紅城冰室

营业中

休息中

星期六11點幾，同埋屋企人喺附近揾食，入左去呢間紅城冰室_，我就揀左過全日早餐，真係驚喜中的驚喜，質素超高嘅丹麥多士，並非普通白方包烘乾就算，佢係用丹麥方包，烘到表面脆，裡面鬆軟，加左牛油喺面，真係好食到難以形容呀， 平時在所謂出名的麭飽舖買丹麥方包都要成2O蚊半磅，佢成個早餐，除左個超正多士外，還有煙三文魚，薯仔沙律，煙肉同2款腸仔，炒旦上面仲有塊芝士添，只係50幾蚊，真係好味夾抵死，屋企人另外叫左雞亦同海鮮炒面，都非常似樣，總之就正正正，一定會再encore幫襯

好多時午餐唔想食肉，狂食沙律會超級貴同時又寒涼。約左朋友食個快飯。去樓下既紅城，會有素菜午餐可以揀，不過今日受唔住引誘要左咖喱，不過主要都係菜。雖然唔太健康，不過偶然要放肆下！佢最抵讚係咖哩同飯會自動分開上，咁啲飯吸幾多咖喱就可以完全自己控制，係無咁肥既！咖喱入面有薯仔，茄子等等。菜類唔算好多，不過煮得幾腍。咖喱汁唔辣，不過都香口。煎蛋有啲過熟，所以蛋黃完全唔會流，少少失望。呢個唔係set好既午餐，所以無包湯同野飲。

日期：9月27日人數：1人因為要單獨去銀行一趟，所以就自己一個人快快手手食個午餐。來到銀行附近嘅機利文新街，喺呢間冰室咁啱有一個位，就入咗去食。來到冰室當然要點一個常餐嚟考牌啦。常餐裏面有豬扒公仔麵、蔥花炒蛋、丹麥多士、同埋一杯飲嘢。轉凍飲加$3。先講豬扒公仔麵，豬扒煎得好香，但比較細塊，切左啲骨之後剩返好少肉。公仔麵略為林左少少。但值得一讚嘅係碗湯好熱，仲幾濃幾好飲 (餐廳聲稱係金寶湯)。蔥花炒蛋方面，食落去係熱嘅，所以應該係即炒，雞蛋本身幾香，加埋蔥花感覺唔錯。最後係丹麥多士，比一般多士鬆軟，加上麵包新鮮，當然好食啦。凍檸茶我冇影相，但係比一般茶餐廳要大杯少少。餐廳裝修正正常常，服務都算及時，冇乜挑剔。我食完之後餐廳都冇即時趕我走。總括而言，食完個常餐感覺好滿足。係可以嚟再次encore嘅冰室。

今晚同屋企人去中環晚飯，去咗呢間食開嘅餐廳。中環夜晚食飯嘅人唔多，唔使等位就入得。瑞士雞翼：次次黎都會叫，好入味，唔會煮得太爛，仲可以汁撈飯😂蝦仁炒蛋：值得一讚，啲蝦大大隻好彈牙，仲要挑咗蝦腸。蛋炒得好鬆軟，調味啱啱好。翠玉瓜炒蝦仁：啲蝦一樣咁彈牙，夾埋翠玉瓜同雲耳，調味唔係好重手，係健康之選。涼瓜炒牛肉：牛肉好腍，唔會煮得太耐，涼瓜唔算好苦，仲保持到爽口，仲意食涼瓜嘅朋友一定要叫。係中環食晚餐小菜，呢間餐廳食得過。

今日有同事萬歲。請晒大家食下午茶。於是就叫咗公司附近嘅紅城冰室外賣。我就叫咗雞翼沙律配凍檸茶 雞翼有三隻 炸得啱啱好 唔會太油膩 亦都唔會過熟 我最欣賞就係個沙律因為係薯仔沙律仲配有雜果粟米 唔係一般茶記罐頭沙律👍🏻總括嚟講呢間餐廳外賣算唔錯又送得快

呢間餐廳已經成為咗我喺中環區嘅最愛茶餐廳之選。 今日係我今個星期食緊第三次， 但係前兩日都唔記得咗寫食評。每次嚟都係嗌佢嘅常餐丁， 麻辣雞米線。因為我好鍾意食辣, 第一次食嘅時候就覺得唔夠辣, 之後我每次都會同落單嘅人講話要辣d辣d辣d。其實佢哋個米線就冇話大中小辣嘅，而非常抵錫嘅係佢哋嘅落單系統係真係可以撳幾次辣啲。 而最最最抵錫嘅係無論同佢哋講要辣d, 米爽啲定係凍奶茶少甜， 廚房真係會做到畀你， 唔係其他嗰啲落完單就算。（ 食咗啲雞先記得影相, 分量本身有好多㗎）湯底雖然唔係好辣但係麻辣香味十足！ 而且唔係好多辣油， 雖然味道香濃但係唔會覺得好油膩。雞肉分量勁多！ 同米線嘅份量有1：3。 雞肉鮮甜爽口。佢哋個多士係酥皮既， 新鮮出爐熱辣辣勁香脆！如果唔特別轉嘅話佢哋主要跟餐係炒蛋， 炒蛋有啲蔥，炒得香滑， 但係我覺得好濟， 成個餐會食唔曬， 所以我會轉煎蛋。 而家煎蛋係好正嘅流心蛋黃。 唔會好似其他餐廳咁一係就煎到全熟，一係就連蛋白都未熟。唯一唔好嘅地方係佢餐廳分開兩層下面嗰層 嘅冷氣真係好唔夠， 飲開熱飲嘅我夏天嚟到都要叫返杯凍飲。

番工前做個gym，之後獎自己食個邪惡少少既早餐。邪惡其實都係雙拼三文治，我忍左好耐而又想食左好耐了。好欣賞冰室有個專做外賣既窗口。起碼落單夠快，唔洗同啲埋單既人撈埋。要左茄蛋治，烘底係加兩蚊。唔知係咪烘底既源因所以耐少少，25拎埋都未到我。不過拎食物出黎個侍應幾好禮貌，所以ok啦。等既期間留意到佢個牌，I like!茄蛋治話哂都係啲好難好驚艷既野。佢既外賣有三文治盒放住，唔環保不過幾靚。蛋煎得幾靚。不過略嫌個烘底唔夠香脆，同有少少濃。

Met up with my friend in central for a quick lunch. Everywhere is so pack so we picked this place as it looks nice. I am glad we chose this place!!! I ordered the typical lunch set which has scramble egg with toast. The scramble egg is cooked to an optimal level which it’s juicy and it’s tasty!!!! It tastes as good as those places that are famous for scramble egg!! The satay beef soup noodle tastes so much better than most of the cha chain teng!! Overall, I am very impressed with the quality and

再次幫襯紅城，低食之選，早餐供應去到11點，可以當lunch。仿鮑魚絲火腿通粉 配 煎雙蛋 多士 $33 + 熱薑檸樂 + $8通粉偏淋，但味道還可以。蛋黃半生熟，正！多士已經塗了一層薄薄的牛油，好味，但因為外賣關係，已經唔脆了。薑檸樂係我的至愛，即係檸檬可樂煲薑。 裏面有兩大舊偏辣嘅老薑，和3至4片檸檬，再加上甜甜的可樂，甜酸辣一齊來衝擊味蕾，好好飲！ 每次飲完之後都會全身發熱，尤其係心口同背脊！最岩冬天傷風感冒或者來m的女士飲。

約咗朋友參觀大館,參觀前都已食飽飽喇🐖 茶餐廳位於一條暗行裡面，我11：00入到餐廳，趕得切食早餐，而價錢喺中環嚟講都算平👍火腿鮑魚絲通粉 煎雙蛋多士多士搽咗牛油先烘底, 非常香脆可口火腿絲通粉同出面大型連鎖快餐店質素差不多, 將煎蛋篤村撈埋個湯,令到成個通粉更加濃郁香醇 好味道👅👅👍👍總括而言，推薦要參觀大館嘅朋友可以選擇呢間茶餐廳，食飽飽先再去行博物館。

今次再選擇食平價又飽肚的醒神早餐， 供應去到11點，我通常都用當lunch，價錢只係$33，非常低食。仿鮑魚絲火腿通粉  配 煎雙蛋 + 多士 + 熱阿華田 $33 仿鮑魚絲分量都幾多，而且味道鮮甜，但可惜通粉煮得太林了。士多表面已經塗了一層薄薄的牛油，有點鹹香味。多士一定要趁熱食， 可能是外賣關係，食下去已經林晒了，不是脆脆的。 煎雙蛋做到流心效果，不會太 油膩也不會太乾，整得剛剛好。熱阿華田，正常味道，不會太甜。整體而言味道不錯，窮人lunch思物，會繼續幫襯。

lunch之選茶餐廳，方便快捷又便宜。選擇食全日常餐甲 - 豬扒金寶湯通粉配葱花炒蛋及丹麥多士 + 熱好立克 $49豬扒切得幾厚身，淡淡肉又唔乾，有少許黑椒味。味道唔錯!通粉煮得太淋身，沒有口感，可能係外賣關係。食食下當中發現幾條米粉，感覺不衛生，清洗器皿不乾淨。然後丹麥多士，酥皮多士再塗了一層牛油係表面，十分邪惡，口感鬆軟，牛油帶點鹹鹹地，好味！另外，多士一定要趁熱吃，可能係外賣關係變得不脆。 炒滑蛋有放蔥，味道唔錯！好立克 剛剛好，不太甜。成個餐埋單$49，雖然味道不過不失，但以中環茶記呢個價好合理，會再幫襯的。

原來以前嘅台灣餐廳已經執咗，取而代之嘅係呢間新開嘅紅城餐廳。試咗依個叉燒炒河粉，同行嘅朋友就試咗豬扒通粉跟滑蛋多士。平心而論，味道同份量都係一般茶餐廳嘅水準。好就好在佢嘅價錢相宜，$60就有一個茶餐，有湯同埋嘢飲。所以相信喺中環有不少上班一族嘅支持者嘅。順帶一提，發生左個小插曲，就係食食吓飯，突然之間冷氣機漏水，滴中左我杯凍檸茶裏面。當堂嚇咗一跳，好在侍應姐姐肯同我換過杯凍檸茶，安排過另一個座位俾我哋，服務態度非常好

今早要到上環上課，很多店也在假日關門，路過這店入內試下，叫了仿鮑魚通粉，多士、蛋， 通粉通粉味道濃郁，好好味，不過有些細碗，多士也不錯，蛋沒有特別，檸檬茶普普通通。

週四一整日既勞碌，會議接會議既節奏😫😫，晚上仲有堂要上😥😥 短促既罅隙時間下要解決生理需要🥢🥢 跑咗黎紅城冰室，呢間上環年青餐廳由佢開業以黎，經過無數次，硬係迎住佢又打住冰室名號🏘️，又懷舊裝修🏚️，仲要旺區核心🤑，呢啲中伏必備元素齊晒章下🤔，都未敢一試🤨今日拜訪，發覺得做人同睇股票💹一樣，唔好有Bias🎭是晚想食湯類，揀咗個全日常餐，轉咗個甲餐做公仔麵🍜，加杯凍啡☕等緊開飯時，哥哥仔店員主動溫柔地❤️問隔離枱既一家三口駛唔駛要多隻碗仔😯😯大佬，呢度係中環呀😕竟然旺區中間有咁好既服務態度，心入面響起一首小情歌。。。我想我很快樂，當有你的溫熱，腳邊的空氣變了💘到我杯凍啡小甜上枱，冰唔係刻薄地爆，又無溝淡杯啡👍 甜度個人覺得剛好然後丹麥多士🍞係盈喜囉🤯🤯小小一個正方框，劉青雲膚色既邊，原來有一層薄薄牛油常態分佈係個表面，咬落去鬆軟介乎鬆餅同厚多之間，中間一層一層酥皮，「我想我很快樂，能有你的溫熱；我想我很適合，當一塊歌（高）頌者（鬆餅）」😂炒蛋未至於出神入化，竟然有誠意加葱花？而豬扒🐷麵塊扒，煎香得黎又唔乾，放係麵面唔失禮，少少扣失係麵上黎一大舊，要自己先行搞開🥢成個晚餐埋單51蚊，已計凍飲加個