩夫 #雪糕 #綠茶 #生果 #椰皇 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#糖佰府九龍城龍崗道6 號地鋪~~~~~~~~~~~~

去九龍城食完飯冇咩野做就梗係要食番個甜品啦！開頭search以為呢間係平時食冰果間糖百府 但一入座就知原來唔係🙈🙈甜品款式好多 要選兩個真係幾難🤔最後選左蘋果批同芒果西米小丸子入面既小丸子食得出係自製 因為同我屋企以前自製既好似 比較林身 唔會太qq既感覺🙈🙈呢個甜品等左好耐 係即整 酥皮做得非常好 食到一層層❤️蘋果硬左少少 如果又林又甜就會更好 不過配埋雪糕其實都岩岩好埋單都係70蚊到 真係比其他鋪平呀👍🏻

話說前幾日係九龍城食完宵夜見到呢間糖水舖就屎忽痕入左去試下 ，點左個白雪世界奶曬野，食落去啲芒果一食就知奶野味道怪怪地 d小丸子又硬 ，係咪隔夜嫁？#真係寧願去7-Eleven 買枝楊枝甘露都冇咁難頂啊⋯⋯究竟係咩世界#還我白雪世界……最可怕的是隻碟邊還有一點點黑色污跡 ，有冇洗乾淨嫁？立即同樓面反映投訴 ，樓面立即黑口黑面…食唔落怕過鬼 ，立刻埋單走人 ，絕冇下次 絕冇下次！絕冇下次！！#中伏#中伏#中伏#####

唐伯虎即唐寅，明代著名畫家、文學家。字伯虎，又字子畏，以字行，號六如居士、桃花庵主、逃禪仙吏等，直隸吳縣人，吳中四才子之一。是次惠顧店名「糖佰府」，沒有唐寅的風流藴藉，卻有甜入心的小甜點。店舖扎根於九龍城多年，已有一定的捧場客，後來於將軍澳開分店，便更為人熟悉。香港人愛吃榴連，見某連鎖快餐店出的榴連新地一出便買斷巿，便知香港人對榴連的喜愛程度。朋友選了這命名「榴戀天使」及「榴金歲月」，各$42，單聽名字便感覺有意思和廚師的用心，果然用上上等的榴連，軟滑甘香，配上不同的椰果菓凍，口感有口嚼，又滑溜，椰奶香甜細膩，整體十分夾。蛋白燉鮮奶，白上加白，聽上來已感到幼滑無比，果然非常幼滑，一口便吞進肚裡去，十分抵食，只售$22。茉茶雪花冰，沒有傳統茉茶店的超重茉茶味，沒有那苦澀的感覺，帶來淡淡茶香，配上紅豆、圓丸、西米和朱古力彩糖，兒時的味道立即回來，這雪花冰也只售$38。番石榴雪花冰（$40），雖然比茉茶雪花冰貴了一點，但番石榴的香味濃郁，同樣的有許多配料，不過本人不吃紅豆，跟服務員說了，他也禮貌地協助，加分！吃過豐盛的晚餐，來這裡吃過甜點，真是完美的句點，相信唐寅來必會為此提詩。

友人是芋圓控 飯後要找有芋圓的糖水店一番搜尋後 決定來這裡吃芋圓甜品款式眾多 可惜眼闊肚窄 晚餐已經吃飽飽沒有選到心太軟這些甜品選了比較輕型的紅豆沙芋圓和雪糕芋圓豆腐花芋圓彈牙 非常有芋香 另外地瓜圓也很有蕃薯味 和坊間那些只是吃粉的很不同豆腐花香滑清甜 紅豆起沙加上外面天氣炎熱整個甜品非常美味消暑 如果不是已經吃飽飽可能要再encore呢！！另外一碗紅豆沙芋圓沒有拍照，這款是熱食，紅豆沙除了起沙外，也有陳皮白合蓮子！是傳統煮法，也是我所喜愛呢

第一次寫甜品店食評。糖佰府最初做綿綿冰起家，哩點，我絕對明白。哩次有人請我落九龍城食飯，我當然回禮請番人請甜品，有來有往上等人嘛！點咗芒果什果涼粉丸子，椰林飄香各一客。芒果什果嘅芒果汁底味道淡咗少少，如果濃郁多d更啱我口味，丸子夠煙軔夠彈牙，椰林飄香面層鋪上什果，內藏椰汁打制嘅冰，係熱死人嘅夏天食，感覺一流。我地坐咗係門口第一張枱，係夏天黎講，冷氣足夠喎！只係店鋪面積細咗d，好似一條走廊，坐得唔係太舒服。

在九龍城工作之後，因下著大雨，加上與朋友很想吃點輕食，在附近找到了這間甜品店。門口有一個很矚目牌，很易讓人知道這裡有甜品店。牆身貼滿了藝人向餐廳的合照，有些亦有簽名，讓我欣賞了好一回。甜品的種類有不小，而且價錢很實惠，絕對不是貴的。我們點了3款甜品share吃。芒果棉花冰 $40它的冰是牛奶味冰底，芒果汁甜甜的，當中亦有點芒果果肉。味道上，有芳香的牛奶味，而芒果汁的甜味比較重，略覺多甜了一點兒。榴槤天使 $42當中有小丸子、西米、椰果和主角榴槤。它的榴槤肉很多， 一點也不寒酸，而且西米吃起上來彈牙。 而這個價錢來說，我覺得十分抵吃。芒汁雜果涼粉丸子 $35當中有西瓜、火龍果、哈密瓜、 涼粉和小丸子。以份量來說，它很大碗，水果亦算大件。涼粉吃起上來清涼，而小丸子都有煙靭的口感。以這個價錢來說，我們都覺得十分便宜，因為 很多地方吃甜品也要四、五十元以上。這裡的價錢貼地，份量亦不是小的，是親民街坊價的選擇。

今日同朋友逛完九龍塘後坐小巴入九龍城 十分方便 而且快捷這次 我們想嚐新 嘗試在正餐時段去吃甜品當飯在九龍城區發現有“糖佰府” 門口的甜品賣相非常吸引 除了有甜品外，鹹食亦有提供 就是非常划算的咖喱魚蛋和燒賣了望著牆上的一張張老闆與名人的合照 更加證明 這次我沒有來錯地方 也沒有帶朋友來錯地方“椰林飄香”用椰子盛載著各式各樣的水果 望落色彩繽紛 令人賞心悅目而且這個甜品飄散著陣陣椰子香！ 因為冰底是椰皇冰“窩夫－雜莓窩夫 配曲奇雪糕“整體賣相值得打打卡！ 面上的雜莓的擺位十分有心思 間隔及鋪排像排排坐 十分有個格局”百寶芋圓“芋圓對於女人而言 真系不可畫缺的這個甜品一次過滿足了我想吃的紅豆 芋圓 小丸子 質感煙韌 口感豐富 

喺九龍城食完泰國嘢，搵間糖水食都花多眼亂，太多選擇，搵咗間個名幾搞嘢叫糖佰府嘅甜品鋪。鋪位座位唔算多，牆上面貼咗好多明星相。佢地仲強調糖佰府並非糖百府。餐牌都多選擇，無論係傳統定新派甜品都有。叫咗三款食，第一款小弟至愛 cream brûlée。估唔到糖水鋪都做到咁高質嘅cream brûlée，塊焦糖脆而有質感，能與出面d餐廳比一日之長短。第二款，叫咗白雪世界，主要有芒果、西米、小丸子、爆冰，味道清新。如果鐘意食雪糕嘅，第三款不能不試 - 雪糕紅頭芋圓涼粉。芋圓都係小弟其中一款喜愛甜品，非常足料，再配以雪糕（有多種口味選擇），消暑一流。總結：睇得出係有心做好甜品嘅小店，值得支持！

今晚食完晚飯，朋友很有雅興地載我們去九龍城食甜品。有人選中式，亦有人選法式，還有人選台式。無花果雪梨燉海底椰熱辣辣，食落清甜，可以連雪梨肉和海底椰片一同食用。法式燉蛋凍上，上面是脆口的焦糖，下面是香滑的燉蛋，有雲呢嗱的香味，又香又甜。百寶芋圓材料十足，包括芋圓、小丸子、紅豆、涼粉、西米、黑珍珠，還有豆腐花，雖然材料不同，但一點也沒有違和感，不會太甜，口感多元化。間糖水鋪都幾色彩繽紛，細細地，很簡潔。

九龍城除左泰國菜最多就係甜品，糖伯府係咁多間糖水鋪之中都幾出名今晚大概8點幾黎到，時間尚早 所以唔太多人。入到黎坐低就見到兩邊牆貼滿左老闆同明星既合照今次嗌左兩款甜品，第一款係cream brûlée ，焦糖燒得香脆，下面燉蛋好creamy，又有甜甜既蛋香，令人一口接一口第二款係芋圓，自由搭配左涼粉底加綠茶雪糕。自家制既芋圓粒粒都好煙韌，比起坊間一啲主打芋圓既糖水鋪仲要好食！芋圓同涼粉本身做得唔太甜，所以加埋綠茶雪糕甜度岩岩好！

來九龍城食完美食，當然要食個甜品至滿足啦！原來這間糖水鋪總店在將軍澳，這間是九龍城的第一分店。糖水種類都幾多，楊枝甘露好多西米露，仲有芒果粒，如果西柚多少少，會酸點甘點，這間的西柚較少，所以食落甜D。椰林飄香有好多生果係面，下面係充滿椰香嘅冰，入口即溶，椰香味幾重。雙丸椰皇西米有兩粒芝麻丸，有一D不同顏色的芋圓，煙煙韌韌，好有口感。配上椰汁西米，好味又不會太甜。餐廳五顏六色，都幾繽紛。食完正餐又立即食甜品，又正又飽。