糖朝 (已結業)

shopping 完，想搵個地方坐下，食下甜品抖下，本來想去位於9龍公園旁的許留山，但是已經被自由行商店攻佔左，關門大吉了。望來望去都無糖水店，好彩行多1，2個街口發現了這間糖朝。睇個名以為係食甜品，一睇餐牌原來有中餐，好似一間飯館咁。甜品選擇都算多。熱愛榴槤，order了榴槤豆腐花，它用了乾冰做煙霧瀰漫嘅效果，成功令我地嘩嘩聲。第一係榴槤，好清甜。食食下發現上層是榴槤，下層是豆花，如果可以做到兩者2合1會更好。現在食到尾只有啖而無味嘅豆腐花。西瓜西米露，唯一缺點是不夠凍。再來是芒果珍珠x y z (我唔記得個名了），出場又係用乾冰，似乎這是殺手簡。正常糖水，無咩驚喜。香港玩完了，只想找間糖水店都很難，遲啲我地可能要拎飯盒出街，因為全部店舖已經變成自由行買貨區，sad.

一路係廣東道好耐既糖朝原來搬左舖，去到舊舖見到個姐姐舉牌先知! 如果唔識路可以問佢地，因為都係佢好詳細咁話比我知點行，先好快搵到新舖個位，不過唔太遠同難搵!今次黎新舖，見到本Menu都唔同左，加左d西點、湯、奶酪同咖啡飲品，連海鮮都有!因為屋企人咩都想食，結果點心、粥、小菜、糖水乜都叫，食到個肚飽哂先走人!呢個係新產品，之前好似無! 個面食落去有少少菠菜汁咁味，入面有爽口蝦肉，算得上皮薄多汁，值得一食!入面可以見到好大粒蝦肉，用料好足，而且炸得幾鬆脆唔太乾，但唯一係個底紙食完好多油，可能吸一吸油先上碟會好D，搞到食完有少少罪惡感不過不失，無咩特別，不過再辣少少會好味D，再更加惹味呢碟餸係藉得一讚，因為佢比出面個D酒樓食既感覺好唔同，士多啤梨又大粒又甜，食落去好新鮮同健康，配左啱啱炸出黎既肉骨，仲食到脆，而且都幾多肉，唔係淨係骨!正!!用瑤柱粥做底，再好似打邊爐咁慢慢放D料入去，粥底食到最後真係好鮮甜，而且個D料啱啱熟就即食，好滑唔會老。呢個食法幾特別，出面既食肆好似未見過，鐘意食粥既朋友一定要試下!不過D粥有好多碗，要多D人食先食得哂!!到糖朝點會唔食甜品，呢款甜品好多料，再加埋豆腐花

每次經過尖沙咀，就會想起糖朝。這一日逛完海港城，肚子就如 Rubber Duck 般漏了氣，很想用美食填滿它。自從尖沙咀分店搬遷到漢口道後，今次是第一次幫襯新店。新店在地庫，失去了以前的中國傳統裝修，有些可惜。換來的，卻是更寬敞和更舒適的環境。桌子較大，座位與座位之間有充足的空間，卡位更加闊落，不似以前要同人搭枱。　　糖朝的名字很容易令人誤會它是甜品店。雖然我也很喜歡它的甜品水準，但事實上糖朝是一間食品種類多元化的中式餐館，由點心、小炒、到粉麵飯粥品，一應俱全。今日光顧，除了為了我最愛的芒果珍珠豆腐花，其實最想食的是雲吞麵。一碗雲吞麵有六隻鮮蝦雲吞，不算很大隻，大小剛好可以一口吞下。皮薄，蝦肉尚算彈牙，未至於出色，但仍屬於及格之作。反而雲吞麵的麵質很爽口，沒有梘水味，值得一讚。　　兩個人，一個主食不夠吃，於是叫了一碗窩蛋牛肉粥。牛肉的份量不小，亦煮得幾嫩。至於窩蛋，完整地沉到粥底裡去，大家須要自行撈起，然後同粥一起拌勻。相比起牛肉，我更喜歡它質感綿綿的香濃粥底。混和了窩蛋後，除增添了味道，更粥底多了一份滑溜，很美味。　　食粥，如果有炸兩相伴，就更完美了。怕油膩的話，可以跟我們一樣，點一

假日，跟太太一起在尖沙咀閒遊，想吃點東西，經過(糖朝)，便入去試試，發覺這裡不單只吃糖！還有….兩個人，又不太餓，要了兩個點心及兩碗甜品。香脆芝麻鮮蝦筒，都幾多芝麻，香脆好味。碧綠瑤柱時菜餃，瑤柱非常少，內裡反而有蝦呢？青綠的餃皮還算薄，味道都可以。湘蓮子合桃露，蓮子少，未夠腍，合桃露幾香滑。湘蓮子杏仁露，蓮子情況也是一樣，杏仁露亦幼滑，但味道有點過甜了。假日，這裡都幾旺場，侍應員似乎有點應接不下...！

之前有食過幾次,不過搬咗(唔知位置...)冇再去~今次行街巧遇,決定即刻食返次先 ! ! !雖然係weekend,但係唔洗等位不過每次舉手叫人都要幾次先有人理你,個個都係度扮忙糯米糰有好重椰汁味(個人非常喜愛),但黏韌度唔夠filling係純芒果肉topping係鮮芒果蓉,微酸配濃厚奶酪相得益彰奶酪水準極高甜度適中豆腐花一直係首選推介,理所當然地有極高水準質地非常嫩滑,豆味濃郁(我最欣賞係多數滑與豆味係只可以二選一,而糖朝可以兩者兼備)美中不足係合桃露唔夠細滑

本來店舖喺廣東道，可能不敵貴租，而家已經搬左去樂道地庫。當日慶起想食小菜，又見新開番就去食啦，點知就賴野…我去嗰日應該係開番第一/二日，d裝修都未拆曬，最重要係d員工係勁迷茫咁，落錯單不特止，仲要對住唔識聽廣東話嘅遊客係咁講廣東話，「呢個係通菜，通菜，通菜呀…」野食有1/4都係未有得供應，我唔知其他鋪頭新開係咪咁，你未ready就唔好格硬開啦…百冇…我記得佢直情係話個焗爐未得囉…味道方面，叫左個揚州炒飯，叮定嘅，唔夠熱，灰沙拉骨，正常水準，不過不失椒鹽鮮魷，好食！粉唔太厚，呢個冇得叮定啦，夠曬香口兼冇難度！甜品喺冇得揀嘅情況下叫左個麥提沙糯米滋，可能已經食到冇乜期待，又估唔到佢幾好食！外面口感煙煙un un，裡面真係一粒麥提沙，外軟內脆！值得一試！