糙米家

营业中

休息中

食物幾好，主打健康主題，款式又多。唯一大扣分係扎辮嘅男侍應，態度極度差，單手手指指，唔講以為我坐緊監，俾人呼呼喝喝，而其他侍應都正常，客客氣氣，要求拎水都會提供。

跟朋友黎食，本身諗住哩個價錢唔會太大份，點知，有驚喜，大大份既沙律🥗，賣相都好好👍🏻已經放左落lunch list 😎😎仲有其他多菜少肉既選擇，好岩lunch 唔想食太heavy 既人黎食👍🏻👍🏻

跳進糙米家，呢個好去處俾想食得健康嘅食客。我一落座就點咗南瓜豬扒糙米飯，簡直係惊喜滿滿嘅選擇👍！豬扒肉質嫩滑，加上南瓜嘅香甜，好似喺口中演繹一場秋收節嘅慶典。糙米飯獨有嘅香氣混合咗啲咸咸嘅汁，真係健康同滿足並存！朋友嘅香蔥雞扒煎蛋糙米飯就更加出彩，雞扒香香脆脆，加上啲蛋香四溢，仲有啲蔥味，口感層次分明，一啖啖嘅幸福感，真係令人停唔到口。啲糙米飯啖啖粒粒分明，真係食極韻味無窮。整體嚟講，食呢碟糙米飯就好似喺天堂嘅門前轉咗一圈，仲攞咗飛往味覺極品嘅單程票🎫！要話形容這餐，用「靚絕」兩個字就最啱啦！👌🍲

今日去灣仔做運動，做完運動去咗搵嘢食，經過一間健康主題嘅餐廳，餐廳名叫糙米家，於是同朋友一齊入咗間餐廳食午餐，餐廳坐滿晒人，見到每台都有一個白咖喱豬扒飯，個飯好大碟，聞落去香氣撲鼻，好似好好味咁，於是我都叫咗一個白咖喱豬扒飯同朋友一齊share試吓，食完我哋一致好評，下次一定會再返返呢間餐廳試吓其他食物。白咖喱豬扒飯白咖喱味好濃郁，食落口又唔係特別辣，甜度辣度適中，豬扒size大過塊面，紅米白米，糙米飯見到都覺得健康美味，仲有好多新鮮蔬菜，完全撮合健康餐廳嘅主題

今日灌了自己一肚子糙米幸福，食到個肚脹脹但又咁滿足！先讓我講吓呢家椰香辣汁豬扒糙米飯，咬落去豬扒微微的焦香味，外皮煎得金黃啱啱好，肉淋上嘅椰香辣汁，真係嘩，那個濃郁得來唔膩口，微辣得來又挑撥你嘅味蕾，稱得上係癮口！糙米就煮得啱啱好，唔硬唔爛，帶點嚼勁，我就鍾意這種粒粒分明嘅口感啦。另一個就係雞扒肉燥糙米飯，啊，件雞扒真係軟滑過人，咀嚼之間它就融化喺口裡面。就算肉燥味道平平，但加上溫泉蛋嗰種柔滑，一切就變得剛剛好。就算個蛋有啲細，但加咗去糙米飯之中後，就搞出個打卡蛋沙效果，又滑又香，完美！飲品方面，呀，個凍柚子蜜真係解渴，啱啱好過個夏天！顏色晶瑩剔透，飲落又涼又爽，嘩，幾好㗎！總括來講，今次食得開心，又健康，下次再黎我要試埋其他！🍚🥢🍋

嚟到糙米家，最吸引我嘅係佢哋嗰啲口感啱啱哋嘅家鄉菜。初一試佢哋嘅糙米燒肉飯，啖啖肉咁誘人，燒肉邊際微微焦香，糙米煮得剛好，唔硬唔爛，吃落去好有啖啖飽實感，個口感真係無得輸！食呢啖燒肉，肉香味喺舌尖爆炸，層次分明，嗰份嘅香味，真係令人回味無窮。蔬菜都做得清新得嚟又保持住鮮味，唔會浸到一身水，合埋啲香辣醬汁，真係夠晒開胃，靚嘢！然後揀左碗酸辣湯，湯底好夠晒kick，酸酸辣辣正正好，飲一啖，周圍都暖笠笠，喉嚨到肚都暢快哂。湯入面嘅食材都新鮮，豆腐嫩滑，木耳脆口，精彩！整體嚟講，糙米家真係一個屋企人口味重，又唔想嘆太油膩嘅食堂好選擇。下次我一定要試吓佢哋嘅招牌凍檸蜂蜜添🍋🍯👍，想想都令人心情好正！

以前經過糙米家門口都比門口的人群嚇怕. 直到今年先的起心肝黎試下.黎左幾次每次午飯時間都要等候至少十五分鐘或以上.  重要齊人先能入座.今日十二點到. 完全唔駛等位就能入場, 但不消一會. 未到十二點半已經全場滿座. Lunch 趕時間的就好好考慮要不要來這裡. 要不就十二點到達.之前有試過佢地的雞扒飯. 超大碟. 除左雞扒外,  重會有隻荷包蛋加糙米. 查實呢度的食品都幾多元化. 除左飯, 重有沙律或麵食等. 而且風格可以完全唔同. 什至有牛肉飯睇落勁似去左吉x家. 試過食過呢度的沙律後簡直翻唔到轉頭. 一般人認知沙律都係唔飽的. 但佢地沙律份量, 菜真的超多. 而且可以配雞肉或者煙三文魚. 兩隻只係差$2. 重有隻溏心蛋, 滿滿的蛋白質. 唔好以為食菜就好dry. 佢地的沙律醬係用日式的芝麻醬. 完全唔會無味好卦. 食左咁多菜感覺都健康d. 不過佢地的餐飲係唔包的, 想飲要再加配. 熱飲加$4. 凍飲加$6 還算合理.   不過午飯時間客人太多. 食完佢地就會好快咁收搭枱面的餐具. 所以想食得chill d可能就需要選擇非繁忙時間. 

胡麻炙燒牛肉丼 - 飯夠大碗👍🏻 - 肉約5片 - 每塊大約4x4CM - 每塊肉片有3MM厚，刀工精湛 - 肉味豐富，除咗牛味仲有豬肉味沙律 （酸瓜）綠茶 （滾水）面屎湯（味精水）$82蚊，必食之選！

喜歡嚟呢間餐廳因為佢比較多輕怡既選擇價錢干環境又舒適好似呢個蕃茄濃湯牛肉通粉簡簡單單配個炒蛋健康又飽肚飲品仲可以選擇坊間較少有既牛蒡茶佢地既牛蒡茶唔係沖粉係新鮮牛蒡煲㗎仲有紅棗同杞子養生之選

今日同個朋友去食下午茶，經過呢間見到啲野好似幾健康，於是入去試下。下午茶時間都唔係好多人，所以都唔駛等位。我地叫咗方魚肉碎湯飯同蠔仔肉碎湯飯，味道同份量都一般，無乜驚喜。侍應服務態度都一般，整體嚟講無乜賣點。

 連續食咗幾餐生日飯食到個人滯滯地今日食返個健康早餐先鮮奶麥皮 + 多士 + 烚蛋 + 沙律菜包埋熱飲先係36蚊去邊度搵?想再健康啲可以選擇牛蒡茶難得係環境清靜唔趕客可以慢慢食悠閒地嘆個早餐先再同工作搏殺

依家我都比較注重健康生活，冇帶飯但又想食得健康啲，經同事介紹office附近糙米家，上次食左蓮藕蝦餅糙米飯，蓮藕蝦餅大大件，食左一半已經好飽，今次就試下香葱雞扒煎蛋糙米飯。香葱雞扒食落好juicy好滑，唔鞋口，已經調好味，但食完唔會覺得咸。另外，都有大量蔬菜同煎蛋去嚟補充一日嘅營養所需。糙米飯亦比一般白飯更加健康，更飽肚。我自己都幾鍾意佢杯自家製紅棗牛蒡茶好健康，飲落有紅棗同淡淡牛蒡香味，好過飲一般嘅嘢飲^^

長期飯腳放假😭，又要食1點😪，正苦惱午餐怎樣解決時，有同事建議不如今日食得健康啲，去糙米家叫外賣。我當然馬上舉手贊成啦🙋‍♂️，又唔洗熱辣辣出街☀️，又唔洗排隊...最後我揀咗蓮藕蝦餅糙米飯嚟試，一打開多賣盒，嘩！仲熱辣辣嘅🔥，正😋。四舊大大件嘅蓮藕餅，同一般出面做法唔好，唔係將蝦膠🦐釀在蓮藕餅上面，而係夾係兩塊蓮藕餅中間🥯，感覺好抵食😂，好似食咗8塊蓮藕餅咁，蝦膠🦐雖然唔算多，但味道十分鮮甜😋，另外糙米飯值得一讚，粒粒分明🍚，軟糯易入口。整體感覺，又健康又大份，飽肚又抵食🥰。

🍽 Smoked Salmon Crab Roe Egg Green Salad with Sesame Dressing (煙三文魚蟹籽蛋沙律) $56超級超級多菜嘅沙律🥗煙三文魚同魚子都算多！夏天食嗰沙律，個人都冇咁熱🔥不過lunch time就有啲多人，等位要有啲耐性！

想來幫襯這家食肆很久了。在開飯喇睇過相片及評語，好似唔錯。以糙米為主食的餐廳，感覺菜式應該比較健康。今天要到灣仔購物，一於去嘗試這店。結果很失望，食物質素與味道都唔掂。我們點了兩款午餐：蓮藕蝦餅飯及煎蛋豬扒飯。先講呢碟蓮藕蝦餅飯。蓮藕蝦餅非常油膩，應該係做好有客叫再返炸。仲有返炸時油應該唔夠熱，變得好油膩。伴碟有一大堆蔥油，本來是好事，但完全冇香蔥味，仲有少許醙。唯一值得讚的是伴碟椰菜份量足。至於嗰碟煎蛋豬扒飯，慘不忍睹。豬扒係好大件，但有豬騷味。又係返炸出品。味道也一般。附上的蔥油也有同一問題，有點醙。糙米飯也不夠熱。整體上就是成碟都不新鮮。感覺不到他們做食肆的誠意，所以不會再幫襯。