紅樹林餐廳 (已結業)

看見環境好像不錯, 就入去試試, 坐下來才知是紅樹林. 自從去過葵芳那間之後, 已經怕了, 不過, 個waitress 幾有禮貌, 所以就冒多一次險, 相比之下, 這間好好多, 至少整潔些. 我點了套餐, 有龍脷元貝, 餐湯再加一杯餐飲, 加一後差不多$60 . 餐湯一般, 龍脷元貝普普通通也可以接受. 朋友點的是石班配元貝, 說真的, 煮了出來, 又吃不到有什麼分別, 只是多了一條魚和幾件元貝, 不過, 比我的套餐就貴了$30 , 而且, 又沒有意粉.如果下一次再來, 一定會點set dinner.

一個「你唔好黎喇」死趕爛趕的努力宣告白費心情頓時跌落谷底第一次勁想在辦公室大叫及飛快勞爸媽會唔會已經當個仔離家出走左?這天正值全城談論高琳琳小妹妹小天使的確觸動了人們的心提醒大家不單別要愛得太遲還別要愛得太少食到一餐飯原來也是萬幸撫心自問過去九天見家人和摰愛又有多少?無得一家團聚都唔想自己一個人食飯好彩仲有人肯陪我不過咁夜係寶琳又未收只剩呢間椰林閣集團成員一個勁餓加一個半飽只叫一份晚餐加一個沙律已夠晒數火龍果鮮蝦沙律雜果幾好食不過蝦就當然是雪味十足了晚餐點了西冷湯怎樣已忘了是普通還是差但好像有很多牛肉西冷不太夠熱但還算不太差但是對一個飢腸轆轆的人來說那個黃禁禁的飯還是太硬太不吸引了尢幸服務已算比起一般的椰林閣好很多雖然臨收工叫天不應叫十次也沒有人出來寫餐茶但坐得夜也沒有趕客對心情不佳的我來說也很感恩了

記得同媽媽食過一次,諗住睇下會唔會好過椰林閣啦,點知仲差好多下....食dinner set,d waiter唔知做梗咩咁,唔係多客,得幾台,但冇人執台!!!叫左一個魚,一個牛,味道算係咁,(hk既西餐好多都好差!!)但係湯就完全唔得,紅湯好似滾水咁,完全冇味...食物,同服務有需要改善,唔係既不如早d"關門大吉"

我一向都好少去呢間and呢個集團旗下既餐廳。今日同個朋友貪方便，又見到門口寫住「中午一點前落單，午餐一律$25」，我同朋友睇下錶，12:50，仲有時間，於是入去坐低即刻落order。入到去其實人唔多，但發覺張張檯都有野未執！d staff做緊咩?!落order喇，落order前我地仲問一問個男仔waiter，問佢依家係咪仲係$25，佢話係。好喇，食完，味道如何...我唔計較喇，都係求其填下肚。咁我叫埋單啦，個女經理俾張單我睇，我發現佢收我地原價wor！我問佢啦：「唔係$25咩?我地12:55落單架wor。」佢指一指張單上面既落order時間，係「13:11」。咁我緊係唔順啦，同佢講我地12:55已經落order，and問過個waiter佢話係$25。個經理d態度...一d歉意或者解釋之意都冇，淨係話：「係跟我地個時間架。」我已經慶喇，我睇下我個錶，13:02，我問佢：「你個錶依家幾點?」佢竟然話13:15!!! 有冇搞錯，有乜理由將自己個錶較到比標準時間快15min！咁同呃人有咩分別?!」蠢再我冇同佢撐落去!　我只有好唔順地俾錢。

星期三下午，路經新都城，見到e間餐廳裝潢都幾高級下，便和朋友去試下，入到去，冇人招呼，所以便自己找個位坐下。幾經辛苦叫左個侍應過來寫單，我叫了干炒牛河，朋友叫了魚柳沙律。不用五分鐘便上菜了，上菜速度算是快，比一般茶餐廳還要快，味道平平，牛河太咸，有點像渴醬油。魚柳太細件，千島醬只有兩滴，感覺上覺得廚房師傅太孤寒！餐茶等了十五分鐘，尚可接受！但杯子是崩的，很危險！埋單的時候，完全找不到一個侍應生，最離譜的是，我見到經理走到隔離的鋪頭<打牙交>，這點完全不能接受。最後，還是無奈地等了十分鐘才找到人埋單，自此之後，我以後也不考慮到這集團旗下的餐廳了！！

今日我同屋企人都唔想煮飯…決定出街食…所以決定食西餐…本來想去椰林閣…但基於人多…最後決定呢間都係同一集團既紅樹林餐廳…一入到去…d侍應都好好招待我…咁之後我就叫紅酒西冷牛扒…咁我媽咪就叫T骨扒…我Daddy就叫芝士搧貝配雞扒…咁佢既餐湯係羅宋湯…都幾好飲…之後主菜都埋…咁好自然…我同屋企人就交換試下…最後我地都係覺得紅酒西冷扒係最好食…八成熟…D肉都好甜好新鮮…配埋什菌汁…正呀！！！另外T骨扒雖然無咁好…但佢既黑淑汁為佢加唔少分數…呵呵…至於芝士搧貝的確好夠味道…再加埋雞扒配燒烤汁…令到成個餐多元化…可以食到兩種食物…的確係一大樂事…最後叫餐飲…我媽咪叫奶茶…我就叫coffee…Daddy就叫"咖啡加奶茶"(唔記得點寫果兩隻字)…感覺上奶茶好飲d…大家下次不防考慮呢間啦…呵呵…平均一個set dinner大約四十幾至五十幾…加埋加一服務費…六十蚊左右啦…都算係抵食既西餐…

我們叫了兩個下午茶餐，每份$21(未計加一)。首先到的是餐飲，其中一隻杯有污漬，杯碟更有一粒飯！另一杯是檸水，只有一片極薄的檸檬！不過後來待應替我們更換了第一杯，第二杯則加了兩片檸檬。食物味道一般啦，都算ok，但什菌豬骨湯面卻少了什菌（我們起初沒注意，所以沒有提出，發現時已吃得七七八八）。

今次去左tko libra溫書~由住tko的annie帶我和fanfan吃東西..來了這間...well...原來都係椰林閣班底的-_-"$40一個set lunch..個羅宋湯唔係咁ok wor..叫左牛排意粉..er....我都唔知比咩反應呢餐好了..完全唔值$40..orz""

上星期六食set lunch。個羅宋湯好辣(我唔食得辣)，仲有好greasy。個魚意粉普通啦，不過有個護士朋友話佢地d 意粉係pre-cooked，所以可能唔係好衛生。全場得o個一兩個人serve，斟水/ 叫埋單等到死左。想請我食飯都唔駛咁掛。寶琳咁多野食，下次唔會再黎...

唉~前幾日同我班朋友仔去新都城行啦~行行下就搵野食~正常啦~之後見角位有間好似幾好既西餐廳~入去食...叫野食~n咁耐先有人黎應我~個黑衫既部長用d 唔咸唔淡既廣東話同我溝通...西餐feel 冇晒...食食下野~發現碗白湯有隻黑色既昆蟲...唉...唔洗我多講後文...埋單時，唔知點解要咁貴o羅，一問之下~原來又加一凍飲兩蚊，加唔係問題，但係佢跟本個餐牌冇寫既，罷明陰人，我同佢講聲~佢出面話返我轉頭，話唔寫都知啦...冇野講~以後都唔會再食~

Today visited a fd in Polam, and my fd was thirsty so we decided to have a drink at this place.However the staff were not really bothered in serving the customers. Anyway we finally got the waiter to come over and ordered a sesame tea and a glass of grapefruit green tea.When the drinks came, the presentation of the sesame tea was messy, it seemed the waitor could not balance the cup when he was bringing it over, as there were drips of the tea on the cup. Before trying the tea, it looked like any

我覺得紅樹林的侍應都幾好，同出面的椰林閤紅樹林相比，這裡的侍應已經很好，而且現在這麼平的餐廳來說，這些服務質素，算是很好了。如果要將他們和外面的餐廳來相比，他們一定不好。但是說真，以這樣的價錢，就是這樣。所以沒有什麼好批評呀！食物質素：都是這個說法，以這樣的價錢，　　　　　差不多了。裝修方面：我想他們應該想比人一個很高貴的感覺！　　　　　可惜他們用了新都城的地方。　　　　　很不像樣哦！

重新裝修過係幾好, 但得個殼囉, 侍應簡直係below standard, 食物咁架價錢交咁架貨囉,會唔會再黎,都冇得簡啦,係將軍澳區架西餐廳幾乎比椰林閣架集團玩晒lu

係將軍澳行街, 最後決定係呢間食, 個位置係冇咩人行既角落頭, 我們選擇左坐外面, 比較闊坐得舒服點. 望一望餐牌+ 看完食評, 原來真係椰林閣既旗下…. O…..服務態度, 真係麻麻, 侍應個個都玩玩下咁, 又唔加水, 想落單要叫先有人應, 一點都不認真既服務態度. 輕鬆得嚟都要專心一點工作嘛~~叫左雜扖跟薯菜餐, 不是鐵板上, 有普通的火腿, 普通的雞扖, 牛扖, 硬的豬扖, 一條芝士腸, 炸薯條, 一舊蕃茄, 少少菜. 食物溫度係和暖的, 我想佢地係慢慢每樣煎完先續件上碟, 好失望, 未食過和暖的雜扖餐. Bf 叫左黑椒牛柳炒螺絲粉, d 牛柳都不錯的, 可惜成碟炒完味道好淡, 要自己加調味品. 都係失望.飲品ok, 同普通茶餐廳一樣. 總括, 下次去將軍澳一定唔會再選擇呢間!!

椰林閣間公司想走young line 所以開既餐廳!下午茶同椰林閣一樣!裝修呃得下人,特別係個水晶燈!坐就普普通通過得去!侍應生唔多醒目,服務態度有時都唔係幾得...晚飯價錢都ok!但略嫌不夠乾淨(睇到刀叉明顯唔多乾淨)俾我,都係返去椰林閣啦....