紅樹林餐廳 (已結業)

上星期六去食lunch,食o左個珍珠帶子炒意粉, 勁勁勁難食呀! >.<成兜意粉好淡冇味, 成兜o野得幾粒仔細到睇唔到o既帶子粒, 簡直完全食唔落!收三十幾蚊?! 我去買包食冇咁嬲!

12.26 Boxing day開禮物當然開心，但也是假期的最後一天了。　接下來的週末會離開香港，前往北京遊玩及倒數，因此今天爭取時間去看《黃金甲》，免得心掛。兩小時的電影看完已是2點，就來了這裡吃下午茶。　對於椰林閣集團經營的餐廳，我會吃的都不外乎沙律、咖哩。不會特別好味，但亦不會差得到那裡去。　而且，價錢平、環境舒適是最大賣點，都值一個ok臉啦!好了，接下來兩天要清一清腸胃，準備迎接京菜...! 　2007倒數5天

今日由於時間緊迫,於是被迫係新元朗中心搵野食...個度冇咩野可以選擇, 於是是但入左黎食, 早知上太興食好過...入去冇一帶位都算,自己搵個位坐低後叫個侍應比個menu我. 點知我想叫野食時揮左好多次手都冇人理我. 明明間餐廳入面有好多侍應,但佢地掛住企係個門口附近吹水,激死人...幾經辛苦終於落到單,叫左個日式雜菌豬軟骨拉麵加熱華田.個碗麵一上臺,唔知點解聞到既係一陣怪味...心知不妙...再睇睇,個麵明顯地整得好求其,個麵餅都未完全散開...仲有,雜菌等於一片冬菇,豬軟骨又唔軟,又加埋d爽口既雜豆...天啊,未食過咁難食既豬軟骨拉麵...枉佢係椰林閣集團...椰林閣d野都唔係咁差呀...仲有地d服務真係好有問題,我親眼見到有兩個客人唔知等咩等極都等唔到要埋單走人.....咁點得呀....想叫人再來食都難啦.仲要加一service charge...你有冇service比到人先?!

服務1次比1次差,唔知係咪多左大陸人係果度做,攪到d服務咁差@@講番d野食先,同以前差唔多,我都係食什扒+薯茶,宜我朋友就食左個南瓜汁海鮮天使麵,味道都矛咩變,只有服務不斷變@@

禽日行山，由荃灣到元朗，大約4.5小時，因好晒好侷關係，令我地都好倦。本來，辛勞後想吃一餐好的，咁遠到元朗，緊係想吃餐好，點知去到大榮華，有人擺酒，無左好多位，所以超超多人等位，真係經不起再等。所以遺憾地拉隊走。其實此時只是六點，但四圍都好多人食飯。因有人趕住走，所以只好到西鐵站搵目黑。點知又係全爆，要Line up。唉，心傷透。求其來了這裡吃，一向對此集團食肆沒多大好感。可能行完山，基本上都覺得食物okay啦。食物賣相亦相當不錯。我叫的南瓜忌廉汁海鮮焗天使麵，都ok，係有d溜。呢度環境幾靚，好大。

到元朗Yoho探朋友之後到這裡休息一下，食店落腳於新元朗中心，在外面看這裡挺有情調及環境不錯，再看是椰林閣同屬集團公司，雖對椰林閣印象不太好但都可一試，起碼集團企業怎樣差都有個譜，況且光顧客人不小，應該信得過，二來新元朗中心內亦沒有象樣的選擇，故就在這裡落單吧！下午茶選擇很多但大部份都是重量級，乾牛河、炒烏冬、炒飯、薯條雞亦等；小朋友喜歡，卒之點了芝士焗肉醬意粉及薯條雞亦配雜果沙津。落單時店員心不在焉，要講幾次才落到單，另外要求杯開水給小朋友都要提醒三趟，有點兒無奈。芝士焗肉醬意粉及薯條雞亦配雜果沙津上檯後賣相已經打折扣，如圖一樣焗肉醬意粉的碟邊滿是醬汁焗乾的焦炭痕跡，另外雜果沙津又水汪汪，雖然雜果必然是鑵頭貨色，但明顯隔水做得不好所至。涷咖啡不行，要小甜都做不到，証明落單不清楚或沒有提及；另外涷朱古力由落單到上檯要等了半個小時，罷明是漏單，但店員基本上沒有跟進，你推我讓，跟這個說了後口頭回答跟進但最終只做回自已的事，完全沒有到茶檔跟蹤，而上檯的涷朱古力要小冰又沒有做，到這裡已經很失望。其實當時已經是下午茶尾段，在坐的客人已經不多，但服務仍是未到位，而人手應該足夠但店員很多事情沒有上心

因為趕住睇戲的緣故, 迫於無奈到此店快食....誰不知惡夢開始..先叫了一客海南雞飯醫肚, 慘啦, 所有餐具滿怖油...似乎未清洗似的!! 唯有用水加以清洗乾淨....而鴨公叫了客扒類, 肉質較硬, 十分雪味!! 唉....如果不是為了看戲, 寧願多行一步, 到附近的食店比較好!!又或者直接在戲院內食熱狗+ 燒賣為妙....順帶一提, 店員很似好優閒, 但也不願多行一步, 為客人服務....究竟有無睇廣告:今時今日這麼差的服務態度, 怎樣去留住客人呢?不明白為何每到食飯時間也會滿座, 是否我要求太高呢?

昨晚辦完事,乘西鐵返到元朗巳十点,未食飯,在新元朗中心揾食,本來想去二樓太興,但見好似快收舖, 就改在一樓既紅樹林,其實都好耐無來過,自從上次送來沙爹牛肉麵加送大甲甴後,巳一年多冇來. 因太晚了,不想再花時間四處揾,想隨便吃点算了,穿黑制服(我想是部長掛)送來一個"油淋淋"餐牌,我看了未夠十秒她就問我要乜,我正告訴她要海南雞飯和凍Ｏ荼,但她就大声向３米距離的waiter問對方今晚食乜消夜,她問完後頭再轉向我, 又再問我要乜,我又再講一次.唉!真的不知所為海南雞飯來到,個盤又係油淋淋,碗飯只有油和咸味,完全沒有雞油飯香,雞只有胸,都無所為,但非常硬,好難食,我想真的不可能再幫親了...埋單$52,我一元tips都唔比,太差啦

未試過食野食得咁慶！！已經唔係第一次，呢間野嚴重地唔夠人手，咁都算，啲ｗａｉｔｅｒ（仲有嗰ｄ所謂部長）態度極之惡劣，話說我今朝去食早餐，預左成半個鐘食野，之後先睇戲，一坐低，舉左手成個字都無人打算理我，等唔到唯有自己行去叫ｗａｉｔｅｒ埋單，一個類似部長的東西極不請願地走過來，我講完食乜，佢堅持要我講出個餐既編號，嗰下經已好嬲，我已經好唔禮貌咁問佢：”你唔係要我講埋個ｎｏ．先肯落單ａｒ？”佢竟然好寸咁話”最好啦”經已一肚氣，我問佢係咪呢度ｉｎ　ｃｈａｒｇｅ，佢話暫時係，想搵個高級ｄ，有職業道德ｄ既員工都無，開頭都諗住算，反正落左單，點知又等左好耐都無野食，連水都冇杯，太憤怒！於是決定再搵另一個西裝級人物反映，佢只係好敷衍咁話睇下，跟住又係冇野食，我唯有走，並且永久ｂｌａｃｋｌｉｓｔ呢個集團旗下既所有食肆搞飲食業唔係咁架，啲野已經唔係好食，只係因為嗰度朝早食一間食肆開門我先去啫既然唔夠人手，啲ｗａｉｔｅｒ，部長又咁唔鍾意喺度做，麻煩個老細睇到呢篇評語ａｎｄ其他食評，睜開雙眼兼”的”起心肝，執ｑ左佢啦！！！！！！

約咗經紀响食晏時候傾我啲舊單，整理一吓我啲舊保險，於是就嚟咗呢間餐廳食飯。我食晏嘅要求會比食晚飯略為低一點，因為時間緊迫，根本冇可能可以慢慢享受美食。所以以此作標準，呢度嘅環境其實唔錯，不過梳化軟墊好似有少少向前傾，坐坐吓成個人好似想冼落嚟咁。我嗌咗咖哩炆牛脷，整得都幾好食。果然同椰林閣同一出品，咖哩同出一徹，比較香同重椰油，杰杰地送飯一絕；牛脷尚能保持原有肉味，唔係太乾；飯偏軟，但尚可接受。正如多位食家話齋，呢度最大問題係啲服務。落錯單、出錯菜、冇人理經常出現，所以仲要收加一服務費，雖然得三蚊多啲，我都嫌多。埋單三十五蚊，食物雖不俗，服務扣晒分。

薀莎,椰林閣,紅樹林!!三間同一集團，三間啲服務都一樣，非常之差，差到不得了，有次我同男朋友去食，個度ｄ人成日坐埋一齊傾計，叫左好多次都冇人理，到有人黎啦，我地咪叫野食囉，叫左個西冷扒同什扒，佢最初黎左個餐飽，之後有個湯，我起初食到有怪味，食真ｄ原來係漂白水味，之後我就叫人啦，又係叫左好耐，好啦，有人黎啦，咁我就同佢講啲湯有漂白水味之後個唔知係唔係經理既人就拎左入廚房換啦，我仲聽到佢話：「有個客話有漂白水味喎，要我地換左佢喎。」黎左ｄ食物不知所謂，有陣嘔吐物既味，食左少少之後就冇食啦，總之就．．．．．．．．．．．．．．．．．

我食過3間薀莎,椰林閣,紅樹林!!如果要比較的話,椰林閣d食物服務等等係最好!!薀莎食物服務ok,接受到!!而紅樹林......新元朗中心個間的食物唔好食的><,而荃灣個間(好似係荃錦中心)服務超級唔得!!!有次放lunch同個fd去食,佢叫蝦仁炒飯,我就叫雞扒飯,fd既炒飯黎先,但我個雞扒等左45分鐘,仲要催幾次先黎,餐飲仲快過飯黎!!雖然個時lunch time好多人爆晒位,但好離譜囉!!要等45分鐘,隔離位遲黎個d都差唔多食晒!!個時又趕住返學,剩返10分鐘叫我點食?!!最後食左幾啖就趕返學校!!所以我同個fd black list左紅樹林了!!

今日自己一個入元朗, 諗住隨便搵間平嘢填肚~見到紅樹林門口post 咗個早餐menu(個時係12點正) 十幾蚊有個餐, 覺得都ok wor~ 未入去問吓lor~ 不過12點都有早餐食~有d奇怪. 於是我問吓個經理重有無早餐la~ 佢居然立刻轉身, 同個waitress 講:"嘜未換牌咩?" 簡直當我無到. 之後我問佢有咩食, 佢就好敷衍咁打開個menu 比我睇.叫嘢食個時我舉咗幾次手,足足十分鐘先有個waitress 應吓我. 而且唔單止我有li 種待遇,坐係我對面的兩對情侣都係舉手舉到發(蚊)爭, d waitress 同個經理簡直係盲ga好la~終於落到單,上菜la~點知佢上錯菜. 我叫個waitress 換個時,佢景然好唔客氣咁問我叫咗d 咩.成餐飯都食到我好谷氣, LI D 係咩嘢服務態度R!!!

尋晚同大人去新元朗中心百老匯睇<無極>, 攞完飛得返40分鐘食飯, 冇得去食石崗咖喱, 唯有喺新元中入面食啦, 早日食過目黑壽司, 唔好食, 麵臧又食過... 見百老匯隔籬有間西餐廳, 去試下先。坐落細心觀察一下周圍環境, 再望下個餐牌, 似乎唔會好好食喎, 50幾蚊有西冷扒, 牛柳, T骨扒? 應該好大機會係勁鬆肉粉味而又無肉味嘅扒, 穩陣啲叫隻燒春鷄算咯, 呀大人就叫羊扒, 兩個羅宋湯, 兩杯凍檸茶丫唔該我: 點解啲好湯唔熱唔凍嘅?大人: 你試下揸牛油丫, 啲牛油味好怪呀我: 唔制(淨食餐飽)...... 原來啲飽本身啲甜味都怪怪地...咁我就飲番啖檸茶諗住"long"下口啦, 嘩, 啲茶好苦又好甜呀! 兼檸檬有少少酸味得黎又無檸檬味, 如無意外, 係個水吧用劣質茶葉沖茶, 由於質素關係茶香好怏冲完, 剩番苦味, 個水吧死都唔換茶葉, 淨係搏命落糖水想蓋過茶嘅苦味, 但兩者都太濃於是啲茶好苦得黎又好甜勒...燒春鷄係我咁大個仔食過最難食嘅, 雖然係外表好靚裡面又熟晒, 但啲肉味就有好強勁嘅血腥味, 食咗丁dur就忍唔住停手放棄, 呀大人好勁, 食得晒佢啲羊扒,

呢間紅樹林經過好多次,開左咁耐都係第一次試。幸運地有卡位坐,舒服d啦,又有巴士睇...哈哈!分別叫左咖喱牛腩意粉/海南雞飯。咖喱牛腩意粉外表睇落ok,咖喱味幾香,不過我唔食牛,無試。媽媽話平日份量多一半,星期日貴左又少左.....海南雞飯望落都幾對眼,見到碗飯都飽左大半。湯: 唔知乜野煲雞腳湯,碗仔細細但幾隻腳,ok啦!好過上次d菜湯。油飯:唔太油,不過又唔太香,總之唔係白飯;紅磡個間就夠香不過好油,針無兩頭利乎??雞:可能係雞胸關係,所以唔算太滑,不過件數都幾多,夠送飯!! 薑蓉同辣椒汁普普通通,反而酸瓜幾好!呢間紅樹林招呼還可以,ok啦。