紅火鮮料火鍋專門店

营业中

休息中

朋友去過兆萬中心的紅火鮮料火鍋專門店說好吃，要帶我來試試。試過之後，果然名副其實，材料真的很新鮮，值得回頭幫襯！這裏有三款放題：火鍋、中日、中日韓，不同時段有不同價錢，我們選了晚上九點的時段，放題價錢由$188-228,真的很便宜啊。我們沒有加韓燒，看到火鍋餐牌食物，選擇非常多，刺身、壽司、炸物，該有的種類都有，飲品有多款汽水和啤酒任飲，自家製竹蔗茅根水都有，打邊爐時下火最適合，很不錯呢！湯底點了胡椒豬肚雞煲，一上桌聞到超香胡椒豬肚湯味，估不到這個湯底用來打邊爐更是一絕。先說雞肉，有半隻雞的份量，用的是新鮮雞，肉質夠結實而且嫩滑，還有豬肚，煙韌有咬口，湯底滿是雞香和胡椒香，輕微胡椒辣味，吃得熱血沸騰，天氣轉涼最適合。火鍋配料上桌速度超快，不用乾等，職員招呼也週到的，會不時來收拾，也很有禮貌。食物賣相不錯，吃下更是新鮮，值得一讚！ 吃海鮮最能夠反映食物的新鮮程度，點了的蝦，超鮮甜又爽口，絕對是新鮮；蜆是隻隻開口的，乾淨無沙，也很鮮甜；水魷非常爽口；脆鯇片帶少少骨碎，但不影響爽脆口感；只要夠新鮮，配豉油和蒜蓉，簡簡單單已很好味。丸類方面，非常推介這裏的手打蝦滑、墨魚滑，因為每天新鮮打製，是

八號風球本身都好擔心去唔到 因為本身訂左位同朋友補祝番生日 平時好難夾時間😫好彩都有照開炸 book左9點🥳咁我地book左兆萬17樓個間紅火鮮料火煱專門店 不過以前對兆萬有個壞印象覺得食物質素都唔係太高 不過依間紅火鮮料火煱比我信心番哂黎😍咁我地就簡左「中日韓」放題😆小朋友先會簡 我三樣都要😋其實選擇都有幾多下 我地驚食唔哂都係每樣點小小🤣首先簡左蕃茄薯仔牛肉粒煲做湯底 係我既至愛 我本身已經好中意飲蕃茄薯仔湯🤪不過值得一讚薯仔勁入味同埋食到最後d牛仔粒都仲係好嫩👍🏻哈哈首先我地就燒左海鮮先 個元貝一定要食！加埋d蒜真係超正🤤海蝦都好鮮甜🤩邊爐就一定要叫「北海道蟹柳」😚係特長蟹柳 見到已經超興奮！同埋「自己滿意墨魚丸」見到依個名咁搞笑都叫左 真係幾滿意😝我都幫佢改番個名水深火熱長蟹柳😂壽司我都係叫番自己中意個d 記得惜食都好重要🥰

今次嚟到位於旺角既紅火鮮料火鍋專門店，打住任食既旗號，有得食雞煲火鍋、日式放題、韓式燒肉，一次過滿足哂我三個願望！😳唔好以為佢地８足咁多爪，水準一定麻麻。實程係每樣都有返咁上下質素，覺得拍得住同價位既專門店，甚至有啲位置仲做得更出色既🤣🤣！雞煲火鍋雞煲叫咗小辣，辣味適中，唔會食兩件就好口渴，雞肉好嫩滑有驚喜🙋‍♀️。火鍋配料選擇正宗既港式火鍋既配置，除左大路野，肥牛呀魚呀菜呀🤣，仲有啲比較特別既材料，例如雞雜、田雞等等😈日式放題放題雖然食物種類唔算多，但如果只論味道同新鮮程度，個人覺得比起同價位既日式放題專門店更加好。刺身鮮甜，無腥味雪味，係意外嘅驚喜😳😳。炸物非常出色，等待時間稍長（仲以為自己落漏咗單），原來係因為即點即炸，脆度爆燈，熱辣辣咁食，真係超級滿足！🤭個人推薦芝士年糕同榴槤炸彈，雖然好常見，但即炸既真係太正🤣韓燒我地無試太多，不過食材一樣新鮮，餐廳仲有附上孜然粉同鹽，加埋一齊燒好有風味🙋‍♀️：環境幾好坐，乾淨企理，完全唔逼。加上價位平易近人，每人都只係200蚊左右＊，又咁多玩法，岩哂一班朋友或者一家人聚會，個人幾鐘意😙會推介俾朋友😈📍紅火鮮料火鍋專門店 (旺角)旺角西洋菜街1

每次行經兆萬都一定見過有好多餐廳派傳單，不過好多間食完之後都覺得麻麻地，令到好多人對兆萬有陰影😂 不過今餐兆萬放題冇中伏兼有驚喜🤩呢到放題有火鍋任食、中日放題、中日韓放題3個級別可以選擇，所以想簡單D淨係打邊爐，或者豐富D乜就有得食就任君選擇。見佢無論係火鍋ORDER紙，或者日式ORDER紙都應有盡有，勁多野可以嗌，早知約多幾個FD一齊黎，咁先可以試多d野食😂日式即係有刺身、炸物、壽司、卷物、天婦羅類別可以點，所以加多少少錢就可以多咁多選擇，絕對係超值👍🏻今次同朋友9點半入座，揀左中日放題($218/每位)先送上刺身，賣相一流😍冇諗過呢到雖然唔係純日式放題店，但刺身質素拍得住，甚至好過部分日式放題店😍刺身新鮮冇雪味，款式選擇仲要都幾多下🤤炸物/天婦羅：新鮮炸起夠香脆，而唔係事先炸好晒放喺到，搞到淋晒又凍晒。特別推介鬼馬炸蝦膠同椒鹽鮮魷球，非常惹味🤩而且呢D唔係好多地方有得食飲品方面自助形式，汽水茶類啤酒都有😎火鍋方面今次揀左花膠湯底，湯底裡面除左有好幾隻大大隻花膠之外，仲有娃娃菜，海蝦等配料，飲落去幾鮮甜，不過如果花膠事前再煮耐d，應該湯底會更濃厚花膠味😃美國雪花肥牛、西班牙黑豚肉、新

餐廳：紅火鮮料火鍋專門店 (旺角)地址：旺角西洋菜街1號兆萬中心17樓適逢中秋🌕，連續四日假期，緊係要同一班朋友去打邊爐傾吓近況，輕鬆一吓啦😆，今次去左旺角兆萬中心既紅火鮮料火鍋專門店到試吓佢哋既韓燒同火鍋😋接近6:00pm入座，食晒中日韓放題都係$218，用Openrice訂位仲有9折優惠🤩，都幾抵食我地叫咗個濃湯花膠雞煲，個湯底好濃郁足料，唔單止有大大舊花膠，仲有足足半隻完整既雞🐓，飲一啖湯已經感受到花膠同雞香🤤，相信餐廳都有去一去油，所以湯底一啲都唔肥膩👍🏻，唔怪得職員都話平時好多人叫呢個煲啦！餐廳仲有其他唔同特色選擇，例如有四川麻辣煲、煲崩沙牛腩煲、蕃茄薯仔牛仔粒煲等，仲有重點推介既金牌重慶雞煲，下次可以試下其他湯底🥘食完滋補雞煲就開始打邊爐，依間火鍋店推出超過100種免費火鍋材料🥬，皇帝菜、超甜粟米都唔錯🌽，仲有重慶粉、馬尾粉絲依啲比較特別既食材，素食嘅人都啱😎至於肉類方面，佢地有超多海鮮同唔同肉類，象拔蚌、牛坑腩、安格斯牛柳粒、西班牙黑豚肉，真係花多眼亂😍。我地一班食肉獸仲加咗和牛級手切肥牛(每位+$30)🐮，望落去好薄，食落口柔嫩，入口即溶，真係好有驚喜🙊打邊爐嘅同時緊係

兆萬呢個商場不嬲都多嘢食大家都知，細細嗰食到大，但係好多舖頭都係中伏之選😳😳好耐冇見嘅朋友話帶我嚟呢間度食野，話要令我改變😜好啦，俾次機會啦🤩一上嚟先知原來可以食刺生，雞煲打邊爐，韓燒，同一時間做晒三樣嘢🤪咁米好忙咯😳提供自助醬料吧同飲品吧，好整齊企理😋刺身款式都好多，三文魚，帶子，螺片等等，帶子特別好食，因為厚切嘅😋韓燒方面都好多選擇呀，燒黃沙豬膶都係第一次，原來可以咁好味架🥳🥳燒三文魚頭好高質😊牛仔肉好juicy😃之後就食雞煲，有洋蔥，蒜，蔥，紅綠椒片等食材，爆得香身❤️雞件好多，雞肉原汁原味，嫩身既肉質，食完雞煲就加水打邊鑪🌟任點任食火煱配料，真係好多啵，基本既黑豚肉片，美國雪花肥牛同羊肉片，估唔到肥牛好高質喎，羊肉味好濃郁😋，我特別鐘意食羊肉。手打蟹籽墨魚滑，順德鯪魚滑，手打蟹籽鮮蝦滑同埋手打丸，非常彈牙同埋料足，爽口😋脆脘骨腩，脆鯇魚片，生猛海蝦，全部都好新鮮呢😜黃沙豬膶，秘製牛孖筋，樣樣都係打邊爐必食既😚小食有炸魚皮好香脆架😊紅火鮮料火鍋專門店旺角西洋菜街1號兆萬中心17樓全層

值得推介。有打邊爐，個花膠雞湯好好味，兩個人半隻雞，湯濃要先飲一碗。。。之後食剌身，都幾新鮮，仲有炸物，壽司。。。韓燒都唔錯。牛舌，魷魚鬚有驚喜雪櫃味道多，我試咗海鹽，玄米茶。。飲品款式都多揀兩人 19:30入座。$539埋單可以推介唯一可改善，就是冷氣不太足，有啲熱

因為疫情關係，已經好似未試過吃火鍋或雞煲。於是就上Openrice 睇睇邊間多好評就食邊間，試試佢。以往兆萬呢個商場食既野，比人感覺一定係中伏放題，劣食，差到嘔個d...但今時唔同往日了，竟然食出一間不錯的店舖我們19:15上到去食，客人不算多，不用等位，立即有得食，店員講解得不錯。$198一位任飲任食，加一服務費，有95折。叫重慶麻辣雞是可以任加雞的。雞很快就到，可以即食，少麻少辣，岩哂口味食完加雞再加雞！火鍋食物好新鮮，我最推薦是雲吞同響鈴最後埋單$414，飽飽落樓，貴就貴左d，人均$200，但如果你大食就值得既。其他時段仲抵，不妨一試。

太耐冇打邊爐，所以今晚就同男朋友出街打邊爐，本來想去牛大人，不過因為太多人，所以行左去兆萬搵，在樓下睇左一陣，見成日去壹火鍋，今次就試下第二間，因為時間都唔早，我見10:30後就可以食3小時，所以揀左呢間紅火，一出lift見到個環境其實唔太好，不過都幾多人食，我哋都要等左一陣先有位，坐低後就叫揀左個花膠海鮮煲，個煲一嚟到，我自己都覺得幾足料，有2大塊花膠，2隻蝦同幾隻蜆，D蜆好鮮甜，蝦又好新鮮，個湯係勁好味，本來諗住任食D質素應該麻麻，但佢呢個湯真係可以比美出面散叫果D花膠雞湯煲，真心值得推介，我哋加錢（每人$30）食埋刺身，不過其實刺身唔太好食，冇乜味嘅，所以決定下次再來就唔駛再加錢食刺身，火鍋配料都係大部份任食店有嘅嘢，另外一樣要讚係手打蝦丸同墨魚丸，蝦丸堅有蝦，2款丸都係爽口美味，因為覺得D蝦同蜆唔錯，所以叫左幾轉，牛就差左D，但黑毛豬肉反而仲好味！

由於今日旺角區有社會運動所以星期日都沒什麼客人，7點來到最多只坐了5成。場面有點冷清。我們通過openrice平臺訂座有95折優惠。每人218包加一，包括自助火鍋和雞煲。如果加80有海鮮拼盤，再加多30壽司魚生任吃。但我朋友說基本火鍋配料已經非常多一定吃不完。所以只點了火鍋吃。火鍋選項非常多。衹是海鮮已經有大蝦，青口，蜆，脆魚腩，脆魚片，魷魚等。還有大量牛肉，豬肉，蝦滑魚滑，雞子，豬紅，豬皮，響鈴卷，午餐肉等。火鍋配料非常充足。不過說實在，一分錢一分貨，配料的質量並不是最好的。但勉強也可以接受。火鍋湯底選擇了鴛鴦鍋和牛腩鍋。整體味道中規中矩不過不失。但性價比絕對是高的。

宵夜時段特別餓，最啱任飲任食，行過兆萬樓下，紅火既輝哥話有新野試，原來係火山石燒，話係試反應，所以暫時係免費試玩叫左個花膠雞煲，一人一隻花膠，湯清甜，飲咗湯先至打邊爐，邊爐配料同平時一樣好新鮮，正常一般嘅肥牛同埋牛肉粒豬牛雞樣樣齊，海鮮都有，蝦大隻是日海鮮蜆、象拔蚌都有仲有我鍾意食嘅淮山萵筍，巨型蟹棒真係抵食之後黎左個新野⋯⋯火山石燒，佢一嚟就俾咗啲肥牛豬肉同埋蝦餅雞翼比我地燒，用石燒D肉汁鎖住好味，不過如果火太大會有D彈　油，不過整睇都好味，最後再燒🦐，好味道依D食物加依個價錢真係無敵😆

好來冇返嚟打邊爐，啲水準仍保持到！👍近日因為疫情問題 ,所以店員都十分貼身 ,一坐低後就嚟呢一煲大滾水給客人洗碗洗筷子洗餐具!小弟先揀咗個鍋底就係花膠雞煲 ,料十足有半隻雞, 水滾後先飲啖湯 滋補一下,才淥火鍋料!之後就 嘆心愛火鍋料,例如海蝦 田雞 鬼馬油炸鬼 手打蝦丸等等 仲有脆肉鯇片! 因為我哋二人前,份量所以啱啱好!最後可以介紹大家一個海鹽雪糕 鹹鹹地 有意外驚喜!#花膠濃鷄湯#啲員工好貼心#個海鹽雪糕好好味😋

訂位8:30 已經早左到，最後冇枱要等到8:52分先坐低，可能太多人，但安排上做得不足先搞到企左咁耐...仲要張枱地下成灘水冇人抺，行出去拎野要好小心。之前黎食冇咁多人，見到咁旺場但人手似乎唔夠已經心知不妙，結果個花膠雞煲等左三個字先到，大火滾到十分鐘叫人剪雞，一剪開 隻雞啲肉粉紅色仲有血水出，揀煲之前點左野食，等左半個鐘都未到，附近食客都不停催緊食物，有人催左三次都未有而我同朋友點既食物呢，點左既黎唔足，冇點既又黎左，手切肥牛我叫人拎叫左4次都可以漏。坦白講唔係難食，係ok，但我等左幾耐，周邊食客同我地一樣等到燥，追多幾次先會有。希望你地生意好左增加返人手，今次明顯見到你地質素下降，差左好多，我介紹朋友黎都有啲唔好意思，非常失望。飲品方面冇左竹蔗茅根，唯有揀汽水雪糕就雀巢 冇咩特別 都多味揀

大約6點45到場，個場未滿有啲驚😂一個阿姐招呼我哋入去坐，仲話我哋聽原來影張menu相，share係Facebook就送原價$30一位嘅任食刺身！😍🌟刺身都唔錯，馬刀貝有驚喜，好爽口鮮甜，$30一位都食得過👍🏻等左陣都未有煲，問一問原來漏左單，阿姐即刻話唔好意思，好快就有喇~🌟花雕醉雞煲，兩個人但都有好多件雞，雞肉好滑👍🏻🌟但我好唔鍾意個湯，冇花雕味，而啲藥材搞到有啲苦😢😢，建議試吓啲辣嘅湯底應該會惹味啲🌟除左雞煲/普通湯，仲可以叫埋火鍋料，唔使加錢🌟三層架令到枱面好乾淨，好方便👍🏻而且二人枱都夠大張🌟唔加錢食手切肥牛都有普通肥牛揀，質素都唔錯🌟雪糕方面得雀巢有四種口味🌟總結：有下次，但一定會揀第二個煲😂

當日是紅假，以為會多人出去食飯，所以提早7點上去，去到等了一陣便有位。首先環境不錯，地方都清潔。人流都算旺，但一點都不嘈。食物方面不錯，因為只是兩個人去食，所以選擇的食物都是選擇少份量，因為此間火鍋店有分少量及多，這樣可以減少浪費食物。