紅磡冰室 (已結業)

紅磡冰室聽就聽得多，今次都係第一次食。首先佢門面都唔錯，彩色既『紅磡冰室』招牌，相當搶眼。由於我去既時候係星期六既下午茶時間，都等左大概10分鐘先有位。佢鋪頭唔大，目測坐到20左右。一望餐牌，就比佢個瑞士雞翼吸引住。我二話不說，叫個『常餐B-瑞士雞翼撈公+炒蛋多士』，唔洗5分鐘就起菜。首先佢雞翼好入味，肉質都恰到好處。麵既軟硬度都適中，撈埋瑞士汁食，簡直唔想咬就直接呑晒落肚。炒蛋都唔錯，半生熟滑蛋，正。至於塊多士，我中意加埋砂糖咁食，係就係邪惡少少，但好味就無偈啦。飲埋杯凍奶茶，太滿足了。以上套餐，都係盛惠$49，算係唔錯！

放假梗係瞓到晏一晏再去食個茶餐啦～ 今日起身已經係食下午茶時間，不過都無損我去紅磡冰室食返個茶餐先～ 瑞士雞翼撈麵餐真係百吃不厭個種，雞翼已經有三大隻配埋特製瑞士汁撈麵，真係唔捨得咁快食哂=_= 呢個餐仲配埋牛油麵包＋炒蛋，值得一讚的炒蛋好滑是次次食完都大滿足，一定飽飽。 不過年頭又加了一次價，已經迫近50$一個餐，價格貴了唯有食小幾次，但無阻我來吃的心哈哈！！

紅磡冰室夠近理工大學, 我地lunch都好鐘意係呢到食！瑞士汁雞翼撈公仔麵簡直係每次既必點之選！蒜蓉包嘅蒜香好夠。瑞士汁雞翼好吸味，醃得夠味。公仔面都夠重口味！我通常都會加$5再配埋紅豆冰！味道就正正常常啦。

紅磡冰室有幾樣野好出名，但要講丁最好食一定係雞翼撈丁呢個餐。我仲要迷到試咗好多間唔同嘅分店，發覺最好食都係紅磡嘅兩間冰室。佢嘅瑞士汁雞翼好入味，甜甜地，唔似其他冰室嗰種有雪藏味同埋雞肉唔入味嘅情況。另外都可以試下豬扒撈丁，佢地塊豬扒真係成塊面咁大，完全足料，可能跟餐多士都唔使食就夠曬飽肚。

正！雖然冇咩肉但有輕微麻辣味都好好味！ 記得要早啲去12點至一點半最旺場可能要等位！！！ Lunch Time之首選！ 奶茶跟餐都好好味夠smooth ！ $49 good deal la.

如果喺尖沙咀紅磡黃埔嗰邊讀書返工既朋友 應該都一定聽過紅磡冰室 呢間冰室睇落去規模好細但係其實已經有好多間分店 雖然講落去好似好老土 但係開得幾間分店 甚至係喺香港做得住品質點樣都會有少少保證😂😂😂喺度讀咗幾年書基本上每次嚟到都見到佢係滿既 要排下隊 可能系因為呢度嘅鋪頭太細 可能係因為放飯時間 不過我覺得更加可能系因為呢度嘅質素有保證🤤😂冰室來講呢度嘅價錢唔算太平都算偏貴 但係因為呢度嘅食物份量夠大所以其實性價比都幾高 平時有時都會叫下佢嘅客飯 不過大多數都係叫佢嘅特餐常餐 基本上望成間鋪差唔多個個都係叫特餐常餐😂都係果句 跟大隊一定冇死今次又照舊叫咗一個特餐 $42 瑞士汁雞翼撈公仔麵 配蒜蓉多士同埋炒蛋 撈公仔麵呢度都算幾大份對得住佢個價錢 炒蛋亦都非常之滑 如果大家第一次嚟建議大家都係叫返炒蛋唔好叫煎蛋 另外佢嘅奶茶亦都幾香濃好有茶餐廳味道！朋友就叫咗一個常餐A $46 蕃茄鮮牛肉通心粉 配蒜蓉多士同埋炒蛋 如果想食得清清地嘅朋友都可以試吓呢個 佢嘅蕃茄湯都幾濃 認真講句食落同上環好出名嘅勝香園 差別唔會太大 咁當然佢都只係一個番茄通粉大家亦都唔好諗住真係超級好食 但係佢嘅蕃茄

見證住紅磡冰室由呢間始祖店，開展業務到各區都開始有分店。短短幾年間，到處都可以食到有水準嘅茶餐廳食物。食左幾年，都淨係食過呢度嘅早餐，呢度嘅早餐B係我例牌選擇。沙嗲牛肉麵，牛油方包轉做蒜蓉包，炒滑蛋，熱奶茶，每一樣食物都整得恰到好處。唔需要做全港第一，只要每樣野食都好味，水準平均，已經係一個完美嘅早餐。

-講到紅磡冰室，最出名梗係常餐B😆-常餐B😋（$46）瑞士汁雞翼撈公仔麵，嫩滑炒蛋，牛油多士，熱奶茶😀有3隻瑞士汁雞翼，雞翼好入味，甜甜的😍，雞翼正！公仔麵份量都OK，對我而言，口味偏鹹😕，食完好口渴，不過炒蛋好滑🥰，好好味，多士有烘過，食落卜卜脆😎，配埋牛油就正😆整體而言，依個常餐都幾好食👍🏻-PS見到大部人都係食依個餐😆-Name🏠: 紅磡冰室 （Hunghom Cafe）Location📌: 紅磡明安街25號地舖（港鐵黃埔站 B 出口, 步行約4分鐘）價錢💰:常餐B（$46）

上星期到尖沙咀行街不經意地發現「紅磡冰室」，於是很好奇原來紅磡冰室也來了尖沙咀，但當時並不肚餓於是就這樣行過了。而今天在紅磡午飯的時候有看見了「紅磡冰室」，算是有緣吧，好，就試試吧拿起餐牌發覺他有別於其他餐廳的，只是簡單的欣賞餐廳名字，然後加上一個蓋了蓋子熱騰騰的食物，將意味着會為客人準備新鮮又熱騰騰的食物。炒蛋及多士、炒蛋的質量算很不錯，每一啖都有蛋的香味，很有質感，而不是炒＂水＂蛋，而多士方面不會太過火，咬落去香脆可口。番茄薯仔牛肉湯通粉;蕃茄湯濃不油膩，牛肉也不會烹調過欠變得很硬，蕃茄薯仔也很足料，一邊覺得自己好似在飲緊蕃茄薯仔湯，一邊又可以把通粉浸在蕃茄濃湯裏頭，有家的味道很久也沒有在午餐的時候點常餐了，因為我是一個喜歡選擇不同食物的人，同時也很喜歡吃東西，但這個常餐雖然選定了一些特定的食物，但卻比以前吃過的午餐加例湯質素更高，而且價錢並不貴，簡直是糧尾的天堂

店內環境同一般茶記無甚分別，座位以卡位居多，座位空間適中，不會太迫。食物方面，「紅冰」出面係佢嘅下午茶，雞翼撈丁同埋個炒蛋多士都係必嗌之選。個人則較喜歡食【特餐】，即叉燒通粉、炒蛋多士。叉燒選用瘦叉，味道一般，份量OK，都有3,4塊左右。炒蛋多士嘅炒蛋非常經典，所用牛油份量岩岩好，炒出黎賣相好靚，味道香口。多士通常都烘得好脆，夾少少炒蛋食一流！識食的話，更加會加錢配埋牛角穌，佢呢度炸得真係幾脆，不過就唔夠香。鐘意黎呢間茶記原因係我從來無試過被人催交檯，而且侍應態度幾好，可能做慣街坊客，有種賓至如歸嘅感覺，幾難得。

依家普通一份早餐都要成$30幾元，如同等價錢，咁梗係想找間大件夾抵死，最好味道都要有番咁上下啦！紅磡冰室的早餐就可歸類此範圍。沙爹牛肉麵，沙爹醬唔太鹹，牛肉都有5-6塊，足一個普通公仔麵，女士來講，吃這個都很飽了。火腿煎蛋配方包，是厚方包，等於一份腿蛋厚三文治，如成10時多才吃早餐，咁中午飯多數要推到吃下午茶了。仿鮑魚火腿通粉，餸都唔少，通粉多到在碟邊了。炒蛋配牛油多士，炒蛋嫰滑，多士很脆香，加$1都抵，是水準之作。

havent seen this dish in most hong kong styled cafes in a long time ! $49 for a lunch rice take away with no drinks is a bit expensive but the taste of the beef, the raw egg and sauce was awesome! amount was quite a big plate and definitely filling enough for lunch ! they are very busy though. had to wait for 15 mins for my take away order and no seats inside were availablethey also have the beef mince version which i must try next time !!!

今日中午黎到紅冰食午餐，諗都無諗就叫左常餐，紅冰最正係常餐！常餐46蚊有撈公仔面+雞翼/豬排+多士/蒜蓉包+炒蛋/煎蛋同熱飲我地3個人叫左3個常餐，蒜蓉包+炒蛋，我就叫左雞翼，另外2位朋友叫左豬排，我覺得豬排好食過雞翼，一黎豬排大份D,同埋豬排外皮炸過，相當好食！雞翼既瑞士汁我就覺得一般，推薦叫豬排。蒜蓉包都好好食，平時去茶記都食開多士，黎到要試下蒜蓉包，淨食同夾蛋食都一樣咁好食。不過紅冰既服務係差少少，成日都好多人，要等一陣先有位，同埋侍應都會快手收起d碟趕你走，朋友仲有少少炒蛋都比佢收左 。不過呢個做得價錢都要預左 ，總睇黎講都係抵食！

因為吸塵機壞咗，所以我要將吸塵機攞去紅磡維修，結果來了這間紅磡地道的茶餐廳《 紅磡冰室》。🍽 一入餐廳，我就見到每個人都點這個常餐B，作為識飲識食嘅香港人，梗係跟大圍叫個常餐B啦 ^_^侍應好快就上咗個炒蛋同埋多士🍳，炒蛋十分滑，而多士係烘過嘅，外層都有啲脆。好快就嚟咗重頭戲，就係這碟大大碟的瑞士汁雞翼撈公仔麵，公仔麵份量十分多，麵沾上了瑞士汁，甜甜的。😋😋😋至於雞翼，真係好夠味，而且雞肉好滑，骨同埋雞肉很容易拆開，好容易食。相信細食啲嘢你，應該都會食唔曬。四十幾蚊嚟講，真係好底食啊！備註：可能人流多的關係，所以冷氣十分勁，準備來紅磡冰室的你，記得帶多件外套😎

天氣熱到一個點，約咗朋友去紅磡冰室，朋友未到，侍應好好人叫我未齊人都入去坐住先，好窩心！十居其九都會叫佢個撈麵餐。因為真係好好味，又好夠飽！今次同朋友叫咗一個瑞士雞翼撈公仔麵，一個豬扒撈公仔麵。套餐包括有多士或蒜蓉多士，炒蛋或煎蛋再加飲品。我每次都會要蒜蓉多士，厚切又多蒜，邊皮脆，內裡軟，炒蛋超滑，個人應為比佐敦某某出名炒蛋，日日大排長龍嘅茶餐廳更好食，又唔洗比人兇，呢度啲職員nice好多!!撈麵瑞士汁底，雞翼有3大隻，豬扒大大塊，有咬感之餘唔會太硬，40幾蚊真係好抵食！