紅米 (已結業)

平時見到尼間野假期都要排隊，可能係樣靚價平既餐廳。所以就搵左個下午去食，我揀左all day breakfast 因為我中意食牛角包，其實佢成碟都好豐富，有滑蛋 有雞扒 雜菜粟米⋯⋯😋😋 40幾蚊係唔錯！

不經不覺都幫襯咗一段時間,講真一句。係依條毓華街佢又真係算抵飲抵食嘅今晚一心唸住"領獎",所以太座點咗一個F餐"喇沙肥牛雞翼湯烏冬"(送熱飲)。我攪出(一卡三賞)叫咗"闊佬,蒲燒鰻魚蛋包飯"。先來嘅烏冬賣相當相掂,喇沙香味直撲上面。最為驚喜嘅贈品蛋包飯跟一般不一樣,居然用上長碟上檯。先試一口蛋包,香滑可人,反轉一睇還有蛋醬在飯面流動。燒鰻魚跟有木魚絲,入口別有一番滋味。唔使幾分鐘就KO晒整碟飯埋尾當然嘅"至愛~即磿咖啡"。嗒一口咖啡,還是那一句。"抵讚,保持一貫水準"。大膽講一句個人口味,整條街嘅食肆都唔及佢。唔係太苦就係太酸,好多街坊都講係為咗飲佢杯即磿咖啡而來嘅

一入到去,就聽到好多陪伴我地成長既香港地道流行歌曲@@ 好多都好經典,好有香港味道!我地兩個人食下午茶餐,朋友叫左個熱香餅食。發現同麥當勞既差唔多,仲話D蜜糖唔夠,要問staff攞tim ! d員工無咩笑容,服務一般。味道都唔太特別。我就叫左個好特別既紅豆綠茶西多士,個西多士岩岩炸起,好熱! 配合綠茶雪糕既冰凍口感,一冷一熱,正阿! 好小可以食到呢個組合既西多士,值得一試!個set都係30蚊左右,有一杯野飲跟,好抵~

星期日下午本以為可以懶洋洋hea吓,點知家人要攪清潔攪衛生,終於忙碌咗整整一個下午差不多五點幾先可以收工。出街醫肚,不自覺又行到依間Redrice。坐落見到還可以order下午茶餐,分別叫咗"輕營玉子肉醬芝士焗飯餐$29.5"同埋"輕營鐵板雞扒飯餐$31.5"。可能剛剛大掃除出咗力執執拾拾,特意加點一個免費贈送嘅"香草特濃忌廉藍青口"。試咗一口屋企人點嘅玉子肉醬芝士焗飯,肉醬同芝士分量配搭啱啱好加埋流心嘅玉子,口感出奇地好味我自己叫嘅鐵板雞扒,上檯時剛好皮脆肉滑,有肉香加上依間小店嘅伙記(服務到位)不單止有禮貌,幫客人搵位,還可以好似酒店一樣,順應客人要求(醬汁另外上),咁樣我可以自己調較,值得一讚。至於贈送嘅藍青口都算嘅驚喜,因為大大小小都有十隻八隻一碟。最抵讚係果個"特濃忌廉汁",果真香滑順喉。真係忍唔住攞咗三兩匙羹嚟餸雞扒飯,依餐超滿足埋單時因為係會員,重有九五折㖭

天口熱熱哋無乜胃口唔想係屋企煮食,同太座出街走一轉。行到依間Redrice睇見係成條毓華里比較新派嘅食肆,剛啱六點半左右還算容易搵位,坐落之後叫咗兩個廚師推介嘅晚餐。首先上檯係跟沙律餐跟餐湯同埋多士,太座嘅反應再嚟就係正場係太座order嘅"菠蘿粒大蝦沙律";味道賣相都吸引。當我自己order嘅"煎蛋咖喱豬批上檯,急急試嘗一啖。咖喱辛辣情度適中,啱晒我口味豬扒鬆軟入味而滲滿咖喱味。煎蛋流心而蛋汁滲落白飯,再拌勻少少碟邊嘅咖哩汁放入口,個中滋味最後完滿結局就係my favour 即磿咖啡。點解埋單會係$76呢??皆因有會員優惠咭可以享受九五折嘛

慈雲山是其中一個多美食的地區，價廉物美的餐廳比比皆是。不過近日這條食街也換上不少新面孔，Red Rice 是站得住腳的一員。午市套餐盛惠三十幾，甚為優惠。肥牛份量頗多，烏冬 Q 彈。喇沙湯味道濃。唯獨雞翼就奀瘦了點，不夠肉。餐飲太過甜，唯有等冰溶了再飲。提提大家要叫少甜。相行友人想食漢堡，侍應回覆有和牛漢堡。看樣子感覺不俗。漢堡上得較慢，也許很少人下午點漢堡吧，本來菜單也寫是晚餐，哈哈。漢堡套餐的樣子不錯，薯條是剛炸好的。漢堡的牛肉好厚實，有水準。

下午五點半打後路過見裡面人頭湧湧,即管一試。試叫一個"輕營鐵板牛肉飯",原來係用肥牛片圍邊,白飯放置中央,附加栗米粒裝飾,用熱鐵板上檯。我指明自己落汁,所以分開上。醬汁頗多選擇,有黑椒,咖喱,白汁,蒜蓉。。。價值大眾化味道唔錯,一定有下次。

慈雲山不嬲都多好嘢食用「飯」嚟做主題嘅餐廳又幾得意喎 🍚呢度有個口號叫「等您開飯」幾咁 warm？！😂【卡邦尼肉丸鐵板飯】呢個係朋友叫嘅，食物嘅組合有啲奇怪佢話個白汁好稀，普普通通不過啲雜菜幾 colorful，好似令到個飯有營養咗【 吉列炸蝦蛋包飯 】我嗰個飯就好好多 👍🏻👍🏻👍🏻個蛋好滑～三隻吉列蝦唔算好大隻，但係炸得外脆內彈牙炸衣唔會話好厚嗰隻茄汁有番茄碎，味道都幾新鮮右邊有沙律，拍得住啲西餐廳喎 🥗啲菜好新鮮多款，係胡麻醬少咗啲lunch set 加 $6 有特飲，我揀咗仙草奶茶正常味道，仙草粒都多呢度都多選擇又唔貴同埋每個飯都會比啲菜你，感覺有益啲 😂

對上一次經過見到呢間餐廳嘅裝修靚靚地，本身都有d興趣，今日再經呢度附近本身想食越南野，見到太多人所以轉左過嚟呢間。個menu都有d 設計，都整得幾靚！夜晚佢有晚餐set 有埋野飲，不過唔岩食所以無叫餐！佢d 飯都唔貴，好似都幾抵食！叫左一個濶佬·原條蒲燒鐵板鰻魚飯同埋板煎雞扒蛋包飯！首先先嚟鰻魚飯，個飯嘅賣相唔差wor。同佢menu 幅相都算係符合，算係好似樣。個鰻魚飯條鰻魚算大條，個飯又有d粟米可以撈下，都唔錯！唯一要彈係比較少汁有d乾，所以我喺個雞扒飯度攞d汁撈落個鰻魚飯度，撈完又ok wor！加左黑椒汁之後味道有d似Pepper Lunch！個雞扒飯同menu都係似樣，呢個同個鰻魚飯相反，佢就多左少少汁。而蛋包飯入面嘅飯係蕃茄飯，又有d驚喜wor！飯嘅飯量都好夠，味道亦都唔錯！可以再encore！

睇網上食評話慈雲山有間餐廳有勁長豬肋骨食，就帶埋朋友去試下個日冇book位，所以朋友早左去都要等位，等位既時間都幾長，門口仲有好多人拎籌等緊最尾兜左幾個圈，返到去就發現岩岩好到我地入座之後嗱嗱林點野食原本打算試個個長豬肋骨芝士烏冬既，但睇完menu我都係最愛雞肉，所以點左炸雞配芝士烏冬上碟既方式幾得意，下面係芝士湯烏冬，上面就放住炸雞同薯角炸雞炸雞既皮同粉有啲厚，但我要求唔高，都係可接受範圍，怕肥既朋友就咬走哂啲皮冇食同埋我最鍾意食薯角，呢個餐最好食係個薯角，夠熱同外表脆，突登問侍應姐姐拎多啲茄汁去點食呢個餐係會配送多兩件雞軟骨餃子，我覺得都係普通既質素想講呢間餐廳既碟都好得意，有啲漫畫風，好似上面擺餃子個碟咁所以影食物影出黎都唔會咁dry個餸同啲配料中規中矩，但係個所謂芝士湯烏冬個湯冇芝士之餘，又稀到好似水咁，而個湯又凍，搞到成個餐既質素之前聽朋友講呢間餐廳唔好食，今次試完之後我諗都唔會再幫襯，因為附近都大把好啲既選擇

奶奶揀的餐廳，排隊也挺長龍坐下看餐牌發現款式也挺多，揀咗呢間，蛋包飯的蛋滑得很，漢堡扒肉汁很嬾，雞翼最美味，很香脆，有驚喜墨魚意粉麻麻地,沒甚麼味道，吾會encore 鐵板份量和味道也算合格了綿花糖吐司賣相很佳，但太甜，吾岩我食總括環境、食物和價格也ok,太多人排隊，等侯時間太耐

這裡的服務簡直一流到爆, 落單叫極唔應真可愛,很喜歡這裡的員工,對客人的態度非常好,大家談天都喜歡大叫,很有個性和人情味! 食物方面 無法評論.簡直好味到爆登, 西炒飯要人加多包茄汁先有味 建議大家經一試.

查實呢度既野食都可以，唔叫做好好食，環境尚算唔錯，有免費wifi 用，最令我深刻係，員工當客人面前大大聲鬧其他員工送錯餐，叫侍應落單，至少要嗌「唔該，落單寫野」兼舉手示意五次，先會有人見到你。重視service既，自己諗諗喇呢個芝士炸雞係伏黎架，因為唔係炸雞，芝士又唔係好拉到個款兼芝士質地稀稀地。盛惠$42雜扒，一般焗豬，夠飽肚，但芝士太少喇。希望佢地希改善啦，咁先至長做長有，見佢餐牌有甜品，但無供應，睇落甜品唔錯，期待一試

同朋友去左呢間餐廳食午飯我地大部份人都叫了個蜜糖烤雞扒拼司華力腸鐵板汁就選照燒汁為了食飽啲我地選了飯鐵板送嚟果陣仲着緊所以要小心等多一陣先開始食唔知係咪因為鐵板燒到啲餸有點乾汁係ok但我唔覺得雞扒和司華力腸好食味道都係一般般食完都夠飽飲品就加6元選特飲我選了黑糖薑母蜜飲品賣相唔吸引而且薑味好勁我有啲頂唔順不過我都飲得哂個飯$47元加埋野飲就$53埋單同其他午餐比較呢個價錢嚟講唔太抵但同鐵板比既話都算平既不過味道就同價錢就成正比啦

上星期先發現依間野見幾多人食喎咪諗住實無死跟左海鮮焗飯d海鮮完完全全係佳寶果d海鮮蟹柳，魚，魷魚圈，墨魚仔等等肯肯定係無醃過重有陣水味，飯又差，好多飯焦你話焗飯有飯焦有乜咁奇奇就奇在係飯心入面員工重要唔理人，難捉過啓暴龍攪到我食到一半就放棄重要收成60幾蚊一餐大家去之前諗清楚係咪要重覆我既經歷...