紅火鮮料火鍋專門店

营业中

休息中

因為今日慶祝生日，特登揀左間又有得打邊爐，又可以韓燒燒肉，仲可以食埋日本野，實行食曬中日韓美食。首先，火鍋湯底我地揀左花膠雞湯 ，餐廳老闆仲好細心咁係我地面前剪開啲雞，保證足料，仲等我地容易啲食，湯底好濃郁，好有雞味，好似煲左煲靚湯咁，我地仲飲左碗先開始落野打邊爐 ，而呢度有好多火鍋靚食材比我地選擇。特別係呢度有鴨血食！好彈牙！而打邊爐最緊要係靚牛，呢度嘅牛肉肉質鮮嫩，好有肉味。而燒肉方面，因為肉類都質素好，所以餐廳都唔需要用太多醬汁醃製，唔會死鹹，配埋特製燒汁食一流！最後，講埋佢地嘅刺身，真係好新鮮，特別推介海膽手卷同埋軟壳蟹手卷。仲要有好多款式忽你揀添。一個價錢食足三款美食，大胃王嘅我哋絕對係值回票價！

今日慶祝媽咪生日 特登揀左依間又有得打邊爐 又可以韓燒燒肉 仲可以食埋日本野🥰 火鍋湯底揀左花膠雞湯 老闆仲好細心咁係我地面前剪開啲雞 等我地容易啲食🥰 湯底好濃郁 我地飲左兩碗先再打邊爐 火鍋食材好多選擇😍 鴨血好彈牙😍 牛肉肉質鮮嫩😝多到好難揀 燒肉方面 好欣賞佢啲燒肉唔會太多醬汁醃製 唔會太鹹👌🏾 配埋燒汁食一流呀 而且啲肉肥瘦均勻 岩岩好刺身超級超級鮮甜 唔會好似超市果啲咁！ 所有款式既刺身都好好食 炸物榴連波波 超正 好有口感🥳 芝士年糕 又香濃☺️雪糕仲要好多口味海鹽味、朱古力味、芒果味、抹茶味同咖啡味仲要呢一隻牌子係日本嘢☺️真係值回票價

好耐冇去兆萬樓上啲舖頭食嘢勒！今次朋友帶咗我嚟呢間有齊雞煲、打邊爐、韓燒、日式刺身放題嘅餐廳🥢一坐低先揀咗要咩火鍋湯底，火鍋湯底有好多唔同選擇，我哋揀咗「崩沙牛腩煲」，牛腩唔會韌，味道唔錯！另外配料用QR code落單，方便快捷👍🏻韓燒亦有多款種類可選，我哋試咗四款牛，牛仔骨肉唔鞋，好好味😋，而海鮮有元貝、海蝦、生蠔、蜆、青口….另外仲有必點嘅燒菠蘿🍍又甜又多汁日式刺身方面，刺身夠新鮮，仲有壽司同炸物….雪糕同埋飲品都係無限量供應，真係唔飽都幾難。餐廳好寬敞，座位都好多，但始終位置實在太旺，下次約埋班Friend再嚟飯聚，一定要訂定位最穩陣。

早兩個星期前book枱去到果日有電話通知我已經訂咗枱我book 19:30 但係我19:15 已經到咗根住佢比咗張枱係得一個電磁爐但係佢其他枱都係有兩個爐 一個係韓燒 一個係打邊爐咁我就問佢可唔可以轉枱佢話要排隊等問題就嚟啦點解我book咗枱要同人一齊排隊等位呢？而重點係佢個態度係極差仲話個個都要等位咁我book枱嚟做咩？仲要話我喺booking時無講食中日韓…..而加呢啲係咩服務態度？PS 間嘢好似無冷氣咁勁熱真係唔推介大家去受氣

實在太耐無打邊爐，心血來潮同朋友一齊嚟旺角搵到呢間。「韓石燒．日本刺身．火鍋」真真正正係一應俱全。火鍋都有好多款式選擇，我仲懷疑緊自己有無睇錯😮除咗雞煲．胡椒豬肚雞煲都有。今次就試「崩沙牛腩煲」火鍋配料選擇好多，每款都可以按數量點選，可以每款試一兩件，又唔怕浪費食物👍🏻店員安排了4款唔同口味嘅牛，肉質都唔錯，仲要好厚切，韓石燒 就最合適，仲可以放埋海鮮落去燒，唔少嘅仲有菠蘿，超甜又多汁。總括今餐平．靚．正

除咗火鍋放題之外，呢度menu可選嘅刺身同埋炸物buffet同樣好抵食，豐富嘅炸物令我眼花繚亂。🥰點咗好多樣試，🧀cheese年糕，榴槤波波，魷魚圈等等...我就最鍾意芝士年糕，同埋炸榴槤波波。年糕外脆內軟，😍入面仲有香濃嘅拉絲芝士。榴槤波波榴槤味好香，中間都有新鮮果肉餡。刺身同樣好豐富，除咗有🐟三文魚，北極貝，希鯪魚，我最鍾意嘅係佢嘅🦐巨蝦刺身，好大隻之餘，亦好爽滑，😙非常之有口感。

任飲任食3小時！$228 食盡中日韓！ 刺身好新鮮～ 打邊爐 叫左濃湯海鮮花膠煲.湯底係濃味的 … 忍唔住飲左2 碗湯😂真係有花膠喺裏面㗎！另外一個爐就係韓燒有我最鍾意食既羊架呀！食材方面有好多選擇！ 淨係講打邊爐食材都多過出面一般餐廳！ 野飲櫃！ 有啤酒 更係要啤一啤佢啦！ 可能今日係平日～唔算多人 所以坐得好舒服.有雪糕食的！ 寫係日本雪櫃黎～ 分別有芒果、芋頭、荔枝、咖啡！ D staff 好nice ~ 食完既盤好快有人黎收～

呢間店鋪嘅korean barbecue選擇都好多😍除咗打邊爐之外，佢哋都有好多燒烤可以選擇。今次燒烤，我哋都叫咗好多種，我哋試咗牛舌，元貝，牛仔粒等等，而我最鍾意嘅一定係羊架。佢個羊架厚薄適中，唔會太過厚好難切。但係都有keep番相對嘅厚度，可以食得出肉質嘅鮮味，唔會騷，而且烤咗出嚟之後好香口。yummy and nice experience燒咗1輪之後，店員都會好細心咁樣問，使唔使轉盤，服務態度好親切。

其實呢件事好痴線😂一間餐廳有齊韓燒、打邊爐、日式刺身，仲係放題，真係要乜有乜，滿足晒咁多人嘅願望😂但係又好正，因為大家可以食到自己想食嘅野估唔到平日夜晚都咁旺😯😯😯Menu多到傻😂好正，一張枱咁樣設計😂個火鍋叫蕃茄薯仔煲，可以食肉又可以食菜☺️好開心！扇貝同蜆都幾新鮮😉多春魚夠多春我自己就最中意雞軟骨!!!!!! 真係第一次見到有餐廳有得燒😍然後加七味粉一齊燒仲正～正！魚生任叫～多啤酒揀😉仲有雪糕食！食完啲咁heavy嘅野，就食豆腐味黎refresh下，中和番～

如果平時任食火鍋太普通，你一定要來這里有好多好多好多冷門又貴的食材田雞田雞田雞好野要講三次!你睇下隻田雞肶，圓碌碌，彈力十足，用雞煲汁煮好好食。鵝腸，仲要有走肥ver ，有肥的鵝油味滿分。雞雜雞腸巨型海蝦 (唔梅，比其他店大,我特別用支筆比例下，其實蝦不算貴野，有些店就是比d梅ge 細ge,)象拔蚌鴨紅有可樂wooooooooo可能你會話都係正常野，但係任食有這個質素就不普通了。有圖有參考，這店值得我再來

疫情期間，枱與枱之間無1.5米距離，並沒有放上間板，明明係四人枱又成為六人枱，坐得非常之擠迫，就算更好食也不會幫襯，何況食物一般，影響了星星師傅嘅聲譽，附近有兩檯都係睇咗星星師傅同佢賣廣告先會黎

如果經過旺角又想打邊爐，周圍都要排晒長龍，咁呢間就啱你，所有嘅食物都普普通通，但就想打邊爐咁呢間就啱晒，同埋呢間位於兆萬嘅邊撈，價錢黎講算係中下，如果你早啲入座$200有找，同埋係食兩個鐘，但食物款式都係傳統邊撈都有嘅，同埋佢哋嘅座位都唔算太闊落，但佢哋可以加錢韓燒同放題，我就覺得淨打邊撈或者食雞煲已經夠

今日經旺角，入咗兆萬中心到食野，見到好多野食，而我想食雞煲，所以揀咗呢間，入到去，氣氛都幾唔錯嘅，見到有韓燒火鍋刺身雞煲，咩都有，食雞煲張落單紙都幾多材料選，開頭食個雞先，個雞都幾入咪，還不錯既，但之後d材料入黎就覺得d食物唔太新鮮，食魚皮餃個陣一入口已經要嘔返出嚟，之後食佢地d炸物唔好食，好似食野一劈乾爭爭嘅，好難食如果$188一個人再加一既話真係好唔抵好垃圾囉，性價比如果10分最多可以比3分，真係唔推薦呢間，一見到呢間韓燒火鍋刺身雞煲咩都做，就覺得自己中左伏，因為呢間都唔係專門店！所以唔係好推薦大家食呢間野，如果食雞煲放題，出面好多都比呢間好

旺角兆萬中心向來是放題的集中地，但一直以來予人的感覺都是質素參差，有些甚至有點伏味，但最近筆者就造訪了那處的一間鮮料火鍋專門店，用料與味道均十分不俗，而且定價頗為貼地，讓人感覺耳目一新。 這店位於兆萬中心17/F，裝潢雖不算美輪美奐，但勝在整潔舒適。放題分為火鍋、中日或中日韓3種選擇，是的…你沒有看錯，是中式火鍋、日式刺身壽司和小食，以及韓國燒烤，選擇多樣有夠誇張，價錢則由最平的$168到最貴的$248不等，視乎你想淨食火鍋，定是同時品嚐日韓美食；當然不同的時段亦有不同的價錢，十分有彈性。 看看點餐紙，選擇雖可能不及某些大型放題的來得豐富，但要有的大部份都紙上有名，中式火鍋有近12款湯底選擇，火鍋料也一應俱全，好像肥牛黑豚肉羊肉片，各式海鮮丸類蔬菜餃子，甚至乎像百花釀油條和有膏鵝腸這些特色食材都有供應，實在外邊少見！當晚點來了麻辣雞煲，用料十足雞件堆得滿滿的，辣度雖不算太強但亦煮得刺激惹味，麻香十足 頗有風味。食完雞煲店員即幫忙加湯繼續打邊爐，肥牛雪花尚算均勻，黑豚肉鬆軟帶脂香，最正係有膏鵝腸、稻庭烏冬和北海道蟹棒，鵝腸爽口啖啖油香，稻庭烏冬煙韌滑溜，北海道蟹棒並不是一般的蟹柳，粗粗的

環境方面個場都好大，啲位唔會好逼，坐得好舒服😌食物方面佢有分3種放題，愈多食物價錢愈高雞煲火鍋放題：純粹普通雞煲火鍋日式雞煲火鍋放題：上者+日式刺身炸物日韓雞煲火鍋放題：上者+有埋韓式燒肉我地今次就試左個日式雞煲火鍋放題一開始雞煲未到，梗係點左刺身先啦放題黎講啲刺身都正常，唔會差炸物、天婦羅都唔會好厚粉花膠雞煲，個湯好好飲🤭呢度雪糕款有好多，最少成10隻味最後我地3個人，食左佢成廿個雪糕，食到格離枱都望住我地🤣