糖山莊

营业中

休息中

好多年前食過一次，當時堂食已經覺得一般般！諗住已經過咗咁多年，加上疫情都捱得過，就比多個機會佢，夜晚口痕經過買咗碗椰汁紫米露外賣返屋企食，返到去打開見到唔係平時其他糖水舖食開既顏色，諗住可能椰汁重啲所以淺色咗啲，再用匙羹刮下，紫米嘅數量少到好似冇咁，食極都食唔到紫米，只係飲緊冇味既水。唔知係咪可能已經夜晚11點幾，就關門嘅關係？所以是但求其咁樣裝比客人？但點都好 唔會再有下次，呢個質素要賣33蚊，不能接受！

這間甜品店位於大型屋邨的商場內，周邊很多住客也能到達這裡享用，客人有年輕及上年紀的，附近有輕鐵站，到這也非常方便，周邊亦有很多飯店，飯後來甜一下也是不錯的選擇😌炸燒賣這店子不只有中式及西式甜品，小吃也有，燒賣我至愛😂這是基本的，不會不好吃，也不會難吃雙翼齊飛，蜜糖及脆香雞翼各3隻🐔，又是基本的東西，像麥當當那樣的🤪甜奶朱古力醬窩夫🧇用上那些吃奶醬多添加的煉奶，配上即造的窩夫，熱氣騰騰，再加大量朱古力醬，色彩繽紛🤣還有一個朱古力雪糕球，加朱古力手指😙甜膩了朱古力心太軟🍫心太軟必須要有流心朱古力效果，這間店當然也有，正常效果😁雪糕可選擇口味，這次選了曲奇口味的，再加一些棉花糖伴碟，但配料士多啤梨又是很酸🤣好像這些甜品的配料生果每間也很酸呢糖山莊屯門屯門鄉事會路2A號 H.A.N.D.S N區1樓N-113號舖

澳門朋友返來必帶佢食糖水，以前依間質數真係好差，但依家好食左，幫襯果日好多人，而且排隊等待，等左差唔多半個鐘先有得食，入座後，叫左糖水，比想像中好食，而且價錢合理！

夜晚經過，見到糖水舖，口痕買咗外賣，DIY咗一款，叫咗哈密瓜、西米底、小丸子芋圓做配料，最後係黑糖糖水底，盛惠40蚊。返到屋企一打開，眼都突埋！見到得半碗糖水咁，同幾粒哈密瓜浮喺面，其他配料失蹤，好彩撈下都見到其他配料，不過就真係少囉。碗野冇賣相就算啦，味道都唔係好掂，西米痴埋一嚿嚿，芋圓同小丸子勁淋，仲要個黑糖糖水真係甜到唔係一般人接受到，可能佢得半碗係想比我加入溝淡啲黑糖總之，就係 我！唔！會！再！食！

上次夜晚同fd行行吓街突然好想食甜品，行完一輪之後發現得返呢間仲有開，而且可以堂食，所以就即刻去咗試吓了🦦-芒果撈河粉 $43芒果份量適中，食落唔會太酸，幾refreshing。Menu寫係椰汁河粉，但我同我fd都唔係幾食到椰汁味，上面個粒士多啤梨唔太新鮮，同芒果汁一樣都係偏酸，有啲失望😵‍💫-雜果西米露 $40雜果有：哈蜜瓜、蜜瓜、西瓜同芒果，份量好足，但生果唔夠甜。西米露冇乜西米，好重椰汁味但所有野都冇乜甜味，整體偏水，唔推荐😵‍💫-賣相幾好，但味道就真係有待改善了^^-Rating: 6/10

夜晚做咩好，食宵夜就最好。屯門安定友愛冇咩選擇。唔想食M記又唔想食大排檔。就食糖水。舖頭裏面有兩三台客食緊，入去嘅時候唔使等位。最低消費每人要叫一位甜品。抹茶心太軟（自選雪糕）一切開即刻流心當中的白玉丸子🍡好柔軟好好食。紅豆越好夾。正常冰品。鍋粑提拉米蘇這應該是最傳統的做法吧，本身還是喜愛他會傳統的手指餅。配左韓式米通有啲奇怪。雲呢拿綿綿冰（自選雪糕，爆爆珠）就是正常綿綿冰，爆爆珠選了乳酪口味。配上仙草。朱古力窩夫（自選雪糕）蛋味香濃尚可

屋邨下的甜品小店  餐廳提供各式各樣中式糖水及西式甜品，選擇非常多。  朱古力心太軟 一切開便流出暖暖的朱古力醬，再配上曲奇味的雪糕，簡直絕配。  甜奶朱古力窩夫 原味窩夫外脆內軟，淋上煉奶及朱古力醬，味道好匹配。  楊枝小丸子雪糕球 裡面有芒果粒、柚子肉、小丸子、海藻珠、芒果味雪糕  除了甜食外，餐廳另有小食供應  炸燒賣  蜜糖+脆香雞翼  總括：食物賣相及味道都一流，份量適中，價錢合理，屬於水準之作。 

係户户送嗌呢間糖水食 勁水既西瓜紫米露 西瓜粒得5粒仲要細既都算仲要勁少紫米 又勁甜另外個碗紫米露哇，真係糖水黎架，成碗奶水有幾粒紫米既碗野仲要比起其他舖頭唔係平貴唔緊要，麻煩質量好少少喇唔該

支持小店啦🥳🥳🥳🥳🥳今日食嘅係黑白配$36就買到開心呀有兩份啦有雪糕啦口感層次豐富滿足晒個人嘅享受😎唔係次次嘅宵夜都係食M記嘅11點前有咩堂食選擇？糖山莊係好選擇囉

今日係Boxing Day好凍呀只有11度聖誕節嘅氣氛就應該係出去走走㗎啦夜麻麻落街又大風真係好懷念去北歐嘅日子冇得去旅行就只好戴頂冷帽當自己去咗旅行又係食宵夜嘅時候喇又係想食熱野又係想食甜嘢喎咁一定要去糖山莊啦多款揀服務又誠懇街坊生意真係要多多支持黎呢度我一定係食椰皇芋圓冬天就梗係食熱㗎啦食落去暖粒粒勁甜勁舒服😌😌😌😌😌夏天就一定食凍嘅涼浸浸勁爽呀咁獨食梗係難肥㗎啦梗係要買外賣叫個紫米露拎返去比屋企人食啦

外賣會否差太遠其他小食都還可以炸燒賣雞翼尖雞肉串但呢個大團圓一打開真係覺得差太遠仲以為自己叫錯野再搵番張相比對下Anyway味道還可以既只係個大團圓真係⋯⋯令我驚訝

______________________________屯門出名美食多，今次試吓呢間小小街坊甜品店，開左業7年啦，夠哂人情味❤️🧇🥞𝕄𝕚𝕤𝕤 𝕃𝕚𝕠𝕟𝕟 🍮🦁評分：9/10芋圓蛋白椰子皇🥥🥚 🌕🌕🌕🌕🌘椰子皇入面有精挑細選來自台灣嘅芋圓、地瓜圓，椰汁，燉蛋白，超足料🥥放係枱嘅時候，啲熱辣辣嘅煙仲飄緊出黎，好香嘅蛋白加埋椰子肉，面頭仲有大大粒煙煙韌韌嘅三色芋圓😍好正，啱哂冬天食🤤蛋白勁滑，好𝕔𝕣𝕖𝕒𝕞𝕪，食完覺得皮膚會好左🤭大家食嘅時候記住食埋椰皇邊嘅椰子肉！！因為即叫即蒸，製作需時，要耐心等候❤️🥭楊枝甘露🌕🌕🌕🌕🌗招牌楊枝甘露，大大力推介比起市面嘅楊枝甘露濃郁好多，因為呢間店用芒果汁溝椰奶嘅比例同出面唔一樣，真材實料，而且唔用一般西米，而係用海草珠珠，食落去卜卜脆，好爽口，超有店舖自己嘅特色！🍮貴族三重奏 🌕🌕🌕🌕🌑呢款甜品由𝕔𝕣è𝕞𝕖 𝕓𝕣û𝕝é𝕖 、心太軟同雪糕組成三樣野都好出色，𝕔𝕣è𝕞𝕖 𝕓𝕣û𝕝é𝕖 面頭個層焦糖一百分咁脆，下面燉蛋好滑，火喉同調味都啱啱好，食完唔會膩心太軟就係固定朱古力味，食落唔會太甜太乾，心太軟仲帶少少濕潤，配埋曲奇餅雪糕，雪糕入面有曲奇餅脆粒，雪糕來自

食完晚飯 呢一兩日開始轉涼凍冰冰 緊係食番個熱辣辣既糖水暖下個人叫左個熱既椰汁紫米露比自己另外叫左個熱既榴槤椰皇孝順啊媽榴槤椰皇 一貫作風 離遠都聞到榴槤香食落椰子🥥香都唔輸蝕 永遠喺我個list既no.1👍🏻母親大人緊係食到lam lam脷榴槤愛好者必點而我果個熱椰汁紫米露（$29）打開係好香椰汁味 一拎起匙羹撈起啲紫米露⋯撈極都係粉狀甘一粒粒既紫米呢？兜野勁水 紫米又冇唔係第一次幫襯今次既經歷 好失望⋯⋯😔😔😔😔

區內難得一間黃店，每樣野都精心製作，的確難得。芝麻糊自己磨，椰皇自己整，睇得出製作好認真。 雖然等得有d 耐，但慢功先出細貨。只好等，最後都無令人失望。份量外面外賣既甜品多好多，我同女朋友都食得好滿足，令我地都過左滿足快樂既一晚。收錢時，見到好有個年青人食左幾分鐘就立即起身走，見佢同老闆有講有笑，原來想讓張枱俾其他客人。 果刻了解到，香港人仍然有香港人既味道，香港人有一種支持是不用說出口，食既並唔係一碗糖水，而係一份人情味。

👨🏻‍🎓講起屯門黃嘅甜品店第一時間諗起嘅應該係喺紅橋嗰2間主打窩夫同梳乎厘pancake嘅甜品舖，不過原來喺安定邨都有間黃嘅甜品店！🏫P仔以前中學就係友愛邨，所以間唔中lunch或者放學都會行去安定邨食下嘢；不過自後畢業之後就好少去嗰邊，原來嗰到開咗好多新嘢，真係都幾值得去試吓！🍨講返呢間甜啊舖，佢就叫做#糖山莊 ，喺正安定輕鐵站對面，都幾易搵到；佢哋賣嘅都係一般嘅甜品為主，P仔同朋友就叫咗佢甜奶朱古力醬窩夫同抹茶心太軟share。🧇甜奶朱古力醬窩夫 HKD 44首先就講下佢哋個窩夫，甜奶其實就係有層類似煉奶咁嘅醬；而個窩夫食落就唔會好硬，外面微脆，口感都幾唔錯，配埋雪糕同朱古力醬食都幾夾幾好食，而且HKD 44都幾抵幾唔錯！🍵抹茶心太軟 HKD 50至於個抹茶心太軟P仔就覺得再出色啲，切開個下都係流心嘅，外面焗都脆脆地，最緊要係茶味都幾香幾濃，配埋朱古力醬食甜味同苦味啱啱好，係幾唔錯幾出色。另外個雪糕就要咗榴蓮味，都幾香幾好食，又唔會好假，絕對可以試吓！🍽整體嚟講今次食到嘅甜品都有中上嘅水平，都算係幾唔錯，而且價錢都幾抵，所以都可以試吓！