紅樹林餐廳 (已結業)

原本冇諗過食呢間, 母親節梗係飲茶啦~~ 但新元中果2間茶樓都多人到死, 要等幾十張枱, 嘩...........你話點等?? 成個鐘先叫得果幾張, 幾十張應該要等到晚飯lor~~ 所以唯有改食呢間仲有位的餐廳~~一如以往, 入到去係冇人招呼你坐的, 好似茶餐廳咁自己搵位坐, 坐低咗之後等好耐先有人見到你, 比水同menu你~~ 當你睇完想落單, 又係等你發火先有人, 我都唔明點解冇伙計?? 衰d講句, 食完走咗唔比錢都冇 人知lor~~ 我叫咗個日式青芥辣焗海鮮飯個色都幾wasabi, 但一d都唔芥辣味, 只係好淡好淡味, 唔食得辣果d就啱哂~~ 海鮮款式唔多, 又係得蟹柳, 魷魚, 魚等等, 個蟹柳好假, 成舊粉咁, 魷魚同魚就好細粒, 唔講真係唔覺有.................我屋企人就叫咗咖喱豬柳飯薯仔多過豬柳、海南雞飯好少雞、龍脷柳薯菜呢個最正, 薯條熱辣辣、龍脷夠大塊佢呢度d嘢食唔算太差, 但真係一d service都冇, 比加一服務費真係唔抵lor~~~

由於趕時間, 要在西鐵站附近食飯, 於是便試試新元中紅樹林...晚餐大約$100一個, 唔算平, 但都唔算好貴... 朋友叫了燒春雞, 份量好大, 雞皮好味道!但跟餐意粉無汁...要問侍應攞先會比一小碗...至於跟餐飯係超難食, 千萬不要叫! 以這個價錢 配這個價錢算是好唔抵食...

約左個friend 食野...今日落好大雨廢事出去街! 就諗主去里間度食.... 係英國反黎咁耐未去過.... 住得咁近都未試過....點知lai 野!!!!service 係勁差!!! d staff 好不知所謂.....會特登扮睇唔度...聽唔度!!! 但係佢地其實係度扮忙! 個friend 叫左個 afternoon set... 朱扒飯...好快就黎左...我叫左個西冷扒.. 等左45 mins 起碼..... 不停追order... 都未黎.... 叫左份雞亦都無黎...我等度無晒mood.. 想cancel.... wah!! 即黎!!! first of all: 行定留左單啦!!! second: service 好有問題!! 唔係一個...。係全部到係咁!!!afterall 我唔知點解仲會有生意!! 連埋單都耐過人... 我個friend 炆度直程去counter 埋.... 仲問佢地點解d service 咁....佢只識係度 o 嘴 同... 下? 我心諗... 好出奇咩?!?! 肯定大把人complain

同契哥預早慶祝生日, 諗住請佢食餐飯, 去左新元朗中心, 一上天橋入去就係紅樹林, 心諗是但啦. 6點幾去到, 唔洗等位.order左2個set dinner跟餐包, 湯, drink. 契哥:西冷牛扒意粉 我: 燒汁雞扒軟殼蟹天婦羅配薯菜.契哥食咩都無咩所謂的, 所以佢個餐唔知.我個set 軟殼蟹上時還暖, 但唔夠熱. 不過個人鐘意軟殼蟹的關係, ok的. 燒汁雞扒好普通, 凍的 = = 而且個汁一般. 薯菜都係凍的, 而且薯條為主, 2件西x花同紅羅白 我其實想食d蔬菜.....我點的係白湯, 無料的, 好水. 餐包連叮熱少少都無...最後, 飲品叫左熱檸蜜, 個waiter話加5蚊, 是但啦, 一般但起碼真係熱的.2個人150幾落樓, 覺得唔值吧, d野食凍的. 唯一好的就係坐卡位, 有景睇.

由於行街行夜左, 所以就要係新元朗中心到求其搵d野食~ 又唔想食板長之下, 所以就黎左呢間紅樹林食啦o我記得睇過openrice嘅食評都好似彈多過讚...不過結果, 我又覺得唔係咁差喎~ 可能係咁o岩我叫嘅野唔難食卦~女朋友食o個個扒就好乾...唔好提啦o不過呢, 我叫嘅豬手就好好味wo~ 出面食d豬手一般都係炆, 比較濕嘅~但係佢就係炸, 呢種我又未食過, 食落又覺得幾好味wo~ 唔錯~不過係嘅, 如果有得揀, 都係出番元朗食~

嗚 嗚 嗚 ~ ~ ~ 幾張相都開吾到, 幸好仲有兩幅, 證明我真係去過.今日想行吓商場, 便在新元朗中心紅樹林午餐. 侍應哥哥帶位, 一坐低, 枱面上只有兩張墊枱紙, 沒有餐具, 枱面中央有一小灘水, 我和朋友以為繁忙時段, 雖然未執好枱, 都讓客人先坐吓吧! 轉個頭, 侍應放低一份餐牌, 我和朋友輪流看. 又約兩分鐘後, 突然一個籃放在我的墊枱紙上, 原來是刀叉. 吓? 我上個月食果時都吾係咁 self service 喎! 況且果灘水就比人當透明 (雖然水真是無顏色) 朋友叫了黑椒汁西冷牛扒跟飯、粟米忌廉湯、熱奶茶 @$39. 我叫焗拿破崙汁蜜桃豬扒意粉、羅宋湯、熱奶茶 @$39. 粟米忌廉湯, 一向同自己開罐頭湯無乜分別, 但預咗喇, 所以無乜失吾失望.牛扒當然又吾好期望是上等貨色, 但吾「鞋」吾硬, ok 的. 蔬菜是 4嚿甘筍 + 兩嚿翠肉瓜.羅宋湯幾濃, 有充份蔬菜, 雖然無辣味, 但味道幾好.焗拿破崙汁蜜桃豬扒意呢! 我誤會咗 d 蜜桃是菠蘿粒呢! 我仲食到 1嚿甘筍 & 1嚿翠肉瓜 & 少少蕃茄肉. 豬扒已切開件, 方便入口, 份量是一塊豬扒. 其實,

男朋友為左我5舒服又5想行黎行去..所以一早選擇左同我去食西餐...食完睇戲....雖然....之前都有幫襯過.....但今次....真在太差la首先..服務生帶張2人枱俾我地....(當時個場係又5係太旺....個時個場係仲有4人枱).....甘我地要求轉枱...佢即時話俾張6人枱我地坐....甘我兩最終選擇左坐外面既枱...入正題la...我兩叫左2個晚餐....一個雞扒帶子飯.....一個黑椒汁羊扒3文魚意粉 2個都+左26蚊升級左個so皮忌廉湯.....青口4隻....炒什菌.....2杯特飲...凍棒子咖啡...菠羅特飲一開始湯都未到...就黎左個餐包....跟住炒什菌.....再黎以經係雞扒帶子飯...湯都未到就上左主菜...問番個服務生先至問入邊D人有未...........見個部長先施施然拎1個湯黎...我兩都呆左....再上既竟然係青口4隻....哇...第2個湯都未到就上埋第2個小食....火都黎.....再問之下...先至再拎黎....甘我兩呢刻先至正式進食...so皮忌廉湯..個皮焗得5脆身....仲有白色係邊...餐包放左甘奈以經凍晒...牛油刀上5知

今天, 因為下雨的關係, 所以只能夠到附近的新元朗中心吃午餐. 這個新鴻基旗下超垃圾的商場, 只有食肆數間, 在沒有甚麼選擇的情況下, 只有去那間紅樹林餐廳, 選它的原因, 只因為它不用等太耐位而已. 等了5分鐘左右便有位, 點了肉醬意粉餐, 這間店的食物水準一直以來由開業到現在, 都是一般, 沒有改善過, 未到垃圾的級別, 不過跟好味完全談不上, 但是服務則可以用完全唔掂, 每況愈下來形容, 今天又給我遇上了, 多麼的不幸啊!首先, 這店的冷氣嚴重不足, 大熱天的中午到這裏來, 不單只不涼快, 反而會愈食愈熱!!!其次, 這間店舖的效率極低, 人手非常不足, 很難才會找到人幫忙, 尤其是想找人加水, 實在困難至極! 當我吃意粉到只剩下1/3的時候, 已經點餐茶, 但是到我的意粉吃完了, 那杯飲品還未到來, 追了很久後才有, 所以在這裏點餐飲, 一定要很早點餐茶, 否則一定等到你火滾!結脹時, 餐的價錢是42元, 我給他們100元, 但是等了很久都不把錢找回來, 超過3-4分鐘後, 我忍不住問他們, 之後才把錢找給我. 總之, 這間餐廳的服務質素實在差得交關, 如果不是沒有選擇, 根本

今日係初二,同屋企人食完lunch先去拜年,其實果陣都幾旺,所以我地係坐出面,不過等位果陣,個waitress就睇唔到我mammy果d,就令我母親幾不滿啦,而且家母又不滿佢地聽力既問題,因為我表弟仲係bb,同佢講左有bb車,佢好似聽唔到咁,之後姑姐到左,又話呢個位擺唔到bb車咁之後坐低左,我坐就岩岩好,姑丈呢d長腿人士,一坐就個人變晒型咁但d食物就真係ok既,唔叫差啦,mammy個貝殼粉個份量夠兩位女士食tim,我個就油油地,食完都有少少肚仔痛,份量係大,而且係大到膩果隻,個湯就最好飲不過話會唔會再返黎食,其實都唔抗拒,但唔會特登返黎食就真,到商場其他食店冇位,我會黎食既

前日同男友仔去百佳入貨, 因為之前唔多肚餓, 起身無食野...行到新元朗中心, 男友仔忽然話想食少少野...結果, 就揀左呢間 "紅樹林" 既 TEA 試試...... 見到 meun 好似都幾吸引咁喎~睇左一輪, 我地揀左: 雞翼肥牛拉麵 凍檸茶 (凍飲 +$2) 瑞士汁雞比沙律 凍香蕉朱古力 (特飲 +$8)飲品先上枱 凍檸茶就一般啦, 至於 香蕉朱古力特飲就唔錯, 不太甜! 跟住上枱就係男友仔既 雞翼肥牛拉麵, 咦! 個樣一 D 都唔吸引既, 餸超少, 味又淡 (近乎清~) 至於我既 瑞士汁雞比沙律, 哇! 比隻雞比 size 嚇死左, 大家樂同美心果隻大過佢幾倍! 沙律還好! 算新鮮份量一般...價錢唔平, 份量細, 食味質數中下, No Good~

今朝早左起身, 悶悶地就落樓下食早餐, 新元朗中心真係無乜選擇, 不過早餐應該唔會衰得去邊啦...點知...我叫左朱扒+炒蛋+茄汁豆+餐包+奶茶 ( 簡單不過的早餐, 我其實都不抱期望)朱扒...最行o既朱扒, 都幾硬, 而且又無乜味 (正記$21早餐o既朱扒更鬆化入味)茄汁豆....大家都知道係即食食物, 不過好心佢有heart小小, 整番熱......炒蛋...最嬲真係尼個 "炒蛋"...完全係散o既, 根本小學生都炒得好過佢, 又老, 仲要.....炒蛋係要發o既, 完全無發, 仲要用o私的又無蛋味o既蛋....奶茶..完全無茶味....自己買即沖都仲好過佢...真係食到火都來埋, 如果美麗的一天就給他破壞了...咁個餐包呢 !? 個餐包到我俾錢都未出現過呀, so 不作評論呀最有趣的地方是咁難食o既早餐竟然坐到滿晒....我真係唔知道那班食客有問題, 還是我有問題....

元朗美食眾多，不過大多要花一點腳骨力，或費一點時間等待，才吃得到。貪方便的話，新居樓下選擇實在有限，其中紅樹林幾乎是最差的一間，但趕起時間時也沒選擇，裝修/等收貨時也幫襯過數次晚市，經歷幾慘痛的...　每次以都好普通餐包/餐湯開始一頓，然後來到碟頭式預製主菜。步入秋冬，有次見餐廳推出新的龍蝦汁龍脷柳焗飯，及馬來咖哩豬頸肉pizza，貪新一試，前者雖然一點吃不出龍蝦汁，味道總還過得去，後者的pizza批身似麵包非薄餅，所選豬頸肉又肥膩極，難食死了。又有一次加$12要了Tiramisu，又是難食之極慘淡收場，其實飲杯普通奶茶/檸水/朱古力是最安全的了~　而聖誕節當日的，因為太興早餐時段竟沒開門，又屈就來了吃。我要的是自選西式早餐($23)，任選3款食材，我揀的荷包蛋乾乾硬硬，腸仔皮不脆肉不香，煎漢堡扒是為最正常了，雖然淋上紅色蕃醬後挺恐怖。老公要的是沙爹牛肉湯烏冬，除了牛肉正常，湯底過咸、烏冬不彈牙，又是水準以下之作，整頓最滿意是，是烘熱了的小小提子麥包，還有熱朱古力與凍奶茶也OK。　而環境OK，價錢不貴是餐廳唯一吸引之處，但如斯質素我真的情願自己煮。隨著各項廚具日漸齊備，我立志要好好學廚

對紅樹林一向都冇咩期望但求飽肚點知今次都算有d驚喜wor驚喜一: 裝修左坐得舒服左好多,無以前咁迫d 水晶燈仲幾靚ga tim驚喜二: 焗飯無以前咁乾紅樹林d 焗飯一向都超乾今次真係好左d

去了新元朗中心睇戲 , 仲有大約40分鐘先睇 , 想食左飯先 ,又唔想行過去大馬路果邊咁遠 , 唯有留響商埸食 ,但係個商場得紅樹林同太興 , 紅樹林坐得舒服d , 就簡紅樹林。叫左個2人餐 $138簡左 :餐湯餐包x2豬頸肉烤餅乜乜汁海魚柳飯乜乜大啡菇焗牛柳熱飲2杯餐包軟熟。因為餐包會係我第一樣食既野 , 所以我好注重 ,好彩每次紅樹林都會先叮熱個餐包 , (唯一優點!?)湯係冇味既 , 其實餐湯真係好少餐廳整得好飲 , 不過可以整到完全冇味佢都幾利害先上台既係個魚柳飯 , 普通貨色。飯底係蛋炒飯 ,我發覺紅樹林d 飯底成日都係蛋炒飯 , 係咪因為成日太多隔夜飯淨呀!?再黎既係豬頸肉烤餅 , 切成兩等份 , 奇怪在兩份之中有一份係完全冇餡d餡堆晒響另一份度 , 既然如切 , 何不在烤餅的別處下刀 ?唯一可接受的是大啡菇焗牛柳 , 此菜式分成3層 ,最上層的大啡菇有好多蒜茸 , 中間層係牛柳 , 只比大啡菇大一d ,底層係厚厚既薯茸 , 不過食完碟飯都飽 , 仲點食得落薯茸呀 ...本身呢度傾計都幾好 , 因為卡位都算多亦夠大夠多位 , 不過我地趕住睇戲!!!所以好快埋單走人。***難

紅樹林餐廳 由其上水元朗分店, 己光顧無數次, 一排沒來, 菜式也沒變改....蘑菇薯蓉 好多牛油, 而D蘑菇有陣生味好似未熟。 麻麻地LA..西冷扒, 紐西蘭肉眼扒 2者價錢差不多 仲有酥皮忌廉湯 味道都可以, 再 差就唔得了但塊排就愈黎愈細 個湯愈黎愈冇料LA..!!