糖朝 (已結業)

友人說糖朝己經搬了店，還不只是做甜品，更提供尖咀區少有的廉價午餐。我和友人今天去試一試。四十元左右己經有蒸飯，碟頭飯，粥麵，燒味飯等，選擇頗多照顧所有類別。還送湯送甜品，地方又大不怕無位，看來好像不錯。先上的中湯味道不濃，就當是飯前清清喉嚨。我點了咕嚕雞球飯。可能就是那個豬改了雞，就好像缺少了什麼。咕嚕汁只帶微酸，沒有那種大甜大酸的濃。而飯底比較乾，未能吸汁。硬是未到茶餐廳佬飯那種火喉，比較像家裡自家煮的溫柔感覺。友人點的豆腐班腩飯，我沒有興趣試，所以未能評論。最後的甜品頗期待，因為糖朝的名物是中式糖水嘛。點了芝麻糊，香味正常，沒有十分特別，但也算好吃。突然，吃到一個啫喱狀硬塊，噢，芝麻粉沒完全煮散。這點頗失望，畢竟我是在吃店家主打菜哦！茶芥每人八元，加一，但在免收，所埋單二人共$82，勁平。

昨晚10：00度一行二人來到糖朝～因為好耐無來所以唔知現在的食物質數如何～記得以前ok~一去到叫左個乾炒牛河+豉油王海鮮炒麵～聽到呢個名都好似好好味咁～有d期待啦～跟著唔使10分鐘就上乾炒牛河～好細碟～似人哋d下午茶嗰d咁細，但係佢係賣緊$80蚊一碟～都算啦～味道都ok~跟著到左我期待已久嘅鼓油王海鮮炒麵～點知～份量少～餸小～得一隻蝦仔同幾粒仔帶子碎～同二片墨魚片～炒得有點奇怪～失望跟著叫左杏仁蛋白鮮奶～唔覺有蛋白～又唔夠熱～又失望～伙記態度又差～個場又陰暗～個感覺真係好似水魚～咁就食左$245～真係返屋企煮麵好過佢吖～無下次

十一黃金週的魅力果然大, 平時中午都唔會點滿座的糖朝去到要擺飛.自己一個人搵食諗住易d la, 點知個帶位呀姐忙到呢, 首先安排左一個後我幾個number飛的人入座(也都是一人位), 然後同佢講我到先佢又話無位要我繼續等, 跟住有張原先6人攞飛等唔切走左,個位阿姐就係咁鬧點解唔留住個班人. ><再等多5分鐘佢出黎問邊個1個人, 我未行得切出黎佢又已經帶左另外一個認頭人(好明顯佢啱啱先入黎)落坐. 大姐, 你唔想做我生意咪出聲lor, 浪費我既時間, 激氣, 咪駛旨意我再黎幫襯!

以前係廣東道，一定要排隊等位，依家機本上即有位，點解？先講裝修，以前點都光光猛猛，依家就陰陰沈沈服務，以前閒閒地樓面都幾十個，依家個個忙到㸤聽吾到豆腐花，質感都比以往差了，滑度差不多，豆腐味少了，石膏粉多了炸兩-冇以前咁脆，其他冇乜特別蘿蔔糕就keep 住有水準，外脆夠熱夠大碟

又試新野!!!!團購真係超抵呀!!!話說今次用65蚊買左個100蚊既現金卷，黎試試呢個好出名既糖朝人坐低就俾個靚叉燒飯吸引住，原來午市有45蚊抵食燒味飯既，心諗呢個團購卷應該都要魚與熊掌架喇。。點知一問，竟然話可以幫我地分開單埋，團購卷就叫原本menu items, 另外分開俾我地叫叉燒飯呀所以我地就叫左1。紅油菜肉雲吞--少少辣既紅油，配超足料勁爽口雲吞，唔係超大塊皮勁少饀0個d仲有不得不提鋪面既薑蔥絲同墊底既生菜~~充分吸收哂啲紅油同雲吞既精華!!2。糖朝特色腸粉(好似係呢個名)呢個真係不能不試!其實佢係改良版既炸兩，用左好有heart既薄腸粉皮，包住個好似春卷咁薄既油炸鬼，入面仲釀左蝦膠!!一咬落去嗰下真係脆，軟，彈牙3種感覺一齊衝出黎!!!3。最後就係最抵食既叉燒飯餐喇--個餐包埋既例湯就算喇。。講到個叉燒飯，一上枱已經嘩一聲~唔係好行既一行幾舊。。而係2行成十幾舊既半肥瘦!!!!真係心心眼個飯基本上夠1。5人既份量!!個餐仲有送糖水，不過個生磨芝麻糊就真係有啲令人失望。。好稀又淡味。。嘿嘿呢餐飯連茶芥加一每人都係70大元~係咪好抵呢

甜品很失望, 合桃糊的合桃味很淡似水. 杏仁糊豆腐花, 唔凍唔熱豆腐花無豆味又唔滑又淡. 芒果西米露, 勁淡.楊州炒飯, 飯唔夠乾身, 叉燒很少, 蝦仁更少, 味道同火侯都不合格. 油菜灼得太淋, 蠔油帶苦很難食.點解點得咁少? 侍應不理不睬. 點菜樣樣都賣曬, 想食多幾樣飽肚都不能夠, 不值得.

本來這裡並非今天的午膳地點，只不過無意中看到它搬遷了的廣告牌。事實上，糖朝搬離廣東道後，很久沒去了。如是者，就去試試吧。新店的面積很大，最少不會像以前需要搭檯，而裝修方面，也換上充滿時代感的設計。可能侍應看我樣子是來吃午飯吧，所以，沒有放下餐牌，只放下一張午餐的菜單。有蒸飯餐、粥麵餐和炒飯麵餐，由四十元至五十元不等，包括油菜和甜品 (可轉指定飲品或甜品，當然要加錢)。本來是想吃粥的，但餐單的食物不合心水，叫了個肉絲炒麵，跟合桃糊先上油菜 (蠔油西生菜)，生菜灼得太淋，澆上的蠔油也是便宜貨色。五分鐘左右，主菜上桌，賣相ok，但吃下去，幾乎大半碟麵是「炸麵餅」的質感，而且是一。大。塊。炒麵是這樣子的嗎﹖甜品更讓人失望，合桃糊合桃味不重，好像滲了水。侍應的態度﹖基本上在舊店和新店都是差不多，對人愛理不理，零服務。埋單連加一茶錢$64，完全不值，池記收差不多價錢但都沒有這樣離譜 ，雖然亦不見得好往那裡去。應該不會再去了，這裡就留給自由行和日本遊客去吧。

未試過去過一間餐廳，餐牌上面有差唔多五分之一嘅食物貼住「暫停供應」。之後，落單嘅時候，點咗炸兩（無寫暫停供應！），無！再點叉燒腸（亦無寫暫停供應），又無！原來所有腸粉嘅食物都無。喂，星期五夜晚七點咋，乜都無！真係有諗過走，但係行得攰真係唔想再行。最後叫咗碟楊州炒飯（終於有），上菜激快。食落飯有啲唔夠乾身，叉燒粒極細，蝦仁亦不大。味道同火侯真係連茶餐廳都不如。咁就$80大元...仲有：- 餐牌溶溶爛爛- 碗杯碟羹全崩- 服務態度九流完全後悔在這裡食了這一餐飯

寫開食評，再見埋與我同一感受魔怪be的食評，真係都要呻下! 我地又係叫咗杏仁糊豆腐花，唔凍唔熱溫溫吞吞都算  又係豆腐花無豆味又唔滑又淡口! 杏仁味又係唔香似用粉開出來的質數! 另外個個麥提莎糯米糍，真係求其到糯米就咁包主麥提莎, 兩食材唔夾求其整埋一齊咁!   價錢唔平, 明白鋪位係尖沙咀，但真係交翻 D 質數出來嗎。又要監掹收茶錢，很多後起的甜品店掂過糖朝好多，請儉討食物品質，但一定不會再來。

今日和朋友晚飯後路過糖朝食糖水未去過新舖加上好耐無幫襯過新店裝修無以前咁靚今次order左芒果珍珠凍豆腐花同埋熱杏仁糊豆腐花好難食...豆腐花又唔滑又淡又無味杏仁味又唔香芒果仲要唔甜仲要價錢都唔平加上洗手間都不太清潔應該唔會再來幫襯

早上前來糖朝吃早餐，會碰上自由行和參加團的日本遊客，大家緊記，必須要問待應取早晨優惠套餐餐牌，否則就會像各遊客一樣跟Menu的食物order，比早餐優惠套餐價錢貴接近一半。早晨優惠套餐，選擇很多。 雲吞撈麵，雲吞談不上皮薄涵靚，麵煮的時間適中，爽口。  叉燒腸皮薄，叉燒多，但全是叉燒粒。油條值得讚是上枱時微暖外，更是脆口的。 皮蛋瘦肉粥，皮蛋夠多又靚，粥看似很綿，可惜像用粉醬溝出來。另外額外叫了個非在優惠套餐範圍內的碧綠蝦蛟，綠色薄皮，每隻蛟子內有原隻蝦，非常足料。

幾年前曾經朋友帶我到糖朝，那時覺得糖水挺棒的，服務也不錯，就決定下次訪港時務必在去可是這次對糖朝好失望坐下來等了有一會才有人來幫我寫單，我點了迷你珍珠雞，蛋撻和豆腐花。又再等了一陣子珍珠雞和蛋撻才送上。是普通蛋撻，不是燕窩的。起初我以為我點的時候沒說燕窩所以侍者幫我寫了普通蛋撻，我也照吃。到買單時我才發現寫了燕窩蛋撻，所以跟收銀員說我吃的是沒燕窩的蛋撻。哪知經理馬上說他們沒普通蛋撻！可是我的明明是沒燕窩啊！收銀員就怪我說我沒早講然後火速打印結單，意思是讓我別再說下去了。可是不公平啊，我怎麼知道糖朝沒賣普通蛋撻呢？越想越不甘心！以後不會再去了！

久聞糖朝大名多時, 今日去試吓個午餐 set, 看似好抵, 其實唔係.... 45蚊"中"頭飯, 加一仲要計咪每位6蚊茶位 , 計咪計咪要成56蚊一"中"飯, 我諗任何茶樓都唔洗收呢個價錢囉...午市我地唔洗等位就可以入, 但係落order 計等咗20mins 都仲未有得食, 先有得食, 排骨飯d排骨唔熟, 但時間有限, 都唔同佢理論, 講真, 個飯真係好普通, 一d都唔值....另外有糖水送, 杏仁糊...超難食...唉~~ 真係唔知點解佢咁出名, 總之食到一肚氣, 唔會再去第二次!!!另, 呢間應該專做大陸人生意, 全店9成大陸遊客, 唔怪得食物水準可以咁差~~~

晚飯後去食甜品可能我第一次光顧此店吧所以有期望誰不知點了合桃豆花連甜味都無無合桃味.我以為來錯 tim  朋友點了芒果加 XX一樣無理味道來個時得個樣我個人覺得此店有點心中式菜供應的所以我個人覺得我不會再光顧吃甜品還有服務有問題,想轉個位都要比人看面色我來光顧,食到 D 無水準的甜品仲要受你氣,.今時今日我真係..!@#$%^&優點夠大,有位的機會比其它真正甜品店容易有位.缺點: 喜歡不甜的甜品可以光顧.

番工路過漢口道，先發現原來有間糖朝。呢間鋪門口望落細細地，但落到地庫就發現鋪位原來係好~~~大。雖然11點，鋪位大，都座左唔少香港人同遊客。由於都幾闊落，唔逼，都算座得舒服。糖朝原來有早餐set,叫左個雙併雲吞撈面同炸両。炸両賣相吸引，粉皮有光澤，明顯擦上一層油。粉皮做得唔錯，厚度適中。炸両的油條只係少少暖，雖然脆，但有un,非常乾身，味道一般。不過勝在夠貼心，鼓油另上，自行按需要而加。雙併雲吞撈面的雲吞有鮮蝦雲吞和菜肉雲吞。size比一口雲吞大少少，尚算新鮮。面底非常出色，好彈牙，無簡水味。一邊食一邊發現原來已剪面，非常細心。蠔油帶甜，很香口，不會太喊。一啖蠔油撈面再一啖湯美味非常。而且面底都幾多，再加上炸両，一杯唐茶，真係食到捧住肚走。雖然炸両味道唔得，雲吞一般。但面底有驚喜。而且可以座低慢慢食，飲啖茶，無待應催你走，連茶位加一55元正，係尖沙咀黎講都ok